VAILLANT

adjectif et substantif masculin

[T-L : valoirvaillant ; GD : vaillant ; FEW (XIV, 131b) : valere ; TLF (XVI, 884b) : vaillant]

I. -Adjectif.

A. -Qui a de la valeur, qui est de valeur.

1.[D'une chose]

...Et vous jur par mon ser[e]ment Que vous me poez commander Et tout penre sans demander, Mon corps et quanque j'ay vaillant ; Et tant com j'aurai un vaillant, Chiers compains, vous y partirés. (Mach., Voir, 1364, 62)

...Nabugodonosor (...) desconfit le roy d'Egipte et emporta quanque il avoit vaillant (Chr. Piz., M.F., II, 1400-1403, 164)

Et contient en soy deux parcelles, Bien notables, vaillans et belles, Ainsi comme l'enseignement, Qui s'ensuit, du gouvernement Contre la faulse épidémie Est devisé par grant maistrie En deux poins ou ententions (La Haye, P. peste, 1426, 71)

Vaillant à qqc. Qui vaut en qqc..

Ou prendre aucun électuaire À ce vaillant et débonnaire, Qui soit confit et composé Comme est cy aprez exposé. (La Haye, P. peste, 1426, 100)

2.[D'une pers.] De valeur, qui a de grandes qualités.

S'en parleray a vostre honneur Au juge, ce noble signeur, Qui est courtois et amïables, Sages, vaillans et honnourables. (Mach., J. R. Nav., 1349, 258)

Soies liez et abandonnez, Et partout soit li tiens donnez De tres bon cuer et volentiers, Qu'autrement n'est li dons entiers, Qu'onques princes, pleins d'avarice, Ne fu vaillans, c'est trop grant vice. Ne te doubte d'avoir finance, Car l'onneur avec la chevence Te venra, se tu le dessers. Et se tu ta richesse sers, C'est trop honteuse servitute. (Mach., C. ami, 1357, 102)

Et, par Dieu, je croy qu'il mentoit, Pour ce que la royne estoit Si vaillant et si preude femme, Et en tous cas si bonne dame, Que jamais ne s'i consentist, N'au roy son signeur ne mentist. (Mach., P. Alex., p.1369, 249)

Car aucune fois nous loon celui qui est epyeyke et use de ceste vertu, et dison que il est vaillant homme et vertueux. (Oresme, E.A., c.1370, 323)

...les crestiens vaillans. (Jean Golein, Rational B.D., c.1370-1372, 655)

Or fut avisé et regardé des oncles du roy et du conseil, pour adouchir les choses et le peuple qui trop mal s'en contentoit du duc de Bretaigne, et pour les besoingnes mettre et refourmer en droit, que ung prelat et trois barrons saiges et vaillans hommes seroient envoiet devers le duc de Bretaigne, pour parler à luy et pour oyr ses raisons et pour luy faire venir à Paris ou ailleurs, là où le roy vouldroit ly excuser de ce qu'il avoit meffait. (Froiss., Chron. M., XIV, c.1375-1400, 2)

... ce duc d'Irlande avoit une dame de mere, vaillante dame, et prude femme, ..., laquelle n'estoit pas de l'accort de son filz, mais luy blasmoit amerement ses folies et luy disoit que Dieux s'en courceroit et l'en paieroit ung jour, tellement que tant l'envenroit à repentir (Froiss., Chron. M., XIV, c.1375-1400, 47)

Quant ilz furent tous venus ... parla le doien de Coulongne, ung moult vaillant clerc ..., et remonstra toutte leur ambassaderie du long au long tellement que grant plaisance estoit de l'oïr. (Froiss., Chron. M., XIV, c.1375-1400, 148)

Tristece en li ne fera lonc sejour, Ne sanz amour ne pourroit les haux fes Entreprendre n'achever par nul tour ; C'est ce pour quoy il feroit Plus qu'autre cuers, neis penser n'oseroit. Si faut qui veut estre vaillans clamez Qu'il ait desir d'amer ou d'estre amez. (Mach., App., 1377, 639)

