OMBRAGE

adjectif et substantif masculin

[T-L : ombrage1, ombrage2 ; GD : ombrage ; GDC : ombrage ; DECT : ombrage1 ; FEW (XIV, 22b) : umbra¹ ; TLF (XII, 481a) : ombrage]

I. -Adjectif.

A. -Sombre.

Car sa face blanche et vermeille (...) Si clerement resplendissoit Que sa clarté esclarissoit Les tenebres, la nuit obscure De ma dolereuse aventure, Et de son ray persoit la nue Qui longuement s'estoit tenue Tourble, noire, anuble et ombrage Seur mon cuer et seur mon visage, Si que, comment qu'a meschief fusse Tel que de mort paour eüsse, Moult volentiers la resgardoie, Pour ce qu'en vëoir me sentoie Un petitet reconfortez De mes dures maleürtez. (Mach., R. Fort., c.1341, 55)

Et fait ceste couleur [bleue] nature, d'une terrestre et obscure partie qui un petit fait la couleur umbrage, et d'une autre partie de la nature d'yaue et d'air, secretement ensamble entremellees, qui la coulour par mesure enlumine et plaisaument le fait resplendir et reluire. (Evr. Conty, Eschez amour. mor. G.-T.R., c.1400, 626)

Beau lieu n'y a, ne beau hebarge, Mais si tres noir et si ombrage Que l'en n'y voit petit, ne goute. (Chr. Piz., M.F., I, 1400-1403, 128)

Et il sera couchiez dedens se cambre ombrage (Jourd. Blaye alex. M., a.1455, 21)

Clëophas, temps est de mouvoir, Tandis que le temps est umbrage, Pour aler en nostre voyaige Jusqu'en Esmaulx, le bon chasteau. (Myst. Pass. Troyes B., a.1482, 904)

Lieu ombrage

Lieu sombre, dans l'obscurité.

Le huen est vng oysel mont chargié de plumes et mont periceulx tous iours demourant en cauernes et en lieux ombrages, de nuyt volant et querant sa praye (Best. hérald. H.E., c.1435-1450, 486)

Endroit à l'ombre.

Le roy Yon mena dedens .J. lieu ombraige Et puis se li a dist par mont subtil langage. (Renaut Mont. B.N. V., c.1350-1400, 296)

Lieu de ténèbres.

Maintes grans peines y souffri (...) : Les uns es liex ou furent nes, (...) ; Li autre ou souloient manoir Ou en desers et boscages, En fosses, en liex umbrages (Guill. Digull., Pèler. âme S., c.1355-1358, 129)

Il fait ombrage. Il fait sombre.

Car ma dame, qui l'edefice Fist et fonda, par grant malice, Y ouvra de si mal ouvrage Que par lieux y fait moult ombrage (Chr. Piz., M.F., I, 1400-1403, 133)

[Cont. métaph.]

Seul le ressort, resplendeur de ton lume, Reverberant sur l'obscurté umbrage De mon engin tout l'enflambe et alume Par les beaux rais issans de maint volume Que tu as fait et escript en ton eage, Embellissant tout autre humain ouvrage Par elegant et haute rethorique, Moins ressemblant humaine qu'angelique. (Robertet, Oeuvres Z., c.1450-1500, 120)

B. -Au figuré.

1.[D'une chose]

a)[D'un ouvrage, d'une loi...] Obscur, difficile à saisir, qui comprend des zones d'ombre.

Umbrageus [var. Umbraiges, Ambrageux, Ambigeus] sont exemplaire Affin quë on en puist traire Vray tesmoing de la trinite, Car chose fausse ou contraire Rapportent souvent en l'aire Où ont tesmoingné verite (Guill. Digull., Pèler. âme S., c.1355-1358, 353)

Car, aussi comme la loy ombrage, et qui tout en figure contenoit et disoit, si eslut prestres en singularité de char et de sanc, en ceste maniere, puis que les ombres cesserent quant verité fu desclairiee et justice regarda du ciel ça aval, l'esperit applica a la ligniee de Levi et si institua bons et loyaus prestres ceulz que merite de vie et odeur de bonne renommee, opinion et l'acort et unité des bonnes et loyaux personnes ou la bonne et diligent pourveance a esleus et mis a part pour le service et le mistere de Dieu faire devotement. (Foul., Policrat., IV, 1372, 63)

b)Sombre, triste, pénible.

Comparer ly feray ceste doleur ombrage (God. Bouillon R.B., t.3, c.1356, 374)

Remarque : DESCH., Oeuvres Q., t.2, c.1370-1407, 503.

2.[Du cheval] Rétif.

Aussi, si son cheval est umbrage ou il soupe devant, il li en donne aucune foiz sus sa teste, si fet il a son vallet ou a un chien quant mestier est. (Gast. Phébus, Livre chasse T., 1387-1389, 193)

3.[D'une pers., d'un aspect de la pers.] Sombre, taciturne, dissimulé, ombrageux.

