OPPROBRE

substantif masculin

[T-L : oprobre ; GDC : opprobre ; FEW (VII, 378a) : opprobrium ; TLF (XII, 558a) : opprobre]

A. -Deshonneur public, honte, opprobre.

...car ilz font toutes teles viles operacions afin de gaaignier et pour .I. poi de gaaing ilz soutiennent obprobres et vilaines reprouches et diffames. (Oresme, E.A., c.1370, 240)

Item, l'official et ses advocatz de sa court ont foullé et foullent le procureur du roy en icelle court et ne l'ont voullu ne veullent ouyr, comme ilz doivent, a postuller ne requerir les causes du roy, luy ont fait plusieurs injures et opprobres et a ses enffans aussi, en haygne de son office, qui est grandement eu préjudice du roy et de ses droictz (Echiq. Normandie S., 1391, 84)

Le jour que j'oz cel opprobre Fu le Vme d'octobre Cest an mille quatre cens Et deux. (Chr. Piz., Chem. estude P., 1402-1403, 8)

Et, le samedi XIXe jour de novembre, oudit an IIIIcLXVIII, fut crié et publié à son de trompe et cry publique par les carrefours de Paris ledit accord et union fait, comme dit est, entre le roy et mondit seigneur de Bourgongne, et que, pour raison du temps passé, personne vivant ne feust si ozé ou hardi d'en riens dire à l'opprobre dudit seigneur, feust de bouche, par escript, signes, paintures, rondeaux, balades, virelais, libelles diffamatoires, chançons de geste ne autrement, en quelque maniere que ce peust estre (Roye, Chron. scand., I, 1460-1483, 219)

...et pour ceste cause vint à Paris maistre Olivier Le Dain, barbier du roy, pour lui faire defendre le prescher, ce qui lui fut interdit, qui fut à la grant desplaisance de plusieurs hommes et femmes, qui fort s'estoient rendus enclins à le suivre et oÿr ses paroles, et, pour doubte qu'on ne le print ne feist aucun obprobre, le furent veiller nuit et jour dedens le couvent des Cordeliers, audit lieu de Paris. (Roye, Chron. scand., II, 1460-1483, 70)

...et que ce neantmoins, au moien de certains sermons et predicacions puis nagueres faiz en ladicte ville par frere Anthoine Fradin, de l'ordre des Cordeliers, plusieurs personnes se sont assemblez et venu au couvent desdiz Cordeliers pour ilec garder ledit Cordelier, auquel n'avoit esté fait aucun obprobre par le roy ne sa justice, mais y avoient esté envoiez seulement aucuns des conseillers du roy pour le interroguer sur aucunes choses et matieres secretes dont le roy en vouloit savoir la verité, et ilec s'estoient tenus nuit et jour près de icellui frere Anthoine et pour le garder (Roye, Chron. scand., II, 1460-1483, 71)

...ung mistere tel qu'il y avoit ung roy representant le roy de France, lequel estoit assis en une chaire, et luy mettoient du feu au cul. (...) Lors, incontinent qu'ilz furent arrivez en leurs navires, le dict patron compta et recita l'injure et opprobre qu'on cuidoit faire au roy par telz jeux et misteres (La Vigne, V.N., p.1495, 300)

Remarque : Renart contref. R.L., 1328-1342, gloss. (obprobre).

[D'une chose] Tourner en opprobre. Tourner en déshonneur.

Mesme que c'étoit souvent contre sa voulenté [celle du roi] que ladite Agnès portoit si grand estat. Mais pour ce que c'estoit le bon plaisir d'icelle royne, il temporisoit au mieulx qu'il pouvoit, combien qu'il cognoissoit et apercevoit bien que la chose luy redondoit et tournoit en opprobre. (Chart. J., Chron. Ch. VII, V., t.2, c.1437-1464, 182)

B. -Parole blessante, injure.

...combien que le doulx Jhesus des obprobres que nous li faisons nous peust et puist reprendre et blamer... (Mir. Barl. Josaph., c.1363, 246)

Et deffendons à tous nos subgés...que... il ne meffacent...aux dis de Gand ne à leurs complices, et ne leur dient aucuns oprobres, reproces ne injures. (Froiss., Chron. R., XI, c.1375-1400, 304)

Et fut inhibé et défendu de par le Roy, que doresenavant ne feust aucun d'une partie ne d'autre qui nuise ou offense sa partie adverse en aucune manière, en corps ne en biens, ne nomme armaignac ne bourguignon, ou die quelque autre obprobre l'un à l'autre. (Monstrelet, Chron. D.-A., t.2, c.1425-1440, 288)

Remarque : Hist. prem. destruct. Troie R., c.1470-1480, gloss. (obprobe)