RIBAUD

adjectif et substantif masculin

[T-L : ribaut ; GD : ribaut ; DECT : ribaut ; FEW (XVI, 702a) : rîban ; TLF (XIV, 1133a) : ribaud]

I. -Adjectif. Débauché, scélérat.

...le cuer par simulacion fausse et ribaude se met avant. (Foul., Policrat. B., III, 1372, 238)

Gieffroy chevaucha tant qu'il vint a Mailleres et entra a l'abbaye. Et pour lors estoient tous en chappitre, abbé et moynes. Lors s'en vient Gieffroy, l'espee ceinte, et entre dedens, ou que il voit l'abbé et les moynes ; si leur a dit en hault : Comment ! Ribaulx moynes, qui vous a donné le hardement d'avoir enchanté mon frere tant que par vostre faulse cautele vous l'avez fait devenir moine ? Par les dens Dieu, mal le pensastes, vous en buvrez a un mauvais hannap. (Arras, c.1392-1393, 250)

De ces laboureurs vi je maint Laches, ribaux, faillis et faint (Chr. Piz., M.F., II, 1400-1403, 78)

...et maintenant pour un ribaut moynne dont vous estes acointie si faulsement et deloialment vous estes deshonoree et m'avez abandonné (La Sale, J.S., 1456, 296)

Nous sommes acertenez de la traïson que ces ribaulx moynes nous ont faicte par l'un d'eulx et par noz femmes. (C.n.n., c.1456-1467, 225)

...nostre pouvre coquard (...) estoit bien esbahy ou ses compaignons estoient, qu'ilz ne venoient pas ferir dedans ces ribaulx Armignacz. (C.n.n., c.1456-1467, 451)

Ne sonnez mot, ribaud prestre, ou je vous tueray maintenant. (C.n.n., c.1456-1467, 494)

...c'est le plus mauveis ribauld traître que vous veistes oncques (Gruel, Chron. Richemont L., c.1459-1466, 228)

Tu ne quarras pas chose grande, Affin que tu soyes honneste. Seulement demande l'esmende De l'offence de Jehan prophete, Qu'a dit que je suis deshonneste, Palharde, ribaulde, putain. Or t'en va demander sa teste Dans ung plat et le porte a la main. (Pass. Auv., 1477, 96)

Que male foire Puisse tuer la faulce palharde ! Arreguardés quel mal et parde Vient de ribaulde palhardise ! Adonay, quant je y advise Les gens que preschent verité, Souvent pour la iniquité Des ostinés seuffrent beaucop. (Pass. Auv., 1477, 99)

II. -Substantif.

A. -Homme de mauvaise vie, pillard, débauché.

Ribaux sont et symonialx. (Dupin, Mélanc. L., c.1324-1340, 54)

Il [dame et seigneur] seront nostre : or nous convient Mener joie com bon ribaus. (Mir. enf. diable, c.1339, 8)

Je m'en vois savoir (...) En la place se je verray Ame a qui parler en pourray. Egar : g'i voi deux grans ribaus Qui semblent estre fors et baus Pour faire tost un cop cornu. (Mir. femme, 1368, 186)

En mon temps, de telz pillars et de telz ribaux , j'en ay fait prendre et noier et occire plus de Vc. (Froiss., Chron. M., XII, c.1375-1400, 189)

...laquelle li respondi que c'estoit mauvaise fiance que d'amour de ribaut et de ribaude. (Reg. crim. Chât., I, 1389-1392, 337)

...et n'est ton parrain que un ribaut putier. (Reg. crim. Chât., II, 1389-1392, 456)

Mais de present ceste injure sera admendee. Monseigneur, il ne vous en fault ja mouvoir pour un tel ribaut [un géant qui lève des redevances sur les terres de son père] . Par les dens Dieu, je [Geoffroy] n'y menray seulement que dix chevaliers de mon hostel pour moy tenir compaignie, non pas pour aide que j'en veulle avoir contre lui, mais pour moy acompaignier pour honneur. (Arras, c.1392-1393, 240)

Ribault est celui qui a habitacion charnelle d'aucune femme mariée (Cout. instit. Anjou Maine B.-B., t.2, 1437, 487)

Par le vray bieu, le ribault ment (Gaud. sot, c.1450, 10)

...je vous monstreray a l'oeil et au doy le ribauld qui ce deshonneur nous a fait (C.n.n., c.1456-1467, 382)

...quand le ribauld la vit couchée a terre morte, il s'en fuyt avecques ses compaignons. (C.n.n., c.1456-1467, 553)

Et lors, pour son refuz, ledit bastard du Maine tira son espée pour fraper icellui archer, et ledit archer tira aussi la sienne pour se revencher, et alors ledit bastard du Maine cria à ses gens et autres estans à ladicte porte : 'Prenez ce ribault et le tuez !' Et incontinent fut couru sus audit archer, et ilec le tuerent tout mort. (Roye, Chron. scand., I, 1460-1483, 90)

Vous arés ung pugnivimus. Frappez dessus, grans et menus ; Le ribault est habandonné. (Myst. Pass. Troyes B., a.1482, 340)

[Organisés en bande, les ribauds ont un roi] Voir roi

Il fist venir avant le roy des ribaus et dist : 'Delivrés nous de telz.' Chilz fu tous appareilliés au commandement dou roy (Froiss., Chron. L., IV, c.1375-1400, 180)

Ribaud en chemise. Vagabond qui fait partie d'une bande, vêtu de la chemise caractéristique.

