PARADIS

substantif masculin

[T-L : paradis ; GDC : paradis ; DECT : paradis ; FEW (VII, 615a) : paradisus ; TLF (XII, 921a) : paradis]

A. -RELIGION [et langue cour.]

1.Lieu où les âmes des justes jouissent de la béatitude éternelle, paradis.

NOSTRE DAME. (...) Je m'en renvoys en paradis. (Mir. enf. diable, c.1339, 19)

LE MARI. (...) Li Diex (...) t'a mis [la Vierge] Lassus en son hault paradis, Ou de touz sains es honnoree (Mir. enf. ress., 1353, 59)

Et li bons roys qui me norri, Dont li os sont piessa pourry, Et dont l'ame est en paradis, Disoit et recordoit toudis Que li homs fait grant vasselage Qui bien deffent son heritage, Et qu'il n'est assaus, ne bataille, S'on li roet tollir, qui le vaille. (Mach., P. Alex., p.1369, 26)

Mais Dieus, qui tout scet et tout voit, Qui tout gouverne et tout pourvoit, Qui ses bons amis pas n'oublie, Eins est toudis de leur partie, De son paradis acouri, Et le noble roy secoury, Et li donna pooir et force (Mach., P. Alex., p.1369, 90)

Tout aussi qui vuet recevoir Le saint sacrement et avoir, Lui et son cuer doit ordonner, Et sa maniere, à pardonner Toutes rancunes, tous meffais, Qu'on li a pourchacié et fais. Li saint le faisoient jadis, Pour ce ont il gloire en paradis. (Mach., P. Alex., p.1369, 241)

Et brïement, tous tendent par raison au plus grant bien que on puisse avoir, et c'est la derreniere et souveraine fin excepté paradis et la grace par quoy on le desert, de quoy la consideracion passe et est oultre ceste science. (Oresme, E.A.C., c.1370, 104)

Oyes lesquelles derrenieres confessions faites par icelli Robin Le Fevre, les continuacions et perseveracions esqueles il a continué et perseveré en la presence des dessus diz commis et sergens, par serement sur ce fait, et qu'il a prins et prent sur Dieu et en l'arme de lui, et aussy par sa part qu'il entend à avoir ou saint Paradis, et sur le jugement, sauvement ou dampnement que son arme attent à avoir, et la mort qu'il croit et pense aujourd'ui recevoir en remission et pardon de ses pechiez, à la louange de Dieu nostre createur, de sa très-benoite mère, de toute la sainte Trinité de Paradis et de tous sains, toutes saintes qui sont en Paradis, les confessions cy-dessus escriptes estre vrayes (Reg. crim. Chât., I, 1389-1392, 567)

Et dit qu'il prent sur Dieu et sur l'arme de lui, par la part qu'il entend à avoir aujourd'uy en Paradis, et sur le saulvement ou condempnacion que l'arme de lui attent aujourd'uy à avoir et recevoir après sa mort, qu'il voit qu'il convient qu'il sueffre presentement, que quelque confession qu'il ait cy devant faite d'avoir prins le sachet de cuir et les IIJc pieces d'or qui dedens estoient, et les avoir alouées par la maniere qu'il a plusieurs fois cogneu et confessé par devant ledit mons. le prevost, il en est pur et innocent. (Reg. crim. Chât., II, 1389-1392, 92)

...et n'en doubte point que je n'en viengne a bon chief, avec l'aide de Dieu et le bon droit que je y ay, et la bonne justice que le roy me fait en sa court. Et je pry a Dieu qu'il lui vueille merir en son paradis. (Arras, c.1392-1393, 60)

...la noble et puissant lignie qui en est descendue des nobles gens qui la fonderent, dont Dieu vueille avoir les ames recommandees en son saint paradis qui est es siecles des siecles. (Arras, c.1392-1393, 307)

Que diray je de Gloutonnie qui fait l'ame toute yvre de vins et de viandes, tellement que elle oublye Dieu et soy meismes, et tourne tout a fable et moquerie tout ce que on luy dit des joyes de paradis et des peines d'enfer, car a riens ne peut penser fors a sa panse ? (Gers., Purif., 1396-1397, 65)

Je regarde que aucuns sont qui servent Dieu de tout leur cuer en faisant ses commandemens ; et se a la foys ils pechent, tantost sont repentans et en sont yci puniz et purgiez. Pour ceulz yci est ordonné le royaulme de paradis incontinent aprés leur mort. (Gers., Déf., 1400, 224)

...pourra la sage dame acquerir los, gloire, renommee, grant honneur en cest monde et a la parfin paradis, qui est promis aux bien vivans. (Chr. Piz., Trois vertus W.H., c.1405, 76)

