PLAID

substantif masculin

[T-L : plait ; GD : plait1 ; DECT : plait ; FEW (IX, 6b, 7a) : placitum ; TLF (XIII, 463b) : plaid1]

I. -Discours, paroles ; dispute, querelle ; affaire, dessein.

A. -Discours, paroles (surtout de contestation).

Bien le cuida ly rois et creoit bien leur plais (Hugues Capet Lab., c.1358, 238)

Qui en Dieu nye omnipotence Ou qui cuide que mestier ait De secours, d'aide ou de potence En son ouvrage ou en son fait, Il se condempne par son plait (Martin Le Franc, Champion dames D., t.5, 1440-1442, 55)

Remarque : Chev. papegau C.V., c.1400-1500, gloss. ; GRÉBAN, Pass. J., c.1450, gloss. ; Hist. prem. destruct. Troie R., c.1470-1480, 84/75 ; Myst. process. Lille K., t.2, a.1485, gloss. ; Chasse am. W., a.1509, gloss. ...

À court plaid

Sans tirer en longueur, en peu de mots.

Biau pére, l'en m'appelle Albert. Cy vien pour vostre disciple estre Et pour moy hors du monde mettre. C'est a court plait. (Mir. st Guill., c.1347, 48)

Tout de suite, sans discuter.

Alons men donques a court plait, Sire, par my vostre chappelle Saluer la vierge pucelle (Mir. ev. N.D., c.1348, 87)

À peu de plaid. En peu de mots, sans longs discours.

Or sus, a peu de plait. Menés avec vous voz appostres. (Pass. Auv., 1477, 148)

Sans tergiverser, sans hésiter.

...Car ly enfant Huon fierent a pau de plais. (Hugues Capet Lab., c.1358, 179)

Sans (long) plaid. En bref, sans longs discours.

LUCIFER. Quel nouvelle ? conte moy, Sathan amis, abrege toy. SATHAN. Je le vous diray sans long plait, Roy des dampnés, puisque vous plait (Marcadé, Myst. Pass. Arras R., a.1440, 59)

Mon espoux et loyal amis Et vous, freres, comment vous est ? Visiter vous venons sans plet En l'estat que vous nous veés (Myst. st Adr. P., c.1450-1485, 138)

Sans plus de plaid. Sans discourir plus longtemps.

LE BOURGOIS. Adieu, dame, sanz plus de plait. (Mir. enf. ress., 1353, 27)

Pour en avoir deux ou troys millions, Ains que soit nuyt nous nous humylions Au grant conseil que present nous envoye ; Et pour monstrer noz grans rebellions, Comme affamez et enraigez lyons, Sans plus de plait nous nous mectons en voye. (La Vigne, S.M., 1496, 139)

Estre à fin de plaid. Avoir fini de parler.

Chier sire, plus parler n'en fault : Il sera fait, puisqu'il vous plaist. Nous sommes a fin de ce plait ; Pensons d'aler. (Mir. Amis, c.1365, 14)

Demener plaid. Discourir.

Assez avons plait demeney. (Myst. st Clément Metz D., p.1439, 245)

Faire plaid (de qqc.). Discuter (de qqc.).

Puis que tant en faittes pleit, point ne doubteray ne me ressongneray de dire la verité. (Jean Le Long, Voy. Odoric A.M., 1351, 11)

Sans faire plaid (de qqc.). Sans discuter plus longtemps (de qqc.).

Or l'emportons [le traître] , sanz faire plait, Ou puis, ains qu'il soit adjourné. (Mir. femme roy Port., c.1342, 175)

LE JUGE. Vous en jurerés en present Sans en faire cy plait ? LE CRESTIEN. Qu'i [le juif] voise querir son varlet ! Je tiens qu'il dira le contraire. (Mir. st Nic. juif, c.1480-1500, 121)

Faire long plaid. Tenir de longs discours.

La contesse mesmes dist que en tout le monde ne cuidoit royne, ne roy, ne empereur qui peust finer d'autant que les joyaulx qu'elle avoit sur elle, valoient. Que vous feroye je long plait ? Le conte et un des plus haulx barons, ce fu ly contes de Forestz, adestrerent l'espousee a la chappelle (Arras, c.1392-1393, 39)

Ne faire plus plaid / ne faire plus de plaid. Ne pas discuter davantage.

Or n'en faisons cy plus de plait, Mais parlons d'autre chose a point. (Mir. abbeesse, 1340, 63)

Je m'en vois, sanz vous faire plait Ne sermon plus. (Mir. ev. arced., c.1341, 108)

Laisser un plaid. Mettre fin à une discussion.

