SOLENNITÉ

substantif féminin

[T-L : solemnité ; GDC : solennité ; FEW (XII, 69a) : sollemnitas ; TLF (XV, 621a) : solennité]

A. -Cérémonial, cérémonie.

1.Ce qui rend solennel, qui confère un caractère solennel.

Or fu ly bon rois Huëz a Paris le cité A joie et a revel et a solempnité. (Hugues Capet Lab., c.1358, 239)

Et pou vauldroit sa renommée, S'il n'emportoit d'une journée Nom et cri par solemnité De dire : 'Un des bons a esté, Ou le meilleur...' (Desch., M.M., c.1385-1403, 74)

...l'en ne les povoit espargnier que elles ne feussent excecutées comme sorcieres, c'est assavoir d'estre arses, et, pour solempnité et exemple à tous, elles feussent mittrées et menées ès hales de Paris, et illec piloriées (Reg. crim. Chât., II, 1389-1392, 338)

Caractère solennel, cérémonial.

Solennitas (...) : solennitez (Aalma R., c.1380, 385)

Et fu couronnés en l'eglise catedral de Nostre Dame de Rains li rois Phelippes, et rechut toutes les solempnités que rois de France doit recevoir. (Froiss., Chron. D., p.1400, 475)

Qant il fu venus jusques a Limoges, on n'euist nul contredit a lui recevoir, car renonmee couroit ja, et bien le remonstroit, que chil de Nantes, de Rennes et de Vennes et des chités et bonnes villes de Bretagne l'avoient receu a duch et a signeur, et ce coulouroit grandement son fait. Et li fissent toutes les solempnités les eglises et les bourgois de Limoges que on doit faire a son signeur (Froiss., Chron. D., p.1400, 465)

Et lendemain, qui fu Xe jour dudit mois de novembre, à grant compagnie et solempnités acoustumées, fu le corps dudit Roy porté en l'eglise Saint-Denys où il fu enterré lendemain XJe jour, après la messe et le service (Fauq., II, 1421-1430, 71)

Solennitas (...) : solennité (Le Talleur, Vocab. E.M., c.1490, 363)

À/en grande/haute solennité

Aprés le pere mort, vient le fil et le cauppe par pieces, puis mande tous ses amis et les heraulz de la contree et le mangent a grant feste et a grant joye, chantant et balant a grant solempnité tous les parans et les amis du mort. (Jean Le Long, Voy. Odoric A.M., 1351, 35)

A grant solemnité fu ly rois enfouïs A Saint Ernoult l'abbie (Hugues Capet Lab., c.1358, 94)

...le roy entra en la ville (...) à tout grande solemnité de trompettes et de clarins (Le Bel, Chron. V.D., t.2, 1358-1360, 168)

Et sachiez qu'ilz se feussent plus tost partiz bien VIII. jours, se ne feust pour attendre la relevaille de la royne, qui fu relevee a grant joye et a grant solennité, et y ot moult noble feste et tres grande. (Arras, c.1392-1393, 143)

Lors que les barons du pays scorent sa venue, si vindrent a l'encontre de lui moult honnourablement et le receurent a grant solempnité et lui dirent : Sire, de ta venue devons nous louer le doulz Jhesucrist, car sans toy ne pouyons estre delivré du merveilleux monstre Grimaut... (Arras, c.1392-1393, 262)

...li rois Phelippes de France ... esploita tant par ses journees que il vint a Compiengne, et la se tint, car il volt ordonner une grande feste a estre a Paris a sa bien venue, car encores il n'i avoit point entré conme rois. Et qant il i entra, ce fu a tres haute solempnité. (Froiss., Chron. D., p.1400, 181)

En l'an de grace Nostre signour .MCCC. et .L. trespassa de ce siecle li rois Phelippes de France, et fu ensevpelis a grant solempnité en l'abeie de Saint Denis en France. (Froiss., Chron. D., p.1400, 897)

Et furent les rues parées et tendues à grant solempnité, selon la possibilité et puissance dez bourgois, manans et habitans de ladicte ville de Paris (Fauq., I, 1417-1420, 389)

Les nopces furent honorablement faictes en grand solennité. (C.n.n., c.1456-1467, 496)

...et en ce temps, par la grace de Nostre Seigneur, vous fustes nez et baptisiez en vostre ville de Bruges à grant devocion et solemnité (La Marche, Mém., I, c.1470, 159)

Pour plus grande solennité. Pour donner (à qqc.) un caractère plus solennel.