Et cuidiés vous qu'elle vous aime Pour ce que son ami vous claime ? Ainsi ami clameroit elle Le plus estrange de Castelle Et li feroit chiere d'amie S'il venoit en sa compagnie, Car elle est apperte et courtoise Et scet bien qu'amour vault et poise : Je ne di pas qu'elle l'amast Pour ytant qu'ami le clamast, Car mainte dame ami clamé A maint, sans estre d'elle amé. Je ne parole pas en blame, Car elle est bonne et preude fame, Sage, honneste, cointe et apperte, Et n'est ombrage ne couverte ['hypocrite'] ; Mais je le di pour vous, amis (Mach., Voir, 1364, 656)

Et s'il dist que desirs l'art, Si qu'il tient son cuer umbrage Et desteint son vis, Tres dous parlers par son art Tantost son mal assouage Si qu'il est garis (Mach., Les lays, 1377, 385)

Si ne peut que je ne faille D'emprendre si grant ouvrage Com de descrire l'ombrage Faculté de sa fallace [de Fortune] . (Chr. Piz., M.F., I, 1400-1403, 8)

Quoy que je ne soye amez Et que tant vous treuve ombrage, Mon cuer tellement fermez Est en vous que tout mon aage Vostre (...) Seray, ma belle maistresce. Je prendray en ce servage Vie ou mort, joye ou destresce. (Chr. Piz., Cent ball. amant dame C., c.1409-1410, 38)

Et se je te fus ombrage, Jadis, plus qu'au feur l'emplage, Le me rens de ton paage, Nul n'est qui se peust deffendre. (Chr. Piz., Cent ball. amant dame C., c.1409-1410, 140)

Soupçonneux, trouble.

Pour che confesse saint Augustin de soy mesmes ou second livre des Confessions disant : 'Je fu embrassé, sire, auchunefois ou temps de mon adolescence desirant moy contenter et asauvagir en umbrages amours, ou je fus trop hardy....' (Daudin, De la erudition H., c.1360-1380, 279)

Dame Envie est tousdiz acompaignie de fureur et de rage, de pais de traïson armee, d'amour umbrage et fainte, de hayne couverte et du dieu Mars mesmez atoute son espee de feu (Evr. Conty, Eschez amour. mor. G.-T.R., c.1400, 462)

II. -Substantif masculin.

A. -Endroit sombre.

1.Ombre, endroit à l'ombre.

...la nue fait umbrage aux labourans (Mir. st Ign., 1366, 73)

...le roy... estoit descendu en ung grant umbrage dessouls oliviers pour lui rafreschir, car il faisoit grant chaleur (Froiss., Chron. M., XII, c.1375-1400, 132)

Car de quel droit esté noble eussent, Se chevalereux ilz ne fussent ? Je croy le droit de commerage Ou d'eulx gogaier en l'ombrage. (Chr. Piz., Chem. estude P., 1402-1403, 161)

...le sage mareschal les vit la fichez, et que ilz n'entendoient ne mais a eulx ventrouller par l'erbe freche es ombrages (Bouciquaut L., 1406-1409, 227)

Aler en boscage, Jouer en l'ombrage, Passer maint passage, Assembler ung marïage (Chart., L. Plais., c.1412, 150)

De riens ne servent telz umbrages, Quant il ne fait hale ne chault. (CH. D'ORLÉANS, Chans. C., c.1415-1440, 239)

Les cerfz passoient par l'ombrage Et, ces oiseillons hors de cage, Dieu scet s'ilz estoient taisant. (Chart., L. Dames, 1416, 201)

Je me tiens assez a l'ombraige, Et bien feullu est le boucaige. (Narcissus, p.1426, 294)

LE CONTE. Au buysson d'ombrage couvert Gauldirons avec la bergiere. (La Vigne, S.M., 1496, 184)

[Cont. métaph.] Faire ombrage. Procurer de l'ombre.

Ceulx ci deffent et garde Marie la vierge et leur fait umbrage par le chaut du jour, c'est a dire attrempant en eulx l'assault de tribulacion. (Mir. st Ign., 1366, 74)

2.Obscurité, ténèbres.

...m'ame si affiner Que, quant ce corps devra finer, Eschiver puist d'enfer l'ombrage Et des cieulx avoir l'eritage (Mir. femme, 1368, 183)

Ne poet durer en liu ny en obscur onbrage (Jourd. Blaye alex. M., a.1455, 131)

B. -Au figuré.

1.Manière indirecte et obscure d'apercevoir Dieu.

Et est encores tres plus grant miracle quant je en puis mesmes riens apparcevoir, nez mesmes en umbraige et en miroir, mais c'est par sa vertus et par sa lumiere qui raye et resplandit aucunement sur mes yeulz espirituelz, et sur toy, mon Ame, qui es le miroir et l'image pour congnoistre la Divinité [l'Éd. (p. 149) traduit ainsi : 'C'est encore un plus grand miracle, quand je peux même apercevoir quelque chose de Dieu, et non plus en énigme et miroir : mais c'est par sa grâce...'] . (Gers., Trin., 1402, 158)

...et puet estre dicte ceste oblivion [des choses terrestres] l'ombraige, et l'obscurité, et les tenebres ou est veu Dieu. Icy congnoist l'ame [Dieu] , et si non du tout tellement et tel comme il est en soy, elle le congnoist tellement et tel comme il est a soy. (Gers., Trin., 1402, 171)

2.Ce qui permet de se cacher, de se dérober.

Car pour ce que tu criens estre despité, tu ne veulz de tes excès estre reprins, et quiers les umbrages d'excusacions. (Internele consol. P., 1447, 202)

Voir aussi ombragé