SOURDRE

verbe

[T-L : sordre ; GD : sourdre ; DECT : sordre ; FEW (XII, 458a) : surgere ; TLF (XV, 782a) : sourdre]

I. -Emploi intransitif ou pronominal.

A. -Au propre.

1.Se dresser ; s'élever.

a)[D'une pers.] Se relever.

Madame, qui le vit en ce point et dangier, fut tres desplaisante et mal contente. Si vint en bas et luy aida a sourdre [L'homme cheut a la renverse] (C.n.n., c.1456-1467, 280)

Sourdre en pieds. Voir pied

Et tantost aprés ceste responce faite, sourdy en piéz le procureur du roy, et commença a faire plusieurs grans plaintes et doleances a l'encontre du duc leur maistre (Chastell., Chron. IV, D., c.1461-1472, 126)

Emploi pronominal. Se relever.

Du tout au bas furent Rommain, A ce point n'ont, ne soir, ne main, Esperance d'eulx sourdre plus (Chr. Piz., M.F., III, 1400-1403, 217)

Deux jours y a que ne dormy ne reposay, et suis sy fort travelliés que a grant paine me puis sourdre (Gérard de Nevers L., c.1451-1464, 103)

...monseigneur (...) se leva sur piez et battit tant madame qu'elle ne se povoit sourdre. (C.n.n., c.1456-1467, 272)

...elle luy gecta ung coussin sur la teste, et le fist cheoir a pates (...). Le charreton se sourdit et la regarda rire (C.n.n., c.1456-1467, 344)

b)[Du vent] Se lever.

...quant tu cuideras avoir vent en poupe ou que la chalme sera grande par la vertu de la forge de ma suer Allegresse, lors souldainement sourdra, l'espee ou poing, un ou deux des vens susdiz (Mézières, Songe vieil pèl. C., t.2, c.1386-1389, 276)

...un grant vent devers levant Sourdi (Chr. Piz., M.F., III, 1400-1403, 162)

c)[De la mer] Monter.

Et aussi, puis après ung autre espace de temps, il fit de très grandes pluyes, qui estoient choses moult contraires à ceux du siège. Pareillement eurent aussi moult à souffrir les aulcuns pour la mer qui sourdoit, et venoit souvent en plusieurs loges, d'autant qu'ils estoient tous en terre, couverts seulement de pailles et de genestres. (Chart. J., Chron. Ch. VII, V., t.2, c.1437-1464, 177)

d)[De l'oiseau] Prendre son envol.

Remarque : HENRI FERR., Modus et Ratio T., c.1354-1377, gloss.

infinitif substantivé. Fait de s'élever, envol (d'un oiseau).

L'aloe de gibier c'est l'aloe de cest an qui a courte queue sans blancheur, toute rousse de rousseur cendree, et ne chante point au sourdre et vole droit et se rassiet prez. (Ménagier Paris B.F., c.1392-1394, 157)

Remarque : HENRI FERR., Modus et Ratio T., c.1354-1377, gloss.

2.Jaillir ; sortir.

a)[De l'eau, d'un liquide] Prendre sa source, jaillir.

...celle eaue est tres parfonde et sourt en celui lieu. (Jean Le Long, Voy. Odoric A.M., 1351, 34)

De tels esbas s'entremettoient Comme gratieus et humain, Ou se tenoient main a main En venant a une fontainne Qui pas ne leur estoit lontainne, Car dedens le vregier sourdoit, Belle et clere (Froiss., Pris. am. F., 1372-1373, 85)

Je vueil que voises sanz arrest A Robert le fol, Gabriel, Dire qu'il s'en voit ou prael Ou la clére fontaine sourt. (Mir. Rob. Dyable, c.1375, 56)

...Et mes cuers vuet et t'acorde Que ton dous salut recorde, Tant que de li naisse et sorde Une fonteinne de plour Et de tristour, Pour laver et nettoier En tele maniere Les vices qui de pechier Me donnent matiere. (Mach., Les lays, 1377, 413)

