PROVISION

substantif féminin

[T-L : provisïon ; GD : provision ; GDC : provision ; FEW (IX, 487) : provisio ; TLF (XIII, 1400a) : provision]

I. -[Idée de prévoir les choses et d'y pourvoir]

A. -Action de pourvoir à qqc., de veiller à qqc., d'y remédier, prévoyance, mesure de prévoyance.

Jeunes, amones, orisons, Diligence, provision Garde pour t'ame avoir puissance. (Dupin, Mélanc. L., c.1324-1340, 183)

Mais ce qu'elle [la cité] est si de touz biens emplie, Ce fist Amours de sa provision. (Mir. Theod., 1357, 131)

Et les manieres de la provision et comment l'en puet justement obvier a ce que nul ne soit fait trop grant furent touchiés en glose ou .XIXe. chapitre du tiers. (Oresme, Pol. Arist. M., c.1372-1374, 208)

...sont d'oppinion qui ainsi soit fait par la bonne ordenance et provision de monseigneur de Berry, auquel le Roy et monseigneur de Bourgoingne s'en rapportent. (Ch. VI, D., t.1, 1385, 61)

SI VOUS SUPPLI, dame Justice, de hatif remede et convenable provision sus toutes ces injures (Gers., Traité R. Rose H., 1402, 63)

...icelle chartres et previlleges ont esté prinses, arses, perdues et adirés, sy comme iceulx exposans dient, requerant humblement nostre provision (Hist. dr. munic. E., t.1, 1402, 209)

...maistre R. Mauger, premier president, proposeroit ou Conseil du Roy ce qui a esté advisié et miz par articles sur la provision et reformation de ce royaume (Baye, II, 1411-1417, 225)

...pour leur faire savoir [au roy et au duc de Bourgogne] l'estat de la ville de Paris et le peril imminent, afin d'avoir sur ce provision et secours sans attente ou long delay. (Fauq., I, 1417-1420, 253)

Item, jà soit que pluiseurs princes et villes situées et assises entour les Pragois avoient fait trièves avec yceulx, toutefois la grigneur partie se tenoient encore fermemment à yceulx, espérant sur la provision du concille, mais se ilz sçavoient le département d'ycelui, si feroient aussi trièves comme les aultres, dont il s'ensuiveroit qu'ilz se ahorderoient avec les Pragois. (Monstrelet, Chron. D.-A., t.4, c.1444-1453, 450)

...il attendra la bonne provision d'Amours et la grace de la damoiselle. (Cligès C.T., 1455, 77)

Si advint ainsi que, quand ce seigneur d'Aussy devoit partir et que l'on regardoit que cely de Rosinbos n'y estoit point, vindrent les maistres d'hostel a ly et les escuiers de cuisine et luy demanderent a qui, en l'absence de eulx deux, on porroit baillier l'estat et le plat du premier chambellan, car desiroient bien avoir provision sur ce et son bon advis. (Chastell., Chron. IV, D., c.1461-1472, 103)

SATHAN. (...) Il n'y a moyen que g'y saiche, Synon de fouÿr en enfer Moy conseiller a Lucifer Que provision soit trouvee. (Myst. Pass. Troyes B., a.1482, 330)

Avoir/mettre provision à ce que + subj. Prendre des mesures pour que.

...pour avoir advis et deliberacion et provision à ce que on puist seurement amener vivres à Paris et obvier à ce que aucunes roberies ou extorcions ne soient faictes indeuement aux marchans (Fauq., I, 1417-1420, 45)

...et leur [au roy et au duc de Bourgongne] remonstrer l'estat de ladicte Ville [de Paris] et requerir que provision hastive soit mise à ce que lesdictes gens d'armes cessent d'empescher à amener les vivres et necessités de ladicte Ville (Fauq., I, 1417-1420, 183)

Faire sa provision. Prendre des mesures en vue de qqc..

Remarque : Mabrien V., 1462, gloss.