Ainsi departant, Ma dame vaillant, Fui de vous ; maiz tant Me senti engrant De vers vous retraire Que tous jours present Estoie et tendant A vo doulz semblant Et gent corps plaisant, Pour y retour faire. (Mach., Les lays, 1377, 469)

Cellui chevalier fu nommé Phillibert de Montmoret, et estoit moult vaillans homs de la main et qui moult avoit esté en foison de bonnes places. (Arras, c.1392-1393, 198)

Cy se taira l'ystoire un petit d'eulx et parlera de la dame de Valbruiant, qui moult fu saige et soubtive, et moult vaillant dame (Arras, c.1392-1393, 207)

Li aultres avoit nom Ainmons et fu contes de Kent, vaillans homs et preudoms, courtois, douls et debonnaires et amés de toutes gens. (Froiss., Chron. D., p.1400, 45)

... il sentoient et congnisoient le dit mesire Jehan de Hainnau si vaillant et si prudent que il ne lor requerroit cose qui ne lor fust raisonnable. (Froiss., Chron. D., p.1400, 362)

...les .IX. Muses se deduisent, Qui maint vaillant escolier duisent. (Chr. Piz., M.F., I, 1400-1403, 14)

Dant de Florence, le vaillant Poete (Chr. Piz., M.F., II, 1400-1403, 15)

...Et s'aucun est d'estat moyen, Vaillant bourgois ou citoyen (Chr. Piz., M.F., II, 1400-1403, 90)

...moult ot esté vaillant dame, Tout son temps, sanz meffait ne blame, Et moult loyale a ses espous (Chr. Piz., M.F., II, 1400-1403, 229)

...le Roy avoit ordonné pluseurs vaillans hommes reformateurs generaulx (Baye, I, 1400-1410, 306)

...la cité de Romme avoit esté non pas seulement edifiée de edifices, mais fondée pour faire justice de cent vaillans hommes appellez senateurs (Baye, II, 1411-1417, 42)

Et conseille maint vaillant Maistre Quelque pou de vin aigre mettre, Ou user, à bon escient, De quelque fruit convénient (La Haye, P. peste, 1426, 100)

...selonc que ont escript les vaillans philosoffes. (La Sale, Sale D., 1451, 85)

S'a honte viz, te dois tu doncques plaindre ? Tu n'es pas seul, si ne te dois complaindre ; Regarde et voy, de mes faiz de jadiz, Mains vaillans homs par moy mors et roiddiz, Et n'es, ce sais, envers eulx ung soullon. (Villon, Poèmes variés R.H., c.1456-1463, 64)

[P. iron.] Ainsi furent toutes les femmes de la ville appaties a ces vaillans moynes. (C.n.n., c.1456-1467, 217)

[P. iron.] Ceste vaillante preude femme, par saint Denis, mariée a ung tout oultre noz amys, avoit pluseurs serviteurs en amours (C.n.n., c.1456-1467, 241)

Et ilec à l'aborder y ot fait des plus beaulx faiz d'armes qui jamais furent veuz pour ung peu de gens, car aussi c'estoient tous nobles hommes vaillans et de grant eslite, qui tellement besongnerent que le roy gaigna et mist en fuite toute l'avangarde desdiz Bourguignons. (Roye, Chron. scand., I, 1460-1483, 65)

Cestui fut vaillant astrologien et fut lui qui bailla l'election à Cambises de fonder la neufve Babillone en Egipte. (Simon De Phares, Astrol., c.1494-1498, f° 47 v°)

[D'un animal]

Maiz diverses bestètes mues, Dès l'eure qu'elles sont yssues, Dehors des ventres de leurs mères, Sont si vaillantes et légières Que par soy elles vont et viennent, Et se drecent et se soustiennent, Et en brief temps quièrent jouer (La Haye, P. peste, 1426, 67)

...[l'évêque] approuva le sens du vaillant chien, ensemble son testament et la sepulture qu'il luy bailla. [Pour faire admettre par son évêque la sépulture chrétienne de son chien le curé affirme à l'évêque que le chien a testé en sa faveur] (C.n.n., c.1456-1467, 541)

3.[D'une pers., d'un groupe...] Puissant, influent.