Tant vont ensemble qu'ilz monterent la montaigne et virent les grans trancheiz qui y furent fais soubdainement, et le ruisseau qui y sourdoit habondamment, dont chascun s'esmerveilla fort comment tele chose povoit estre si soubdainement. (Arras, c.1392-1393, 37)

Les fonteines y sont sourdans, Dont les rus en vont espandans Par tout le monde (Chr. Piz., M.F., I, 1400-1403, 118)

Et puis savoir par raison vive Car fontainne d'uille d'olive Est sordue en ceste cité A sa saincte nativité. (Pass. Semur D.M., c.1420 [1488], 82)

Et pareillement aussy audit pays y sourdit une fontaine en lieu où jamais n'en avoit point eu (Roye, Chron. scand., II, 1460-1483, 80)

Sourdre de

...ses eaues sourdent du flueve de Eufrattés (Jean Le Long, Voy. Odoric A.M., 1351, 3)

Sy s'en retourna moult doulente a son cher enfant qui gisoit estandu sur la terre, lequel avoit feru des talons en terre, tant qu'il en sourdit une fontaine d'eaue moult bonne et doulce : sy fust Nostre Dame moult joyeuse de ce, et en remercia Nostre Seigneur. (Voy. Jérus., c.1395, 57)

...larmes en grand abundance saillirent de ses yeulx, qui furent accompaignées d'aultres sans nombre, sourdans de la fontaine du cueur de son bon couvent. (C.n.n., c.1456-1467, 141)

...comme aucunement du soleil et de son ray procede la chaleur, et de la fontaine et du fleuve, sourgiant de la fontaine, decourant en bas a la valee, procede et par la manacion et le decours de l'eaue vient et descend et se produist ou est produite la riviere. (Somme abr., c.1477-1481, 114)

b)[D'un végétal] Sortir de terre, s'élever.

Remarque : CHASTELL., Chron. K., t.4, c.1456-1471, 21.

c)[D'une chose concr.] Sourdre de qqc. Sortir, provenir de qqc..

Elle a aussi les costes pareilles et equaulx qui equidistaument regardent l'une l'autre, et qui viennent aussi sy perpendiculierement et si droit joindre ensamble qu'il en sourt une face precisement quarree (Evr. Conty, Eschez amour. mor. G.-T.R., c.1400, 613)

Et, pour mieulx garder de l'outrage, Doit aviser tout homme sage De quoy sourdra prouchainement Le venimeux encombrement, Qui pluseurs cuers destraint et serre Ou sourt de l'air ou desoubz terre (La Haye, P. peste, 1426, 79)

...s'en vint tost bien eschaufé et tresmal meu devers sa bonne femme, et demanda dont sourdoient tant de biens [foison de meubles ... qui avant son voyage n'estoit leens, 462] (C.n.n., c.1456-1467, 463)

d)[D'une pers.] Sortir.

Cherra au perfond de la tour, Ne du sourdre n'y aura tour. Es prisons ma dame mené Sera et si tres malmené De Meseür, qui les clefs porte, Qu'il jamais n'istra de la porte. (Chr. Piz., M.F., I, 1400-1403, 133)

Se sourdre de (d'un état). Se sortir de.

Et quant l'odeur l'ala poignant Au cuer, elle ala empoignant Le raym qui tant estoit poignant, Et se sourdi Ainsi comme un homme assourdi De pasmoisons, a l'estourdi (Chart., L. Dames, 1416, 254)

3.[D'une pers., d'un groupe, d'un animal, d'une chose] Surgir, apparaître.

D'autre part, messires Guillaumes de Windesore, qui en fu segnefiiés, i vint et ses gens ossi tout le cours, et toudis venoient Englès et sourdoient de tous costés (Froiss., Chron. R., X, c.1375-1400, 15)

Quant le Barois des Bares et cil qui avoecques lui estoient issu, perchurent que force leur sourdoit trop grande, si se retraïssent devies le porte en combatant (Froiss., Chron. R., X, c.1375-1400, 16)

Car tant de langoustes sourdirent Que le ray du soleil couvrirent (Chr. Piz., M.F., III, 1400-1403, 262)

Une aultre baniere aprés sourdi, qui estoit d'or fin, bordee de sinoble et ou millieu une croix de goeullez (Saladin C., c.1465-1468, 103)

Se sourdre à qqn. Se jeter sur qqn.

