PELERIN

substantif masculin

[T-L : pelerin ; GD : pelerin ; GDC : pelerin ; FEW (VIII, 232b) : peregrinus ; TLF (XII, 1289a) : pèlerin]

A. -Étranger.

Considere que nous avons regné qui fumes pelerins et pense qui tu es et non pas dont tu es, et se tu es esbahis en chose si sobdeine, si que cez conseilz soient trop pareceuz, je te pri que tu pregnez a present mon conseil ! (Bers., I, 1, c.1354-1359, 41.3, 69)

Pilate sus la croiz escrist (...) En .III. lengages soufisans Estre entendus de touz passans : «Vez ci Jhesus de Nazareth Qui nommé roy des Jüis est», Ausi com dëist aus passans Et a cel escrit regardans : «Quique vous estes pelerins, Hebrex ou gregois ou latins, Poués savoir et entendre Qui est cil que vëés pendre...» (Guill. Digull., Pèler. J.-C. S., 1358, 287)

C'est a dire, mon ami : Je vous prie comme estrangiers et pelerins que vous vous abstenez des deliz charnelz (La Sale, J.S., 1456, 27)

Et ne sont pas ces manieres de gens Psiliens sauvéz des serpens seulement par eulx meismes, mais sauvent aussi les pelerins qui passent par celle region. (Mamerot, Romuleon D., 1466, 230)

Emploi adjectival.

Tacius, dist il, non pas tant seulement de peuple pelerin et extrange, mes encores du peuple anemi et adversaire, fu fais roys de Rome, et Numes aussi, qui ne savoit riens des coustumes de la cité, et sans que il le demandast, fu appelés dehors pour illecques regner. (Bers., I, 1, c.1354-1359, 35.3, 61)

B. -Voyageur.

1.Celui qui fait un voyage pour une raison quelconque.

«Pere, dist Jhesus, retourné Sui a toi, et ai consommé Ce que faire me commandas Quant jus u monde m'envoias, (...) Ensegnes t'en ai aporte [l. aporté] Si com autres pelerins font Qui en estrange terre vont...» (Guill. Digull., Pèler. J.-C. S., 1358, 335)

...le pellerin ou le viateur (Saint-gille, Comment. A.Y. L., 1362-1365, 316)

Pelerin ici endroit est celui qui va en estrange pays pour quelconques cause. (Oresme, E.A.C., c.1370, 488)

Se tu y veulz bien estre et prouffiter, tien y toy comme banny et pelerin sur terre. (Internele consol. P., 1447, 311)

De sa vie [de Jésus] veez cy la fin. (...) Jamaiz ne sera pelerin Soir ne mactin. Il a finé pelerinacge. (Pass. Auv., 1477, 223)

Ung homme maulvais peut estre cause de la perdicion de plusieurs et luy seul se pert, ainsi que dit ceste fable d'ung pelerin qui trouva une espee en son chemin. (Macho, Esope R., c.1480, 145)

Les pelerins d'Emmaüs. Les apôtres en route vers Jérusalem et qui rencontrent le Christ ressuscité à Emmaüs.

Combien, au plus fort de mes maulx, En cheminant sans croix ne pille, Dieu, qui les pelerins d'Esmaulx Conforta, ce dit l'Euvangille, Me monstra une bonne ville Et pourveut du don d'esperance : Combien que pechiez si soit ville, Riens ne het que perseverance. (Villon, Test. M., 1461-1462, 29)

2.En particulier. Celui qui fait un voyage à un lieu saint, pour des raisons religieuses.

Si advint qu'ilz encontrerent un pelerin, qui bien sembloit estre gentil homme, et s'en aloit a Saint Pere de Romme. (Bérinus, II, c.1350-1370, 102)

LE BOURGOIS. (...) Ne lairay qu'au puy de la sale Ne voise mon corps traveillier, Et en vostre moustier veillier Com pelerin. (Mir. enf. ress., 1353, 23)

De ce qu'il fist dessa le Rin Me tais, car maint bon pelerin, Maint chevalier et mainte dame Scevent qu'il n'i ot point de blame. (Mach., C. ami, 1357, 109)

LE PAUMIER. Sire, a ce povre pelerin Donnez, s'il vous plaist, vostre aumosne. (Mir. Amis, c.1365, 4)

Dites, royne, ça venez : Quant mis me serai au chemin, Sembleray je bien pelerin En cest habit ? (Mir. ste Bauth., c.1376, 112)

