ESCHOIR

verbe

[T-L : eschëoir ; GD : eschaer, eschair, escheoir ; GDC : escheoir ; AND : escheir ; FEW (III, 262) : *excadere ; TLF (VII, 650a) : échoir]

I. -Emploi intransitif.

A. -[Dans l'espace]

1.[Rare, d'une chose] Choir, tomber, s'écrouler.

Pour tremble-terre escheust le temple, Et c'est fait naturelement, Mes touchant le succistement Des mortz, ne sçaroys que respondre. (Pass. Auv., 1477, 274)

2.[D'une pers.] Arriver, se présenter qq. part.

...la nous tenrons une piéce Jusqu'a tant que marchant eschiéce Qui me requiére. (Mir. Pierre Changeur, c.1378, 268)

Sus le point de mienuit, il se departirent (...) Et esceirent sus le logeis le conte de Qenfort (Froiss., Chron. D., p.1400, 611)

Ne pouvoir mieux eschoir. Ne pouvoir mieux arriver.

Et bien savoie que se je povoie avoir l'aventure et la grace de venir en son hostel et là estre à loisir, je ne povoie mieulx ou monde escheir pour estre informé justement de toutes nouvelles. (Froiss., Chron. M., XII, c.1375-1400, 2)

B. -[Dans le temps]

1.[D'une chose] Arriver, survenir.

Mais on la doit celéement Donner [la joie] et attempréement, Quant li lieus et li temps eschiet ; Car cils de s'onneur trop dechiet Qui par trop folement parler, Ou par mauvaisement celer, Ou par sa hastiveté pert La joie et le bien qu'il dessert. (Mach., D. verg., a.1340, 46)

...lorsque le cas escherra (Ch. VI, D., t.1, 1385, 64)

Et quant venra a elle a parler ou respondre, selon le cas qui escherra, si sagement s'avisera du faire que elle ne puisse estre reputee simple ne ignorante. (Chr. Piz., Trois vertus W.H., c.1405, 49)

...pour obvier, pourveoir et remedier aux dommages, eminens perilz et inconveniens qui escheoient chascun jour pour le fait et occasion des divisions, guerres et gens d'armes estans en ce royaume (Fauq., I, 1417-1420, 52)

Et pour ce chascun de eulz jurera, promettera et se obligera de comparoir a heure et place a eulz assignez, tant a la journee de savoir se gaige y sera comme a celle de la bactaille, se battaille y escherra (La Sale, Salade, c.1442-1444, 211)

Adjousta ledict Abraham, sur les regles de ses predecesseurs, que ès jugemens des grandes conjonctions et eclipses, commectes ou revoluctions des ans, que l'on eust principallement regard au Soleil, si elles advenoient de jour, ou à la Lune, si elles se faisoient de nuit, selon ce que les figures escheoient noturnes et diurnes, ce qui est encores observé et en usaige (Simon De Phares, Astrol., c.1494-1498, f° 18 v°)

Eschu. Arrivé.

...veu les confessions, continuacions et perseveracions faites par lesdites prisonnieres (...) l'usaige et coustume gardée ou Chastellet, et cas samblables advenuz et escheuz autrefois oudit Chastellet (Reg. crim. Chât., II, 1389-1392, 337)

En particulier. Arriver (à telle période).

En ce temps escheirent les Paskes si hault que, environ closes Paskes, on eut l'entrée dou moi de may. (Froiss., Chron. L., III, c.1375-1400, 7)

...et furent les nuepces augmentees pour le couronnement, qui escheyrent tout sus ung jour. (Percef. III, R., t.2, c.1450 [c.1340], 152)

Le filz de Dieu qui le monde vainqui En paix nasqui dessoubz Octoviien ; L'an mil cinq cens, ung mains, fevrier, rendi, Par ung lundi Que bissexte escheÿ, Ce filz icy [Charles d'Autriche] (Molinet, Faictz Dictz D., 1467-1506, 356)

2.Emploi impersonnel.

a)Il eschoit qqc.

Quelque chose arrive.

Dame, il eschiet souvent grans pertes Ou l'en cuide grant gaaing avoir (Mir. Amis, c.1365, 21)

Non pas que il feïst mal, mais il establi la loy ou il povoit escheoir deffaute et pechié. (Oresme, E.A.C., c.1370, 324)

...il n'ont pité ne merci de nul gentil homme, se il eschiet entre leurs mains prisonniers. (Froiss., Chron. L., V, c.1375-1400, 64)

Emploi absolu.

...il n'est pas determiné precisement combien ce est, car ce est si comme il eschiet. (Oresme, E.A., c.1370, 299)

Ossi bien poet Diex envoiier sa grasce et sa fortune, quant il eschiet, à un povre escuier que il fait à un grant signeur. (Froiss., Chron. L., IV, c.1375-1400, 27)

Quelque chose convient.

N'eschet il pas pugnicion A la folle preumpcion Dont il est si plain ? (Michel, Myst. Pass. J., 1486, 314)

Ainsi eschoit de qqc. Ainsi en va-t-il de qqc..

