PREUX

adjectif et substantif masculin

[T-L : pro ; GD : preu2 ; DECT : pro ; FEW (IX, 418a) : prode ; TLF (XIII, 1169a) : preux]

I. -Adjectif.

A. -[D'une chose] Bon, utile, profitable.

LA ROYNE. (...) Esgardez conme il [li feux] est espars Par la dedans. LE ROY. (...) Alons en autre mansion ; Ceste n'est preux. (Mir. femme roy Port., c.1342, 186)

LA ROYNE. Certes, tu es en mauvais point. Dy que tu as, sanz demourée. (...) LA FILLE. Mére, le celer n'y est preuz. (Mir. st J. Cris., c.1344, 272)

Preux à. Utile, profitable à.

Mais si mes cuers en ce penser s'ordonne Qu'il ne vit pas femenine personne, Tant ait biauté ne tant porte coronne, Qui me fust preus, C'est a dire, qui garir me peüst Ne qui remede en moy mettre sceüst, Tant de biauté ou de richesse heüst, Ou tant renarde Fust, qu'au garir assés ne me neüst, Ne que jamais mon secret perceüst, Ne que desirs en moy si fort creüst Que maus feus arde ! (Mach., F. am., c.1361, 178)

B. -[D'une pers.] Qui a de grandes qualités.

1.Preux à + inf. Bon à faire qqc. ; attentif à faire qqc..

Bon à faire qqc..

Vous veez que je sui lepreux, Qui a riens faire ne sui preux. (Mir. Amis, c.1365, 55)

Attentif, appliqué à faire qqc..

A Dieu ! amis, soiez bien preuz A Dieu amer. (Mir. st Panth., 1364, 333)

2.Qui a de grandes qualités physiques, qui est alerte, vigoureux.

Il avint a une journée, Male pour celui adjournée, Qu'a lui s'en vint uns messagiers De Prouvence, preus et legiers, Qui li aportoit lettres closes, En un petit coffret encloses. Il les prist, si les resgarda Et de haut lire se garda ; Car pluseurs secrez devisoient. (Mach., J. R. Nav., 1349, 214)

Preux et haitié. En parfaite santé.

Puis li demanday quels nouvelles Pour moy seront bonnes et belles, Se ma dame est preus et haitie, En pais, sans estre courrecie. 'Guillaume, de riens n'en doubtez ; Car ma dame est de tous costez En pais, preus, et haitie, et seinne...' (Mach., J. R. Nav., 1349, 159)

[Le roi souffre du mal de mer] Et s'il avient qu'il s'esvertue Si fort qu'il y boive ou mengue, Hors le met, car riens n'i retient ; Si qu'einsi vivre le couvient Tant comme il est sus la marine : Là se gist dessous sa courtine, Tout einsi comme un homme mort, Qui ne boit, ne mengut, ne dort. Et si tost comme à terre vient, Preus, haitiés et garis devient, Et s'arme, et est en si bon point Qu'en li mal ne doleur n'a point. (Mach., P. Alex., p.1369, 51)

3.Qui a de grandes qualités morales, qui est sage, vertueux.

Et dist : 'Dame, s'a juge le tenez, Je m'i ottroy.' Et la dame respondi sans desroy : 'Sire, tant oy dire de bien dou roy, Tant est sages, preus et de bon arroy, Que je l'acort.' - 'Grant merci, dame ; or sommes en acort. Si pri a Dieu que le bon roy confort Et qu'il nous maint temprement a bon port...' (Mach., J. R. Beh., c.1340, 108)

De gentils gens estoit servis, Preus et apers a grant devis, Et avoit en sa compaingnie De moult noble chevalerie, A qui riches robes donnoit. Cils poins moult bien li avenoit, Car pour sa grace desservir Se penoit de lui servir. (Mach., J. R. Nav., 1349, 213)

