PLUSIEURS

indéfini

[T-L : plusor ; GD : pluisors ; GDC : plusieurs ; AND : plusur ; FEW (IX, 101b) : pluriores ; TLF (XIII, 612a) : plusieurs]

I. -Adjectif indéfini. Plus d'un/d'une + subst..

...plusieurs tesmoings furent trais et amenez et lettres balliees en maniere de preuve de par le dit procureur (Chartes Abb. St-Magl. T.F., t.3, 1330, 27)

En telle maniere se desmentoit Melia pour Aigres, car il estoit moult pressez des lions, et estoit moult plaié et navré en plusieurs lieux de son corps. (Bérinus, I, c.1350-1370, 316)

Car en langeur couvient un coer souffrir Par pluiseurs kas trop de griés aventures Aspres et grans, fortes, fieres et dures. (Froiss., Ball. B., c.1362-1377, 26)

Plusieurs autres

Et ileuc, pardevant les diz clers notaires jurez, en la presence des dessus nonmés sergens et de plusieurs autres, furent leues deus paire de lettres annexees l'une dedans l'autre, seellees dou seel et contreseel de la prevosté de Paris, dont les teneurs s'ensivent. (Chartes Abb. St-Magl. T.F., t.3, 1330, 17)

Autres plusieurs

Furent assemblez au Conseil, en la Chambre de Parlement, messeigneurs le Chancelier, les presidens, l'evesque de Paris et autres pluiseurs, comme es jours precedens, sur le fait desdictes ordonnances. (Fauq., I, 1417-1420, 5)

...les evesques de Laon, Lizieux, Evreux, l'abbé de Saint Denys et autres pluiseurs conseilliers et officiers du Roy. (Fauq., I, 1417-1420, 127)

Plusieurs fois

...et laquele granche les diz curé et escuier (...) avoient plusieurs fois reffaite, rappareillié et redefiee (Chartes Abb. St-Magl. T.F., t.3, 1330, 24)

Et nonpourquant ilz l'angoisserent si, que plusieurs foiz il estoit sur le point de cheoir (Bérinus, I, c.1350-1370, 315)

[Pour indiquer un sous-ensemble] Plusieurs de + subst. / dont plusieurs

En amptonne, plusieurs des maladies d'esté sont engendrees (Saint-gille, A.Y., 1362-1365, 69)

...et la, signifiay aus personnes de plusieurs de ses gens le dit adjournement fait a Paris par moy en l'ostel dudit prieur (Chartes Abb. St-Magl. T.F., t.3, 1369, 402)

...ou estoyent illeuc pluseurs de leurs voisins assemblez pour eulx esbatre (Chartes Abb. St-Magl. T.F., t.3, 1392, 650)

Et fu ledit Conseil continué à lendemain, ouquel furent mandez les presidens et pluiseurs des conseilliers de la Court. (Fauq., I, 1417-1420, 125)

...et par ainssy fust remise ladicte dame en sa liberté, et ledit seigneur son mary perdist son estat, et tous les seigneurs françoiz et savoisiens et aultres tramontains, dont pluiseurs en y avoit en sa compaignie. (La Sale, Salade, c.1442-1444, 194)

[En empl. d'adj. attribut]

Et se les vertus humaines sont pluseurs il convient que ce soit selon celle vertu qui est tres parfaicte et tres bonne. (Oresme, E.A., c.1370, 121)

Car les choses ouvrees sont pluseurs, et chascune d'icelles est une et singuliere (Oresme, E.A., c.1370, 305)

Et a savoir mon se est tant seulement une espece de amistié, ou se il sont pluseurs. (Oresme, E.A., c.1370, 415)

Raisons y sont pluseurs, mais la principale est pour ce que mauvaise voulenté veult tollir et embler la part a Dieu. (Gers., Noël, p.1404, 302)

...mes gemissemens sont plusieurs, et mon cuer continuelement plourant. (Juv. Urs., Loquar, 1440, 365)

[Empl. pronom.]

Il appartient a mon euvre et estude lire moult de livres afin que de plusieurs je prende diverses fleurs, non pas tant pour tout approuver comme pour eslire ou extraire che qui est bon. (Daudin, De la erudition H., c.1360-1380, 128)

Plus de deux.