Si a esté passé ledit accort ou Chastellet de Paris, mais pour plus grant solennité ont avisié de passer ledit accort ceans (Baye, I, 1400-1410, 265)

Sans solennité. Sans apparat.

...le Roy octroye audiz requerans qu'il meissent les os dudit des Marès en l'eglise Saincte Katerine du Val des Escoliers en la chappelle qu'avoit fondée et sanz solennité (Baye, I, 1400-1410, 188)

2.Cérémonie, fête solennelle, célébration solennelle (en partic. religieuse).

...latria est sainteté qui donne et ordene a Dieu, et ce service li fait on par les eglises aux solennitez et par divers sacrefices qui sont a Dieu seulement ordenez (Jean Golein, Rational B.D., c.1370-1372, 480)

...la mule du pape porte une clochete pour la reverence des reliques ; car avec la chapelle [la châsse] elle porte les reliques. Ainsi deust faire le sommelier royal quant on porte les saintes reliques en aucun lieu hors de Paris pour faire solennité (Jean Golein, Rational B.D., c.1370-1372, 510)

C'est pour ce qu'a la sène sist A ce jour Jhesus li grans maistres (...) ; Et pour celle solempnité Fait hui le pape, en verité, Tout le servise. (Mir. fille roy Hongrie, c.1371, 82)

...cil esperons avoient jadis esté des signeurs de France qui furent mort à le bataille de Courtrai, l'an mil trois cens et deux ; et en faissoient chil de Courtrai tous les ans pour le trionfe très grant solempnité (Froiss., Chron. R., XI, c.1375-1400, 61)

Et devoient retourner à Cambrai toutes ces parties, pour faire la solempnité des espousailles (Froiss., Chron. R., XI, c.1375-1400, 191)

Li jones rois Edouwars espousa Phelippe de Hainnau en l'eglise catedral, ... Et avoit li rois disse sept ans d'eage, et la jone roine sus le point de .XIIII. ans ; ... Si poés et devés sçavoir que toutes solempnités et festes, sans riens espargnier, furent a ces jones, et hiraut et menestrel largement paiiet. (Froiss., Chron. D., p.1400, 161)

...desquelles choses dire particulierement, pour cause de briefté je me passe, car assés est sceu la maniere des solemnités et serimonies en France honnourablement faittes en tel cas (Chr. Piz., Faits meurs Ch. V, S., II, 1404, 135)

Faire vous a pleut commander Que tous princes qui sont subgis Et manans en votre pays Et qui veullent honneur acquerre Es parties de votre terre, Viennent a la sollempnité De votre grant nativité (Marcadé, Myst. Pass. Arras R., a.1440, 83)

Mon seigneur, ma tresredoubtee dame que veez cy vous a reffusé, doubtant que ne voulsissiez faire un tresgrant et excessif appareil et une grant feste et solempnité outraigeuse, mais je l'ay asseuree que non ferez. (La Sale, J.S., 1456, 288)

Après que toutes les solennitez de l'eglise furent passées (...), l'espousé vint a ung sien compaignon (C.n.n., c.1456-1467, 298)

La feste et solennité des nopces fut honorablement en grand sumptuosité faicte et celebrée (C.n.n., c.1456-1467, 558)

Le septiesme jour dudit moys de fevrier, monseigneur l'evesque de Paris, filz de monseigneur de la Forest, fist son entrée comme evesque de ladicte ville, et y ot grant solennité gardée à son entrée. (Roye, Chron. scand., I, 1460-1483, 290)

LE DOYEN. Monsieur, au jour d'uy en l'eglise Convient que faciez le service En la solempnyté exquise Qu'il appartient a vostre office. SAINCT MARTIN. Pour faire a Jhesus sacriffice, Aux vierges, aux saincts et aux sainctes, Selon l'art de mon beneffice, Je le feray sans grans constrainctes. (La Vigne, S.M., 1496, 542)

Que chascun face son debvoir De revelier sa passion [de Saint Laurent] En jeusnant par devocion Trois jours pour la solempnité De la haulte felicité Qu'on fait es cieulx de son martire. (Myst. st Laur. S.W., 1499, 253)

Remarque : Forme psollempnité ds Percef. VI, R., c.1450 [c.1340], 822/3.

