OPPORTUNITÉ

substantif féminin

[T-L (renvoi) : oportunité ; GDC : opportunité ; FEW (VII, 376b) : opportunus ; TLF (XII, 551a) : opportunité]

A. -Occasion, circonstance favorable.

Es escriptures publiques on doit garder .VIII. choses, c'est asscavoir meureté, verité, briefté, humilité, liberté, oportunité de temps et de lieu, moienneté et discretion. (Daudin, De la erudition H., c.1360-1380, 133)

Aucunesfoiz aussi, pour aucunes necessitez et opportunitez, on permect aucunes négociations villes (Oresme, Monnoies W., c.1365, LIV)

...et aucunes fois enquiert l'en de la neccessité ou oportunité et semblablement des autres choses, aucune fois que l'en fera et par quoy, aucunes fois en quelle maniere et pour quoy. (Oresme, E.A., c.1370, 192)

...et que des autres arrerages escheuz devant la venue du Roy on recompenseroit lesdis presidens et conseilliers en heritages ou autrement, selon la possibilité et opportunité que le Roy auroit (Fauq., III, 1431-1435, 17)

...[vous] povez l'absence de mon bon mary supplier, car nul n'en sara parler : le lieu, le temps, toute opportunité nous favorisent. (C.n.n., c.1456-1467, 574)

Et, pour donner assault par mine, quant vous verrez vostre opportunité, vous convient avoir cent cinquante piez de chièvre, seize joues de pont, vingt et quatre eschielles doubles grans et fortes à quatre rencs pour soustenir quatre hommes d'armes de front (Bueil, II, 1461-1466, 48)

Selon l'opportunité. Selon ce qui est opportun, selon les circonstances.

...et au seurplus se offrirent lesdis commissaires à pourveoir et faire selon l'oportunité le miex qu'ilz pourroient. (Fauq., I, 1417-1420, 56)

...lesquelz [commissaires] adviserent et conclurent ensemble que la Court yroit en habit long, decent, de pareille couleur vermeille, en chaperons fourrez, à chevalz, le plus honnorablement que faire se pourra, selon l'oportunité et selon la disposicion du temps (Fauq., II, 1421-1430, 342)

...à la premiere venue in transitu sur les champs, le premier president pourra dire en brief de par la Court au Roy, pro salutacione, congratulacione et recommendacione, ce qu'il verra à dire selon l'oportunité de l'eure et du temps. (Fauq., II, 1421-1430, 342)

Opportunité de qqc.

Et en la maniere que il est un juste ou droit non escript et l'autre est selon loy escripte et legal, semblablement de l'amistié qui est selon oportunité de proffit (Oresme, E.A., c.1370, 447)

...elle avoit, si a elle ne tenoit (...) bonne habitude et opportunité de temps et de lieu, car nul ne la gardoit (C.n.n., c.1456-1467, 568)

Avoir l'opportunité de qqc.

Car je sejournay là assez longuement, en attendant aucuns marchans ou marchandes, qui de fois à autre apportoient de l'avoyne à ceulx de la garnison, quant ilz en avoient l'opportunité (Bueil, I, 1461-1466, 22)

(Bonne) opportunité de + inf.

Il convient aussi que la vie de l'aprenant soit doulche ou paisible, au pardedens afin qu'il ne s'abandonne aux desirs illicites, au pardehors afin que huiseuse et oportunité de mal faire n'empeche estudes proufitables (Daudin, De la erudition H., c.1360-1380, 47)

Mais la necessité ou opportunité de faire subvencion au pere puet estre tres grande ou mendre et variee en moult de manieres. (Oresme, E.A.C., c.1370, 457)

...à cellui furent faittes grans offres de deniers et seigneuries par plusieurs traittres mauvais, mais que il voulsist faire ou donner oportunité et lieu de acomplir mauvaistié et traison (Chr. Piz., Faits meurs Ch. V, S., I, 1404, 101)

...mais dissimuler et faindre son courage, en attendant opportunité de grever aucun, se peut appeller vice. (Chr. Piz., Faits meurs Ch. V, S., II, 1404, 75)