Seigneurs, tous a ly nous [s]ordons [l. sordons], Gettons le hors. (Pass. Semur D.M., c.1420 [1488], 130)

B. -Au figuré. [D'une action, d'un événement, d'un état, d'un sentiment...]

1.Emploi intransitif. Apparaître, se manifester, survenir.

Alons ment Avant qu'orage sourde point, Et que nous avons vent a point ; Je le conseil. (Mir. emper. Romme, 1369, 280)

...il me demande ma fille en mariaige. Et, se je luy donne, je vouldra bien savoir ... que se ma fille a hoirs de luy, soit filz ou fille, ilz demourront heritiers de Guerles pour quelconques mariaige qui puist sourdre aprez (Froiss., Chron. M., XIV, c.1375-1400, 148)

Nous ...enterons en la matere des gerres de Bretagne, qui furent moult grandes et moult fortes, et qui durerent moult longement et par lesquelles moult de mauls et de violenses sourdirent ; et compterons par quelle incidense et matere premierement elles conmenchierent. (Froiss., Chron. D., p.1400, 461)

Ainçois que Romme fu fondee, (...) Sourdi une fiere bataille (Chr. Piz., M.F., II, 1400-1403, 329)

Entre Pirrus et la royne Panthasellee grant hayne Sourdi (Chr. Piz., M.F., III, 1400-1403, 150)

Premiers le volons accuser Quil a alé de sa puissance Contre l'honneur et bienveullance De Cesar le hault empereur, Dont il a sourt mainte doleur En tant qu'il touche le tribut (Marcadé, Myst. Pass. Arras R., a.1440, 158)

...veu les grans affaires de son royaume, si sourgans comme chascun sçet ['qui surgissent de toutes parts' (Éd.)] (Monstrelet, Chron. D.-A., t.6, c.1444-1453, 39)

...si seroit bon de en faire ung article de leur puissance, pour oster les debas lesquelz ou temps advenir pourroient souldre (Juv. Urs., Nescio, 1445, 548)

Tu ne peulx mectre remede que telles fantasies ne sourdent qui a la fois viennent par loperacion du dyable qui en te temptant les mect deuant toy, ou aussi elles viennent souuent par occasion de ce que on a veu ou ouy ou sentu par dehors. (Cib., p.1451, 213)

...ou temps que ce treseureux bruyt et vertueuse renommée d'elle sourdoit, (...) pluseurs gens de bien desiroient et pourchassoient sa grace (C.n.n., c.1456-1467, 31)

J'aymeroie mieulx morir que a mon pourchaz sourdist noise ou debat entre vous et madame (C.n.n., c.1456-1467, 81)

...en temps d'yver sourdent pluseurs foiz les inconveniens plus de legier qu'en aultre temps (C.n.n., c.1456-1467, 365)

...[les amours] estoient si parfond enracinées es cueurs des ambedeux parties (...) que impossible estoit les desrompre ne desjoindre, quelque menace qui sourdre p[eu]st. (C.n.n., c.1456-1467, 441)

...et si grant clameur sourdi entre elles, qu'on ne savoit a laquelle entendre. (Ev. Quen., I, c.1466-1474, 90)

Onq plus grant mal en France ne sourdi (Le Clerc, Interp. Roye, c.1502, 395)

Sourdre à qqn

...un mortel encombrier Vous y est sours (Mir. ev. arced., c.1341, 114)

Et elle (...) M'a prié que je li pardoingne, Car il li sourdi une essoine Par quoy a moy ne pot venir (Mir. nonne, 1345, 332)

Ha ! grant meschief li sourde et viengne ! (Mir. st Guill., c.1347, 27)

Peine vous sourdra et tourment, Se n'avons ce que demandons (Mir. prev., 1352, 260)