Ensi eschei de ceste aventure, dont messires Guis fu durement prisiés et amés dou roy de Navare. (Froiss., Chron. L., VI, c.1375-1400, 108)

Il eschoit malement à qqn. Mal en prend à qqn.

J'avoie le Saint despité De siens trop vilainement Sy me escheï malement, Mais tantost que m'en repenty, Alegence du mal senty (Vie st Fiacre B.C.P., c.1380-1400, 38)

b)Eschoir que. Arriver que.

...car, tout ainsi comme un corps bien fait quant il est meü senz voiement, il li eschiet que il est plus fort et plus perilleusement deceü pour ce que il n'a pas voiement par quoy soit gouverné son mouvement, ainsi est il en nostre propos. (Oresme, E.A., c.1370, 358)

...Dieu mercy, m'est escheu Que j'ay ces cinq prisonniers pris (Mir. fille roy, c.1379, 79)

Et escei que les nouvelles de ces promotions dou roi d'Engleterre a calengier l'iretage de France se bouterent avant (Froiss., Chron. D., p.1400, 255)

Si luy escheut si tresbien que par une damoiselle de leans (...) elle fut advertie (...) de la descouverture des amours de Gerard et d'elle (C.n.n., c.1456-1467, 164)

Bien eschoit à qqn que. Quelqu'un a la chance de.

Sy tres bien m'escheÿ que le mien corps trouva Sur les prés ung destrier, ne sçay qui l'enseella (Tristan Nant. S., c.1350, 432)

3.Arriver à échéance.

...le Roy n'avoit mie de present finance pour paier lesdis arrerages entierement, mais selon sa possibilité en feroit paier une partie desdiz arrerages escheus depuis son advenement en cedit royaume de France (Fauq., III, 1431-1435, 16)

...et que, desormais, seront paiez de mois en mois, à commencier le paiement de ce qui leur est deu et escheu depuis le premier jour de janvier derrain passé (Fauq., III, 1431-1435, 37)

Dient aucuns sages Que le mary, comme j'entens, En est tenu par tous usaiges, Veu qu'ilz [les arrérages] sont escheuz de son temps. (Coquill., Oeuvres F., 1478-p.1494, 143)

4.Arriver à terme.

...sur ce luy bailler voz lectres de consentement (...), affin que ladicte somme il puisse doresenavant lever aux termes et en la maniere acoustumez, et estre paié pour rata du temps qui est escheu (Lettres Louis XI, V., t.7, 1478, 104)

Lequel pour eviter arrogance et pour y besongner plus seurement, sans encourir pour ce l'indignacion des seigneurs, et avant que laditte journée escheust, en voult bien avoir leur deliberation, et mesmement de Mons. de Loheac, mareschal de France... (Le Clerc, Interp. Roye, c.1502, 355)

Eschu. Passé, expiré.

Et, pour ceste cause, le roy fist arrester les deniers et descharges qui avoient esté levez pour le paiement dudit monseigneur le connestable, et des IIIIc lances de sa charge et retenue pour le quartier d'avril, may et juing lors escheu, qu'il print ledit Saint-Quentin. (Roye, Chron. scand., I, 1460-1483, 313)

...dist avoir trouvé quelque quasi insensible erreur, c'est assavoir que en deux mil CLX ans y avoit faulte de XXIIII heures. Touteffois il excuse icelui Ptholomée, disant que ce ne venoit pas par ignorance ou faulte d'entendement, ainçois venoit pour le temps escheu où il eschet grande et longue vaccacion. (Simon De Phares, Astrol., c.1494-1498, f° 108 v°)

Et audit tiers sabmedi escheu depuis icelle seconde criée se fera la tierce et derreniere criée de quarantaine (Cout. instit. Anjou Maine B.-B., t.4, 1496, 452)

C. -Au figuré. [D'une pers.]

1.[Entrée dans tel ou tel état] Eschoir dans/en/entre

Eschoir en qqc.

La le faut en grant dangier estre Et escheïr et demorer. (Froiss., Joli buiss. F., 1373, 125)

Si se doubtèrent d'eulz meismes que il n'escheissent en ce parti et entre mains d'arciers, qui point ne les cognuissent. (Froiss., Chron. L., III, c.1375-1400, 143)

Ce terme pendant et ceste chevaucie faisant, chil de Poitiers escheirent en grant discention et rebellion l'un contre l'autre. (Froiss., Chron. R., VIII, c.1375-1400, 60)

Si se doubterent de euls meismes de esceir en ce dangier (Froiss., Chron. D., p.1400, 691)

Eschoir en tel sentiment de qqn. Susciter (tel sentiment, affection, haine...).