SATHAN. N'auray je plus d'auctorité Pour trouver opportunité De faire des maulx en ce monde ? D'enfer sors mal solicité D'ou sourt ma grant debilité. (Myst. jeune fille L., c.1413-1445 [c.1530], 5)

Et se il te vient par avanture bonne opportunité de moy donner solucion d'aulcunes doubtes et difficultés quy ne soient bien a ton plaisir discutee, je te prie de y entendre a les discuter. (Crap., Cur Deus, De arrha B.H., c.1450-1460, 245)

...il n'a eu temps ne opportunité d'estudier ne de vaquier aux lettres ne aux sciences (Fillastre, Traité Conseil H., c.1472-1473, 201)

SAINCT MARTIN. Redempteur d'eternelle gloire, Plasmateur de la Trinité En qui je veulx de bon cueur croire, Donne moy, par ta dignité, Maintenant l'opportunité D'aller devers les Arrïens Qui contre ta divinité Errent et si n'en donnent riens. (La Vigne, S.M., 1496, 325)

Avoir (bonne) opportunité de + inf. Avoir l'occasion, la possibilité de faire qqc..

...il ne a peu bonnement avoir oportunité de envoier devers lui (Ch. VI, D., t.1, 1400, 188)

...il avoit intencion de partir prochainement de Paris, et n'estoit mie certain se avant l'eure de son departement il auroit bonne oportunité de retourner en ladicte Chambre (Fauq., III, 1431-1435, 95)

...il estoit venu à Paris en la compaignie de messire Jehan de Croy, du segneur de Saveuses et autres, si hastivement qu'il n'avoit eu oportunité d'aler querir et apporter ses lettres de l'office de ladicte seneschaucié de Pontieu (Fauq., III, 1431-1435, 148)

Et ledit Voyaul, voyant que il avoit oportunité de luy bailler lesdictes lettres, les luy presenta ; et quant il les eut leues, se print à plorer, en disant telles parolles : 'Très doulx amy, si se n'estoit de paour que fussiés charché en chemin et detenu prisonnier, je rescriroye voluntiers à monseigneur de Dampmartin, vostre maistre.' (Le Clerc, Interp. Roye, c.1502, 151)

Avoir opportunité à qqn. Avoir l'occasion de relations avec qqn.

Et que l'en achete unez choses et vende les autres, ce est prezque neccessaire en toutes cités quant a la oportunité que les gens ont l'un a l'autre par neccessité. (Oresme, Pol. Arist. M., c.1372-1374, 271)

B. -Par métonymie. Ce qui vient à point, commodité.

Ceulz qui vivent civilement de vie active, quant il ont les vertus de l'ame et, avecques ce, il ont puissance et faculté de ouvrer selonc ces vertus, - comme biens corporels, richesces a uns et autres oportunités et ce mectent a effect - il sont beneuréz de felicité civile qui signifie et comprent ensemble tous les biens dessus dis (Oresme, E.A.C., c.1370, 119)

Item, il convient avoir aucune habondance et pecunes afin que les habitans en aient pour leur oportunités selon eulz meisme, et afin qu'il en aient pour les guerres. (Oresme, Pol. Arist. M., c.1372-1374, 301)

Aux opportunités de qqc.

Et se la chose est en ceste maniere, l'en ne doit pas seulement faire que la cité soit environnee et close de murs, mez ovec ce l'en doit curer et prendre garde des murs afin que il soient en aornement et parement de la cité et as oportunités ou necessités des guerres et pour les subtilités qui sunt maintenant trouvees et pour autres. (Oresme, Pol. Arist. M., c.1372-1374, 316)

C. -[À propos d'une pers.] À-propos.

Car elle [Marie] est monstrée avoir en ses paroles meurté, opportunité et sobriété, conment il dit. (Mir. Theod., 1357, 79)

Et s'ilz pourront, par fas ou par nep[h]as ou par argumens appara[n]s et par vive oportunite, du cuer et de la memoyre du Blanc Faucon cestui livre sera defface et anulle et comme ung songe commun repute (Mézières, Songe vieil pèl. C., t.1, c.1386-1389, 104)