Faire provision à. Pourvoir, veiller à qqc..

...pour conseiller la provision à faire contre ces pillars et banniz qui courent par le royaume (Baye, II, 1411-1417, 266)

...pour conferer et deliberer ensemble sur les provisions et remedes qui estoient à faire à l'encontre des faultes, abus ou monopoles, que faisoient, si comme on disoit, les boulengiers et musniers de la ville de Paris (Fauq., I, 1417-1420, 371)

...la Court fist venir en la Chambre de Parlement sire Jehan de Precy, tresorier (...) pour savoir quelle ordenance et quelle provision estoit faicte sur le paiement desdis gaiges, et s'il avoit argent pour les paier. (Fauq., III, 1431-1435, 55)

Donner provision à. Pourvoir, veiller à qqc..

Lesdictes pilleries ont tousjours despleu au Roy et desplaisent de tout son ceur. Et s'est assayé pluiseurs fois de vuidier toutes gens faisans pilleries, et les logier sur frontières. Et luy estant derrainement à Angiers l'avoit fait et ordonné, et les avoit establis et soldoyés. Mais lors et depuis, on luy a levez lesdictes gens d'armes, qui ont esté cause de remettre les pilleries sur les pays. Et luy ont esté faites pluiseurs traverses, par quoy on n'a point peu excuser, ne donner provision auxdictes pilleries, ainsi comme il avoit proposé et intencion de faire. (Monstrelet, Chron. D.-A., t.6, c.1444-1453, 37)

...toutesvoyes par lui ne par autre ne fut donné plus avant provision ad ce que dit est (Ecorch. Ch. VII, T., 1447, 152)

Et, pour ceste cause et à grant haste, le roy envoya audit lieu de Paris son mareschal, seigneur de Loheac, et maistre Jehan Bureau, tresorier de France, pour pourveoir et donner provision audit donné à entendre. (Roye, Chron. scand., I, 1460-1483, 10)

Par quoy nostredit cousin, conseiller et premier chambellan, le sire de Craon, et ses parens et amys, voyans la vie et conversacion de sa dicte femme, et que s'il n'y donnoit provision et qu'elle demourast en sa liberté, il pourroit etre en dangier (Archives servit. Louis XI, T., 1471, 40)

...si au moyen de ce aucune chose survenoit à l'entour de vous et en vostre quartier qui nous peut prejudicier, vous y donnez et de si bonne heure la meilleure et plus prompte provision que faire se pourra (Lettres Ch. VIII, P., t.1, 1487, 144)

Et pour y donner prompte pourvision, ay ordonné y aller presentement et en diligence bon nombre de gens d'armes Suysses, arbalestriers et aultres (Lettres Ch. VIII, P.M., t.5, 1496, 30)

Mettre (la) provision à/en qqc. Prévoir qqc., y pourvoir, y veiller.

...par protestation que, ou cas que par ledit concile de Bale n'y sera mise provision, que, icellui concile dissolu et finé, lesdictes ordonnances de l'eglise de France soient gardées et aient leur cours selon les termes d'icelles (Fauq., III, 1431-1435, 106)

Mom chier frere, a dire vouer J'ey ouÿ parler bien avant Et suis dispousé vraymant Que a l'empereur nous alions, Et tout le cas luy expousons Pour y mectre pourvisiom. (Myst. st Sébast. M., c.1450-1500, 154)

...[elle] lui avoit promis [au curé] , quant elle seroit mariée, de faire ce qu'il vouldroit ; laquelle chose, le jour de ses nopces, il luy ramenteust, ce que le mary d'elle ouyt tout a plain, a quoy il mist provision, comme vous orrez. (C.n.n., c.1456-1467, 10)

...la verité est telle que je vous ay dicte, qui vous sera quelque jour prouvée et cher vendue pour aultry et pour moy, si aultre provision de par vous n'y est mise. (C.n.n., c.1456-1467, 236)