...ainsi que dit Cassidoire en l'exposicion du Credo, que foy est la lumiere de l'ame, la porte de paradis, la fenestre de vie et le fondement de salut pardurable, car sans foy ne puet nul a Dieu plaire. (La Sale, J.S., 1456, 37)

En ce tresglorieux estat et joyeux passetemps se passerent pluseurs jours qui gueres aux amans ne durerent, qui tant donnez l'un a l'aultre estoient que a pou a Dieu eussent quitté leur paradis pour vivre au monde leur terme en ceste fasson. (C.n.n., c.1456-1467, 92)

...la court celestial de Paradis (Doc. Poitou G., t.10, 1462, 377)

Dismas, mon amy, vrayement Pour ce que m'as voulu choisir Et me cognoistre clerement, Je te promect certainement Que au jour d'uy seras avec moy En paradis glorieusement Pour l'augmentacion de la foy. [Réf. à Luc 23, 43] (Pass. Auv., 1477, 219)

Heureux seray, par le sans bieu, Ou tout malheureux ceste annee, Car j'ay une malle assenee La meilleure femme du monde, Je pry a Dieu qu'i la confonde Pour la mettre en son paradis. (Tr. Men., c.1480-1500, 288)

SAINCT MARTIN. (...) Suyvre te fault finablement Dieu ou le deable Luciffer, Dont seras eternellement En paradis ou en enffer. (La Vigne, S.M., 1496, 282)

Et fut pour lors getté ung proverbe qui est tel que on disoit qu'il y avoit eu guerre en paradis, et que Saint-Pierre avoit prins Saint-Pol, ledit connestable, lequel par les dessus nommés fut mené prisonnier en la ville de Paris et fut mené par dehors les murs d'icelle ville du costé des chams, à l'entré de la Bastide Saint-Anthoine. (Le Clerc, Interp. Roye, c.1502, 350)

Dieu de paradis

Dont qui vuet honneur et pris, Ait sa fiance en Dieu de paradis Et pense adès qu'il ha sept contre quatre, S'il ha pooir de leur orgueil abatre. (Mach., L. dames, 1377, 230)

Pour ce, Françoys, escoute que [je, Fortune] te dis : Se riens peusse sans Dieu de Paradiz, A toy n'autre ne demourroit haillon, Car pour ung mal lors j'en feroye dix. (Villon, Poèmes variés R.H., c.1456-1463, 65)

'...Comment ! quelle chose y a il ? dist le bon mary. - Quelle chose ? vray Dieu de paradis ! dit elle ; helas ! les sergens ont esté ceans plus de deux heures et demye pour vous mener en prison...' (C.n.n., c.1456-1467, 508)

Sainte Trinité de Paradis. Voir trinité

Les saints de paradis

...il fait et fait faire pluseurs offrandes a divers sains de paradis (C.n.n., c.1456-1467, 85)

La cour de paradis. L'ensemble des saints.

Si que, Perceval, je m'acort, Et sui dou tout à vostre acort, Si qu'en l'onneur de Dieu le pere, Et de sa glorieuse mere, Et de la court de paradis, Où j'aray fiance toudis, Nous penrons demain nostre voie Vers Alixandre ; et toute voie, Nous ferons samblance de traire En Chipre, qui est le contraire (Mach., P. Alex., p.1369, 63)

Eins [le roi] loa Dieu devotement Et sa douce mere ensement ; Et fist faire processions, Veus, promesses, oblations, À la gloire de Dieu toudis Et de la court de paradis. (Mach., P. Alex., p.1369, 122)

[Dans un tour optatif]

Si m'est avis, Consideré mes raisons, que j'ay pis Que la dame, comment que ses amis Soit trespassez, Dieus l'ait en paradis ! Sire, et cils clers Qui me samble gais, jolis et apers, Fu atapis ou jardin et couvers En plus espès dou brueil qui est tous vers. (Mach., J. R. Beh., c.1340, 117)

Pour ce li preudons de jadis, Dont l'ame soit en paradis, Qui fu de vaillance gringnour Que ne fu puis autre signour, Car honneur, pris et loiauté, Largesse, prouesse, bonté Avoit, avec tout ce qu'il faut A preudomme sans nul deffaut (Mach., D. Lyon, 1342, 220)

...Ay ce livret rimé et fait. S'en feray ma dame present, Et mon service li present, Li priant que tout me pardoint. Et Dieus pais et honneur li doint Et de paradis la grant joie Tele que pour moy la voudroie. (Mach., J. R. Nav., 1349, 282)

Adieu sans plus. Dieu vous doint son beau paradis ! (Pass. Auv., 1477, 88)

