SENTE

substantif féminin

[T-L : sente ; GDC : sente ; DECT : sente2 ; FEW (XI, 440b) : semita ; TLF (XV, 336a) : sente]

A. -Sentier, chemin, voie.

Si m'aloient amonnestant Amours, Desirs et dous Espoir De ma chiere dame vëoir, Tant que tantost m'acheminay Par la sente, et mon chemin ay Pris, en bon espoir, vers la tour Ou maint ma dame au gent atour. (Mach., R. Fort., c.1341, 123)

Et quant je l'os bien atachie, Par le vergier, sans compaingnie, Moult liés de cuer m'acheminay Et tout droit pris mon chemin ay A une sente po batue, Pleinne d'erbe poingnant et drue, Toute arousée de rousée, Car douce estoit la matinée. (Mach., D. Lyon, 1342, 166)

Un garçon vi qui sanz mesprendre En une sente m'adresça, Et celle sente m'amena En l'ostel d'un mien chastellain (Mir. femme roy Port., c.1342, 167)

Achimenides, qui le vit, Disoit comment il se chevit Quant [Polyphème] de son oeil fu defferrés : Jamais dÿable ne verrés Si forsené, si enragié De son oeil qu'on a arragié. Ne portoit perches ne bastons, Ainçois aloit a atastons, Querant les voies et les sentes A ses ordes mains et senglentes. Souvent au[s] roches se hurtoit, Dont li sans de li degoutoit. (Mach., Voir, 1364, 626)

...jamais ne pourras fallir A ton chemin tout droit tenir A Romme la noble cité. Or me suis je bien acquitté De toy montrer la droite sente. (Myst. st Clément Metz D., p.1439, 205)

...par une autre sente (...) Jusques a le fontainne (Jourd. Blaye alex. M., a.1455, 541)

Par la mort bieu, ung si gros pet, Cent foys plus gros que ne souloyes. (...) (Et) l'autre jour jouer m'aloye Par la sente d'ung pré herbu. (...) Par la mort bieu, j'ay si bien beu Que j'ay la corne du cul route. (S. fol, c.1480-1490, 6)

...ilz n'y avoient aucun droit de passer à travers ledit herbage, excepté de aller puchier et quérir de l'eau a pié en la fontene appartenant ausditz sieurs, assise en ladite herbage, par passant par escallier et sente, ainsy qu'il est acoustumé et non aultrement (Cartul. Hôtel-Dieu Cout. L., 1488, 340)

Tant furent lors François esvertuez Pour les poiltrons faire cropir a l'ombre, Que des blessez, des mors et des tuez Nul n'est vivant qui en saiche le nombre. Et se plusieurs quelques sentes certaines N'eussent trouvé pour fouÿr ça et la, Mieulx eust valu que les fievres quartaines Eussent tremblé, que d'eulx rencontrer la. (La Vigne, V.N., p.1495, 175)

Faire la sente. Se frayer un chemin.

Et le lÿon aussi ces Sarrazins cravente Que malgré qu'ilz en ayent par my eulz fait la sente (Flor. Octav. L., t.1, c.1356, 316)

Perdre sa sente

Si pensai si parfondement Qu'ailleurs n'avoie entendement, Et si forment y entendi Qu'en vergier ma sente perdi. Si m'embati en une pleinne De ronces et d'espines pleinne (Mach., D. Lyon, 1342, 169)

Voie que prend l'eau qui s'écoule, rigole.

Remarque : GRÉBAN, Pass. J., c.1450, 26513.

B. -Par métaphore. au figuré.

1.Chemin, voie.