Et les choses dessusdictes ainsi faites, lesdis ambassaeurs s'approcherent du roy et lui remercierent la provision qu'il avoit mise sur le fait des gendarmes de non entrer es pays de Bourgongne, Masconnois et Charolois (Chastell., Chron. IV, D., c.1461-1472, 41)

...la chose estoit intollerable a eulz (...), car se reputoient de hault et noble sang (...), parquoy prioient au duc (...) qu'en cecy il voulsist pourveoir convenablement et remedier, affin que celle honte et reboutement ne leur demorast par l'avancement d'un mendre. Sy leur promist le duc a y mettre provision et d'en savoir bien faire en temps (Chastell., Chron. IV, D., c.1461-1472, 105)

...par leur conseil et de ceulx des estaz du royaume soit fait remonstrance au Roy des choses dont on a cause de se douloir, pour y estre mis la provision telle qu'elle est neccessaire pour le bien de lui, de sa couronne et de la chose publique du royaume (Roi René vie L., 1465, 311)

...quant il ara achevé, Bien ratissé et bien bavé, Nous nous en yrons a retraict Tenir ung beau conseil estrect Pour y mectre provision. (Myst. Pass. Troyes B., a.1482, 395)

SAINCT MARTIN. (...) N'ayez le cueur si endurcy Qu'a confession ne taschez ; A Dieu voz vices ne cachez, Car ce seroit abusion. Pour tant, messieurs, en voz pechez Mectez briefve provision. (La Vigne, S.M., 1496, 424)

Se ainsi estoit qu'ilz tirassent à Saint-Quentin, jamais ne vous ne autre du costé deçà ne seroient devant eulx, car, de Falvy audit lieu de Saint-Quentin, n'y a pas si loing que de là où vous estes. Dont je vous advertis adfin que provision y soit myse, car elle est en la charge de vous et des autres qui y devez aller. (Le Clerc, Interp. Roye, c.1502, 316)

Mais pour ce qu'il congnoissoit le Quesnoy, où il estoit, estre foible place, et aussi que les places voysines estans en l'obéissance du roy estoient en dangier de jour en jour d'[estre] prinses par les Bourguignons, se bonne provision n'y eust esté mise, il n'en volut partir ne abandonner le pays jusques ad ce qu'il eust faict bien fortifier ledit Quesnoy et que provision fust mise ausdittes places de gens d'armes, vivres et autres choses neccessaires pour la garde d'icelles (Le Clerc, Interp. Roye, c.1502, 380)

Remarque : Guill. Orange T.H.G., p.1450, gloss.

Requerir provision. Demander que l'on prenne des mesures de prévoyance.

Et si a esté touchié de requerir provision pour la ville de Paris où pluseurs gens d'armes doivent arriver en brief en la compaignie des ducs de Berry, de Bourgoigne, de Breteigne et du roy de Sicile (Baye, I, 1400-1410, 220)

Jeudi, VIIJe jour d'aoust, le prevost des marchans et les eschevins de la ville de Paris ont autres fois requis provision pour faire descendre et mettre à couvert les vins menez à Rouen par les marchans de Paris (Fauq., II, 1421-1430, 211)

[À propos de Dieu]

Sire, qui par provision D'infinie amour et bonté As volu prendre humanité... (Mir. st Panth., 1364, 362)

O sire Dieu, ou gist provision, N'obliez pas ce povre champion, Maiz le tirez ou hault mont de Syon De vous veoir qui est souverain bien ! (Myst. st Adr. P., c.1450-1485, 117)

La divine provision. La provision de Dieu. La Providence.

