PHYSICIEN

substantif masculin

[T-L : fisiciien ; GD : fisicien ; DEAF, F 502) : fisicïen ; DECT : fisiciien ; FEW (VIII, 406b) : physica ; TLF (XIII, 297a) : physicien]

A. -MÉDECINE [et langue cour.] Médecin.

Y n'est clerc ne naturiens Qui tant soit bon phisiciain Qui donnoit remede a la mort. (Dupin, Mélanc. L., c.1324-1340, 72)

...N'il n'estoit nuls si vrais amis, Qui ne fust adont arrier mis Et qui n'eüst petit d'aïe, S'il fust cheüs en maladie. Ne fusicien n'estoit, ne mire Qui bien sceüst la cause dire Dont ce venoit, ne que c'estoit (Ne nuls remede n'i metoit), Fors tant que c'estoit maladie Qu'on appelloit epydimie. (Mach., J. R. Nav., 1349, 149)

Car au cuer estoit fort ateinte Et au viaire pale et teinte Et si de son corps amatie Et de ses membres amortie, Qu'einc puis ne s'en pot soustenir, Ne des mains nulle riens tenir ; Et n'ot einc puis tant de victoire Qu'elle peüst mengier ne boire. Fusicien furent mandé, Et la leur fu il demandé S'elle averoit de la mort garde, Et que chascuns y prenist garde, S'on li porroit donner santé... (Mach., J. R. Nav., 1349, 202)

Item les herbiers de la ville et suburbes dessusdis jureront administrer bien et loyaument et faire leurs clistaires, emplastres, jus ou herbers, selon l'ordenance du phisicien qui escrira. (Mét. corp. Paris L., t.1, 1353, 505)

Tu vois une plaie petite Dont on ne donroit une mitte ; Quant cils qui l'a riens n'i aconte, Elle envenime et croist et monte Tant qu'on ne trueve si bon mire N'homme qui t'en sache que dire, Ne phisicien qui s'i congnoisse, S'en muert aucune fois d'engoisse. Einsi est il, se Dieus me gart, De tout princë ou n'a regart A soy, quant en guerre se boute, Et qui son anemi ne doubte, Car je te promet, biaus amis, Q'uil n'est nuls petis anemis. (Mach., C. ami, 1357, 123)

Il esconvient que le phisicien regarde la maladie, et considere se la vertu en le dietant sera assez forte pour soustenir jusques a l'estat, ou se la diete ne suffise pas et que il ne deffaille premierement, ou se la maladie deffauldra avant et s'abesse. (Saint-gille, A.Y., 1362-1365, 55)

À maistre Pierre de Nadilz, phisician de Monseigneur, tant pour faire sez despenz en alant à Paris où Monseigneur lenvoya, comme pour pluseurs appoticaries neccessaires pour Monseigneur (Compte Navarre I.P., 1367-1371, 198)

L'ESCUIER. Sire, voulez vous point qu'envoie Querre vostre fisicien ? (Mir. emper. Romme, 1369, 262)

Et aussi les phisiciens Me tesmoingnent pour veritable C'est maladie non curable (Mir. emper. Romme, 1369, 297)

...ja soit ce que l'apothicaire, du comendement du phisicien, si administre et apreste lez medicines, toutevoies le phisicien si lez ordene quant a l'auctorité (Songe verg. S., t.1, 1378, 74)

Et doit doner le phisicien comandemens et enseignemens teulx, c'est assavoir que ceulx qui garderont telle diette, ou telle, par raison, deveroient de telle maladie eschaper, et ceulx qui ne la garderont, morront. Toutevoies ce n'est pas le phisicien qui lez obeïssans a sez commandemens garit, ne lez desobeïssans occit (Songe verg. S., t.1, 1378, 84)

Car le bon fusicien, combien que a son pooir il face bien, aucunefois pour chose qu'il sache faire, il ne puet pas a tous ces passiens plaire. (Mézières, Vertu sacr. mar. W., c.1384-1389, 49)

Et chascun des autres se occupoit en son art, en sa science, c'est assavoir les phisiciens en medecine, les fevres en favrerie. (Horloge de sapience S., c.1389, 116)

Item quant la fin aprocera du povre pelerin selonc le jugement debonaire du fusicien, du pere prieur et de ceulz a qui Dieu par sa grace le vaudra inspirer (...), il supplie treshumblement (...) que il soit portés en la bele chapele de Nostre Dame de l'enfermerie (Mézières, Test. G., 1392, 313)

...messire J. de Poupaincourt, qui des Pasques continuelment avoit esté en lit de maladie moult grieve, d'excoriation de la vessie principaument, comme disoient les phisiciens, estoit trespassé (Baye, I, 1400-1410, 62)

Si vouldra souvent parler a ses phisiciens, leur enquerra de son estat, et comme sage que elle sera, vouldra ouïr de leurs opinions, et que present elle aucunes foiz soient faictes leurs collacions sur le fait de la dicte santé. (Chr. Piz., Trois vertus W.H., c.1405, 53-54)

