SECTE

substantif féminin

[T-L : secte ; GD : secte ; GDC : secte ; FEW (XI, 378b) : secta ; TLF (XV, 245b) : secte]

A. -Doctrine, école philosophique ou religieuse.

Et [la doctrine d'Aristote] a esté translatee en pluseurs langages et exposee a tresgrant diligence de pluseurs docteurs catholiques et autres, et receüe en toutes lays et sectes renommees et tenue en grant auctorité des devant le advenement Nostre Seigneur Jhesu Crist environ cinq cens ans, et depuis jusques a maintenant par l'espace de mil trois cens soixante et dix ans. (Oresme, E.A., c.1370, 97)

Socrates le fist ainsi, le quel les sectes et compaignies de touz philosophes honnorent comme la seule fontaine de prudence et de verité. (Foul., Policrat. B., V, 1372, 432)

Et pour ce, par l'espace de mil et .VI. cents ans et plus, en toutes lays et sectes et par tout le munde [cest livre] a esté plus accepté et en plus grande auctorité que quelcunque autre escripture de policies mundaines. (Oresme, Pol. Arist. M., c.1372-1374, 44)

Item, il appert par les Escriptures que des le commencement et en tous temps anciens en toutes lays en toutes sectes et en toutes policies qui ont esté reputees bonnes, estat sacerdotal a tousjours esté honeste et sans mendicité (Oresme, Pol. Arist. M., c.1372-1374, 307)

Lez lays et, maimement, lez chevalliers deprisent lez clers et, en plusieurs manieres, il en dient mal, et ont leur vie en tres grant reproche, ainsi conme se ilz estoient d'aultre secte, mauvaise et dampnable. (Songe verg. S., t.1, 1378, 14)

La premiere conjonccion et la plus grande de toutes les autres est la conjonccion de Saturne et de Jupiter ou commencement du signe du Mouton, laquelle se fait en .IXcLX. ans. Et ceste signifie grans choses et grans mutacions ou monde de royaumes et de lois et de sectes et moult d'autres merveilles. (Evr. Conty, Harm. sphères H.P.-H., c.1400, 20-21)

La est astrainte la reprobation de faulses sectes, que on peult mieulx appeller illegittimez que loys, et prevarications que doctrine (Chart., L. Esp., c.1429-1430, 126)

Mais les aultres philosoffes l'appellent [Epicure] poursel, lesquelz ne sont pas de sa sieucte ne de son oppinion (...). Et n'est pas a doubter que sa seuecte ne fust pas si auctenticque comme elle est (La Sale, Sale D., 1451, 44)

...car il dit que celle sexte et oppinion est faulse et desloyale. (La Sale, Sale D., 1451, 45)

...Macrobe ne Craton, Dont la secte fut en maint lieu escripte. (Saint-gelais, Séj. honn. D., c.1490-1495, 320)

École médicale ou chirurgicale, catégorie de praticiens.

Les sectes qui couroyent en mon temps entre les ouvrans de cest art (...) furent cinq : la premiere fut de Robert [l. Rogier] , Rolant et des quatre maistres (...), la seconde fut de Brun et Thederic (...), la tierce secte fut de Guillaume de Salicet et Lenfranc (...), la quatriesme secte fut de tous les chevaliers theodoricum [l. theotonicorum] et de ceulx qui ensuyvent batailles (...), la quinte secte est des femmes et de plusieurs ydiotez qui toutes maladies remettent aux saintz (Panis, Guidon, 1478, chap. sing.)

B. -Doctrine religieuse considérée comme divergente ; ensemble des personnes qui la professent.

...la secte de Manichee (Daudin, De la erudition H., c.1360-1380, 359)

Et encore eust il esté plus douz et courtois aus crestiens se ce n'eust esté pour les loys et exemples de ses predecesseurs et pour le conseil de ceulz que l'en reputoit sages et pour l'auctorité des juges qui le semonnoient et le mouvoient a destruire la nouvelle secte des crestiens que il disoient et reputoient supersticieuse et mauvaise et contraire a toute vraie religion combien qu'il fussent deceuz (Foul., Policrat., IV, 1372, 72)

...les Pragois avoient esté desconfis, et mors de huit à dix mille personnes, par les nobles du pays de Bohaigne (...). Et brief ensuivant furent occis deux prestres qui estoient capitaines des errans (...) et avec eulx six mille de leur secte. (Monstrelet, Chron. D.-A., t.5, c.1444-1453, 83)

Il y a une secte grande D'erege faulx par ce païs, En Lombardie encore pis : Pour quoy, s'il plaist a mon seignieur L'evesque, j'avoye en mon cuer Proposé d'y aler prechié (Myst. st Bern. Menth. L., c.1450, 155)

Vous estes domques de la secte De ces crestïens ? (Myst. st Sébast. M., c.1450-1500, 78)

Secte des Flagellants

Cestui predist au pappe Ignocent les portans qui se monstrerent ou ciel de feu et la pestiffere secte de Flagelars, qui tost après descendit de la superiore partie d'Almaigne (Simon De Phares, Astrol., c.1494-1498, f° 137 v°)

Secte des pauvres de Lyon. Les Vaudois.

...predist de la secte de Lion que l'on dit des Vauldes et de leur heresie (Simon De Phares, Astrol., c.1494-1498, f° 113 v°)

Mathurin de Jargueau, prebtre moult singulier, sçavant en la science des estoilles, lors residant à Paris et l'un des premiers delegué à fere le procès des Bernardins heretiques et tenant la secte des povres de Lion, desquieulx Bernardins en furent brullez cent XIIII (Simon De Phares, Astrol., c.1494-1498, f° 129 r°)

[Doctrine relig. autre que le christianisme]

Secte des Juifs

Sitretos que ces penans aparurent et que les nouvelles en vinrent, li sexste des Juis comsidererent et imaginerent lors destructions (Froiss., Chron. D., p.1400, 896)

Secte de Mahomet. Les musulmans ; l'islam.