...l'an aussi noveme del pontification de nostre tres sain pere en Dieu saigneur Urban par la digne de Dieu provision pape syseme, en le presenche de moy, puble delle autoriteit imperiaule et del court de Liege notaire et des tesmoins chi desouz nomeis... (Hemricourt, Pièces div. B.P., 1386, 84)

...et icy failly Aristote et presques tous les philosophes, et pour ce ilz furent ingraz a Dieu et cheurent en horribles erreurs, en ydolatries et en vilité contre nature, et nierent la provision franche de Dieu et la remuneracion des bons en l'autre vie, et la punicion des mauvais (Gers., Trin., 1402, 162)

...car comme il desplaise à Dieu telle elevance, et ne le puist au par aler souffrir, pou avient qu'il ne trebuche les arrogans par sa divine provison (Chr. Piz., Paix W., 1412-1413, 145)

Au pluriel. Interventions providentielles.

Dieux, pourquoy souffrez cest outraige, Qui souffrez que cilz desloiaux [l'Antéchrist] Fait tes bons crestïens loyaux Toy deguerpir et en lui croire ? Biaux doux Dieux, car aye memoire De tes douces provisions ! (Jour Jug. R., c.1380-1400, 237)

B. -En particulier.

1.Entretien, soins à donner (à qqn, à qqc.).

Item, ce jour a esté pourparlé sur la provision des petis pons et passages pour le marrain, et a esté mandé le prevost des marchans qui a recité de pluseurs manieres de faire et refaire les pons de Paris touchées au grand conseil (Baye, I, 1400-1410, 220)

...et sans ce que des meubles ilx puissent aucune chose ailleurs mettre ne emploier que en ladicte provision de ladicte femme et de ses enfans (Baye, II, 1411-1417, 247)

[Dans un sens nég.] Provision contre. Ce qui est prévu contre.

Au souper des dieux sont entrees, Escriptes et enregistrees Les provisions impetrees Par raison contre vie humaine, Voz gloutonnies et voz ventrees Et façons tresmal acoustrees Ont esté veues et remonstrees En la cene des dieux desraine. (Cene dieux, c.1492, 133)

2.Sommes rassemblées.

Donner provision à qqn. Pourvoir aux besoins de qqn au moyen d'une somme versée régulièrement.

...a chascun des plus nobles senateurs estant povre, donna provision annuelle. (Mamerot, Romuleon D., 1466, 325)

Toutesfois pardonna Probus aux deux filz de Bonosus et donna tousjours provision a sa femme jusques a sa mort. (Mamerot, Romuleon D., 1466, 443)

Économies rassemblées.

Si fut a la perfin fait de lui comme des aultres, mais la sage provision qu'il avoit espargnee le sauva et garda de neccessité. (Chr. Piz., Trois vertus W.H., c.1405, 40)

3.En particulier. Somme versée à titre d'acompte.

...duquel bienfait ou provision mondit seigneur a ordené que eulz et chascun deulz soient poiez par quart dan sur les receptes d'Orbec (Compte Navarre I.P., 1367-1371, 105)

...laquelle somme mondit seigneur leur a ordonnee estre bailliee et delivree par maniere de provision, sur ce que feu monseigneur le duc, que Dieux absoille, pere de mondit seigneur, leur devoit et povoit devoir à cause de leurs gaiges et pencions (Comptes Etat bourg. M.F., t.1, 1420, 348)

Et finablement conclurent en effect que deux des dessusdis conseilliers yroient devers le Chancelier afin d'avoir provision sur le paiement desdis gaiges (Fauq., II, 1421-1430, 194)

...maistres Richart de Chancey et Jaques Branlart, presidens, envoiez devers le Roy et les gens de son Conseil estant en la ville de Rouen, poursuir provision sur le paiement des gaiges desdis presidens et conseilliers (Fauq., III, 1431-1435, 22)

4.Provision de temps. Exception dilatoire.

Remarque : HENRI FERR., Modus et Ratio T., c.1354-1377, gloss.

C. -Chose dont la possession apparaît souhaitable si l'on est prévoyant.

1.Approvisionnement, ce qui est nécessaire à qqn.

