SOUSTRACTION

substantif féminin

[GD : soustraction, substraction ; GDC : soustraction ; FEW (XII, 368a) : subtrahere ; TLF (XV, 812a) : soustraction]

A. -Suppression de qqc., fait de supprimer, d'enlever qqc..

ARITHMÉTIQUE Fait de soustraire (un nombre d'un autre), soustraction.

De substraction, c'est assavoir comment on peut un nombre oster de l'autre et veoir combien demeure. (Legrand, Archil. Sophie B., c.1400, 246)

Et doit on savoir que en soustraction ne sont requis que deux nombres, c'est assavoir le nombre que l'on veult soustraire et le nombre duquel on le veult soustraire (Nic. Chuquet, Triparty M., 1484, I, 595)

MÉDECINE Soustraction du sang. Saignée.

La seconde [chose] est que en l'eage moyen, c'est assavoir depuis .XXX. ans jusque a .XLV. ou .L., on doit plus extraire de sanc que en aultre eage, car en icelluy eage le sanc s'engendre et multiplie grandement, et en icelluy eage la substraction du sanc n'empesche pas l'augmentation du sanc et ne se diminue pas la vertu du corps humain, a cause que en celluy eage la vertu ne augmente ne diminue semblablement (Rég. santé corps C., 1480, 161)

RELIGION

Soustraction de grace Privation de grâce.

Toutesfois une chose je ose affermer : que personnes bien prouvees et de bonne vie ont deul de la substraction de tele grace et le repute perilleuse et penible. (Traité S. Sacr. B., c.1450-1500, 155)

CONSCIENCE. L'Escripture tesmoigne la verité ; mais je vouldroie bien oyr, s'il te plaisoit, a quoy vault a la personne et a quoy peut prouffiter ceste substraction de grace de laquelle nous parlons. RAISON. Elle vault beaucoup a garder et confermer humilité. Saint Bernard dist, sur les Canticques, que privation et substraction de grace est destruction d'orgueil, et vault tele privation a rebouter vaine gloire (Traité S. Sacr. B., c.1450-1500, 155)

B. -Action d'enlever qqn.

...si comme larrecin, adultere, malefice ou empoisonnement, paragogie, seducion ou substraccion cauteleuse de autrui servant, occision faite en traïson et faux tesmoignange [l. tesmoignage d'apr. ms. B] . (Oresme, E.A., c.1370, 283)

BELZEBUTH. Par totalle substraction Sçarons les humains possesser. (Myst. Pass. Troyes B., a.1482, 89)

1.Suppression de qqc., fait de supprimer, d'enlever qqc..

C'est substraccion d'une chose qui peut venir a autre, comme seroit empeechier ou destourner le conduit par quoy l'eaue vient a son voisin. (Oresme, E.A.C., c.1370, 283)

Et ceci octroient ilz et dient que tristece est deffaute ou substraccion de ce qui est selon nature, et que delectacion est repleccion de ce qui est selon nature. (Oresme, E.A., c.1370, 501)

Or pousons donques que aucune foys elles [les estoilles] soient nomper, et d'autre partie, selonc Aristote, c'est impossible que ou ciel soit faite addicion ou substraction d'aucune estoille. (Oresme, C.M., c.1377, 212)

C. -[Domaine politiue ou religieux] Fait de se soustraire à l'obédience d'une autorité.

[...d'un roi]

La guerre que vous avez occuppe voz princes et voz barons tellement que a paine auroient ilz loisir de eulx diviser. Se avez paix aux Englois ilz se diviseront, et voz subgetz aussi, car ilz y sont assez enclins ; par quoy vendront et sourdront guerres civilez et particulieres, lesquelles seront plus dangereuses et perilleuses que la guerre que avez contre voz ennemis, et espoir seroient cause de faire une subverssion generale contre vous, et espoir substraccion, aussi bien que on a fait au pape (Juv. Urs., Loquar, 1440, 395)

[...du pape, en partic. au moment du Schisme]

Monseigneur le duc de Bourbon juré et interrogué, dist et approuve la voye de cession comme la meilleur. Et quant à la soustraction n'a mie grant cognoissance et en doubte moult (Ch. VI, D., t.1, 1398, 142)

Reverent père en Dieu, et très cher et très bon ami. Vous m'avez escript que je envoye aucuns de mes gens à Paris afin d'estre à l'assemblée des prélaz pour savoir mon oppinion sur le fait de la substraccion à l'obédience de nostre Saint Père (Ch. VI, D., t.1, 1398, 148)

...et outre persuaderent lesdiz messages ou ambassadeurs à la Court qu'elle voulsist conseiller le Roy de rendre l'obeissance à nostre Saint Pere le pape Benedic XIIIe, qui lui avoit esté ostée en France par la sustraction à lui faicte (Baye, I, 1400-1410, 31)

...ou temps de la substraction qui fu faite à Nostre Saint Pere par le Conseil de l'Eglise et Court de France (Baye, I, 1400-1410, 135)

...l'Université de Paris se tient en la substraction autrefoiz faicte à Benedict, et n'est point son entention de obeir à lui, car il est scismatique et suspect d'eresie (Baye, I, 1400-1410, 171)

Et avoient iceulx ambaxadeurs charge de lui remonstrer amiablement [au pape Bénédict, à Marseille] comment son adversaire se offroit de céder pour l'union de l'Eglise. Et mesmement, ou cas qu'il n'y vouldroit entendre, lui sommer et intimer que tout le royaume de France généralement, le Daulphiné, et plusieurs autres pays des chrestiens, feroient substraction à l'encontre de lui, et plus ne obéiroient à ses bulles ne autres édictz apostoliques ; et pareillement le feroient à sondit adversaire, ou cas qu'il ne vouldroit entretenir ce que par sesdiz ambaxadeurs avoit fait savoir au roy de France et à l'Université de Paris (Monstrelet, Chron. D.-A., t.1, c.1425-1440, 150)

Et est tout notoire que plus grant honneur eust esté à nostre obédience, se Pierre de La Lune [Benoit XIII] eust fait son devoir par voie de cession pour l'union de l'Eglise, que par voye de substraction. (Monstrelet, Chron. D.-A., t.1, c.1425-1440, 317)

...notum fac michi, Domine, finem meum, et le desduit bien et grandement, comme il le savoit bien faire, et finablement fut la conclusion telle comme dessus est dicte, et fut faicte substraction a Benedic, et y eut advis et ordonnances faictes, qui furent gardees et executees. (Juv. Urs., Verba, 1452, 387)