TRUAND

adjectif et substantif masculin

[T-L : trüant ; GD : truand ; GDC : truand ; FEW (XIII-2, 331a) : *trugant ; TLF (XVI, 707b) : truand]

A. -(Celui) qui mendie, qui vagabonde.

Après, amis, en pacience Dois penre (...) et dois tenir la droite voie Que Job tenoit, quant essilliez Fu et si mal aparilliez Qu'il perdit tout, c'est chose voire, Fors que le corps et le memoire, Comment qu'en richesse signeur N'eüst en Oriant gringneur ; Or just sus un fumier puant Tout seul, en guise d'un truant, Chargiez de rongne et de vermine ; Mais tant ot a Dieu son cuer qu'il ne Dist onques chose de sa bouche Qui peüst tourner a reproche De son Dieu, einsois humblement Le looit et devotement. (Mach., C. ami, 1357, 61)

De meilleur pitence que d'eufs Vous norricez, truant paillart. (Mir. st Alexis, 1382, 349)

Laissiez ce truant [Ponthus déguisé en mendiant] (Ponthus Sidoine C., c.1400, 120)

Faire le truand

SECOND COMPAIGNON. (...) Empongnons boe et terre ensemble Et quanque pourrons amasser ; Si le faisons [le fol] avant passer En li ruant. PREMIER COMPAIGNON. C'est bien dit : il fait le truant Si com je croy et bien appert. (Mir. parr., 1356, 28)

B. -Par extension.

1.(Celui) qui est misérable, méprisable, déloyal.

Pluseurs se font serorgiens Qui n'y scevent mettre les mains (...). Ces truans sont de grant barat, Chargiés des boites et de sac, Qui vont trenchant les genitaires. (Dupin, Mélanc. L., c.1324-1340, 73)

Je me plein de celui qui en celier converse : Il me honnist mon vin de l'iaue qu'il y verse. Mout fu l'uevre de Dieu à la sienne diverse ; Car il fist d'yaue vin, et il fait la renverse. C'est uns truans convers qui aimme une converse, Orde, vieille et puante, orgueilleuse et perverse. Je la trouvay l'autrier dessous lui toute enverse. (Mach., Compl., 1340-1377, 266)

...et nompourquant L'amant savoient trop bien feindre, Sans mal sentir gemir et pleindre, Et si savoient trop bien faire Faus samblant et eaus contrefaire, Com mauvais desloial truant. Mais li faus traïtre puant En un cas trop se decevoient, Car muër coulour ne savoient. (Mach., D. Lyon, 1342, 198)

Fuyés, pour Dieu ! ce traitre, truant, tyrant ! Prenés trois remedez contre luy, a l'exemple de nostre Royne ! Le premier remede : penser incontinent : A quoi peuent tendre ou valoir les paroles d'un qui loue en sa presence une personne. (Gers., Annonc., a.1400, 235)

Truant, Vous mocquez vous de la justice ? (Path. D., c.1456-1469, 150)

Quar tu n'é c'un meschant truant, Un palhart, puis qu'il le faut dire ! (Pit. Col. A., a.1470, 517)

Advansés vous tost d'accomplir Vostre office, truans garsons ! (Pass. Auv., 1477, 208)

Mes tu que croys a ce truant, Dy, comment auses tu cy venir, Que avec luy puissies tu paix tenir Au futur secle sans dy, amen ! (Pass. Auv., 1477, 266)

...ce mignon, Ce truant, ce mauvais larron (Sots mal., c.1480, 89)

Mais regardez l'ort viel truant, Comment il fait bien la grimace ! Je n'en ay pitié ne pitasse, Ne que de la peau d'un viel ours. (Myst. Pass. Troyes B., a.1482, 738)

LUCIFFER. (...) Au fin fons d'enffer soyent ars Les coquins, truans, glorïeux, Les belistres, poilleux, coquars, Tant sont ilz lours et maleureux ! N'estes vous poinct tant valeureux De Martin si bien promener Que, par quelque[s] maulx douloureux, Ceans le puissez admener ? (La Vigne, S.M., 1496, 514)

[Comme terme d'injure] Misérable.

Taisiez, dist il, truans, vous soiiez maleois ! (Hugues Capet Lab., c.1358, 181)

Passe, passe, truant, paillart, Vuide ma porte. (Mir. Pierre Changeur, c.1378, 236)

De meilleur pitence que d'eufs Vous norricez, truant paillart. (Mir. st Alexis, 1382, 349)

En simples injures verbales come truant, paillart, dictes hors jugement. (Cout. instit. Anjou Maine B.-B., t.4, 1464, 273)

Et comment sot gouuernement Damp truant gras esse la guise A la Messe et au seruice De rire et de toy galler Ainsi hautement au moustier Ie ten puniray sans arrest. (Myst. st Martin K., a.1500, 321)

Remarque : Myst. st Clément Metz D., p.1439, gloss. ...

2.[D'une chose] Misérable, méprisable.

Dont en terre riens ne demeure Qu'il [l'homme] ne gaste tout et deveure, Bestes, herbes, tous grains et fruiz, Com Nature les a produiz, Pour déliter et pour nourrir Son truant corps, qu'il fault pourrir (La Haye, P. peste, 1426, 36)

HANNEQUIN LE HASARDEUR. (...) Mauldit soit qui m'a mys en chance ! Mauldit soit mon corps s'il s'amende ! Mauldit soit ma malle meschance ! A tous les deables me commande. Prince, mauldit soit ma croissance ! Mauldit soit ma vie truande ! Mauldit soit qui m'a mys en dance ! A tous les deables me commande. (Il se gecte a bas et demeure pendu.) (La Vigne, S.M., 1496, 387)

Qui incite à une vie misérable, paresseuse.

...Povons au vray sillogisier Que chascun usant de viandes Grosses et rudes et truandes, Et ceulx qui font leur mansion En quelque lieu ou région Auprez des eaues néant clères, (...) Peuvent tout seurement et doivent User d'aulx un peu par raison (La Haye, P. peste, 1426, 127)

Voir aussi truande