Item, l'en doit faire une chose qui est souvent dite et qui est un tres grant principe, ce est assavoir procurer et faire que la multitude qui veult la policie et as quelles elle plaist soit plus vaillante et plus puissante que l'autre partie qui ne veult pas celle policie ou ne le aime pas. (Oresme, Pol. Arist. M., c.1372-1374, 231)

B. -[D'une pers., de son comportement]

1.Valeureux, courageux.

Ce fu Percevauls de Coulongne, Uns chevaliers qui bien besongne, Car il est sages et hardis, Preus, vaillans, en fais et en dis. (Mach., P. Alex., p.1369, 60)

Or vueil les escuiers nommer, Qui là monterent seur la mer En la galée dont je di : Premiers Mansars de Rosigny, Qui au siege fu si vaillans Qu'on le tint pour des mieus faisans. Morir le fit ses vasselages Dont ce fu pités et damages (Mach., P. Alex., p.1369, 141)

De tous se fait trop fort doubter. C'est uns homs de trop grant emprise, Dont maint home le loe et prise. Plus est hardis que nuls lions ; Moult seroit or vaillans li homs, Et bien de l'espée ferroit, Qui corps à corps le conquerroit. (Mach., P. Alex., p.1369, 164)

Et nous dist l'ystoire que ceste propre nuitee fu de cez deux engendrez ly preux et vaillans Uriiens qui fu depuis roy de Chippre (Arras, c.1392-1393, 42)

Si nous merveillons pourquoy vous ne demourastes en la guerre avecques le roy crestien pour lui aidier et conforter, vous qui estes renommez d'estre deux si vaillans chevaliers, ainsi que il nous semble que tuit bon crestien y sont tenus (Arras, c.1392-1393, 81)

Par ma foy, sire, ouy, veu et consideré que la cité est forte et le roy vaillant et bataillerres de sa personne (Arras, c.1392-1393, 82)

Et lors le chevalier se party et exploicta tant qu'il vint au Cruq, et fist son messaige et son present bien et saigement, et leur compta la desconfiture et le vaillant gouvernement de Guyon. (Arras, c.1392-1393, 130)

Premierement, li vaillant honme travellent lors corps en armes pour conquerir la glore et renonmee de che monde (Froiss., Chron. D., p.1400, 37)

Et la estoient ... li contes de Moret et messires Guillaumes Douglas, doi vaillant chevalier qui conduisoient les Escoçois, ou moult avoit de bons chevaliers et esquiers et vaillans as armes. (Froiss., Chron. D., p.1400, 113)

A la porte de Douay, estoient li sires de Roie et messieres Tiebaus de Moruel ; et eurent l'asaut de mesire Jehan de Hainnau et dou signeur de Fauquemont et de messire Weri de Wallecourt. Et furent ce jour tres vaillans gens li assallant et li desfendant, et tant que point ne prissent de damage. (Froiss., Chron. D., p.1400, 316)

Dedens Thun l'Evesque, avoecques les enfans de Manni et les compagnons, avoit un chevalier d'Engleterre qui se nonmoit Richars de Limosin, vaillant honme et sage en armes durement, et auquel tout li conpagnon se raportoient, et ouvroient par son consel. (Froiss., Chron. D., p.1400, 397)

... la roine Phelippe d'Engleterre, ... n'estoit pas esbahie, mais conme vaillans dame, requelloit et asambloit gens de toutes pars (Froiss., Chron. D., p.1400, 770)

Si conquist aprés maint regné, Com vaillant et chevalereux Et en armes tres eüreux (Chr. Piz., M.F., II, 1400-1403, 198)

...mains vaillans fais D'armes (Chr. Piz., M.F., II, 1400-1403, 328)

...Sippio, Cornelio, ne Pructo et tant d'aultres sy vaillans en armes (La Sale, Salade, c.1442-1444, 19)

Monseigneur Talebot, a qui Dieu pardoint, capitaine anglois si preux, si vaillant (C.n.n., c.1456-1467, 54)

Ung gentil chevalier des marches de Haynau, riche, puissant, vaillant, et tresbeau compaignon (C.n.n., c.1456-1467, 268)