LE PREVOST. Ainsi soit par sa saincte grace [de saint Nicolas] Et si bien vivre par compas Qu'en Paradis tous ayons place Des merites sainct Nicolas ! (Mir. st Nic. juif, c.1480-1500, 158)

Aller/monter en paradis

Et puis que je suis bien confessé et que j'ay l'absolucion receue, si a ceste heure je mouroye, n'yrois je pas en paradis ? (C.n.n., c.1456-1467, 62)

Quand l'yvroigne entendit que encores le failloit enterrer, ains qu'il montast en paradis, il fut tout content d'obeyr. (C.n.n., c.1456-1467, 64)

Avoir paradis

LA DAME. (...) Et que tel enfant puisse avoir, Qui me doint cause de savoir Ordener mes faiz et mes diz, Si que avoir puisse paradis, En la parfin. (Mir. enf. ress., 1353, 6)

...homme Crist et Dieu seroit Qui le meffait amenderoit Que pour pomme avoit fait jadis, Par quoy il avroit paradis (Mir. mère pape, c.1355, 375)

Je te afferme que tant de peine, de travail, de soucy et de honte ne te fault pas souffrir pour servir Dieu, ton bon et loyal amy, et paradis avoir, comme ceulz icy prenent pour argent et enfer acquerir. (Gers., Concept., 1401, 412)

S. NICOLAS [à Dieu] . De rechief je te vueil requerre Que le juif reçoive la loy, Veu qu'il a grant fiance en moy, Et qu'en fin il ait paradis. (Mir. st Nic. juif, c.1480-1500, 136)

Clore et ouvrir paradis. Condamner et absoudre le pécheur et, par conséquent, lui fermer ou ouvrir la porte du paradis.

...et ot la souveraine auctorité de clorre et ovrir paradis par la vertu et par les clefs du saint sacrement de penitence qui enclost confession. (Gers., P. Paul, a.1394, 486)

Gagner paradis. Mériter d'aller au paradis après sa mort.

...plus n'en pourroit dire ne faire pour gaignier paradis. (Chastell., Chron. IV, D., c.1461-1472, 61)

Trouver qqn en paradis ou en enfer. Retrouver qqn à coup sûr, en n'importe quel endroit.

Et pour ce que le seigneur du Vergier ou ses gens ne furent pas contens que lesdiz Dugué et Caderu prinsent la dîme en certaines terres, ung nommé Pierre Piquet, soy disant serviteur dudit seigneur du Vergier, [voulu contredire] ausdiz dismeurs, en les demandant à aucunes personnes et disant qu'il les trouveroit ledit jour en paradis ou en enfer. (Doc. Poitou G., t.11, 1474, 449)

Par plaisanterie.

... [le chien du curé] de ce mal mourut, et de ce siecle tout droit au paradis des chiens alla. (C.n.n., c.1456-1467, 539)

2.[P. métaph. ou dans un cont. métaph.]

Dame, je sui par vous resuscitez, En paradis mis d'enfer, où j'estoie, De mes mortelz paours asseürés, Des grans doleurs garis que je sentoie ; Par vous est dous mon amer, Quant vostre ami me daingniez apeler (Mach., Bal., 1377, 545)

Ne mes loiaus cuers aillours Ne porroit estre pensis, Pour ce que c'est mes retours Et mes humeins paradis. Et s'il vuet autre deport, Je di que fois en li dort Et qu'il est d'Amours partis ; Quar qui plus quiert, il a tort, Et s'est d'onneur annemis. (Mach., Les lays, 1377, 341)

Car il convient que je croie Et ottroie Qu'en ton dous paradis soie, Quant de m'amour me souvient. Dont s'à mon vueil le veoie, Plus aroie Que souhaidier ne porroie De quanque à joie convient. (Mach., Les lays, 1377, 345)

Paradis d'amour

Mais se je fais ja vaillence n'emprise D'onneur qui vaille, De vous venra que chascuns loe et prise. Et se je muir en vostre dous servise, M'ame en sera en dous paradis mise D'Amours sans faille. (Mach., Compl., 1340-1377, 260)

Or vueille Amours qu'en juenesse durer Puist ceste amour toudis, sans envieillir Et sans morir ; si serons sans finer En paradis d'amours ; car, sans mentir, Là n'a tristesse n'esmay Ne riens qui puist tollir joie à cuer vray. (Mach., L. dames, 1377, 203)

Pour ce amours, amis, droiture, Franchise, loyauté pure, Grace, eür, pité, mesure M'ont mis par envoiseüre En dous paradis d'Amours. Là n'ai je pensée obscure, Tristesse, mal ne pointure Ne chose qui me soit dure ; Et de l'autre m'asseüre, Quant je fineray mes jours. (Mach., Les lays, 1377, 351)

Remarque : FROISS., Par. am., c.1361-1362.

