PRESUPPOSER

verbe

[GDC : presupposer ; FEW (VIII, 73a) : pausare ; TLF (XIII, 1150a) : présupposer]

A. -[D'une pers.] Supposer au départ, supposer préalablement, imaginer.

No fait poez presupposer Pour ce ne me convient parler Tout au long de ceste matere, Elle est partout notoire et clere (Marcadé, Myst. Pass. Arras R., a.1440, 147)

...lequel, pour condescendre à ses deffenses, présuppose la demande faicte de la partie dudit procureur et commissaire, demandeur. (Aff. Jacques Coeur M., 1453-1457, 584)

Selond ce que je presupose, J'apperçoy cy venir Marie Qui retorne ; plus n'y varie, C'est elle, je la cognois bien. (Myst. Pass. Troyes B., a.1482, 175)

En vain pourroit ma langue labourer A tout compter, comme je presuppose... (Saint-gelais, Séj. honn. D., c.1490-1495, 299)

Presupposer qqc. tel ou tel. Supposer au départ qqc. être tel ou tel.

...car la doctrine de Jhesucrist doit estre presupposee comme fin de toutes sciences (Jean Golein, Rational B.D., c.1370-1372, 355)

Presupposer que

...je presuppose que par tyrannisation on expose le royaume à perdicion, si comme il a esté déclaré ou precedent chappitre. (Oresme, Monnoies W., c.1365, LXXXIII)

Presuppose oultre que de raison escripte un libelle diffamatoire ne doit point estre dissimulé, mais doit estre dessiré et rompu (Fauq., I, 1417-1420, 31)

Presuppose en oultre que on ne doit point donner occasion aux officiers et subgez de son prince de faire sedicion ou commocion (Fauq., I, 1417-1420, 31)

Ha, quesse cy ! je sui deffait, Je doubte moult fort ceste chose, Car sur ce fait je presuppose Que s'il s'en va sans mort souffrir Que perte m'en pourra venir. (Marcadé, Myst. Pass. Arras R., a.1440, 173)

...veuz les termes et le contenu des dictes lectres closes à luy escriptes par le Roy, il sembloit que le roy voulsist présupposer que, selon droit et justice, icelluy seigneur roy de Secille fust tenu prendre et baillier le dit Village, ce qu'il n'est pas tenu de faire (Aff. Jacques Coeur M., 1453-1457, 204)

Nicodemus, je pressuppose Que nous ne facions nulle chose Que desplaisante soit a Dieu, De vouloir que ce corps [de Jésus] reppose En terre qu'est si villain lieu ? (Pass. Auv., 1477, 259)

Presupposons que Dieu luy eust donné Telle grace d'estre si pur et munde Que rachapter elle eust peu tout le monde ; Celle vertus ne procederoit d'elle Fors que de Dieu (La Vigne, S.M., 1496, 339)

Nous avons bien veu, par autres voz lettres escriptes à notre amé et feal conseillier et chambellan et cappitaine de Mondidier, le Bon d'Arly, que vous presupposez que ce que nous avons faict par noz gens entretenir nostre possession desditz prevostés, ce seroit contre l'auctorité du roy. (Le Clerc, Interp. Roye, c.1502, 259)

Presupposer + prop. interr. indir.

Et pour ce, il convient presupposer quelle vie est tres eslisible et tres bonne a tous, si comme l'en peut dire. (Oresme, Pol. Arist. M., c.1372-1374, 277)

Participe passé en emploi adjectival. Qui est admis préalablement.

...ces choses presupposées estre vrayes (Doc. Poitou G., t.6, 1394, 169)

Supposé admis pour la suite.

Ceste distinction de crime de lèse-majesté pressupposée, je vueil prendre le second article de madicte majeur par exemples et auctoritez. (Doc. 1408. In : MONSTRELET, Chron. D.-A., t.1, c.1425-1440, 188)

Presupposé que + cond.

...presupposé, et encores non concedé, que celluy prince auroit privilleige de faire aucune chose sur la monnoie (Oresme, Monnoies W., c.1365, LXXV)

Presupposé que. Étant entendu que.

Presupposé que soit terre de pape, Le roy receu fut honnorablement (La Vigne, V.N., p.1495, 226)

B. -[D'une chose] Supposer (l'existence de) qqc..

Et se aucun opposoit en disant que le comparatif presuppose le positif et donques tout ce que est plus pesant est pesant, je respon que par pesant il entent ce que est simplement pesant et absoluement. (Oresme, C.M., c.1377, 592)