LE ROY. Ho ! je deffens jusqu'a demain, Seigneurs, ceste deputoison. Il est d'aler diner saison : Laissiez ce plait. (Mir. Barl. Josaph., c.1363, 286)

Tenir plaid (de qqn / de qqc.). Parler, discourir (de qqn, de qqc.), discourir.

Il tiennent plait et parlement (Dupin, Mélanc. L., c.1324-1340, 99)

Atant se taist Remondins, et lors apporta on mès a si grant planté que c'estoit merveilles a regarder. De ce ne vueil tenir long plait. Les nappes furent ostees, et laverent. (Arras, c.1392-1393, 30)

Achillés dit que bien lui plaist, Si s'en pert, sanz plus tenir plait (Chr. Piz., M.F., III, 1400-1403, 92)

Si faisoit a merveilles parler de lui, et les dames et toute gent par grant plaisir le regardoient, et grant plait en tenoient (Bouciquaut L., 1406-1409, 35)

Car chevalier contre pyon Ne se partist honnestement, Ne sage homme a ung babion Ne doibt tenir plait longement. (Martin Le Franc, Champion dames D., t.1, 1440-1442, 35)

Il convient savoir que Fabius Maximus fust osté de l'office de dictateur, seulement pour ce qu'il avoit tenu aulcun plait dedens le temple ; par quoy la noise aulcunement destourba a faire le service des dieux. (La Sale, Sale D., 1451, 63)

Pour les pechez que tu as faitz, Sans en tenir longuement plaitz, Fault que tu voises a Boulongne, Et ne le tiens point pour mensongne, Ainçois qu'il soit deux jours passés. (C. Riffl., c.1480-1520, 61)

Remarque : Percef. IV, R., c.1450 [c.1340], gloss.

Tenir de plaid. Engager la conversation.

Remarque : DESCH., M.M., c.1385-1403, 121.

B. -Dispute, querelle.

Hardré, sire, en vostre traittié N'a touz jours que haine et plait. (Mir. Amis, c.1365, 28)

Dès ores mais noise ne plait Entre nous deux ne doit avoir (Mir. emper. Romme, 1369, 252)

Et pour ce avient que de teles choses ou pour teles choses viennent entre les gens contencions et plaiz et batailles. (Oresme, E.A., c.1370, 478)

Lors peut elle dire que seure Lui queurt Fortune, car en l'eure Lui sourdroit plais de toutes pars (Chr. Piz., M.F., II, 1400-1403, 93)

C. -Affaire, dessein.

Ly plais est bien allez, Car Savaris sera de Franche couronnez. (Hugues Capet Lab., c.1358, 102)

LA FILLE. Or devera cesser le plait A mon pére dès ores mais Qu'il me prengne a femme jamais ; Car, voir, il n'ara riens gangnié, S'il espouse un corps meshangnié Conme je suy. (Mir. fille roy Hongrie, c.1371, 15)

Au fort g'iray veoir nostre plet, Je me doy bien desconforter... (C. Riffl., c.1480-1520, 58)

Ce qui concerne qqn, qui touche qqn, situation de qqn.

Sainct Paul, doctour de verité Et lumiere de charité, Envers moy entent, si te plait, Et me fait confort en mon plait. (Prières saints R., t.1, 1400-1500, 130)

II. -DROIT

A. -Plaidoirie.

Coment serroi jeo creu en nule droiturele court pur moi defendre de cele plee ? Certes nenyl, par nul droit, desicom jeo siu partie et principal de meffait. Par qoi jeo reconoise et lesse touz pleez et sanz juggement jeo me mette de tout en la grace et mercy de vous, mon douz seignur Jesus Crist (Henri Lanc., Seyntz medicines A., 1354, 97)

Et Dyana, la belle Lune, Se démonstra tousjours commune ; Car promptement, selon son droit, Aux uns et autres se joignoit, Lequel advis tout miz en fait, Commencèrent tantost leur plait (La Haye, P. peste, 1426, 34)

Estre roulé en plaid. Voir rouler

B. -Procès, action en justice.

Touz jours sont en agait a plain Et n'estront ja aisé ne sainz, S'il n'ont plait ou content ou guerre. (Dupin, Mélanc. L., c.1324-1340, 144)

L'ADVOCAT. (...) Baillif, il en est temps huy mais. Faites enconmencier les plais. (Mir. enf. ress., 1353, 43)

Saiches que, tant comme tu les auras [les deux anneaux] , ou l'un des deux, toy ne tes hoirs, s'ilz les ont après toy, ne seront ja desconfiz en plait ne en bataille, se eulx ou vous ont bonne cause (Arras, c.1392-1393, 259)