Et estoit en tous estas si très gracieux que dessus tous aultres il passoit route. Et le temps qu'il demora en Engleterre, il eschei grandement en le grasce et amour dou roy et de la royne. (Froiss., Chron. L., IV, c.1375-1400, 123)

...pour ce que ses fils nonmés Edouwars n'eut point celle grasce ne bonne aventure d'armes (...) escei ils en haine et indignation de son peuple. (Froiss., Chron. D., p.1400, 41)

[Formule proche] Eschoir en coeur à qqn. Éveiller l'amour en qqn.

'Amenés vostre niepce en pelerinage à Saint Jehan d'Amiens, et li rois sera contre li. Se il le voit, espoir le golousera il, car il voit volentiers toutes belles coses et les aime ; et, se elle li eschiet en coer, elle sera roïne de France.' (Froiss., Chron. R., XI, c.1375-1400, 225)

Eschoir dans/entre les mains de qqn

Et li doi signeur d'Engleterre, messires Guillaumes de Montagut, contes de Sallebrin, et li contes de Sufforch escheirent en le main de leurs ennemis (Froiss., Chron. L., II, c.1375-1400, 7)

...li aucun escheoient en bonnes mains, et (...) trouvoient leurs mestres courtois. (Froiss., Chron. L., VI, c.1375-1400, 169)

Et escei li rois ens es mains d'un esquier de Norhombrelande, liquels se nonmoit Jehans de Qopelant. Chils prist le roi d'Escoce par vaillance de corps et d'armes (Froiss., Chron. D., p.1400, 781)

...le Dieu Souverain (...) a consenty que je escheis entre voz mains (Percef. III, R., t.1, c.1450 [c.1340], 98)

2.Eschoir à + inf. Réussir à.

Et, se par aventure il avient que il eschie a prendre plus noble proie par leur labour comme un cerf ou un sanglier (...), il font une joie merveilleuse (Foul., Policrat. B., I, 1372, 102)

II. -Emploi transitif indirect. Eschoir à qqn

[D'un bien] Revenir à qqn.

Et welh que ches laisses faites soient a elles et a leurs hoirs eskeuwes apres le deches de me dame me meire et de mi. (Hemricourt, Pièces div. B.P., 1337, 47)

Car Fortune sans ordennance De son tour meïsmes s'en tort, Car trop po donne riens, sans tort Faire, quele part que ce soit ; Qu'en donnant faussement deçoit. Li bons par Fortune dechiet, Et souvent au mauvais eschiet Li biens qui dou bon est cheüs, Quant par Fortune est decheüs. (Mach., D. Aler., a.1349, 318)

Si que nuls de leurs mains n'eschape, S'il n'est dont tels qu'il n'ait que perdre. A tels ne s'ont cure d'aërdre : Car qui riens n'a, riens ne li chiet ; De tels gens riens ne leur eschiet. Mais couvoiteus ont tel defaut Que quant plus ont, plus leur deffaut, Et quant plus sont puissamment riche, Tant sont il plus aver et chiche (Mach., J. R. Nav., 1349, 140)

...chascun desdis freres, pour la terre qui escheue leur est de la fille de feu messire Jehan de Trugny, leur cousine germainne, XII sepmainnes. (Trés. Reth. S.L., t.2, 1364, 166)

...si vous doing (...) Le royaume de Mirabel Qui m'est escheu de nouvel (Mir. Oton, c.1370, 387)

...la ducé de Bourgongne (...) nouvellement li estoit escheue. (Froiss., Chron. L., VI, c.1375-1400, 77)

...et les conseilloit, confortoit et aydoit [les Anglais] de son povoir, et eust aidié tant qu'il eust peu, et jusques en la fin de ces presentes trèves faillies, et qu'il eust sceu auquel desdiz seigneurs ledit pays de Limosin feust appartenu, qu'il eust tenu le parti de celui à qui il feust venu et escheu, jà soit ce que tousjours il qui parle eust esperance de s'en retourner en l'obeissance du roy nostredit seigneur. (Reg. crim. Chât., II, 1389-1392, 189)

...ce aussi qu'il cognoist et advoue à tenir de l'evesque de Limoges tout ce de terre, rente et revenue qui lui eschei par la mort de sondit feu pere, lequel evesque tient nuement en foy du roy nostre sire (Reg. crim. Chât., II, 1389-1392, 206)

Qant li roiaulmes de France li fu escheus par la succesion de ses freres, le roi Lois et le roi Phelippe, et que li douse per l'eurent couronné a roi, il regarderent que li roiaulmes de France demorroit sans hoir, se chils rois Carles ne se remarioit. (Froiss., Chron. D., p.1400, 173)

[D'une chose quelconque]

...bonne aventure li escheist en ce voiage (Froiss., Chron. L., V, c.1375-1400, 197)

'Certes, le courraige m'eschiet trop mal pour celle journée, ne je n'ose à bataille attendre les oncles du roy, car, se ilz me tiennent, ilz me feront morir honteusement. Comment, deables, ont-ilz passé la riviere de la Tamise ? C'est une povre signifiance pour nous !' (Froiss., Chron. M., XIV, c.1375-1400, 69)