...je me tien aussi gentis hom de pere et de mere comme vous estes ; et en vous n'a de noblesse plus qu'en moy, fors que vous avez une couronne de roy, laquelle j'ay oy dire à mains preus hommes que nuls homs n'est dignes de la porter qui soit faus et mauvais et mensongier, si comme vous estes. (Mach., P. Alex., p.1369, 231)

Car tous mes cuers li est donnés, Sans retraire et sans vilonnie, Pour ce qu'il est à droit nommez Preus et loyaus sans tricherie ; Et s'a de grace compaingnie, Qui d'onneur le met ou sentier : Pour ce l'aim je de cuer entier. (Mach., L. dames, 1377, 96)

Se bons et biaus, pleins de toute valour, Sages, courtois, nobles, preus et gentis M'aimme de cuer et de loial amour, Et je say bien qu'il m'est loiaus amis, Par droit de son bien voloir, Ne me doit nuls blasmer, qu', à dire voir, Il m'est avis que trop fort mesprendroie Envers Amours, se son bien ne voloie. (Mach., L. dames, 1377, 178)

...les histoires des vaillans, Qui furent preux et traveillans Et de soy gouverner par meurs Prudens et bons, sages et meurs (Chr. Piz., M.F., II, 1400-1403, 64)

...et semblablement le preux et vaillant empereur de Romme Julles Cesar monstra bien comme il y estoit erudit et profont (Simon De Phares, Astrol., c.1494-1498, f° 3 v°)

Cestui ama vertu, proesse et honneur, fist moult de conquestes et acheva de grans faiz, dont il est mis ou nombre des preux chrestiens. (Simon De Phares, Astrol., c.1494-1498, f° 94 v°)

C. -En particulier. [D'une pers. vue sous l'angle des qualités chevaleresques, de la noblesse (dans l'héritage courtois)]

1.Vaillant, courageux, valeureux, qui a de grandes qualités chevaleresques.

Et certeinnement, se j'eüsse Tant de bien en moy que je fusse Aussi sages com Salemons, Et fust miens quittes tous li mons, Et aussi preus comme Alixandres Ou comme Hector, qui gueres mendres Ne fu de li quant a valour, Et s'eüsse autretant d'onnour Comme ot Godefroy de Buillon, Et la biauté qu'ot Absalon, (...) Ne peüsse je pas souffire Pour dame amer de tel affaire. (Mach., R. Fort., c.1341, 5)

Or avint que li sors cheï Seur Theseüs, qui esbahi Pluseurs ; car il fu fils le roy, Preuz, vaillans, et de bel arroy. (Mach., J. R. Nav., 1349, 230)

Sire, prenez en vous confort Com chevalier hardiz et preux. Chascun scet qu'Hardré n'est pas preuz : Prenez a li champ de bataille (Mir. Amis, c.1365, 25)

...Percevauls de Coulongne, Uns chevaliers qui bien besongne, Car il est sages et hardis, Preus, vaillans, en fais et en dis. (Mach., P. Alex., p.1369, 60)

Tuit se fierent en la meslée. Là ot mainte teste copée, Et maint Sarrazin detranchié. Brief, il ont le conte laissié Sain et legier, preu et hardi ; N'à ceste heure rien ne perdi. (Mach., P. Alex., p.1369, 70)

Or vueil conter une apertise, Que chascuns loe moult et prise, De Bremont et de Perceval, Qui sont preu, vaillant et vassal. (Mach., P. Alex., p.1369, 72)

Et li roys dist : 'Or y parra Qui au jour de hui bien le fera. Certes li plus acouardis Doit estre ci preus et hardis, Car il sont anemi de Dieu ; Ne leur lairons place ne lieu, Einsois tous les desconfirons. Avant ! signeurs, ferons, ferons...' (Mach., P. Alex., p.1369, 75)

