SUBSIDE

substantif masculin

[T-L : subside ; GDC : subside ; FEW (XII, 353b) : subsidium ; TLF (XV, 1020b) : subside]

A. -Assistance, aide.

Car senz l'amistié naturele qui est entre eulz, aveques ce est ce chose humaine que ilz ne denoient pas ou refusent l'un l'autre aide et subside. (Oresme, E.A., c.1370, 451)

...requerant de eulz suffrage et subside gracieux (Jean Golein, Rational B.D., c.1370-1372, 475)

Mais quel bien, quel proffit, quel honneur, quel subcide, quel avantaige, quel confort, quel ayde et quel conseil pour vous mectre sus vous en puet advenir pour estre vaillant homme ? (La Sale, J.S., 1456, 16)

Et pour tant elle [la puissance de Dieu] ne puet faire pechié ne faire pechier, et ne puet aussi faire qu'elle soit subjecte ou submise en souffrant, ne avoir besoing ou necessité querant a aucuns subside ou ayde. (Somme abr., c.1477-1481, 161)

Remarque : GRÉBAN, Pass. J., c.1450, gloss.

B. -Au pluriel. Troupes de secours.

Et dist on plus que du commandement Camille la baniere fut gettee dedens la bataille des ennemis, laquelle choze esmut les chevaliers qui aloyent devant de l'aler recouvrer. Ylecques furent premierement reculé li Anciate. Si ne fut pas seulement celle paour espandue en la premiere bataille des ennemis, ainçoys s'espandi jusques aus subsides [trad. lat. subsidiarii] (Bers., VI.8, c.1354-1359, ms. Paris, B.N.F., fr. 263, f° 115d)

En subside. En subsides. En réserve, pour apporter de l'aide, comme troupe(s) de secours.

Et si estoit apréz de cele partie meismez en subsides li roys et sa cohorte (Bers., XXXVII.40, c.1354-1359, ms. Paris, B.N.F., nouv. acq. fr. 27401, f° 93d)

De ce lieu, voiant quelz choses en nos logis se faisoient, envoia illec ceulz de la .x.^e legion en subside, lesquelz congnoissant la fuite des equestres et fundibullaires, (...) tant aigrement y acoururent qu'ilz sambloient voler en l'air (Duchesne, César, 1473, III.13, f° 89c)

C. -[Secours d'argent]

1.Secours en argent, aide financière.

...l'an passé, falu que chascun feu paiast XLVIIJ frans, sans ce qu'il ayent eu ayde ne subside d'aucuns dehors de leur dit païz. (Baye, II, 1411-1417, 12)

...et comment est il raisonnable que, toutes les fois que le seigneur vuelt avoir ayde et subcide de ses hommes, que il leur doye signiffier ? (La Sale, Salade, c.1442-1444, 15)

Redevance en argent ou en nature.

...et aussi ceulx qui sont descervians [de la forêt] doivent estre exens du fouage et de tous autres subcides quelxconques en leurs lieux où ilz sont demourans seullement (Hector De Chartres, Cout. R., 1398-1408, 293)

2.Aide pécuniaire réclamée par le souverain pour les nécessités du royaume, en partic. de la guerre ; tout impôt occasionnel.

Savoir vous faisons que nous avons donné et donnons ceste foiz, de grace especial, par la teneur de ces lettres, à nostre amé et féal le viconte de Thouart, le subside imposé pour noz presentes guerres sur ses justiciables et subgiez sanz moyen, pour le lever à son prouffit ou en faire sa voulenté. (Doc. Poitou G., t.2, 1338, 137)

Encore y a chose qui m'est po belle, C'est maletoste et subcide et gabelle, Foible monnoie et imposition Et dou pape la visitation. Or faut paier pour .VIIJ. ans les trentismes Et sans delay pour le roy .IIJ. disismes. (Mach., Compl., 1340-1377, 251)

Pour les despens Jehan de l'Ospital, lieutenant François de l'Ospital, 4 chevaliers (...), 3 varlés a cheval (...), 8 chevaux, un coursier, un sommier et 3 varlés de pié (...) pour aler a Roan et es parties de Normendie et de Picardie recevoir deniers, des tresoriers generalz du subside de Normandie (Clos galées Rouen M.-C., t.2, 1341-1342, 63)

...Bouclet, sergent du roy (...) estoit alez par commissions du prevost de Vaissi (...) senefier une sauvegarde du roy et esploiter certaines persones qui avoient receu des deniers du roy et devoient au roy, pour cause du subside des guerres (Conf. Jug. Parlem. Paris L.L., 1350, 183)

Dune autre taillée ou subcide cuillie et levée en la ville et viconté de Carenten pour une foiz sur pluseurs personnes particullieres pour les vuidemens du Houme et du Pont d'Ouve (Compte Navarre I.P., 1367-1371, 38)

Il [le roi Pierre] vuet empetrer un succide, Aucun confort, aucune aïde Pour la sainte Crestienté, Où son cuer a mis et enté, Et pour les Sarrazins destruire. Vive tels roys et ja ne muire ! (Mach., P. Alex., p.1369, 217)

Et disoient que, dou temps passé et qu'il avoient obei au roy de France, il n'avoient esté grevé ne pressé de nul souside, imposition, fouage ne gabelle (Froiss., Chron. L., VII, c.1375-1400, 67)