3.THÉÂTRE Mansion représentant le paradis.

[Dans une indication scénique]

Lors icy y a pause longue. Puis le Roy de France se mettera a genoulx devers paradis et dit... (Myst. siège Orléans H., c.1480-1500, 285)

Pause. Cy Dieu et ses anges s'en vont en paradis. (Myst. Pass. Troyes B., a.1482, 73)

4.Petit oratoire.

Remarque : WAUQUELIN, Belle Hélène Const. C., c.1448-1452, gloss. ('Petit oratoire où Grimbaut a placé ses idoles et notamment la statue du dieu à qui il fait rendre des oracles').

B. -Paradis (terrestre). Jardin merveilleux où Dieu plaça Adam et Ève, Éden.

Vray Dieu, pére qui (...) tant volz homme humain amer Que le feis a ta samblance (...) Et le meis en si noble estre Conme est le paradis terrestre (Mir. mère pape, c.1355, 375)

Et quant dou quart de vostre amour puis estre Mis hors d'enfer en paradis terrestre, Se je ne l'ay, y ne me porroit nestre Doleur ne peinne Qui tant me fust oublique ne senestre, Car ce seroit pour l'onneur et le mestre Perdre dou tout, et la joie celestre Et la mondainne. (Mach., F. am., c.1361, 154)

Le Flumaire est une riviere Belle, clere, seinne et legiere, Si douce comme yaue puet estre, Et keurt en Paradis terrestre. Or vous diray dont elle vient Sans mentir et ce que devient. (Mach., P. Alex., p.1369, 190)

Il fist le Paradis terrestre, Dont l'omme fu signeur et mestre, Et dedens le mist pour ouvrer ; Legierement le puis prouver. En ce paradis delitable, Qui est à trestout delitable, Nostres Sires y mist un flueve, Si comme Genesis le prueve, Plus bel ne puet on deviser, Pour amoistir et arrouser La terre, et cils flueves la duit À porter fueille, fleur et fruit, Herbes, arbres, racine et greinne Pour vivre creature humeinne. À l'issir de ce Paradis Que Nostres Sires fist jadis Se depart cils flueves en quatre, Nuls à droit ne le puet debatre. (Mach., P. Alex., p.1369, 191)

Il me sembloit que Orgueil dist en [s]e vantent : 'Je suys celuy par lequel ma maistresse, Male Voulenté, osta la belle paix de paradis au bel ange Lucifer, et le feist tresbucher de si hault si bas en horrible confusion. (...) Mais aussy es premiers parens, qui les chassa hors de paradis terrestre, qui leur bailla telle division en eulz et contre Dieu ? Tout [ce] je feis, Orgueil, parce que je leur feiz desirer avoir science semblable a Dieu...' (Gers., Noël, p.1404, 304)

C'est notre benoist Redempteur, Nostre Seigneur et Nostre Maistre, C'est le singulier protecteur De tout ce bas centre terrestre ; Pour nous a volu en terre estre Par l'offence que fit jadis Adam au paradis terrestre. (La Vigne, S.M., 1496, 150)

Par comparaison.

Et tant estoit de joie pleins Li lieus dont il estoit enseins Et a vëoir si gracieus, Si nobles et si amoureus, Car, quant je l'os par bon loisir Resgardé tout a mon desir, Je ne say que ce pooit estre Fors que le paradis terrestre. (Mach., D. verg., a.1340, 15)

Et je qui la me reposoie Par dedens mon cuer proposoie Que, qui einsi seroit toudis, Que c'estoit uns drois paradis, Et que jamais jour ne porroie Avoir en monde plus grant joie, Einsi comme il le me sambla. (Mach., D. Aler., a.1349, 393)

Mais de tous fruis, de toutes entes, De toutes fleurs, de toutes plentes Et de quanqu'on puet bon clamer, Soit deça mer, soit dela mer, Y estoient a grant planté. Ne say qui les y ot planté. Pour ce di et croy fermement Qu'en tout le monde entierement N'a lieu, nes paradis terrestre, Qui puist plus biaus ne plus gens estre. (Mach., F. am., c.1361, 192)

Là fu liement receüs ; Honnourez, servis et veüs Fu d'elles, en fais et en dis, Que ce li sambloit paradis ; N'ailleurs ne vosist jamais estre, Fors en ce paradis terrestre. (Mach., P. Alex., p.1369, 35)

Nulle si plaisant ne puet nestre ; C'est uns drois paradis terrestre De li veïr Et oïr Et sentir. (Mach., Les lays, 1377, 436)

Ce lieu situé en Mésopotamie.