Grans fu et crueus li assaus. Li roys fu là preus et vassaus, Et tuit cil de sa compaingnie. Chascuns son compaingnon deffie De bien faire et de batillier, Pour les Sarrazins detaillier. (Mach., P. Alex., p.1369, 76)

Si que, seigneur, je vous requier Qu'au jour dhui soiez chevalier Preu et vaillant, sans couardie, Et Dieus sera, je ne doubt mie, Pour nous, qui nous ha consillié Et qui pour nous ha batillié ; Et qui autrement le feroit, Je croy que Dieux s'en courseroit. (Mach., P. Alex., p.1369, 83)

...Aussi le signeur de Bellangues, Signeur de Vimes en Vimeu, Comme sage, vaillant et preu, Messires Jehan de Caieu, Qui moult bien y tenoit son lieu, Y furent et mains compaingnons Dont je ne say nommer les noms. (Mach., P. Alex., p.1369, 144)

Or est celui qui est fort ou preux de tele condicion que il ne se esbahist pas et est senz paour en la maniere que bon homme peut estre (Oresme, E.A., c.1370, 207)

Or est il ainsi que un homme n'est pas dit preus pour ce se il ne craint povreté ou maladie ou aucune tele chose, ne pour ce se il n'est bon au tournay. (Oresme, E.A.C., c.1370, 205)

Cellui roy ot a nom Elinas et fu moult puissant et preux chevaliers de sa main. (Arras, c.1392-1393, 5)

Quant Remondin ouy son oncle, si ot grant vergoingne, et sault du courcier a terre, l'espie ou poing, et s'en vint vistement devers le porc, et le fiert en l'escu, de grant ayr. Et le porc s'escout et le getta a genoulx a terre, mais il ressault sus comme preux et vistes, et le cuide renferrer. (Arras, c.1392-1393, 18)

Et nous dist l'ystoire que ceste propre nuitee fu de cez deux engendrez ly preux et vaillans Uriiens qui fu depuis roy de Chippre, ainsi com vous orrez en l'ystoire cy avant. (Arras, c.1392-1393, 42)

Et si porte si vaillaument que chascun dit que ly roys est moult vaillant et preux de la main, et n'y ot si hardy Sarrasin qui acoup l'osast actendre. (Arras, c.1392-1393, 105)

Belle niepce, nous y avons ja pourveu ; il vous fault marier a un homme tel qui soit digne de vous gouverner, vous et vostre pays, ainsi qu'il appertient et il n'est pas loing de cy, beaulx et bons, nobles, preux, saiges et hardiz. (Arras, c.1392-1393, 188)

Chevaliers sont de moult grandes valeurs, Preux et hardiz aultant qu'il est possible (La Vigne, S.M., 1496, 188)

Et estoit avec luy ung fol que on nommoit le Glorieulx, qui luy disoit en s'enfuyant, pour ce qu'il avoit estimé Hanibal preudz et vaillant homme ; et ledit Glorieulx luy respondit : 'Monseigneur, nous sommes aujourduy bien haniballez...' (Le Clerc, Interp. Roye, c.1502, 358)

Dame Palas, vostre escu de cristal Avoit porté ce grand chef que je di, Faisant reluire maint acier et metal En ost rengé, comme preux et hardi. (Le Clerc, Interp. Roye, c.1502, 395)

Preux aux/en armes

...une grant dame a Paris vint, S'amena une sienne fille Qui, sans penser barat ne guille, Amoit un chevalier gentil, Sage, courtois, gay et soutil, Preus aus armes, fort et puissant, De toutes graces souffissant. (Mach., J. R. Nav., 1349, 201)

Encor vous di-je que li roy Donna congié à un anglois, C'est messires Robers li Rous, Qui est fors, puissans et estous, Et en armes preus et legiers. (Mach., P. Alex., p.1369, 178)

Com preux en armes se maintint. (Chr. Piz., M.F., II, 1400-1403, 187)

Un gentil chevalier d'Alemaigne, grand voyageur, aux armes preux, large, cortois, et de toutes bonnes vertuz largement doué (...) fut requis d'ung son subject demourant en sa ville mesme d'estre parrain chevalier. (C.n.n., c.1456-1467, 426)

Par antiphrase.