...ramenans aussi a leur memoire lez dessusdis lez prophesies des Sarrasins, ja grant tamps a notoires et divulgees, c'estassavoir de la destruction par les Frans de la fausse secte de Mahommet, vraisamblablement lez dessusdis scismatiques et autres conflueront et se retrairont a nostre sainte Chevalerie, comme ceulz qui seuffrent le naufrage se hastent de arriver au port de salut (Mézières, Sustance H., 1396, 66)

...et nota que ce fut la tierce conjuction ou signe de l'Escorpion, et fut celle qui signiffia la secte Machometh. (Simon De Phares, Astrol., c.1494-1498, f° 104 r°)

Secte des païens

...et quant il vit que les choses estoient bien affermees en la loy de Jhesu Crist il s'en ala rendre religieux et laissa son royaume a son filz ainsné, lequel entra en ung orgueil et commença a entrer et rencheoir a la secte des payens (Juv. Urs., Verba, 1452, 295)

C. -Par extension.

1.Groupe (de personnes), compagnie, suite.

JOSEPH. Par amour, or nous en alons, Puis que noz offrandes sont faites : On verra maishui moult de sectes De gens venir. (Mir. nat. N.S.J.C., c.1343, 230)

Vous et les aultres de vostre secte, vous nous avez fait biaucaup d'annoy à mon frere et à moy, et avez tourblé à vostre povoir et fourconseillié monseigneur et les nobles aucuns de ce pays et les bonnes villes envers nous. (Froiss., Chron. M., XIV, c.1375-1400, 57)

Enssi dissoient li pluiseur en requoi l'un à l'autre, car generaument n'estoit ce miex, pour la boubtance des mauvais, qui estoient tout de une sexte et qui s'eslevoient en poissance de jour en jour (Froiss., Chron. R., X, c.1375-1400, 79)

Et par telles oevres hausteres chils d'Artevelle fu si cremeus que nuls ne l'osoit courouchier ne contredire de cose que il vosist dire et faire. Et esleva une sexste de compagnons en Gand, que on nonmoit les Blans Caperons, et en fist a tous livree, et estoient bien siis mille et tous les jours mouteplioient ils et portoient volentiers les blans Caperons. Car il avoient mieuls title de mal faire que li aultre qui nul n'en avoient, (Froiss., Chron. D., p.1400, 270)

De gens d'armes menray grant secte ; Quoy qu'il en soit et quoy qu'i mecte, Je luy menray cent chevaliers Et trois ou quatre cens archiers Pour le servir a son besoing. (Myst. st Adr. P., c.1450-1485, 19)

En ambassade vindrent de par le pape Par devers luy, soubz ordonnance honneste, Les cardinaulx de tiltre de Lorette, De Saint Denis, de Saint Sevrin en somme, De l'Escaigne, d'Ource avec leur secte, Qui conclurent de mener l'ost a Romme. (La Vigne, V.N., p.1495, 229)

LUCIFFER. (...) Que vault il tant babiller ne debatre Quant vous voyez que Martin nous perdons ? La malle bosse vous puisse tous abatre ! Orde loudiere, pour toy ung peu esbatre, Commission ruÿneuse et mauldite Donner te veulx pour ce coquin rabatre Qui a si fort nostre cepte interdicte. (La Vigne, S.M., 1496, 479)

2.Partisans, compagnie, clan.

Et toutesfoiz ces deux apostataz de ma forge [et] du rommain coll(i)ege n'ont pas eu grant secte [var. sieute, suite] , car, qui les suivroit aujourduy, il seroit repute comme ung fol, ou comme en meurs ou en la foy un herese. (Mézières, Songe vieil pèl. C., t.1, c.1386-1389, 326)

...il a convenu que vous l'ayez mis a mort et plusieurs autres de sa secte et de son lignaige (Percef. I, R., t.1, c.1450 [c.1340], 525)

...que la guerre se feist contre Anthiocus et contre ceulx qui aroient suivi sa secte. (Mamerot, Romuleon D., 1466, 34)

...et peult on ligierement entendre que Coppenolle reveilla ses amys et ceulx de sa secte à Gand (La Marche, Mém., III, c.1470, 290)

...c'est le palais d'Honneur. (...) Il n'est si grant ne saige entrepreneur Qui ne souhaicte Icy venir (...). Si doncques de la secte Veulx demourer et que ton vueil appete D'estre leans... (Saint-gelais, Séj. honn. D., c.1490-1495, 345)

Remarque : Percef. IV, R., c.1450 [c.1340], gloss.

Estre de la secte et de l'accord de qqn. Être du parti, du clan de qqn.

...le prevost des marchands assembla grand nombre des brigans de Parys qui estoient de sa secte et de son acord (Le Bel, Chron. V.D., t.2, 1358, 252)

Faire sectes. Former des clans.

Le peuple plain de toute abusion Fera sectes serchant division (Cene dieux, c.1492, 122)

Secte des Templiers

Aucuns dient qu'il predist par astrologie plusieurs choses à Henry l'empereur VIIe de ce nom, de la destrucion d'aucune secte, c'est des Templiers, comme aucuns estiment. (Simon De Phares, Astrol., c.1494-1498, f° 132 r°)