...et aussi se le filz a deux marrines, et il vit eage d'homme, il aura deux femmes ou pluiseurs. (Ev. Quen. I, c.1466-1474, 87)

II. -Pronom indéfini.

A. -Plus d'un, plus d'une personne.

Car se femme s'estoit meffaitte Par ygnorance ou par souffraite, Conme plusieurs sont qui le font, Ou par mauvais mariz qu'ilz ont, Cy devroit bien ouvrer pitié. (Mir. marq. Gaudine, 1350, 148)

Achars son compaignon, qui estoit faulx et deputaire, avoit grant envie sur lui et ne faisoit que subtiller comment il le peüst faire mourir prouchainnement, et ne savoit autre occasion de le haïr, fors qu il avoit grant envie de sa valour et de sa prouesce. Et encore sont aujourdui plusieurs qui sont de telle maniere et de telle nature, car il y a moult de mauvaiz qui se painent et travaillent moult de estaindre et de abatre la bonté d'autruy. (Bérinus, I, c.1350-1370, 320)

Ainssi gramaire est la fondation de toutes sciences, laquelle au jour d'ui plusieurs delaissent comme vile et de nulle reputation (Daudin, De la erudition H., c.1360-1380, 77)

Et mains grans offens Par eulx estoient achevé, Dont plusieurs ont esté grevé Ou en honneur, ou en chevance (Chr. Piz., M.F., II, 1400-1403, 51)

B. -Les plusieurs

1.La plupart (parmi des personnes) ; beaucoup (de personnes).

Einsi moustroient les pluseurs Faus samblant a leurs requereurs (Mach., D. Lyon, 1342, 218)

...et seingnoit a grant eslaiz, si que les plusieurs cuidierent qu'il eüst le cuer crevé. (Bérinus, I, c.1350-1370, 371)

Li pluseurs estoient blecié (Mach., P. Alex., p.1369, 165)

Et les pluiseurs et non pas toutes, quant elles voient .I. homme enamouret d'elles, ja soit ce que leur coers s'encline viers celi, se monsteront elles volentiers tout le contraire. (Froiss., Pris. am. F., 1372-1373, 61)

Tout estoit retrait et laisoient ja en Galisse les pluseurs les villes et forteresses qu'ilz avoient conquises (Froiss., Chron. M., XIV, c.1375-1400, 122)

Et, pour ce, les plusieurs se vont laver en icelles estuves, et especialement les riches. (Voy. Jérus., c.1395, 60)

Mais les plusieurs tantost en bouche Aront, pour chose, qui pou touche, D'appeller 'ort villain mastin' Un crestien, ou grant tatin Frappent du pié tost en travers, Sanz cause. (Chr. Piz., M.F., II, 1400-1403, 35)

Et à celle voix, à une mesme heure de l'approchement desdis ennemis, se departirent des eglises de Paris toutes les gens estans lors es sermons, et furent moult espoventez et se retrahirent les pluiseurs en leurs maisons et fermerent leurs huys. (Fauq., II, 1421-1430, 323)

Et les plusieurs n'entendent que a toute ambicion, convoitise et rapine, et les aultres sont josnes d'aage et de congnoissance (Juv. Urs., Verba, 1452, 392)

Et, pour brief parler, tant d'hommes que de chevaulx, les plusieurs estoient, les uns borgnes et les autres boiteux d'aucun membre, et n'y avoit cellui qui ne portast les enseignes de son mestier. (Bueil, I, 1461-1466, 23)

Touteffois ilz beurent de ce bon vin doulx des Sarrazins moult largement, et aprés que les pluseurs furent yvres et determinés, ilz vont habiter avec ces femmes sarrazines et aultres qu'ilz avoient amenné de France. (Bagnyon, Hist. Charlem. K., c.1465-1470, 204)

Les plusieurs de / dont les plusieurs. La plupart de / dont la plupart.

Ernander le seneschal dist une convenance qui avoit esté pieça faite et que li pluseurs des barons avoient en convenant a tenir par leur serement. (Bérinus, I, c.1350-1370, 150)

Item, tout enmy le chansel a ung pertuis dont les plusieurs dient que Nostre Seigneur dist que c'est le milieu du monde. (Voy. Jérus., c.1395, 27)

...et les plusieurs de ceulx qui sont tenuz de defendre actendent et escoutent quel en sera le bruit (Chart., Q. inv., 1422, 57)

Et certes c'estoit une noble assemblée d'enffans, et de noble sang, et dont les plusieurs ont esté notables chevaliers, saiges et vaillans, comme cy après pourrez ouyr. (La Marche, Mém., II, c.1470, 51)

2.La plupart (parmi des choses).

A Rodes a bel et notable port, et tout sur cedit port a seize molins a vent qui sont tous d'une route et tous près l'un de l'autre, et ont les plusieurs .VJ. volans (Voy. Jérus., c.1395, 95)

Les plusieurs de / dont les plusieurs. La plupart de / dont la plupart.

Toutesfoys donna Dieu tel honneur et grace a saint Pol, que sans grant eloquence, sans argumens et persuasions de humaine sapience, sans puissance terrienne, sans auctorité de fait, il, qui estoit souvent povre et nus, enchaynez et emprisonnez, converti a soy et a sa loy les pluseurs des parties du monde (Gers., P. Paul, a.1394, 494)

...il devint le plus puissant et riche de la terre d'Egipte et, entre ses choses de memoire, fonda cent grandes cités, dont les plusieurs sont encore en estre. (Simon De Phares, Astrol., c.1494-1498, f° 22 v°)