Quant à raison, est chose neccessaire, tout ainsi que se un bon phisicien estoit establi à garir le corps d'un homme malade par toutes ses parties et il en reservoit à garir les jambes et les piéz ou autres menus membres, on ne tendroit mie la cure estre belle ne tout le corps sain. (Chr. Piz., Paix W., 1412-1413, 117)

...maistre Hacquin de Vesoul, juif, phisicien de mondit seigneur, sur sa pencion de mille frans (Comptes Etat bourg. M.F., t.2, 1418, 73)

Et, s'aucuns de noz Anciens, Qui furent bon Phisiciens, Aient défendu la béverie De vin en temps d'épidémie, Ilz le firent, com l'en présume, Pour ceulx qui n'orent pas coustume De le boire communelment (La Haye, P. peste, 1426, 99)

Ne pour chose que ses physiciens lui dissent il ne voulloit menger ne prendre aucune réfection, et jucques à ce que ses fusiciens lui dirent que s'il ne mangoit il estoit mort. Et adonc mist paine de menger, maiz ne peult, car ses conduits estoient jà tous rettraitz. (Chart. J., Chron. Ch. VII, V., t.3, c.1437-1464, 113)

...selon le dit du phisicien de la royne, elle estoit brief eticque ou morte se son air naturel ne l'eust recouvree (La Sale, J.S., 1456, 270)

Or sont venuz maistre Pierre, maistre Jehan, maistre cy, maistre la, tant de phisiciens que vous vouldrez, qui veullent veoir la patiente ensemble (C.n.n., c.1456-1467, 33)

Ces phisicïens m'ont tué De ses brouliz qu'ilz m'ont fait boire (Path. D., c.1456-1469, 108)

Et jusques a luy [Avicenne] , estoient les phiziciens cyrurgiens. Mais depuis (...) cirurgie fut separee et delaissee entre les mains des mecanicques. (Panis, Guidon, 1478, chap. sing.)

Maistre Phelippe Crespe, phisicien et maistre Phache de Serain, cyrurgien, appellez au service de ma dicte dame la contesse de Touraine, furent en ce temps moult renommez (Simon De Phares, Astrol., c.1494-1498, f° 146 r°)

Remarque : Renart contref. R.L., 1328-1342, gloss. (phisicien, fusicien) ; Hist. prem. destruct. Troie R., c.1470-1480, gloss. ....

Physicien du corps

...nous veons que le phisicien du corps, a qui est donee auctorité et puissance d'anseigner et de ovrer selon l'art de medicine, et de juger dez malades lezqueulx deveroient eschaper et lezquelx morir, est ordené a celle fin que lez gens vivent sobrement (Songe verg. S., t.1, 1378, 84)

B. -Par métaphore.

1.Physicien de l'ame. Confesseur, prêtre.

Et ainsi le mest[r]e en Theologie puet estre dit phisicien de l'ame et si est dessus le phisicien, ou le mire du corps, qui doit vaquer a la santé du corps. (Songe verg. S., t.1, 1378, 78)

Au propos, conme le mire, ou le phisicien de l'ame, doit aler devant le phisicien du corps, aussi le Saint Pere de Ronme doit aler devant lez Impereurs et lez Roys, pour cause de l'eminence de sa dignité (Songe verg. S., t.1, 1378, 79)

Au propos, semblablement, le Pape et lez aultres prestres sont phisiciens de l'ame, c'est assavoir quant aux choses qui appartienent au salut de l'ame, ou a la mort, ou dampnacion pardurable (Songe verg. S., t.1, 1378, 85)

2.[En matière de mal d'amour]

Car il n'est viande si sade Com bon confort a un malade, Com fisicienne soutive, Sage, aperte et confortative D'une belle vois, clere et seine, Plus douce que nulle douceinne, Me dist, quant elle m'ot sentu : 'Dous amis, comment te sens tu ? Et d'ou te vient ceste dolour Qui einsi desteint ta coulour ? Certes, je croy qu'elle te teingne Au cuer et que d'amer te veingne...' (Mach., R. Fort., c.1341, 58)

Je sui li confors des amans Qui font les amoureus commans. (...) Je les fais sagement, parler, Rire, jouer, chanter, baler ; Je les tieng gais et envoisiez ; Je rapaise les despaisiez ; Je les norri ; je les alaite ; Je leur sui mere, amie et gaite ; Je leur sui phisicienne et garde ; De tous maus les deffen et garde (Mach., R. Fort., c.1341, 79)

L'EMPERERIS. (...) Descouvrez moy hardiement Vostre courage. LE FRÉRE. Certes, dame, de mon malage Estes fisicienne et mire (...). L'EMPERERIS. (...) qu'est ç'a dire Que sui fisicienne et mire ? Ne l'entens point. LE FRÉRE. Dame, vostre amour en tel point M'a mis que j'en suis acouchiez (Mir. emper. Romme, 1369, 260)