...icellui Thomassin est homme vacabond, houllier publique, menant femmes par le païs, joueur de dez, qui a esté ribaut en chemise, et lequel il a veu frequenter et suir la compaignie de Gillequin du Bar-le-Duc, larron. (Reg. crim. Chât., I, 1389-1392, 143)

[Terme d'injure]

Adonc se mist en genoulx li chevaliers devant le conte, et dist : 'Monsigneur, veci vostre prisonnier.'. De ceste parole fu li contes durement courouchiés, et dist par grant irour : 'Comment, ribaus, dis tu que tu ies mon prisonnier, pour ce se je t'ai mandé à venir parler à moi ?' (Froiss., Chron. R., IX, c.1375-1400, 129)

'Ribaut, tu m'as fait adjourner pour avoir tes ays ! Par le sanc Dieu, tu ne les auras pas, et en fay du pis que tu pourras !' (Doc. Poitou G., t.5, 1377, 62)

Fay, met le jus, ribault pourry ; A ceulz sera [ce chapon] qui l'ont nourry. (Vie st Fiacre B.C.P., c.1380-1400, 30)

Or l'appelle ribauld, après loudier, après putier, après yvroigne (C.n.n., c.1456-1467, 26)

Qu'est ce cy ? dist il. Par la mort bieu, ribauld, je vous tueray tout roidde. [Le mari surprend sa femme avec un 'gentil compaignon'] (C.n.n., c.1456-1467, 290)

SATHAN [à Lucifer] . Roy rigoureux, racyne ruÿneuse, Roche restive, rodelle rumyneuse, Rouge ribault, reprouvable raillart, Rachat recteur, rude roce rogneuse, Rogue rongeur, riche ronce raffleuse, Ravissant ris, rural retatynart, Reprehenssible, renfrongné regrongnart, Raby rebelle, redoubtable regnart (La Vigne, S.M., 1496, 350)

B. -En particulier.

1.Valet d'armée, soldat à pied (qui souvent se livre au pillage).

En bataille soit couars Et desconfis com ribaus et pillars, Avec le Roy de glace que trop doubte, Quand il m'a fait avoir en piet la goute. (Mach., L. dames, 1377, 222)

Et, durant ladicte journée, y ot grande occision de hommes et de chevaulx, dont plusieurs en furent tuez par les ribaulx pietons du costé dudit de Bourgongne, qui, de piques et autres ferremens les tuoient. Et y mourut de gens de nobles maisons de costé et d'autre. (Roye, Chron. scand., I, 1460-1483, 66)

Portefaix.

Remarque : DESCH., Oeuvres Q., t.5, c.1370-1407, 122.

2.Amant adultère.

LA MARQUISE. Egar ! biaux seigneurs, que querez Vous cy endroit ? L'ONCLE. Dame, vostre ribaut destroit, Qui lez vostre costé se gist. (Mir. marq. Gaudine, 1350, 138)

Je l'ay mise [la marquise] en forte prison, Car fait a si grant mesprison Que son ribault de vostre nain A fait (Mir. marq. Gaudine, 1350, 144)

...l'en lui avoit rapporté que (...) illec avoit esté perdue une tasse d'argent, et que le seigneur de l'ostel où ilz avoient beu mescreoit d'icelle tasse sa femme, disant que elle l'avoit prinse pour donner à ses ribaus. (Reg. crim. Chât., II, 1389-1392, 300)

3.Bourreau.

Et fist incontinent une longe table lancier hors des fenestres, et là amener trois chevaliers et un escuier que il tenoit prisonniers... si les fist monter sus celle table l'un apriès l'autre, et par un ribaut coper les tiestes (Froiss., Chron. R., VIII, c.1375-1400, 159)

Comte des ribauds. Bourreau.

Hannin Roen, varlet du mestier dez tisserans, fut jugiet d'ameneir à quatre hueres après diner par le conte des ribaus, loiet d'une corde, de le prison jusques au pond d'Elverdijnghe et d'ycelli pond jeter en l'Yppre, et fu jeté dedens et, aveuc ce, fu bannis 2 ans hors le pays de Flandres, sour le gibet, pour horriblez despiteusez parolez et villaines maudissons qu'il parla et maudit envers Nostre-Seigneur Jhesu-Crist (Hist. industr. drapière Flandre E.P., t.3, 1390, 801)

Voir aussi ribaude