SCELLÉ

substantif masculin

[GDC : seelé ; FEW (XI, 595b) : sigillum ; TLF (XV, 158a) : scellé]

A. -Document, acte qui a reçu l'empreinte d'un sceau.

[Le roi Pierre est élu roi par les Arméniens] ...les Hermins L'ont pour leur signeur esleü, Pris et nommé et receü, (...) À tous jours perpetuelment Et de commun assentement. Et par coy la chose ait durée, Tuit li milleur de la contrée Et les villes l'ont seellé, Par leur foy et par seellé, Tous ensamble, c'est assavoir Que c'est au roy et à son hoir. Et les clefs des milleurs fortresses, Qui dou païs sont plus maistresses, Ont baillié au prince son frere (Mach., P. Alex., p.1369, 223)

...le conseil dou roy Henri ... avoient procurations et seellés bons et justes de faire trettier et proceder en toutes coses, ou nom de leur signeur (Froiss., Chron. R., VIII, c.1375-1400, 31)

...par lesquelz seellez se constitueront et chascun d'eulx pour le tout pleiges et principaulx promecteurs, rendeurs et paieurs desdits IIIIc mil escuz d'or aux termes et par la manière dessus déclarez (Roi René vie L., 1437, 228)

...je me plaigny audit Jacques Cuer de mon partaige, en luy offrant ledit scellé pour en faire son prouffit et qu'il me rendist mondit scellé et trois mil escus (Aff. Jacques Coeur M., 1453-1457, 108)

Messire Guillaume de Menypeny, qui estoit adjourné pour respondre sur les parties et sommes de deniers qu'il doit tant par les papiers de l'Argenterie que par scellés et cédulles montans à 2.300 ou 2.400 escus, m'a rescript d'Orléans qu'il estoit malade entre les mains de médicins (Aff. Jacques Coeur M., 1453-1457, 139)

Et quant Saintré fut en Avignon, pour la grant nouvelle de sa venue, le roy d'armes d'Anjou, qui le seelé de sa response portoit, au saillir de la messe a Saintré ledit seellé presenta. (La Sale, J.S., 1456, 100)

...croire ne povoit que le prince vaulsist aller contre son seellé, lequel contenoit de rendre le filz du seigneur du Chastel (La Sale, Reconf. De Fresne H., 1457, 9)

De toutes lesquelles choses le roy fut moult esmerveillié. Et incontinent, par plusieurs et divers messages, fut mandé par le roy mondit seigneur de Bourbon venir à lui, et enfin l'envoya querir par monseigneur l'evesque de Mande, par lequel ledit seigneur de Bourbon avoit envoyé au roy le seellé dudit monseigneur le connestable des choses devantdictes. (Roye, Chron. scand., I, 1460-1483, 335)

...pour ce qu'il y avoit audit seellé ung mot qui disoit nomméement contre nous, nostre dit cousin de Calabre commanda au chappellain messire Pierre, qui escryvoit, que ce mot fust osté (Doc. Poitou G., t.12, 1475, 47)

...nous voullons et ordonnons que aucun ou aucuns des dis manans et habitans de nos dites ville, Cité et banlieue de Franchise ne puissent doresenavant estre traictéz, citéz, convaincu ou adjournéz en premiere instance par commictimus, privilleges de noz officiers ordinaires et commensaulx, privilleges de scollarité, cognoissance de scelléz (Hist. dr. munic. E., t.1, 1481, 470)

...les secretaires de l'evesque du Liege, (...) qui portoient les scellez qu'on dit avoir esté passez et accordez entre nostre trés chier et trés amé frere et cousin et lesdictz evesque du Liege (Lettres Ch. VIII, P., t.1, 1485, 71)

Et oultre interroga ledit chancellier, puisqu'il disoit qu'il eust baillé son scellé à monseigneur de Bourgoigne, que eust contenu ledit scellé ? Dict qu'il entendoit que par lesditz scellés y eust eu amitié et entendement entre eulx et qu'ilz eussent esté les plus fors et eussent promis ne faire point de guerre à mondit seigneur de Bourgoigne pour le moins. (Le Clerc, Interp. Roye, c.1502, 351)

Par/sur/sous le scellé de qqn

...messires Gautiers de Mauni...le prist [ce sauf-conduit] dessous le seelé dou dit duch et s'en passa atant (Froiss., Chron. L., IV, c.1375-1400, 7)

... Jehans de Segure vendi le garnison de Nogant sus Sainne à l'evesque de Troie... sus bonnes assegurances que li evesques li avoit données ... par son seellé (Froiss., Chron. L., V, c.1375-1400, 177)

Et jura par foi et sus son scellé, la où il seroit hasteement confortés des Englès, il...feroit son loial pooir de tourner son païs englès (Froiss., Chron. R., IX, c.1375-1400, 207)

Si furent aconduit... sus le... seellé de monsigneur de Bourgongne, jusques en la ville de Callais (Froiss., Chron. R., XI, c.1375-1400, 312)

...il li avoit donné, sus son seele, sauf conduit, pour li vintime seullement, et il passoit courtoisement et paioit partout bien, ne nuls ne se plaindoit de li. (Froiss., Chron. D., p.1400, 756)

Blanc scellé. Blanc-seing.

LE ROY DE BARBARIE. (...) Des maintenant je vous veulx tous requerre, Affin que mieulx vous puissez bruyt acquerre, Qu'a l'empereur demonstrez voz vaillances (...). J'ai maintes foys sa rigueur aconceue Et sa tra(h)yson par blans scellez receue, Soubz la couleur de parfaicte equicté (La Vigne, S.M., 1496, 227)

[Cont. métaph.] Garantie.

Ou sont les scellez des promesses de fortune, qui tant a esté pour vous, qu'elle ne vous puist revoquer ? (La Sale, J.S., 1456, 239)

B. -Par métonymie.

1.Accord garanti par un sceau.

...li dis messires Jehans de Haynau... renonça as fiés, as couvenances et as seelés qu'il avoit au roy d'Engleterre (Froiss., Chron. L., III, c.1375-1400, 107)

... il disoient que il avoient rompu leur seelé et brisiet triewes, qui leur estoit grans blasmes et prejudisces (Froiss., Chron. R., VIII, c.1375-1400, 121)

Par le teneur de leur trettié et dou seelé de leur composition, il ne ...devoient nullui rechevoir... en leur forterèce (Froiss., Chron. R., VIII, c.1375-1400, 142)

2.Marque, empreinte.

...ce n'estoit pas l'intencion de ladicte Ville [de Paris] de adjouster foy, desormais, à ce qui seroit fait soubz le seellé desdis seaulx depuis ledit larrecin et perte des seaulz dessusdiz (Fauq., I, 1417-1420, 50)

3.Droit attaché à l'action de sceller.

...attendu que le profit du seellé de telx lettres ne vient point au profit du Roy (Baye, II, 1411-1417, 197)