Faire la solennité de qqc.. Célébrer qqc..

...et puis nous ferons la solennité de ceste belle ordonnance. (Tardif, Facéties Pogge D.H.-P., c.1490, 165)

En particulier.

Célébration solennelle à une date revenant chaque année.

Dy pourquoy aucuns sont rachetez et aultres non, quer aucuns sont dampnez ? Dy se ceste sollennité est plus grande que de Noel ou de Pasquez ? (Gers., Annonc., a.1400, 230)

Et tant ceminerent que il vinrent en une bonne chité, laquelle on appelle Harfort, et la s'aresterent et rafresqirent et i tinrent la roine et lors gens la solempnité de la feste de la Toussains. (Froiss., Chron. D., p.1400, 91)

Sire, dist il, je vous demande, moi et les miens, trieuves meshui et demain pour la reverense et solempnité dou jour Nostre Dame. (Froiss., Chron. D., p.1400, 657)

Si ordenerent, sanz faillir, Tous les ans, grant solempnité Faire a cel jour (Chr. Piz., M.F., II, 1400-1403, 228)

Et devise nostre sermon en trois parties : La premiere appliquera nostre theume a la matiere de ceste solennité [de la Concepcion] . (Gers., Concept., 1401, 390)

Dimenche, XIJe jour d'avril, advint la solempnité et feste de Pasques. (Fauq., II, 1421-1430, 43)

Dimenche, XXIIJe jour d'avril, fu celebrée la solempnité de Pasques et de la Resurrection Nostre Seigneur Jhesu Christ (Fauq., II, 1421-1430, 128)

...pour la solempnité dudit feu de ladite veille Saint Jehan 1449, lequel a accoustumé estre fait ladite veille en la place de Greve, de l'ordonnance de mesdits seigneurs n'a esté faite aucune semonce de dames venir à la feste que on avoit accoustumé faire le temps passé, pour aucunes cause qui ad ce les ont meuz, il n'a esté fait que la sollempnité dudit feu seulement (Comptes Paris V.L.D., t.1, 1447-1449, 598)

...aujourd'uy a esté la veille de la feste et solennité de Pasques flories (C.n.n., c.1456-1467, 513)

En après, le roy, qui estoit audit lieu de Clery, s'en partit et s'en ala à Mehun sur Loire, à Sainct-Laurent des Eaues et illec environ ; et y fut jusques près la feste Nostre-Dame de my aoust, qu'il se partit dudit Sainct-Laurens et retourna derechief audit lieu de Clery à la feste et solempnité de la Nostre-Dame de my aoust. (Roye, Chron. scand., II, 1460-1483, 116)

Cestui Ypolite escripvit, entre autres choses, à Romme le jour de la solempnité de Pasques jusques au premier an de Alexandre, où il monstra bien qui valloit et à quoy servoit astrologie. (Simon De Phares, Astrol., c.1494-1498, f° 83 r°)

Le samedi, quinziesme jour du moys d'aost, le roy au dict Thurin, pour l'honneur de la feste et solempnité de Nostre Dame, oyt la grant messe aux Augustins du dict lieu ; et fist le service monsieur de Cornouaille. (La Vigne, V.N., p.1495, 300)

Fête en l'honneur d'un saint.

Et se l'auctorité ne vous souffist, eslevez, je vous pry, les yeulz de vostre pensée et regardez en la lumiere de vraye foy la gloire des sains et sainctes desquelz nous feismes hyer solennité. (Gers., Déf., 1400, 220)

Faytes faire solennité De moy, quant je m'en saré aller, Et faytes [pourtrayre] une ymage De moy, qui soit de bel ouvraige ; Faictes moy mettre au kalendryr [Janot croit qu'un ange l'entraîne au Paradis] (Janot Jan. A., c.1450-1500, 148)

Par le glorieux saint Eustace, De quoy il est solempnité, J'avoye bonne voulenté D'enquerir où est ton repaire (Tr. Men., c.1480-1500, 288)

B. -Formalité qui rend un acte authentique, qui lui confère son importance.

...nous mandons (...) de l'assentement et acort desdictes parties que sur toutes les malefaçons, injures et domages dessus diz il se enforment et enquierent la verité hastivement, sommerement, et de plain, et sans ordre de plait, et sans autre solennité, mais selon ce que bon leur semblera (Trés. Reth. S.L., t.2, 1337, 40)