Vos gens sont en trop dur party de mort et de maladie. Se besoing vous en sourdoit, vous vous n'en pourriez aydier, car ilz sont si lassé et hodé et mal gouverné, et tous leurs chevaulx mort, et sont gentilz et vilains si descouraigiez pour celle saison, je le vous dy, que nul bon service n'y devez-vous entendre (Froiss., Chron. M., XIV, c.1375-1400, 100)

Pour ces jours estoient le roy et les ducs ses oncles et les seigneurs moult enbesoingniet et tous les jours ensamble et en conseil pour pluseurs causes et incidenses qui leur sourdoient à conseillier ; car les deffiances du duc de Guerles n'estoient pas bien plaisantes. (Froiss., Chron. M., XIV, c.1375-1400, 182)

...ces guerres qui li sourdirent sus le main commenchièrent par... petite incidence (Froiss., Chron. R., IX, c.1375-1400, 159)

Biaux seigneurs, nous nous venons mettre En vostre compaignie, pour ce Qu'avant que guerre vous soit sourse, Vous soiez de nous confortez (Mir. ste Bauth., c.1376, 128)

Doulce commere, n'est pas fable - Vostre mary est mahengnié. Il cuidoit avoir gäangnié Contre un brigant par sa foleur Un cras chapon, mez grant douleur L'en est soursse, pas n'en doubton, Sy n'i a conquis un bouton, Mais grant contraire. (Vie st Fiacre B.C.P., c.1380-1400, 31)

Et s'ainsy le faites et perseverez, honneur vous sourdra et tout bien vous vendra (Ménagier Paris B.F., c.1392-1394, 11)

Et des que j'avray fait cecy Penser et paine me sourdra, Que trop penser me couvendra Pour l'estat ma femme et de moy, Et mon deduit en perderoy, Et me fauldra mes jeux abatre, Auxquels je me soulois esbatre. (Gris., 1395, 14)

...pour la doubtance ... que tels escarmuces ne lor sourdesissent, li Englés renforchierent lors gais et missent gardes et escoutes autour de lor hoost, afin que de nuit il ne fuissent souspris. (Froiss., Chron. D., p.1400, 148)

Adonc me sourdirent angoisses de toutes pars. (Chr. Piz., Avision T., 1405, 154)

...nous pareillement le ferons comme vous, affin que vous n'ayez pensée ne ymaginacion qu'en temps advenir vous en sourdist reprouche de nulle de nous. (C.n.n., c.1456-1467, 144)

...ils engendrèrent un moult beau fils, à la naissance duquel sourdit une moult grande liesse au seigneur de Lalaing et à la dame (Faits Lalaing K., c.1470, 8)

...à l'heure qu'il y pensera le moins, Dieu luy fera sourdre ung ennemy dont, par adventure, jamais il ne se fust advisé. (Comm., II, 1489-1491, 229)

Sourdre de qqc.

...Ymaginer En dous plaisir Sa dame vëoir, oïr, Son gentil port, Le recort Dou bien qui sort De son parler (Mach., R. Fort., c.1341, 17)

La dignité de nostre empire De la fontaine de pitié Sourt et naist par grant amistié... (Mir. st Sev., 1362, 198)

Coustume est un habit et qualité de pensee et de cuer du quel toute acoustumance de chascune euvre si sourt (Foul., Policrat. B., V, 1372, 289)

Pour ce pri qu'en bon espoir Et en gracieus confort Me meinteingne main et soir Celle dont tous li biens sort ; Car riens ne me puet guerir Ne de la mort garentir, Se pour longue demourée Bonne amour est oubliée. (Mach., L. dames, 1377, 43)

Mais se vos yeus attraians, amoureus, Dous et plaisans, qui en riant m'ont mort, Et vos gens corps, qui tant est savoureus Que nulz ne scet le bien qui de li sort, Peüsse veoir, la doleur que je port Me fust douce. Or m'est trop durette, Puis qu'à vous ay failli, doucette. (Mach., L. dames, 1377, 107)

Mais compris Et apris Ay que je pris La mort à l'entreprendre, Pour ce qu'en vo dous viaire Dont toute ma dolour sort Ne truis secours ne confort, Grace, pité ne acort, Douçour n'amour fors descort Et samblant de moy deffaire. (Mach., Les lays, 1377, 307)