Quartement, il voloient que nulz rois de France, si hoir ne si successeur, ne peuissent mettre ne assir sus yaus ne sus leurs masniers taille ne sousside, gabelle, ayde ne imposition nulle ne fouage ne cose qui le ressemblast, se il ne l'acordoient ou donnoient de grasce (Froiss., Chron. R., VIII, c.1375-1400, 82)

Il respondirent adont que il ne voloient ne guerre ne mautalent au roi, leur sire, mais il voloient que ces impositions, aides, sousides et gabelles fussent nulles et Paris auxemté de tels coses (Froiss., Chron. R., X, c.1375-1400, 154)

...le Roy a ordonné que monsr le duc d'Orleans, son frere, s'entremette du fait de ses finances des subsides ordonnés pour les guerres (Baye, I, 1400-1410, 33)

...l'en avoit mise suz une grant taille, montant, comme j'ay oy dire, XIJ ou XIIJc mil frans ou royaume, nonobstans les autres grans et divers subsides qui couroient par le royaume (Baye, I, 1400-1410, 34)

Ne lui fauldroit mettre subsides, Tailles, gabelles ne aides Pour soustenir diverses charges Ne pour armer naves ne barges (Chr. Piz., Chem. estude P., 1402-1403, 143)

Et neantmoins maistre Pierre Le Gayant les wolt imposer à taille ou subside pour le connestable, dont appellerent ceans (Baye, II, 1411-1417, 13)

...monseigneur, par ses lettrez de previlege (...) a donné congié et licence ausdiz habitans que de lors en avant ilz puissent mettre et asseoir toutes foiz que bon leur samblera telz impostz, subcides et assiz (Comptes Etat bourg. M.F., t.3, 1416-1418, 131)

...soubz umbre de certaines appellacions et procès que on faisoit en cas d'appel en la Court de Parlement, l'execucion du subside octroyé pour la delivrance des forteresses de Pacy, Orsay, Sentines et Marcoussy, surseoit (Fauq., II, 1421-1430, 127)

La IIII^me chose est que vous doyez faire coulre seurement toutes marchandises par voz païs et seignouries. La V^e chose est que vous doyez garder et actempter de non mettre nulles imposicions, subsides ne aultres afflictions a vostre peuple, se tresgrant besoing ne vous constraint (La Sale, Salade, c.1442-1444, 21)

Lequel pays demourra deschargié à tousjoursmais, tant pour le passé que pour le temps advenir, de tous affouaiges, quises, gabelles, aides, subsides, emprumptz et autres prestacions et charges extraordinaires quelxconques (Archives servit. Louis XI, T., 1477, 108)

Et si ne seront [les habitans] capables ne asseables d'oresenavant à quelque taille, ayde, subside, gabelle ou autre composition. Et se ne pourra le Roy ou ses gens faire ne ordonner grenier de sel ne autres choses pour y submectre les dis habitans. (Hist. dr. munic. E., t.1, 1482, 120)

Et pareillement n'entendons ne voulons que soubz couleur de chief d'euvre, que doresennavant sera fait oudit mestier, l'en puisse ou doye asubjectir, asservir, ne contraindre lesdits espiciers et apoticaires, et leursdites vefves, au guet de quatorze deniers, ne ès autres charges, subsides et subvencions quelzconques que ont accoustumé de faire et paier les gens de plusieurs autres mestiers (Mét. corp. Paris L., t.1, 1484, 510)

Qui fait venir susides, empruns, tailles, Mouver guerres et susciter batailles, Et aux povres touldre oves et boves, Fors seulement le peché des mauvais ? (Cene dieux, c.1492, 119)

3.Par extension. Imposition, redevance quelconque.

Translateur : Publicain est celi qui vaque a conceuillir les trib[us] et les subsides publiques, lesquelz nous appelons communement en France impositeurs. (Nic. Gonesse, Val. Max., 1383-1401, IX.1.1, glose, f° 346c)

Et par ce je puis bien par tous ces pors aller Sans quelconque subcide nesunement paier (Flor. Octav. L., t.2, c.1400, 491)

Ne seront contraincts doresnavant lesdits manans et habitans desdits païs de Guyenne et de Bourdelois de payer aulcunes tailles, impositions, gabelles, fouages, cartages, ne autres subsides quelxconques. (Doc. 1451. In : CHART. J., Chron. Ch. VII, V., t.2, c.1437-1464, 288)

...le roy priva et fit priver l'Université de Paris et aultrez gens d'eglise (...) des franchises desquelles ilz avoient acoustumé de user et jouir paisiblement en tout le temps passé (...) c'est assavoir de povoir vendre vin à detail sens paier aucun quatriesme ne aultre subside. (Maupoint, Journ. paris. F., p.1461, 50)

...estoient lesdicts francs archers frans de tailles, de guet de porte et aultres touchant leur creu et aultres suscides. (Lettres Ch. VIII, P., Pièces justif., t.3, 1488, 394)

...et, entre aucunes siennes prenosticacions, prenostica les subsides que le pappe Ignocent vouloit mectre sus, car il crea XXX cardinaulx et s'efforça assez tost après de lever sur la moictié de l'Eglise, à quoy resista en France l'escolle de Paris (Simon De Phares, Astrol., c.1494-1498, f° 148 r°)