...[les serviteurs] cuiderent que ce fut ung esperit, et le vindrent annuncer a leur maistre, qui estoit en dortouer, et ne fut pas si vaillant d'y venir veoir que c'estoit, mais mist tout a demain. (C.n.n., c.1456-1467, 276)

...tresgrand clerc et prudent estoit, vaillant aux armes, discret en conseil (C.n.n., c.1456-1467, 310)

[P. iron.] Ce vaillant homme monta en ce colombier, qui se fermoit pardehors a clef, et se fist illec enfermer (C.n.n., c.1456-1467, 510)

...le vaillant et courageux chevalier perceut que doulceur n'avoit point lieu en ses responses (C.n.n., c.1456-1467, 550)

Ilz sont trestous vaillans aux armes. (Dorib., p.1480, 249)

Cestui aussi fut la conduite, comme aucun dient, du très vaillant Achilles, qui tant fist puis d'armes devant Troye (Simon De Phares, Astrol., c.1494-1498, f° 20 r°)

Par cestui fut introduit, comme aucuns dient, le très bon et vaillant roy Artus de la Grant Bretaigne et monstre bien qu'il sçavoit de la science des estoilles (Simon De Phares, Astrol., c.1494-1498, f° 91 v°)

Cestui, nonobstant qu'il fut vaillant aux armes, estoit renommé grant en science (Simon De Phares, Astrol., c.1494-1498, f° 146 r°)

...jaçoit qu'il fust medicin, il fut très vaillant à la guerre et donna de très bons conseilz aux François (Simon De Phares, Astrol., c.1494-1498, f° 153 v°)

Des gentilz hommes fors, hardiz et vaillans, Bons combatans, souverains assaillans (La Vigne, V.N., p.1495, 138)

Emploi substantival.

Là fu li bons messire Jehans Pastez, li vaillans et li preus, Et messire Guys li Baveus, Avec très bonne compaingnie De chevaliers et d'escuirie, Preus, vaillans et d'election, Dont je vous ay fait mention. (Mach., P. Alex., p.1369, 147)

Or, a Dieux huy donné que j'ay trouvé et encontré une routte de bien vaillans, car vrayement aux armes ilz nous ont donné assez à faire. (Froiss., Chron. M., XIV, c.1375-1400, 200)

Faire du vaillant. Se comporter en homme vaillant.

Et le landemain le Roy revint, et fist du vaillant, et voult demourer le derrain (Gruel, Chron. Richemont L., c.1459-1466, 169)

Par métaphore. Ardent (en amour).

...ceste vaillant gouge n'estoit pas oiseuse, qui en avoit a entretenir deux du mains (C.n.n., c.1456-1467, 228)

...rien ne faisoit plus voluntiers que ce joly esbatement que chacun scet ; et ou elle povoit desploier ses armes, elle se monstroit vaillant et pou redoubtant horions. (C.n.n., c.1456-1467, 521)

2.[Valeur affaiblie] Bon, brave.

Est ce trop ? dist le vaillant homme ; et par la mort bieu, je me repens bien que je n'ay dit plus hault [Âpre marchandage] (C.n.n., c.1456-1467, 291)

...avoit ung bon marchant maryé a une vaillant femme, lequel tressouvent alloit en marchandise, qui estoit par adventure occasion a sa femme qu'elle amoit aultre que luy (C.n.n., c.1456-1467, 378)

Par ironie.

LA FILLE. Ce vaillant sire A voulu soubstenir et dire Qu'au boys je luy ay desrobé. (Myst. jeune fille L., c.1413-1445 [c.1530], 60)

II. -Substantif. Valeur.

A. -Valeur pécuniaire équivalent à (telle somme/la valeur de tel objet...).

...car autrement seroient il [les artifices] destruites et periroient, se celui qui fait aucun ouvrage ne en reportoit a la value de tant et de tel comme il a fait, et se celui qui reçoit tele chose ne en bailloit ou faisoit encontre tant vaillant (Oresme, E.A., c.1370, 291)

