ORBE

adjectif

[T-L : orbe3 ; GD : orbe ; FEW (VII, 390a, 391a) : orbus ; TLF (XII, 578b) : orbe1]

A. -[D'une pers.]

1.[Latinisme] Privé d'un membre de sa famille.

Nous, disoient elles sommes cause de la guerre et des plaies et des mors de nos maris et de nos parens, il nous vaudra mout miex perir que vivre orbes et veves (Bers., I, 1, c.1354-1359, 13.3, 21)

2.Privé de la vue, mal voyant, aveugle.

Cilz est bien ors [var. orbe] qui ne voit goute. Encour est plus ors [var. oirs, orbes] cilz senz dobte Qui ne se cognoit et remire. (Dupin, Mélanc. L., c.1324-1340, 157)

Cilz qui ne voit goute est bien hors [var. orbe, orbes] (Dupin, Mélanc. L., c.1324-1340, 164)

La lune aussi a moult de mauvaises oeuvres, car selon Tholomee, la lune fait la personne muable et mal estable, et courir de lieu en lieu ; et fait un oeil plus grant que l'autre, ou elle le fait orbe d'un oeil : car la personne sus qui la lune a seigneurie ne sera ja sanz mal des yeux (Corbechon, Soleil Lune S., 1372, 354)

Je luy forgeay l'anneau, a mon entente Empoisonné, dont il mourut lassé, Orbe des yeulx, en diffidence lente, Aprés qu'il eut couru et tracassé. (Antitus, Poés. P., c.1500, 13)

À yeux orbes. Les yeux fermés, à l'aveuglette.

Nuit fu. Si furent endormi, Quant l'ost des Persens estourmi Les a, qui sur eulx, a grans tourbes, Vint, et les occist a yeulx ourbes, Si qu'il n'en remaint oncques pie (Chr. Piz., M.F., II, 1400-1403, 205)

Qui ne se voit pas (?).

[Dans une énumération d'engins de pêche prohibés] Courbre [l. Combre] , ramée et fagos de bois sont defenduz en tous temps à faire en riviere, les bas rebouer, le siffre, guarnis de valeiz, admendes, le pluseur, la truble à bois, la bourache, la chasse, le marchepiet, le cliquet, le rouable, braye à chauce orbe ; les pescheurs à truble pour loche, ables, satoilles, verons ou autres poissons non defenduz puent peschier de trubles espessez qui ne sont mie truble à bois ne à marchepié (Cout. bourg. glosé P.M., c.1380-1400, 296)

B. -[D'une chose, d'un lieu] Sombre, obscur.

Et l'yauwe (...) qui siet en lieu orbe et sombre, D'une personne li fait ombre. (Froiss., Joli buiss. F., 1373, 162)

Mettez les en orbe lieu, et leur nectoyez leur auget ou abeuvrouer .IX. foiz ou .X. le jour (Ménagier Paris B.F., c.1392-1394, 247)

Drogues utiles pour fournir aux castilles D'orbes bastilles quant la mer est carmee Et qu'on y fait main a main quelque armee. (La Vigne, V.N., p.1495, 134)

Remarque : Renart contref. R.L., 1328-1342, gloss. ; HENRI FERR., Modus et Ratio T., c.1354-1377, gloss. (orbe, orbre).

[D'une couleur] Sombre, terne.

De rechief, la couleur si est confourme a la lumiere comme la fille a sa mere, car quant la lumiere est grande et clere, la couleur se monstre mieulx, et quant la lumiere est petite, la couleur en est plus orbe et moins plaisant a veoir. (Corbechon, Couleurs S., 1372, 373)

Sombre, triste.

Remarque : GRÉBAN, Pass. J., c.1450, 23405.

C. -Coup orbe. Coup provoquant des meurtrissures, des contusions sans plaie ouverte.

...sondit feu mary lui dist qu'il s'estoit aperceu que ledit prisonnier frequentoit avec elle, et, ou contempt de ce, bati et feri de coups orbes moult durement ladite deposant. (Reg. crim. Chât., I, 1389-1392, 270)

...lesdiz deux autres compaignons en deux lieux, c'est assavoir en la jambe et ou bras et avec ce la ferirent et donnerent plusieurs cops orbes, et tient que ledit barbier lui fist lesdites deux playes et les autres lesdiz cops orbes. (Reg. crim. Chât., II, 1389-1392, 509)

Et lors senty descendre sur lui, aussi dru que pluie chiet du ciel, coups et horions d'un costé et d'autre, et fu moult defroissiez de coupz orbes, et puis fu tirez moult vilainement hors de la forteresse, et traynez tout hors de la barriere, et la fu laissiez. (Arras, c.1392-1393, 306)

...d'orbes cops et des cops touchiés à mes officiers, mon bailli a et doibt avoir la court et cognoissance (Trés. Reth. S.L., t.2, 1408, 566)

C'est assavoir ledit Anthoine [le férit] d'une espée qu'il avoit, et ledit Robert d'une petite hachecte qu'il tenoit, tant du dos que du taillant, plusieurs cops orbes et autres. (Ch. VI, D., t.2, 1420, 42)

...et luy baillèrent plusieurs coups orbes et sourds (Chart. J., Chron. Ch. VII, V., t.3, c.1437-1464, 123)

Le mien seigneur et prince redoubté, Floron de lis, roialle geniture, Françoys Villon, que Travail a dompté A coups orbes, a force de batture, Vous supplie par ceste humble escripture Que luy faciez quelque gracïeux prest. (Villon, Poèmes variés R.H., c.1456-1463, 50)

Et, ainsi qu'on menoit lesdiz quatre barons après lesdiz Henry et Warwyk, pluseurs de ladicte ville de Londres s'esmeurent et vindrent tuer l'un des diz quatre barons, nommé le seigneur de Scales, et lui baillerent plusieurs cops orbes (Roye, Chron. scand., I, 1460-1483, 8)

Les ay veuz [les Anglais] aller et venir Toute la nuyt a grandes tourbes. Sy pensent quelque desplaisir Nous faire, ou donner des coups orbes. Dame, je ne say de leurs forbes Ne aussi leurs intencions ; Mes se François ne les destorbes, Je croy que des maulx nous feront. (Myst. siège Orléans H., c.1480-1500, 492)