Si n'i voy si bon confort Com d'avoir tout mon ressort En Dieu dont tous li biens sort Et bonne esperence, Et que face mon effort De toy ramener au port Où maint leesse et deport Et toute plaisence. (Mach., Les lays, 1377, 447)

...a esté dit que, pour plus meurement faire, ancor seroit reveu le procès et lettres pluseurs, qui avoient esté impetrées hinc inde, par les IJ Chambres, et seroit pronuncié l'arrest qui en sourdroit. (Baye, I, 1400-1410, 189)

Comme devant pareillement, Avoient régné, pluseurs ans Continuez et précédans, Divers maulx et très misérables Et devant Dieu moult détestables, Sourdans d'une très fière guerre Que la Nation d'Angleterre Menoit ou Royaulme en ce temps (La Haye, P. peste, 1426, 168)

Quand le bon seigneur a cogneu a la verité que mes parolles n'estoient pas fainctes, doubtant le grant inconvenient qui m'en pourroit sourdre, a esté bien content de moy dire ce qui est entre vous deux (C.n.n., c.1456-1467, 210)

Ne proferez plus telz paroles, Car ce ne sont que bourdes foles (...) Car mauvaise nouvelle empire En la bouche d'un frivoleur : Et ainsy en souldroit erreur Telle qu'on ne pourroit abbattre. (Myst. Pass. Troyes B., a.1482, 879)

...et, entre les autres, predist sur la revolucion d'aucune année la rebelion du conte de Flandres, dont sourdit grant guerre (Simon De Phares, Astrol., c.1494-1498, f° 129 r°)

2.Emploi pronominal. Se produire, éclater.

...pour ce que les susdis nomméz furent ainsi mors, se sourdi de rechief murmure et sedicion ou peuple contre le duc Moyse (Chr. Piz., Paix W., 1412-1413, 129)

Et quant vint après mynuyt, se sourdit un desaroy en icelluy ost des François, tant qu'ils deslogèrent et s'en allèrent chacun où mieulx savoit le chemin, et laissèrent et habandonnèrent leurs bonbardes et vivres et artillerie, sans savoir dont venoit ce desaroy, et aussy sans qu'il en fust nulle necessité. (Chart. J., Chron. Ch. VII, V., t.1, c.1437-1464, 50)

...quant au dangier qui sourdre s'en pourroit, sans vous desdire je vous diray mon opinion. (C.n.n., c.1456-1467, 166)

Assez de pareilz cas pourroye dire semblables, qui ayséement pevent estre congneüz pour divines pugnitions, desquelles se sont sourses les guerres, desquelles viennent les mortalitéz et famines (Comm., II, 1489-1491, 236)

Qui desprime gens d'anciennes lignes Et esleve ceulx qui n'en sont pas dignes, Dont il se sourt aujourd'huy tant d'excès, Fors seulement le peché des mauvais ? (Cene dieux, c.1492, 120)

...ung moult grant effroy se commança a sourdre la dedens (La Vigne, Ress. chrest. B., 1494, 141)

...il constitua plusieurs ymages de bois en la representacion des provinces, qui tenoient en leurs mains clochetes, qui frappoient quant quelque rebelion se vouloit sourdre (Simon De Phares, Astrol., c.1494-1498, f° 70 v°)

II. -Emploi transitif.

A. -Au propre.

1.Lever.

a)Sourdre qqn. Lever qqn, l'aider, l'inciter à se lever.

Mais quant je oÿs de vous les victorieuses nouvelles, incontinent mon cuer mort se revesquist, et Madame avec les autres dames me vindrent sourdre et a la veue du hourt avec elles venir. (La Sale, J.S., 1456, 162)

Lors l'une prend le bras, l'autre prend l'espaulle (...), tant que sur piez le soustindrent et sourdrent. (La Sale, J.S. E., 1456, 95)

...luy fut advis que l'on le sourdit par dessoubz les esselles (Mir. ste Cath. Fierbois C., 1470-1483, 47)

Soulever qqn.