Pour la tres grant ysneleté de ceste beste fu appellé aussi semblablement Tygres l'un des quatre fleuves de paradis terrestre, pour ce qu'il court aussi sy tre radement en descendant du mont de Caucasus qui est sur tous tres hauls. (Evr. Conty, Eschez amour. mor. G.-T.R., c.1400, 688)

Pommier de paradis. Variété de pommier nain.

Et s'estoit environ poursains Li lieus, dont il estoit plus sains, Plus biaus, plus gens, plus gracieus, Odorans et melodieus, De haies de belles devises Enracinées et reprises, Pommiers de paradis, rosiers, Franche aube espine et esglentiers ; Groselier aussi y estoient Qui bien et bel y afferoient. (Mach., D. Aler., a.1349, 392)

C. -Par extension. État ou lieu de bonheur parfait (sur la terre).

Ne il ne m'estoit mie avis Que sans vous vëoir fusse vis, Et en vous si toute m'entente, Mon cuer mettoie, et ma jouvente, Que vostre oueil, vos fais et vos dis Estoient mon droit paradis. (Mach., R. Fort., c.1341, 131)

Et vis a vis Te voy, ce m'est vis, Dous amis, Et toudis De toy me souvient. Mes esperis Et mes paradis Estient mis Et assis En toy ; s'apartient Que soit fenis Mes cuers et peris, Qu'est chetis Et remis, Quant vie le tient. (Mach., L. plour, 1349, 290)

Dieus qui est rois et qui est sires Des rois, des regnes, des empires, Regne, magnificence et gloire, Richesse, puissance et victoire Donna a ton pere jadis. Mais ne volt autre paradis Qu'estre en ceste magnificence. Tant avoit richesse et puissance, Terres, fiez, honneur et avoir Que trop estoit de tant avoir. (Mach., C. ami, 1357, 29)

La nous seÿsmes coste a coste ; Mais j'avoie un trop cruel hoste En Desir, qui ne se partoit De mon cuer, ainçois le partoit ; Car je vëoie vis a vis Son gentil corps fait a devis, Son doulz oeil, sa riant bouchette (...) Si me sembloit qu'elle deïst : 'Baisiés moy !'Dieus ! qui ce feïst, Il n'est paradis qui le vaille ! S'avoie en moi une bataille D'ardant Desir et de Pensee Qui fu de Paour engendree Et fu fille de Couardie ; La Honte ne s'oublia mie, Ains y vint malgré Bon Espoir Qui s'estoit oubliés, espoir ; Si sentoie en moi une ardure Entremellee de froidure Et pleinne de tele matiere Qu'elle art sans fu et sans fumiere. (Mach., Voir, 1364, 236)

Et vraiement je ne voy Q'autre paradis Soit en l'amoureuse loy Fors d'estre toudis Loyaus, joieus et jolis, Et que sans desroy S'aimment amie et amis (Mach., Les lays, 1377, 345)

...au moins tant en vous servant comme vous en estes tres digne, je auray ma part de paradis, car quelle chose est paradis fors vous amer et servir ? Et vrayement se je l'acomply ainsy jusques a la fin, gardant vostre loy et voz commandemens, ne puet estre que vous ne ayez mercy de moy. (Gers., Trin., 1402, 165)

FORT DESPENSEUR. Ung falcon je scey, bel et gent, Pour aler sercher les perdris : Et c'est ce que fault a tieulx gens ! L'OMME. Je ne quier aultre paradis. Prenés Argent avec vous, Et si ne l'esparniés en rien ! (Oliou, Mess. Arg. A., c.1470, 482)

[Dans un tour optatif]

A Dieu, ma tresdouce amour, qui vous doinst joie, paix et paradis, et volenté de moi amer ainsi comme je vous pense a servir. Vostre tresloial ami. (Mach., Voir, 1364, 272)

Faire son paradis de

De son cuer est ses corps haÿs, De toute joie est anemis, Si qu'en cuer qui est si chetis Ja mais Amours, j'en sui tous fis, Ne feroit son mainnage. Mais quant amans est vray sougis, Cointes, joieus, gais et jolis, Amours en fait son paradis. S'en doit avoir, se m'est avis, De mercy l'avantage. (Mach., Les lays, 1377, 455)

Prendre son caresme prenant de paradis. Profiter de tous les plaisirs.

L'autre dit que elle prendroit icy son karesme prenant de paradis et que en enfer elle s'en venteroit. (Gers., Trin., 1402, 165)