DEDUCTION

substantif féminin

[T-L : deductïon ; GD : deduction1, deduction2 ; GDC : deducion ; AND : deduction ; *FEW (III, 171a) : ducere ; TLF (VI, 913a) : déduction]

I. -Conduite.

A. -Acheminement.

Avant que façons mencion De la haulte exposicion Du tieusme de nostre matiere Qui sert a la deduccion, Moyen et consommacion De gloire parfaite et entiere, La haulte vierge tresoriere, Marie, de grace aulmoniere, Qui onc a mal ne varïa Saluerons par bonne maniere (Gréban, Pass. J., c.1450, 367)

Fait de mener (une entreprise).

...pour la conduicte et déduction du siège de la cité contre Rechiesmont, furent ordonnés pour y aller s^r André de Rinacq, s^r Michiel le Gornais (Aubrion, Journal L., 1483, 149)

B. -Conduite (d'un exposé), énonciation de faits, d'arguments.

...si comme il est dit devant en la deducion de la quarte raison a la conclusion principal. (Oresme, E.A.C., c.1370, 319)

Mais je te promet et affie que luy meismes, par la deducion plaine de mençonges du procés que il y tient, fait du contenu de son livre une droite phillosopholie. (Chr. Piz., Cité dames C., c.1404-1407, 646)

Et certainement sa necessaire science, son infinie puissance, et sa voulenté irrepugnable sont si d'acort que il sçait tout ce qu'il peult, et peult tout ce qu'il veult. Soies content de ceste deduction. Car ça jus tu n'en puis plus avoir, et a moy mesmez qui suis sa fille n'en a il plus permis. (Chart., L. Esp., c.1429-1430, 162)

...et laquelle [la loyauté des sujets du roi] se monstrera encores plus au long en la deduccion de la matiere presente es autres poins (Juv. Urs., Loquar, 1440, 317)

Seigneurs, en la deduccion De nostre petit abregié, Il vous a esté prorongé, A notre possibilité, La divine nativité De Jhesucrist, nostre sauveur (Gréban, Pass. J., c.1450, 135)

...une notable et vaillant femme (...) vous orrez (...) en la deduction de ceste nouvelle, la chose de quoy j'entens amplier et accroistre sa treseureuse renommée. (C.n.n., c.1456-1467, 241)

...comme, Dieu donnant, en la déduction de mon oeuvre ferai apparoir largement (Chastell., Chron. K., t.1, c.1456-1471, 9)

En quoy Dieu toutevoies mist cès et remède contre les proposemens des hommes et plus tost que nul entendement se pust comprendre, comme se dira en la déduction de la matière (Chastell., Chron. K., t.3, c.1456-1471, 312)

Pour ceste euvangile commencerent toutes les assistentes moult fort a rire et de fait en laissierent le filer et desvuidier, et moult fort loerent dame Transeline du Croq de la deduction de son euvangile ensemble celles doctoresses et sages femmes qui l'avoient glosé et si honnourablement deduit et postilé, que mieulx on ne les porroit exposer. (Ev. Quen. I, c.1466-1474, 94)

...pour mieux esclarchir et donner à entendre ce que je vueil dire et mettre avant à la deduction de ma matiere. (La Marche, Mém., I, c.1470, 77)

...quant lez nobles pretendent action contre leur prince, ou le prince contre aucuns d'eulx, generalement ou particulierement, la deduction s'en fait par adjournement du bailly par devant lui et lez nobles seans en siege aux assises ordinaires (Lettres Ch. VIII, P., Pièces justif., t.4, 1494, 338)

Deduction d'un procés. Conduite d'un procès en justice.

Mais je te promet et affie que luy meismes, par la deducion plaine de mençonges du procés que il y tient, fait du contenu de son livre une droite phillosopholie. (Chr. Piz., Cité dames C., c.1404-1407, 646)

...en la deduction duquel procès ledit Pislon a fait defendre que de ladicte promesse il n'est riens, aussi que ladicte Jehanne est fiancée à ung nommé Henry Regnault, et avecques ce qu'elle est femme publiquement diffamée de son corps, et plusieurs autres choses servans à sa matière. (Doc. Poitou G., t.9, 1449, 140)

S'ensiut la deduction du Procés de Honneur Femenin (Michault, Procès honn. F., p.1461, 41)

...en la deduction du procés mon procureur n'a point esté oy (Lettres Ch. VIII, P., t.4, 1494, 96)

Deduction (d'un avocat). Plaidoyer.

Et il, qui (...) avoit grant ferveur de soy monstrer bon et prudent advocat, commença sa deduction en ce point... (Michault, Procès honn. F., p.1461, 47)

Deduction de raison. Exposé raisonné, raisonnement.

Mais, à regir et gouverner soy et aultruy et avoir charge et auctorité sur multitude, est requise grant congnoissance et deduction de raison. Car, pour parfaittement gouverner, fault cognoistre la chose dont on a le gouvernement, et la nature d'icelle, soit beste ou homme. (Bueil, I, 1461-1466, 58)

C. -Conduite (d'un État).

Predist aussi de la deduction et unité des trois monarchies, Asie, Auffricque et Europpe en une empire et accorderent avecque luy en ce, trois grans et souverains astrologiens de Grece (Simon De Phares, Astrol., c.1494-1498, f° 65 v°)

II. -Fait de retrancher, de déduire (une somme d'une autre) ; déduction.

À Monseigneur d'Avrenches, en deduction de certaine grosse somme à li deue à cause de lexcecution [l. l'excecution] de feu Guillemet Porte, fu poié, comme appert par quittance de mon dit seigneur d'Avrenches (Compte Navarre I.P., 1367-1371, 316)

[En collocation avec rabais ou rabat]

...lesqueles sommes d'argent ainsi par lui receues, il païa à plusieurs marchans d'icelle ville de Paris ce qu'il leur povoit devoir, et le residu dudit argent appliqua à son singulier prouffit, en deducion et rabat de ce que lui povoient devoir iceulx mariez pour sa peine et deserte, faite en fourrant les robes d'iceulx, comme dit est dessus (Reg. crim. Chât., II, 1389-1392, 360)

À Mahiet Bougon, serviteur de mondit Seigneur, en deduction et rabat de ce qui li est et sera deu, pour cause des mises qu'il a faites et fait chascun jour, es voiages et autrement, pour les besongnes de mondit Seigneur, depuis le derrain jour d'avril l'an dessusdit IIIIxxXVI ; desquelx voyages il doit compter et rendre les parties, si comme, par certification dudit Adenin donnée le XVIIe jour de novembre et quittance dudit Mahiet donnée le IIe jour de décembre l'an dessusdit, puet apparoir : 100 fr. (Raponde, Comptes La Trémoille L.T., 1396-1406, 33-34)

...en déducion et rabat de plus grant somme (Ch. VI, D., t.1, 1400, 198)

À lui, la somme de treze cens frans par lui renduz en recepte au prouffit de mondit seigneur par sondit compte feny MCCCC et dix, folio XLIII, en une descharge faicte le XXVe jour d'avril MCCCCX par lui levee sur Alphons Le Mire, receveur des aides du roy à Amiens, sur et en deduccion de la somme de 120000 frans que le roy nostre sire avoit ordonné à mondit seigneur prendre (Comptes Etat bourg. M.F., t.1, 1419, 74)

Ce jour, maistre Laurens des Bordes a mis devers la Court la somme de VcXXXIJ l. t. (...) en deduction et rabat de mil livres parisis, en quoy pour amende ycellui maistre Laurens fu condempné (Fauq., II, 1421-1430, 195)