La te resgarde, la te mire, La estudie, la te tire, La met cuer et corps et entente, La soit ton adresse et ta sente ; Car de toutes les fleurs c'est celle Qu'est la milleur et la plus bele. (Mach., C. ami, 1357, 139)

...il rompi la sente de justice (Foul., Policrat. B., II, 1372, 167)

Et combien qu'il soient pluseurs sentes de venir a philosophie... (Foul., Policrat. B., V, 1372, 449)

Dame, Vierge et Mere appellée, En ciel, en terre, en mer loée, En gloire de Dieu couronnée, De joie adresse et sente, Fleur de tous biens enluminée Estes, dont nostre vie est née. (Mach., Les lays, 1377, 398)

Mercures adresce sa sente Droit au poumon (Le Fèvre, Respit Mort H., 1376-1380, 35)

L'Escripture fait mencion de deux voies qui meinent au ciel, et sans suivre les sentes d'ycelles, impossible est d'y entrer (Chr. Piz., Trois vertus W.H., c.1405, 22)

Je ne say ne voie ne sente Que nul mal nous ly puissons faire. (Pass. Semur D.M., c.1420 [1488], 115)

...D'estre a toute heure habandonnés A le mettre en joyeuse sente (Taillev., Deb. cuer ueil D., c.1444, 224)

Si vous avez entretenu ung gentilhomme en cas d'amours, ce n'est pas chose defendue en la court d'honneur, mesme est la sente et la vraye adresse de y parvenir (C.n.n., c.1456-1467, 165)

...mais suivray au plus près que je pourray la sente de verité, car aucuns hystorigraphes prenent le resne des hommes dès ce qu'ilz sont nez, autres ou millieu de leur aage (Simon De Phares, Astrol., c.1494-1498, f° 10 r°)

[Atropos] Ort paludin, Civil embrase-fer, Laidure traicte, Sente contencieuse, Injure extraicte D'entente furieuse, Sort libidin, Très vil tizon d'Enfer. (La Vigne, Compl. roy Bazoche M.R., 1501, 391)

Droite sente. Bon chemin.

Et quant de ci departiras, Droitement celle part iras Que tu verras ta dame gente, Et tu yes en la droite sente. (Mach., R. Fort., c.1341, 117)

Je sui aussi hors de mon droit Chemin, car vezci un destroit Ou chemins faillent. Que feray ? Arriére m'en retourneray, Tant que je viengne a droite sente. (Mir. march. larr., c.1349, 114)

Tres Dous Espoir ! et t'ay je fait nul tort Qui tolu m'as d'onneur la droite sente Et m'as laissié ? dont je me desconforte, Car sens toy n'est doleur que je ne sente. (Mach., App., 1377, 640)

Et à la fin, et soubz entente De procéder par droite sente Et monstrer le fait évident, Establirent à Président Le beau Soleil, leur noble maistre (La Haye, P. peste, 1426, 33)

Mettre qqn en sente de + inf.

Et quant Amours t'a mis en sente De sa bonne grace esperer, Tu ne te dois pas desperer Pour un petit de mesprison (Mach., R. Fort., c.1341, 60)

Car sa grant biauté la plente D'amours plente En moy et me met en sente De li obeir, Et Loyauté n'est pas lente, Einsois l'ente Seur foy que je li creante Jusques au morir. (Mach., Les lays, 1377, 336)

2.Conduite à tenir pour atteindre un but.

Meth moy, vray Dieu s'il te plest, en la sente Que je puisse ta glore percevoir. (Marcadé, Myst. Pass. Arras R., a.1440, 45)

C. -Par métonymie.

1.Piste, trace.

LE ROY. (...) Egar ! qu'est ma gent devenue ? J'ay la sente et la voiz perdue D'eulx : si ne say quel part aler (Mir. femme roy Port., c.1342, 154)

2.Tracé.

En ce l'en doit bien regarder se il [le tonnerre, la foudre] descent par une sente ou se par diverses rouptures de l'air il espant pluseurs feus (Foul., Policrat. B., I, 1372, 129)

Voie toute tracée ?.

Tu as prins (...) La plus belle et la meilleure A m'entente De ceste vie presente Qui n'est sente (Taillev., Lai mort Cath. Fr. D., 1446, 246)

3.Cheminement.

Et vaulsist mieulx selon m'entente, N'estre pas si resistant, Que a la fin piteuse sante Sera de vous, comme j'entant. (Myst. siège Orléans H., c.1480-1500, 273)

Voir aussi sentier