PREJUDICE

substantif masculin

[T-L : prejudice ; GDC : prejudice ; FEW (IX, 296b) : praejudicium ; TLF (XIII, 1051a) : préjudice]

A. -Jugement préconçu.

Sans prejudice

Et si croy bien qu'il jugeroit Selonc les parlers qu'il orroit. Et non pour quant, puisqu'il vous plait, Bien en poez dire hors plait, En supposant sans prejudice. Et je qui point n'i pens malice, Volentiers vous escouteray, Et, se bon m'est, j'en parleray. (Mach., J. R. Nav., 1349, 184)

Sié toi seurement sanz prejudice (Foul., Policrat., IV, 1372, 70)

De ceste question je respons 'Dieu sçait comment il en est', mais sans prejudice je dy qu'il ne peut estre que aulcun soit mezeau que les signes de lepre n'apparessent manifestement en la face (Gordon, Prat., c.1450-1500, I, 21)

B. -Ce qui va contre qqn ou qqc., tort, dommage.

1.Au prejudice de qqn/en son prejudice. Au désavantage, au détriment de qqn, contre les intérêts de qqn.

...lequel ne voult aucune chose confesser en son prejudice, et, pour ce, fu fait remettre en la prison de laquelle il avoit esté attaint. (Reg. crim. Chât., I, 1389-1392, 153)

...lequel, pour ce que aucune chose ne voult confesser, fu mis à la question de la pelote, en laquelle il ne confessa aucune chose en son prejudice. (Reg. crim. Chât., II, 1389-1392, 54)

...les confessions faites par iceulx Phelipot Le Vachier et Maceot Beauté dessus diz, prinses en leurs prejudices, et aussi ou prejudice desdiz Robin Cossin, Jehan Pegin (Reg. crim. Chât., II, 1389-1392, 245)

...messire Pierre Boschet, secont president, dist que ladicte impetration et octroy avoit esté fait en son prejudice (Baye, I, 1400-1410, 63)

...et par ce demouroit la besoigne imparfaicte ou prejudice du Roy et de la Court (Baye, I, 1400-1410, 85)

...et ont fait tieulx et tieulx choses a ton desplaisir et prejudice. (Chr. Piz., Trois vertus W.H., c.1405, 13)

...quant au privilège de ceux de Marseille, leur dis que je n'en savoie riens, mais quelque privilège qu'il y ait, il ne se puet extandre contre ne ou préjudice du Roy (Aff. Jacques Coeur M., 1453-1457, 204)

...jour de sa vie a aultre femme parolle ne portera au prejudice de sa maistresse. (C.n.n., c.1456-1467, 80)

En ce temps passa la mer en Angleterre ung legat de Romme, legat de par le pape, qui illec prescha le peuple du pays et par especial en la ville de Londres, maistresse ville dudit royaulme, là où il fist plusieurs remonstrances aux habitans dudit lieu et autres d'environ, contre et au prejudice du roy Henry d'Angleterre ; lesquelles remonstrances le cardinal d'York, qui acompaignoit ledit legat, après ladicte exposition par luy, exposa en leur langage. (Roye, Chron. scand., I, 1460-1483, 6)

...par arrest de la court de Parlement ung gentilhomme, natif de Poictou, nommé Regnault de Veloux, serviteur et fort familler de monseigneur du Maine, pour occasion de ce que ledit Regnault avoit fait plusieurs voyages pardevers divers seigneurs de ce royaume et conseillé de faire plusieurs traictiez et porté plusieurs seellez contre et ou prejudice du roy, dudit royaume et de la chose publique. (Roye, Chron. scand., I, 1460-1483, 348)

...estoit a doubter que, par le moyen dudit pays [le Dauphiné] et des places et fortresses d'iceluy, ilz [de mauvais conseillers du dauphin] eussent peu faire et entreprendre des choses au desplaisir du roy et prejudice de mondit seigneur [le dauphin] et du pays (Chastell., Chron. IV, D., c.1461-1472, 67)

Sans (le) prejudice de qqn. Sans faire de tort à qqn, sans porter atteinte aux intérêts de qqn.

...ladicte Court a ordonné que ledit Raoul Le Noir ira par delà à Troyes et appellera au roole et ordonnera les sieges, et ou cas que ledit Raoul averoit empeschement de maladie ou autre par lequel n'y peust aler, ledit Raart ira sanz prejudice dudit Raoul (Baye, I, 1400-1410, 40)

Les Prevost des Marchans et eschevins de Paris ont juré en la Court au jour d'ui la paix ordonnée par le Roy (...) et ont fait ledit serment par main souverainne et sans le prejudice du prevost de Paris et de sa commission qu'il avoit à recevoir le serment de ladicte paix, et sans le prejudice desdiz Prevost des Marchans et eschevins. (Baye, II, 1411-1417, 212)

...lors Saintré envers lui fort s'enclina, ce que n'estoit point de coutume, puis lui dist : 'Monseigneur mon frere, sans prejudice de nullui je prie a Dieu qu'i'vous doint bien et honneur.' (La Sale, J.S., 1456, 125)

Ceste damoiselle (...) eust bien voulu avoir souvent une telle rencontre, sans le prejudice de sa maistresse. [Elle vient d'être 'honorée' par l'ami de sa maîtresse] (C.n.n., c.1456-1467, 270)

Sans prejudice. Sans porter tort à quiconque, sans se rendre coupable.

Et se ilz treuvent aucune mengeure de loups en ladicte forest coustumiere, à quelque beste que ce soit, ilz la pevent emporter à la veue de chacun sans prejudice. (Hector De Chartres, Cout. R., 1398-1408, 296)

Faire/porter prejudice à qqn/à qqc. Causer du tort à qqn, à qqc..