Et pour la doubte et paour d'iceulx compaignons, la femme dudit Macé ala aus piez de son lit, et illec print une corne de beuf en laquelle elle disoit estre tout ce qu'ilz avoient vaillant, laquelle corne elle bailla audit Paradis. (Reg. crim. Chât., II, 1389-1392, 270)

Et ne vous doubtez, car du vostre ne voulons nous vaillant un petit denier, mais que vostre bonne amour sans villenie. (Arras, c.1392-1393, 166)

Si ne leur en remaint vaillant Un denier de tout leur vaillant. (Chr. Piz., M.F., IV, 1400-1403, 2)

Monseigneur a gaynié ! Monseigneur a gaynié, vaillant le pris des armes (La Sale, J.S., 1456, 278)

Repoz eternel donne a cil, Sire, et clarté perpetuelle, Qui vaillant plat ne escüelle N'eust oncques, n'ung brain de percil. (Villon, Test. R.H., 1461-1462, 143)

Au vaillant de. Jusqu'à la valeur de (telle somme).

...jamais à nul jour contre cestui marquiet (...) il (...) ne feront (...) empeschement aucun, par quoy li dis Willaumez de Tenremonde (...) puist estre adamagé au vaillant de quatre deniers, ne de nient, et tout ce gréa leurs advoez. (Hist. Lille T., t.2, 1391, 473)

Par vaillant. Au prix de.

Remarque : GRÉBAN, Pass. J., c.1450, 20032.

Avoir vaillant (telle somme). Avoir en sa possession, avoir à sa disposition la valeur de (telle somme), avoir à sa disposition (telle somme).

...au temps que ledit Thevenin fu emprisonné en la ville de Troyes, et à la requeste d'iceulx escoliers, ilz avoient bien vaillant en or comptant cinquante frans, que portoit sur lui ledit prisonnier (Reg. crim. Chât., II, 1389-1392, 145)

N'avoir pas vaillant (telle somme). Ne pas disposer de la valeur de (telle somme).

Ce jour, monseigneur l'evesque de Paris a requiz en la Court, que comme (...) il [ledit prisonnier] n'ait pas vaillant XL solz, qu'il soit deschargez de la garde dudit prisonnier (Baye, I, 1400-1410, 185)

De la 25e maison (...) que Anthoine Lancelot, sieur d'aiz, (...) et pour le demourant ladicte année il y a demouré sans pris de louaige, duquel n'a rien payé pour sa pourreté, qui n'a pas vaillant ung blanc (Comptes Paris V.L.D., t.1, 1440-1441, 209)

Du hocqueton diray ung mot, Ung petit bordé par devant De soye pour faire du jennot, Et si n'ont pas vaillant ung blanc. (S. fol, c.1480-1490, 7)

Se j'avoye beau coup doublé, Je seroye riche marchant, Ha seurement g'iroye marchant Parmy les rues de Paris, Faisant monsieur du gros bis, Fouré de robes de regnars, Comme font ung tas de cornars Qui n'ont vaillant ung seul denier, Ilz la doybvent au peletier, Mais cela ce n'est que du moins. (S. fol, c.1480-1490, 7)

LA FEMME [au juif] . Ay, n'en parlez plus. Cent escus ? Effacez ces motz Et pensez parler a propos. Oncques n'eusmes vaillant cent mailles. (Mir. st Nic. juif, c.1480-1500, 109)

[Équivalent d'un objet de valeur minimale]

Car je me mis de richesse en essil, De seürté en un mortel peril, De joie en dueil, par son regart soutil, Et de franchise En servitute ou on n'aimme, ne prise Moy, ne m'onnour, m'amour, ne mon servise, Ne ma vie vaillant une cerise. Et nompourquant, Il m'est avis que pas ne mespris, quant Je l'enamay, qu'en ce monde vivant N'avoit dame qui fust si excellent, Ce disoit on. (Mach., J. R. Beh., c.1340, 88)

Garde seur tout ta loiauté ; Ne soit laidure ne biauté, Amour, ne faveur, ne haïne, Ne chose eu monde qui t'encline A faire riens de desloial, Car trop messiet a cuer roial. Aussi feroit il en un homme Qui n'aroit vaillant une pomme, Mais en un prince est plus parent Qu'il n'est en son povre parent. (Mach., C. ami, 1357, 109)