En maniere d'un pelerin, Un bourdon ot et grans cheveulx : Laiens se vint logier touz seulx, Qu'onques nulz homs ne l'apperçut. (Desch., M.M., c.1385-1403, 94)

Et disoit, ycellui Flament, que il estoit pelerin, et qu'il aloit en pelerinaige droit à Saint-Jaques en Galice (Reg. crim. Chât., I, 1389-1392, 462)

Et puis [Remond] s'en party au quart jour, et vint en la ville de Montferrat, et visita l'eglise et le lieu, qui lui sembla moult devost, et y ouy le service moult devotement, mais encore avoit il vestu ses robes de siecle. Et lors lui demanderent ceulx qui furent commis de logier les pellerins si lui plaisoit a demourer le jour. Et il leur respondy que ouïl. (Arras, c.1392-1393, 272)

Sy alasmes gesir loing de Jherusalem environ deux lieues, a ung hauberge que le Soudam y fait faire tout neuf pour harberger les pelerins et autres gens estranges. (Voy. Jérus., c.1395, 36)

On ne lor demandoit partout riens, pour tant que il estoient pelerin de Saint Jaqueme. (Froiss., Chron. D., p.1400, 616)

Et dit Seneque que le sage homme doit à toute heure avoir à memoire le trespas de la mort, tout ainsy comme le pelerin a au devant des yeulx, ne oublier ne le puet, le perilleux trespas par où passer lui couvient ains que ches lui retourne. (Chr. Piz., P.V.H., 1416-1418, 25)

Cestui predist aussi la peste qui fut en Jherusalem où tant de pelerins moururent. (Simon De Phares, Astrol., c.1494-1498, f° 118 r°)

Et pour aussi recevoir a grant tas Humainement par milliers et par cens Comme courriers ou pelerins passans, La dedens sont mainetz lieux bien ordonnez Ou que leurs sont foyson vivres donnez. (La Vigne, V.N., p.1495, 225)

Cestui predist aussi la peste qui fut en Jherusalem où tant de pelerins moururent. (Simon De Phares, Astrol., c.1494-1498, f° 118 r°)

Par plaisanterie. Individu.

Ouvre la chartre, Brutaumont, Et bailles ces deux pellerins Qui ont espïé les chemins Et desrobé maint bon marchant : Je croy qu'ilz s'yront approuchant Au gibet puisque je l'emprens. (Gréban, Pass. J., c.1450, 316)

...monseigneur Talebot, de son poing, qui estoit gros et lourd, descharge sur la teste de ce bon pelerin [un soldat de Talbot qui a dérobé un ciboire dans une église] (C.n.n., c.1456-1467, 59)

Aller/s'en aller pelerin. Partir en pèlerinage.

...il est mors en revenant De saint Jasques ou il ala Pelerin (Mir. parr., 1356, 33)

Or couroient novelles par tout que le daulphin, filz du roy de France, s'en alloit pelerin aux pardons d'Ays. (Chastell., Chron. IV, D., c.1461-1472, 296)

Proverbe. Dieu seul sait qui est bon pelerin

Parlent assez, il ne m'en chaut : Ce ne me fait ne froit ne chaut ; N'en donroie .IJ. celerins. Dieus scet qui est bons pelerins Et qui est bonne pelerine. (Mach., Compl., 1340-1377, 269)

Dieu ne peut estre moquie [l. moquié] , et il scet bien leur entencion. Dieu scet qui bons pelerins sont. (Gers., Réf. roy. G., 1405, 1157)

Et se tu n'as un vice, tu en as un aultre par aventure pire, ou .II. ou .III., et se tu lisoies bien en ta conscience, tu y trouveroyes assez a redire : car pour tant se ton pechié est secret au monde, n'est il pas a Dieu mucié, et lui seul scet qui est bon pelerin. (Chr. Piz., Trois vertus W.H., c.1405, 147)

Nostre vie ne durra riens Que pour avoir doel et fin : Dieux scet qui est bon pellerin. (Chastell., Miroir mort V.H., c.1436-1450, 73)

...n'y avoit ne roy ne duc qui n'en prist chescun couverte ymagination sur son compaignon et par quoy chescun se douloit et doutoit, dont Dieu scet toutevoiez qui bon pelerin estoit et net en sa cause, car a luy sont cogneues les consciences et les humains secretz. (Chastell., Chron. IV, D., c.1461-1472, 90)

...il sambloit à aucuns tenant le party des Bourgoignons que les merveilleux prodiges ou presages qui advindrent à l'heure de sa mort s'amonstrèrent et furent veus à cause de son mesuz et demerites, lesquelz, peult estre, fussent advenus quand n'eusist point rendu son esperit. Dieu seul cognoit qui bon pelerin est. (Molinet, Chron. D.J., t.2, 1474-1506, 390)

[P. allusion au prov.] Savoir à qui on peut faire confiance.