Aprés je dy que selon droit naturelment convenable a bonne policie, l'un [le mari] ne puet pas laissier l'autre voluntairement pour ce que les enfans ont mestier de l'un et de l'autre [la femme] quant a nourreture et a doctrine et a provision. (Oresme, E.A.C., c.1370, 445)

Au jour d'ui, a la Court commiz Pierre Belle, huissier de ceans, au gouvernement et administration des IJ Chambres de ceans sur la provision aviser et faire ou faire faire de buches, chandoilles, torches (Baye, I, 1400-1410, 212)

Et est l'office de l'omme d'acquerre et faire venir ens les provisions ; et la femme les doit ordonner et dispenser par bonne discrecion et ordre convenable (Chr. Piz., Trois vertus W.H., c.1405, 173)

...se feust transporté en nostre ville de Meleun, pour (...) enquérir secrectement de l'estat, garnison provision et deffense d'icelle ville de Meleun (Ch. VI, D., t.2, 1417, 81)

...il a grant desir de savoir quelle provision et garnison a esté mise à Chartres (Fauq., I, 1417-1420, 257)

Ce jour, la Court a surrogué et commis Jaquet Rat, huissier de Parlement, à faire les provisions de busche et autres neccessités de la Chambre de Parlement (Fauq., I, 1417-1420, 331)

...ilz s'efforcèrent d'avoir une beste aumaille pour la provision des compaignons de ladicte garnison. (Ch. VI, D., t.2, 1418, 104)

...lesdis orfevres ne furent devers eulz [les maistres des monnoies] que une seule fois pour avoir provision d'or (Fauq., II, 1421-1430, 232)

...grant nombre de bateaulz, chargiez de vivres et provisions pour les habitans de la ville de Paris et autres obeissans au Roy (Fauq., III, 1431-1435, 2)

Et quant ilz ont a reparer leurs maisons, esglises, murailles, foussés, ambaxades et provisions de leurs villes, ou a leur seigneur faire aucun don ; alors les povres hommes, qui sont mengiez des mengeurs, a leur seigneur ne ont de quoy paier (La Sale, Salade, c.1442-1444, 18)

Et si fut aussi ordonné et enjoinct à ung chacun de ladicte ville qu'ilz se armassent et eussent provision d'armeures, chacun selon son estat, pour la garde de ladicte ville et pour estre tous prestz quant mestier en seroit, et ce par cedules envoiées de par ladicte ville à ung chacun particulier. (Roye, Chron. scand., I, 1460-1483, 49)

Et le jeudi ensuivant [26 septembre], vindrent en l'ostel de ladicte ville plusieurs grandes plaintes par aucuns des bourgois de ladicte ville de plusieurs mauvaises paroles malsonnans que disoient et publioient plusieurs gens de guerre estans en ladicte ville contre lesdiz bourgois, manans et habitans d'icelle, pour y donner provision. (Roye, Chron. scand., I, 1460-1483, 114)

Pour Dieu, Cupido, regardés Ung peu a ma provision, Je requiers eppediction, Il ne me fault point long procès. (P. moyne, a.1500, 47)

Et, oudit voyage, ledit grant maistre, usant dudit povoir de lieutenant du roy, logea [et] fist loger l'armée et ses gens de guerre d'icelle armée, dont il avoit la charge et conduicte, et leur ordonna les villes, lieux et pays où ilz se porroient estandre pour avoir leurs vivres, logis et provisions. (Le Clerc, Interp. Roye, c.1502, 248)

Clerc de despense et de provision. Voir clerc

En provision. À disposition.

Et vous, maistre moyne, esse honneur En l'estat de religion D'avoir femme en provision ? (P. moyne, a.1500, 47)

Faire provision de qqc. Se procurer qqc..