La simple femme, qui entrer Craindra en plait, fera accort En payant, pour fuïr descort. (Chr. Piz., M.F., II, 1400-1403, 94)

...durant le plait pendent entre lesdictes parties (Baye, I, 1400-1410, 166)

Se nous sommes advocat, nous leur bastirons tel plait dont la sentence leur anuyera ! (Chr. Piz., Faits meurs Ch. V, S., II, 1404, 80)

LE .I. SERGENT. Arrivéz sommes de saison Au pletz ; voy le prevost assis. (Mir. st Nic. juif, c.1480-1500, 117)

Mouvoir (le) plaid. Intenter une action en justice.

Et l'aucteur jurera qu'il n'a pas meu le plait en entente de calumpniacion, mais que il cuide avoir bonne cause (Foul., Policrat. B., V, 1372, 391)

Comme jà pieçà, plait et procès eust esté meu pour cause de la succession de son père entre sa mère et lui (Ch. VI, D., t.1, 1381, 21)

Quant au plait de cour de Romme, il a esté meu pour cause de certain bénéfice dont Philippe a eu sentence par lui (Ch. VI, D., t.1, 1390, 106)

Plaid de Sainte Eglise. Procès en Cour romaine' (Éd.).

Et ne fut onques prinche qui soy posist de che servaige affrankier ne qui mettre remeide ou contresteir y posist, ja soiche que, tant par plait de Sainte Englieze comme par leur poissanche, ilh s'en aient aulcunne fois volut osteir et leur sourseans warandier. (Hemricourt, Patron Temp. B., c.1360-1399, 60)

Plaid de l'espee. Juridiction d'un seigneur qui a le droit de vie ou de mort sur ses justiciables' (Éd. Boimare, 41).

Item il [est] assavoir que (...) l'en ne congnoist de chose qui touche le plait de l'espée, c'est assavoir de dolleance, de briefs, de treves, de cry de haro, de mallefachons de corps, de cas heredital, fors sceullement le seigneur vers son homme pour les devoirs de son fief, comme ces choses sont plus a plain desclairés eu Coustumier (Instruct. ensaign. B.G., c.1386-1390, 31-32)

Plaid aux avoines. Voir avoine

Plaid à deniers. Voir denier

Remarque : Cf. L. Delisle, La Classe agric. en Normandie, [1851], 383.

C. -Par métonymie.

1.Cour de justice.

Remarque : Renart contref. R.L., 1328-1342, 8975.

2.Séance, audience.

Lembert, alons nous ent bonne erre Nos plaiz tenir. (Mir. prev., 1352, 234)

Sueffre toy et nous en buvron [du bon vin] , Se des plaiz tenir sui delivres (Mir. prev., 1352, 235)

3.Assises.

Plaids generaux. Assises qui se tiennent deux à trois fois dans l'année, où sont assemblés tous les officiers de justice.

...nous voulons et mandons à tous nos justiciers, ou à leurs lieutenans, que nostredicte grace ilz facent publier en leurs plaidz generaux (Trés. Reth. S.L., t.2, 1347, 78)

...mesdis maieur et eschevins de la terre dudit Vrigne tiennent plaiz generalz audit lieu, et sont appellés lez sourplais (Trés. Reth. S.L., t.2, 1408, 566)

Au jour dehuy en jugement les plez généraulx de la court de céans tenens c'est comparu Jehan del Beauce (Cartul. Laval B., t.5, 1433, 73)

Assises de l'administration forestière où le verdier rend la justice et où l'on exige les droits seigneuriaux.

...et quant ilz [chevaux et vaches] y sont trouvéez entre deux plez III foiz, ilz sont tenuz pour forfaitez. (Hector De Chartres, Cout. R., 1398-1408, 64)

Par métonymie. Redevance en argent ou en nature qui est à acquitter à cette occasion.

...et aucuns de ceulx qui doivent lez IIII guerbez doivent XVIII d. t. seullement de plez, et lez autres IX d. t. (Hector De Chartres, Cout. R., 1398-1408, 16)

Et pour ce, sont tenus païer au roy notre sire pour telle masure a en ladicte ville, se l'en y demeure ou fait feu, II s. t. de ples à Noël et au terme de Pasques fleuries (Hector De Chartres, Cout. R., 1398-1408, 20)

...item, il y a IX masurez dont chacune doit II fourchez à la my aoust ; et doyvent II s. t. de plez tous les habitans de la ville, excepté les frans (Hector De Chartres, Cout. R., 1398-1408, 27)