...quelque semblant que fist au roy, ne le roy à luy, sy y avoit-il bien autant fiance au costé du duc comme à celuy du roy Loys, car cognoissoit l'un et l'autre, et savoit bien qui estoit bon pélerin. (Chastell., Chron. K., t.5, c.1456-1471, 24)

[Sentence] Point n'est connue la constance du pelerin tant qu'il n'a pas accompli le terme de son voyage

Si en dirons aprés ce que nous avons parlé aux povres pecherresses, car tout ainsi comme ycelles desfaillans se peuent par grace de Dieu relever, convertir et estre sauvees, se pourroient les bonnes par temptacion d'Annemi et fragilité pervertir et estre peries, car point n'est cogneue la constance du bon pellerin jusques ad ce qu'il ait accompli le terme de son voiage. (Chr. Piz., Trois vertus W.H., c.1405, 215)

Les pelerins ont moult d'hostels ; ils n'y ont nulle vraie amitié

...cely qui occupe s'entente en tant de lieux et de diverses choses et qui sy souvent et sy tost ses opinions mue, ne se scet a quoy arrester ne faire chose qui ly soit profitable. Les pelerins, dit-il, ont moult de hostelx ; il n'y ont nulle vraie amisté. (Evr. Conty, Eschez amour. mor. G.-T.R., c.1400, 731)

Par extension. Qui est en quête d'un objet profane ; qui cherche à induire en erreur par des méthodes peu recommandables (comme les coquillards).

A qui vendez vous voz coquilles Entre vous, amans pelerins ? Vous cuidez bien, par voz engins, A tous pertuis trouver chevilles. (...) On congnoit tous voz tours d'estrilles Et bien clerement voz latins (CH. D'ORLÉANS, Rond. C., 1443-1460, 334)

3.Faucon pelerin

...il lui preste a usure principalement pour devenir marchant et marchander a ung Faulcon Pelerin Blanc au bec et piez dorez, qu'il a norry et apprivoyse et duquel il a este premier faulconner. (Mézières, Songe vieil pèl. C., t.1, c.1386-1389, 86)

Faucons pelerins sont ceulx qui sont prins au filé, et se sont peuz et ont volé aux champs et sont gentilz nommez. (Ménagier Paris B.F., c.1392-1394, 168)

Et le faucon pelerin est le meilleur qui soit, et est le plus gros et le plus fourmé de menbres que tous. (Ménagier Paris B.F., c.1392-1394, 168)

...et environ quarante pains de sucre, deux arbalestres et une douzaine de vires et ung faulcon pelerin. (La Broquière, Voy. Outr. S., c.1455-1457, 111)

Faulcon pelerin est ainsi nommé pour ce que on ne scet ou il naist et qu'il est prins en septembre faisant son pelerinage ou passage es isles de Cypre et de Rodes. (Tardif, Art faulconn., 1492. In : Chrestom. R., 134)

4.Par analogie. CUISINE

Chappon pelerin

Rost de bresmes, galentine, civé, chappons pelerins, gellee, blanc mengier party, plaiz en l'eaue, [ turbos ] a la soucye, darioles de cresme, lamproions a la sause chaude, dorures, ris engoulé, etc.. . (Ménagier Paris B.F., c.1392-1394, 180)

Et pour donner entendement a celluy qui fera le chappon pellerin si plume ses chappons gras et les appareille tresbien et nectoie (...) ; (...) si faictes que vous haiés anguilles grosses et fresches pour faire les bourdons ['bâtons de pèlerin'] des chappons pellerins (Chiquart, Cuis. S., 1420, 174)

Luc pelerin

...et pour ce que lesditz poyssons sont appellés lucz dorés pelerins devent avoir une bonne lamproye roustie par dessus que sera le le bouldon des dessusditz pelerins (Chiquart, Cuis. S., 1420, 201)