...le landemain matin, yceulx deux compoingnons se partirent de lui qui parle, et lui dirent qu'ilz venoient à Paris pour faire provision desdittes poisons (Reg. crim. Chât., I, 1389-1392, 454)

Qui n'ait point vapeurs corrompues Meslées en soy n'espandues, Et qui ne soit mal odorant, Caligineux ne trop plourant, Maiz à faire provision De bon air par discrétion. (La Haye, P. peste, 1426, 74)

Ung orfevre de Paris (...) fist large et grand provision de charbon de saulx. (C.n.n., c.1456-1467, 65)

...les prestres faisoient provision de palmes et aultres verdures (...) pour servir a la procession pour lendemain. (C.n.n., c.1456-1467, 513)

Faire la/sa provision

Et pour ce, par similitude, les gens dient aucunes bestes estre prudentes, pour ce que il ont une industrie naturele de faire leur provision. (Oresme, E.A., c.1370, 342)

...elle fut [appellée] de sa maistresse pour aller a la boucherie faire la provision pour le disner. (C.n.n., c.1456-1467, 397)

2.En particulier.

a)Approvisionnement de vivres, réserves de nourriture.

À Jehan du Moustier, escuier trenchant de Monseigneur, par don à li fait à volenté pour bienfait et provision de vivre par Monseigneur le Captal, lieutenant de Monseigneur, de LX frans par an (Compte Navarre I.P., 1367-1371, 108)

...lesquelz dirent audit suppliant qu'ilz vouloient aller ou pays d'Aulnis gaigner argent à labourer ès vignes, et il leur respondit qu'il iroit volentiers avec eulx. Et alors il print son fessouer et deux pains fetiz en ung sac pour sa provision de la sepmaine ensuivante (Doc. Poitou G., t.11, 1469, 177)

A Annas bien te lougerons Et de ta cage pleisir ferons A noustre meistre et es Juifz, Pour la provision que y as mys [ici, gibier et poissons] . (Pass. Auv., 1477, 147)

...prevoyant la famine canine, enhorta les riches hommes de faire pourvoyance de froment et autres grains longtemps par avant, et lui mesmes en fist telle provision qu'il en substanta IIIIc, tant hommes que femmes, moult longtemps. (Simon De Phares, Astrol., c.1494-1498, f° 109 v°)

...au moien de laquelle predicion tous les marchans voyagerent à dilligence et par mer et par terre et firent si grandes provisions, que le païs supporta plus aisement l'infortune et sterillité de la terre. (Simon De Phares, Astrol., c.1494-1498, f° 37 r°)

Faire ses provisions. Rechercher sa nourriture.

Chacun voise en ses garnisons, En son creneau ou en sa tour, Et faire comme le butour De nuyt fait ces provisions. (Myst. siège Orléans H., c.1480-1500, 150)

Parquoy il entra en la dicte ville avecques aucuns de ses gens et eulx serchant et faisant leur provisions de vivres par icelle ville, virent ung eschauffault dressé en l'ung des carrefours d'icelle (La Vigne, V.N., p.1495, 300)

b)Ensemble de moyens (humains et matériels) mis en oeuvre pour faire la guerre (ici, croisade contre les Turcs).

Mes le bon Saint Pere le fit tout a tiltre d'amour et d'affection qu'avoit envers la personne du prince que aultreffois avoit veu et cogneu, et pour l'onnorer et reverender en recompense de la bonne voulenté que scentoit en ly [et] y esperoit trouver touchant la pourvision alencontre des infideles. (Chastell., Chron. IV, D., c.1461-1472, 250)

c)Remède, soulagement.

Remarque : Hist. prem. destruct. Troie R., c.1470-1480, gloss.