Je ne di pas qu'adès besongnes, Mais saches comment tes besongnes Yront, car trop mieus en vaurront ; Aussi tes gens meins en faurront, Car princes qui ne fait de li Pert souvent et samble a celi Qui vuet que sa gent soient riche, Et il n'ait vaillant une miche. C'est une chiffre en angorime Qui ne congnoit rente ne disme. (Mach., C. ami, 1357, 135)

...Les vesves et les orfelins N'ont maisons ne fours ne molins, Helas ! car il ont tout perdu, Et si ne l'ont pas despendu. Aussi ont maint autre preudomme, Qui n'ont pas vaillant une pomme. (Mach., F. am., c.1361, 185)

Jovem, ne sai quel dieu celestre, Son ciel, sa foudre et sa vertu Ne pris le vaillant d'un festu ! (Mach., Voir, 1364, 640)

Sanglante passïon te fiere, Meschante fame ! Que fez tu ? Il n'a pas vaillant .I. festu ; De quoy te rendra il ton drapel ? (Mart. st Pierre st Paul R., c.1430-1440, 145)

Chier sire, c'est trop escouté : Comment souffrez vous d'un ermite Qui n'a pas vaillant une mite Estre repris publiquement ? (Marcadé, Myst. Pass. Arras R., a.1440, 80)

Premierement Colin Laurens, Girard Gossuïn, Jehan Marceau [trois vieux usuriers] , Desprins de biens et de parens, Qui n'ont vaillant l'anse d'un seau, [Auront] Chacun de mes biens ung fesseau Ou quatre blancs, s'ilz l'aiment mieulx ; Ilz mengeront maint bon morseau, Les enffans, quant je seray vieulx. (Villon, Lais R.H., c.1456-1457, 23)

JUGE. (...) La femme aura tout ton harnoys Et n'auras vaillant une noys De son bien ne de sa chevance (La Vigne, S.M., 1496, 531)

B. -Par métonymie.

1.Bien de telle ou telle valeur, bien qu'on possède, ensemble des biens qu'on possède.

Et apporteres par brivet tout vo vaillant par escript as eschevins, justement et loyalment, toutesfois que approchiés, sommés et requis en seres (Hist. dr. munic. E., t.1, c.1350, 343)

'Et vous aplegeray de tout mon vaillant que vous demorez bon François, puisque vous l'ariez juré' (Froiss., Chron. M., XII, c.1375-1400, 190)

Mes chiers seigneurs, je vous remercie, tant comme je puis, du noble et riche secours que vous m'avez fait, car, en verité, je n'ay mie tant vaillant que je le vous puisse remunerer (Arras, c.1392-1393, 166)

Dant de Florence, le vaillant Poete, qui tout son vaillant Perdi pour cel estrif grevable (Chr. Piz., M.F., II, 1400-1403, 15)

Si ne leur en remaint vaillant Un denier de tout leur vaillant. (Chr. Piz., M.F., IV, 1400-1403, 2)

...pour avoir loyalment servy le roy nostre sire, mondit seigneur et son parti, pour lequel fait il a esté debouté de ses biens et possessions, a perdu tout son vaillant et cellui de sa femme (Comptes Etat bourg. M.F., t.3, 1416-1418, 178)

A quoy leur fu respondu par ledit suppliant que une acre de leur terre valoit mieulx que tout son vaillant. (Chancell. Henri VI, L., t.2, 1433, 244)

Et en après fist mettre et bouter ledit Bourguignon le feu à Longueville, au Fay et autres plusieurs lieux et villages du bailliage de Caulx, que pour tout son vaillant ne sauroit reparer. (Roye, Chron. scand., I, 1460-1483, 283)

Remarque : Aussi TARDIF, Facéties Pogge D.H.-P., c.1490, 92/1.

2.Pièce de monnaie de petite valeur.

...Et vous jur par mon ser[e]ment Que vous me poez commander Et tout penre sans demander, Mon corps et quanque j'ay vaillant ; Et tant com j'aurai un vaillant, Chiers compains, vous y partirés. (Mach., Voir, 1364, 62)