Le corbel (...) fait grant prejudice a la corneille. (Foul., Policrat. B., I, 1372, 126)

Mais que toutes voies a ces derrenieres choses il ne donne pas si grant audience que il face prejudice a religion ou a la foy. (Foul., Policrat. B., II, 1372, 203)

...octroyons (...) audit sire de Partenay, que les dictes prises ne chose qui s'en ensuyve (...) ne porte (...) aucun préjudice audit sire de Partenay (Ch. VI, D., t.2, 1385, 34)

... [ils] furent li uns après l'autre mis à question sur le petit et le grant tresteau, et ne vouldrent cognoistre aucune chose qui leur portast prejudice. (Reg. crim. Chât., I, 1389-1392, 161)

Cedit jour, maistre J. de Havencourt, advocat ceans et bailli de l'evesque de Paris, maistre Robert Lijote, notaire du Roy, et Guillaume de Biaiz, soy disans executeurs du testament dudit evesque (...) ont protesté que certain accort (...) ne porte prejudice audit evesque ou à ses drois (Baye, I, 1400-1410, 275)

...si nous savons (...) que on traicte chose qui porte ou puisse porter préjudice à sa personne [du duc d'Orléans] (...) nous lui ferons savoir (Ch. VI, D., t.1, 1413, 361)

Tourner à/en prejudice à qqn. Causer du tort à qqn.

Or, Remondin, dist elle encores, fault il que vous jurez autre chose. Madame, quoy ? Je sui tout prest, se c'est chose que je doye faire bonnement. Oïl, dist elle, il ne vous puet tourner a nul prejudice que de tout bien. Vous me jurerez sur tous les seremens que preudoms doit faire, que le samedi vous ne mettrez jamais peine a moy veoir ne enquerre ou je seray. (Arras, c.1392-1393, 26)

...et senz ce que le exercice que fera ledit Raart tourne audit Raoul en prejudice en quelque maniere une autre foiz (Baye, I, 1400-1410, 40)

...le bon marchant aprint a garir sa femme, qui luy tourna a grand prejudice. (C.n.n., c.1456-1467, 517)

Remarque : Percef. IV, R., c.1450 [c.1340], gloss.

À qui qu'il tournast prejudice. Voir tourner

2.Au prejudice de qqc. Au détriment de qqc..

...car si celle pension ou porcion estoit excessive et tropt grande, elle seroit au préjudice et dommaige de toute la communaulté, ainsi que à chacun sain d'entendement peult legièrement apparoir. (Oresme, Monnoies W., c.1365, XXV)

...afin que aucune chose ne feust faicte ou prejudice des anciennes franchises et libertés de l'Eglise de France et Dauphiné de Viennois (Fauq., I, 1417-1420, 156)

Les herbaiges des aigoux de ladicte ville, n'a esté aucune chose reçue par ledit receveur pour ce que en l'année de ce present compte ils ont esté curez par Oudin Daniel pionnier, qui n'a pas voulu ne soufert que aucun y ait esté cueillir herbe, pour ce que c'estoit au prejudice de son marché (Comptes Paris V.L.D., t.1, 1442-1443, 311)

Sans (le) prejudice de qqc. Sans porter atteinte à qqc., sans renoncer à qqc..

...senz prejudice de meilleur sentence (Foul., Policrat. B., II, 1372, 146)

...sanz prejudice de meilleur jugement (Foul., Policrat. B., II, 1372, 176)

...et en outre, pour ce que on n'avoit eu executoire de l'arrest, mais l'avoit tousjours le Roy prorogué jucques à ores et donné ses lettres, que ce feust sanz prejudice de l'arrest et demourast tousjours executoire comme dedans l'an (Baye, I, 1400-1410, 6)

...[la Court] a esté meue de faire ledit appoinctement qui aussy ne fu point debatu par le conseil des parties, et leur a octroié lettres, que ce soit sans le prejudice de leurs previleges (Baye, II, 1411-1417, 188)

Faire/porter prejudice à qqc. Porter atteinte à qqc..

...la volenté du roy et du gouvernement despent de la loy de Dieu et ne fait pas prejudice a franchise. (Foul., Policrat. B., VIII, 1372, 123)

...par protestation que ce ne porte prejudice aux drois dudit college (Fauq., I, 1417-1420, 180)

...que ce ne tournast ou portast prejudice à l'usage et observance ancienne et acoustumée (Fauq., I, 1417-1420, 214)

Empêcher qqc..

...mondit seigneur de Bourgongne, tant ès-lettres qui se feront de la paix comme en aultres lettres et escriptures, et aussi de bouche, recongnoistera et nommera, et pourra nommer et recongnoistre le Roy, son souverain. (...) lesdictes nominacions et recongnoissances, tant par escript comme de bouche, ne portent aulcun préjudice à ladicte exempcion personnelle [de faire hommage au Roi] de mondit seigneur de Bourgongne, sa vie durant (Doc. 1435. In : MONSTRELET, Chron. D.-A., t.5, c.1444-1453, 174)

Tourner à prejudice de qqc. Porter atteinte à qqc..

Le Chevalier confesse que plusieurs privilieges sont autroïés aux clers, mez ilz devent estre anullés quant ilz tournent en prejudice de la chose puplique. (Songe verg. S., t.1, 1378, 46)

Posé donques que lez Roys vous aient donné, de grace, aucuns privilieges, c'est assavoir pour en user en temps que il ne torne a prejudice de la chose puplique, non pas pour en user en prejudice du salut de la chose publique. (Songe verg. S., t.1, 1378, 46)

...que ce ne tournast à prejudice ne à la diminucion ou abolicion desdiz privileges. (Fauq., I, 1417-1420, 226)