D. -Action de conférer un poste vacant ou un bénéfice.

Et pour ce que nous pallons de benefices, considerons conment le Pape, par sez reservacions, si destruit le service divin. Car il a reservé a sa provision et ordenance toutes dignités auquelles aucun si est pris par election, soient eveschiés, ou aultres dignités secullieres, ou abbaïes, ou priorés (Songe verg. S., t.1, 1378, 97)

...sur l'execution des ordenances royaulx touchans la provision des benefices electifz (Baye, II, 1411-1417, 157)

...la Court n'a mie voulu defendre ou empeschier que les singuliers de la Court ne puissent, se bon leur semble, requerir et poursuir leur provision envers le Pape ou les ordinaires (Fauq., II, 1421-1430, 6)

Trespassa ycellui maistre Jehan Chevrot non evesque de Tournay, mes de Toul en Lorraine, par translation faitte de l'ung a l'autre, de cely de Toul a cely de Tournay, par pourvision eue entre les deux prelatz, avec l'avisement d'aucuns sages alentour du duc de Bourgoingne, pour eviter le discord qui pourroit ensievir pour cause de ce benefice de Tournay entre le roy et ledit duc (Chastell., Chron. IV, D., c.1461-1472, 264)

...nous avons grandement à cueur sa promocion et ample provision en l'Eglise, et mesmement qu'il ait lesdictz eveschiez de Syon et Grenoble (Lettres Ch. VIII, P., t.1, 1483, 11)

...vueillez tous ensemble et en particulier requerir à nostre Saint Pere et tant faire envers lui qu'il face lesdictes provisions d'iceulx arceveschiez et eveschié, ainsi que lui avons requis (Lettres Ch. VIII, P., t.1, 1483, 20)

...qu'ilz en escripvent pour ledict prothonotaire à nostredict Saint Pere, en lui priant qu'il casse et revoque la provision qu'il en pourroit avoir faicte à autre personne que audict prothonotaire. (Lettres Ch. VIII, P., t.3, 1490, 125)

Lettre de provision. Lettre patente par laquelle un office est conféré.

Et pour ce qu'il n'avoit pas fait convenir dedens le temps des dictes fermes ses diz debteurs et que après il ne le povoit faire, comme il lui sembloit, sans noz lettres de provision ou de noz esleuz sur le fait de nos aides ou dit païs de Poictou. (Doc. Poitou G., t.8, 1441, 128)

Lettres de provision de receveur de la ville de Paris, octroyées par Jean Baillet, prévôt des marchands et les échevins de Paris, à Jean Luillier (Comptes Paris V.L.D., t.1, 1447-1449, 533)

II. -[Idée d'une chose provisoire]

A. -Mesure judiciaire provisoire, mesure préventive, ce qui est adjugé préalablement à une partie en attendant le jugement définitif.

...ordonnons que par noz diz bailliz sur leurs subgiéz, par noz auditeurs sur les diz bailliz, soit faite et donnée sur ce provision et remede aux parties qui de ce se vouldront douloir, en tele maniere que leur jugement soit aceleréz et abregiéz. (Cout. bourg. glosé P.M., c.1380-1400, 118)

...ouye certaine requeste de provision faite à ladite court de parlement, par reverend pere en Dieu mons. l'evesque de Paris, faisant mencion, sadite requeste, que jà soit ce que, par ledit mons. l'evesque ou son promotteur, eussent esté requises lui estre rendues deux femmes que l'en disoit estre sorcieres (Reg. crim. Chât., II, 1389-1392, 312)

Et ce fait, fu par mondit seigneur le chancellier demandé par oppinions aux dessusdis quelle provision est bonne à mectre en ceste matière. (Ch. VI, D., t.1, 1395, 127)

Fu ordonné par mess. les presidens que l'en ne fera aucune provision en la cause du duc de Bourgoigne et des habitans de Douay à l'encontre des chapitre de S. Amé et de Saint Pere dudit Douay (Baye, I, 1400-1410, 72)

...les habitans d'icelle ville (...) se sont condolus à monseigneur le gouverneur de Rethelois de certains griefs qu'ilz disoient à eulx estre fais par lesdis seigneurs, adfin de sur ce avoir provision de justice, iceulx habitans prosuis ad fin d'avoir chascun d'eulx amende de dix solz parisis (Trés. Reth. S.L., t.2, 1407, 544)