Le mary, bon et sage, preu et vaillant, comme après vous sera compté, se courroussa amerement encontre l'Escossois qui deshonorer le vouloit, et sa tresbonne femme aussi. (C.n.n., c.1456-1467, 48)

2.Noble.

LE VARLET AU CHASTELLAIN. Sire, sachiez certainement Je ne sui pas a un vilain, Ains sui a un preuz chastellain, Qui est au roy de Portingal (Mir. femme roy Port., c.1342, 155)

II. -Substantif. Celui qui est vaillant, courageux, valeureux, qui a de grandes qualités chevaleresques.

Li bons messire Jehans de Mors En a plus de L. mors ; Et messire Guy li Baveus, Qui doit estre eu nombre des preus, Et ses IJ. fils si bien le font, Qu'entre les bons des milleurs sont. (Mach., P. Alex., p.1369, 74)

Là fu li bons messire Jehans Pastez, li vaillans et li preus, Et messire Guys li Baveus, Avec très bonne compaingnie De chevaliers et d'escuirie, Preus, vaillans et d'election, Dont je vous ay fait mention. (Mach., P. Alex., p.1369, 147)

Or parlons des fais d'Alixandre Et d'Ector, qui ne fu pas mendre Des autres preus qui ont esté Que j'ay ci devant recité ; Comment que homme d'onneur a tant Comme ot Hector le conbatant, Mais qui bien raison li feroit Des IX. preus Xmes. seroit. (Mach., P. Alex., p.1369, 218)

...Thiphaine Raguenel, qui puis fut femme messire Bertrand du Guesclin, au moïen d'une predicion qu'elle fist de sa victoire que eut et si bien le conduit qu'il fut connestable de France et acheva de moult haultes entreprinses en son temps et tant qui est estymé, et mis ou nombre des preux. (Simon De Phares, Astrol., c.1494-1498, f° 140 v°)

Preux des/en armes. Celui qui est expert en matière de combats.

...tous chiefz de battailles a toutes nouvelles et souvent doivent prendre conseil de preuxdommes et preux en armes et qui souvent se sont trouvez en battailles, soient gaignees ou perdues, mais qu'ilz en soient sailliz a leur honneur (La Sale, Salade, c.1442-1444, 244)

...car j'ai aux preux des armes oÿ compter que le gentil homme sans querelle foulé en armes est plus a prisier qu'il n'estoit devant, car les gens combatent et Dieu donne les victoires a ceulz qu'il lui plait. (La Sale, J.S., 1456, 151)

[Désignation de neuf héros réputés pour leurs qualités de bravoure : Hector, Alexandre, César, Pompée, Judas, Macchabée, Artus de Bretagne, Ogier et Roland] Les neuf preux

Or parlons des fais d'Alixandre Et d'Ector, qui ne fu pas mendre Des autres preus qui ont esté Que j'ay ci devant recité ; Comment que homme d'onneur a tant Comme ot Hector le conbatant, Mais qui bien raison li feroit Des IX. preus Xmes. seroit. (Mach., P. Alex., p.1369, 218)

Doit on bien plourer et gemir La mort de si très vaillant homme ! Il fu si vaillans, c'est la somme, Que ce sera honneur et preuz S'il est mis avec les IX. preus ; Si que ce sera li disiemes, Car einsi comme nous disiemes (Mach., P. Alex., p.1369, 274)

Ung tapiz, ouvré de IX preux et neuf preuses, fait richement à or. (Comptes Lille L., t.2, 1420, 269)

Rondeau pour le roy sur les neuf preux en la conqueste du royaulme de Napples (La Vigne, V.N., p.1495, 325)