Liqueis testamens le jadit Wilheame de Horion testateur deseur escript fut et est bien approveis et averis par devant nous et par nous, a droit et a loy, de tout chu dont li jadis testateires pout faire laisse et testament par les tesmoins chi desous contenus et enscris, examineis par nous diligement par seriment deut sour chu fait, adjosteies a chu totes les solleniteis en teiles choses acoustumeies, solonc le droit, la loy et le costume del pays (Hemricourt, Pièces div. B.P., 1341, 47)

...la sollempnité du testament (Foul., Policrat. B., V, 1372, 322)

...sur toutes les choses dessusdictes feront telles sommacions, protestacions, requestes et diligences, comme ilz verront ... faire et aux personnes qu'il appartiendra, gardant les solemnitez et coustumes ad ce requises (Ecorch. Ch. VII, T., 1438-1451, 157)

Et lesdiz biens meubles vendre ou faire vendre et adenerer en gardant les solempnitez sur ce acoustumées ès lieux où lesdiz biens sont ; et de délivrer lesdiz biens aux plus offrans et derreniers enchérisseurs (Doc. 1453. In : Aff. Jacques Coeur M., 1453-1457, 15)

On peut faire exponse de la chose qui doit rente ou devoir en y gardant la solemnité (Cout. instit. Anjou Maine B.-B., t.4, 1464, 250)

Le veu simple est cellui qui est voué simplement sans solennité en disant : Je Anthoine vueil estre celestin ou chartroux, et plus avant ne procede. Veu solennel, c'est quant aprez le veu la solennité s'ensieut. De ceste solennité de veu, il fault noter que aucuns dient en trois manieres de veu sans estre solennisié par propre profession, car l'habit ne fait pas le moyne, mais la profession, c'est jurer de garder les saints veux et estatus de la sacree religion, en laquelle il se submet (Sacr. mar., c.1477-1481, 52)

Solennité de droit

Par plus forte rayson, le roy de France, qui ne recognoit souverain en terre, puet sans ordre de Droit, summerement et de plain, proceder contre sez subjés, et puet suppleer toutes fauttes de sollempnité de Droit (...). Posé, donques, que en celluy Arrest toute sollempnité de droit ne soit mie gardee, toutevoies il est ferme et estable. Mez plus : certes, toute sollempnité de Dret, laquelle devoit estre gardee en tel cas, y fust gardee sanz riens laissier, conme il est plus plainement conpris ou proces du dit Arrest, ja soit ce que la cause de la souveraineté et du ressort, et la rebellion du roy d'Angleterre aussi, estoient si notoires de soy, que y n'y convenet mie garder ordre de Droit (Songe verg. S., t.1, 1378, 281)

C. -Par extension.

1.Possession officielle (?).

Garder/mettre (une ville) en solennité

Dame, humblement vous mercyons De la grant peine que avez prise, (...) Que ceste cité avez mise En joye et en solempnité (Myst. siège Orléans H., c.1480-1500, 479)

Ce c'estoit [Jargeau] ville de tenue Comme Orleans, ou autre cité, Ou qu'elle fust a la value De la tenir en seureté, En puissance et auctorité De cela seroye d'acort La garder en solanité, Vaillamment juques a la mort. (Myst. siège Orléans H., c.1480-1500, 573)

2.Précaution, formalité.

Soit doncques tiree en observant les solennites davant dites (Prevost, Cir. Guill. Salicet, 1492, II, 6)

3.Importance, noblesse, majesté.

Dame, (...) Tu es des vierges la clarté, Des anges la solempnité Et des sains louenge nouvelle. (Mir. pape, 1346, 395)

Et la morut Dieux en humanité Sanz amenrir sa divine substance, Dont mort donna vie et solempnité A touz amans vivans en esperance. (Mir. femme, 1368, 232)

...la solempnité Et haulte magesté (Chr. Piz., M.F., II, 1400-1403, 105)

Apparences de la noblesse.

...les quelz ne ont pas esté tant contes du royame comme anemis publiquez (...). Certes la malice de ceuls ici si est moult haute et leur diffame est de grant sollempnité (Foul., Policrat. B., VIII, 1372, 122)