Ledit Pietois retira son baston près de luy et le rua de toute sa force entre les jambes du dessusdit, en intencion, comme il povoit sembler, de l'empescher en sa marche, ou de le souldre ou lever par la fourchée des jambes, à son desavantaige (La Marche, Mém., II, c.1470, 179)

b)Sourdre qqc. Lever, dresser qqc..

Apres va par derriere et garde qu'il ait les fesses escartelees et bien secourcees, belle queue et bien pelue et sarrant aux fesses que on ne la puisse sourdre (Ménagier Paris B.F., c.1392-1394, 139)

Ainsi partout nous trassames maint pas Et par grans cours Larges, longues plus d'un cheval le cours, Ou grans chantiers de busche furent sours, Bien pavées et belles a tous tours (Chr. Piz., Dit Poissy R., 1400, 172)

Ciel, mer et terre en toutes pars tremblés, En voz [...] lacz mouvés fouldre et tonnerre, Coingz de pierre, canons sourdés grant erre, Tout humain genre exités et troublés, Courés, riblés, gastés vignes et bledz, Tués, emblés, que rien vivant n'eschappe, Si scaura l'en comme Mars cruel frappe. (Cene dieux, c.1492, 108)

Sourdez Mercure vostre mitre... (Cene dieux, c.1492, 113)

Remarque : Doc.1390 (eustsours ['soulevé'] ... le couvarcle d'une vielle huche) ds GD VII, 528b.

[Un membre] Lever.

S'il ne lui plait, il fait le sourt, Ne pour leurs prieres ne sourt Pié, ne main, ne membre qu'il ait (Chr. Piz., M.F., I, 1400-1403, 79)

En particulier. HORLOGERIE Lever (par la détente).

...et devant aura ung axil a deux piliers du cousté de l'oreloige parmy quoy passera une verge de fer qui viendra dessus les chevilles, ainsi les chevilles le sourdront et leveront le martel o ung fil de fer qui sera attaché au bout derriere. (Traité d'horlogerie Z., c.1380, 278)

...et en l'aultre maniere qui arreste par une osche ou il n'a que une dent il a ung contrepois a la clenche, qui ne hausse ne n'abesse fors quant la destente fiert dessus la clenche que elle fait ung poy sourdre quant elle ist de la dent (Traité d'horlogerie Z., c.1380, 279)

Remarque : Éd., 281 : «sourdront et leveront disjoint les deux verbes et semble attribuer à chacun d'eux une signification particulière, sourdre se rapportant au travail de la détente, lever à celui des leviers».

2.Projeter (en l'air).

Si le prindrent par teste, par piez et par jambes, et tout en air le sourdirent (C.n.n., c.1456-1467, 63)

B. -Au figuré.

1.Lever, supprimer.

...par inadvertance, importunes requestes ou autrement, Nous avons nostred. main mise sourse et levée dessus lesd. parroesses et levées d'icelle, et donné congié et licence aud. Alain d'en joir (Actes Jean V Bret. B., t.3, 1431, 301)

...pour quoy à leur profilt sourdons et levons la main qui de par nous avoit esté mise et assise sur lad. terre et chastellenie des Huguetieres (Cartul. Sires de Rays B., t.1, 1445, 243)

2.Faire lever, susciter.

Ceste cruaulté n'alla pas loing, car estant en plus grand orgueil que ne, fut cent ans avoit, roy d'Angleterre, et avoit fait mourir le duc de Bouquinghan, et tenoit grand armée preste, Dieu luy sourdit ung ennemy qui n'avoit nulle force : c'estoit le conte de Richemont, prisonnier en Bretaigne, aujourd'huy roy d'Angleterre, de la lignée de Lenclastre, mais non pas le prochain de la couronne (Comm., II, 1489-1491, 233)

Remarque : Doc.1345 (Se aucunssourdoientplez, troubles, riotes ou aucun empeschement contre...) ds GD VII, 528c (les autres ex. cités peuvent s'interpréter comme des empl. intrans., de type sourdre à qqn).