Lorens Caignol et Pierre Le Valoys, marchans de bestail, ont baillié ceans leur requeste par escript afin d'avoir provision de la delivrance de leur bestail (Fauq., II, 1421-1430, 53)

...car sentence d'arbitre sans provision de paine ou de tradicion de gaige n'est nulle (...). En troys cas vault la sentence d'arbitre sans promesse de paine (Cout. instit. Anjou Maine B.-B., t.2, 1437, 121)

Le monde n'est qu'abusïon ; Il n'est qui contre mort resiste Ne qui treuve provisïon. (Villon, Test. R.H., 1461-1462, 47)

...la provision que la loy et coustume desdiz pais donne sur ce est telle que le premier acquereur de la rente, (...) doit faire adjourner les autres acquereurs (Cout. instit. Anjou Maine B.-B., t.3, 1463, 487)

La provision en peril de maison ou murs ruyneux en bonne ville est faire adjourner de heure en heure le proprietaire, et de ce conclure qu'il face abatre (Cout. instit. Anjou Maine B.-B., t.4, 1464, 304)

Monseigneur, je envoye ce porteur mon secrétaire par devers vous pour obtenir les provisions nécessaires au faict de mon cousin, lesquelles ont été veues et accordées par vostre Conseil, vous suppliant qu'il vous plaise les commander (Cartul. Laval B., t.3, 1482, 300)

Les arrestz de ses cours de parlement [de Charles VII] estoient exécutez, et bailloit les provisions de justice au cas appartenans, et avoit la justice son cours entièrement sans aucun empeschement, rescription ou défenses au contraire. (Baude, Eloge Ch. VII, V., p.1484, 131)

Par provision/par maniere de provision. En attendant le jugement définitif, provisoirement.

J. de Merlemont, escuier, a esté receu bailly de Valoiz ou lieu de messire Guillaume de Senliz, chevalier, par avant bailly par provision (Baye, II, 1411-1417, 35)

Ce jour, Jehan, bastard de Thian, par maniere de provision, a esté receu en office de bailli de Senlis par vertu de lettres royaux et a fait le serement acoustumé. (Fauq., I, 1417-1420, 251)

Et finablement, par provision et jusques à ce que autrement en soit ordonné, furent commis lesdis Aguenin, de Fontaines, Rully, Laillier et Rance, et les IIIJ ou trois d'iceulx, à faire faire inventaire des meubles dudit defunct (Fauq., II, 1421-1430, 60)

Requerir provision que + subj. Requérir un jugement préalable à la sentence définitive stipulant que.

...ledit appellant à sa cause d'appel proposer requeroit provision que pendent l'appel joist de l'abitation d'icelle ville de l'Isle (Baye, I, 1400-1410, 261)

B. -Somme allouée provisoirement à un plaideur, en attendant le jugement définitif, pour lui permettre de faire face aux frais du procès.

Ce jour, a esté dit au graphier qu'il enregistrast certeinne provision de XL escus à maistre Robert Chambellant, cordelier d'Angleterre et maistre en theologie, en certain procès pendent entre lui, d'une part, et messire J. de Cayeu, chevalier, d'autre part. (Baye, I, 1400-1410, 271)

Ce jour, la Court a donné provision à Loiz Martin et autres marchans de Portugal, demandeurs, de quatre cens libvres tournois à pranre sur messire Guillaume de Han et autres de la Rochelle, defendeurs, pour recoler leur enqueste faicte en Espaigne, en baillant bonne et seure caution. (Baye, II, 1411-1417, 11)

Bien accordé préalablement à un héritage, à titre provisoire.

Mais le père et la mère du filz trespassé seront bien contraincts de luy bailler [la femme du fils trépassé] aucune provision sur leur terre ; c'est assavoir le tiers de la terre qui fust escheue à son mary par le trespas de père et de mère s'ilz se consentirent au mariage. Mais s'ilz ne s'i consentirent, elle actendra l'escheue de son douaire. (Cout. instit. Anjou Maine B.-B., t.1, 1411, 518)