DESFIANCE

substantif féminin

[T-L : desfïance ; GD : defiance ; GDC : desfiance ; AND : defiance ; DECT : desfïance ; FEW (III, 500a) : *fidare ; TLF (VI, 937a) : défiance]

A. -Action de défier qqn, de provoquer qqn au combat, de déclarer la guerre à qqn.

Ainsi (...) fut le royaulme de France en aimoy (...) par les deffiances qui vinrent du duc de Guerles ; car elles furent felles et mal courtoises et hors du rieulle des aultres deffiances (Froiss., Chron. M., XIV, c.1375-1400, 1)

Item deys le jour de huy en avant l'une partie desdiz seignours de Beaujeu et de Vilars encontre l'autre à quelque cause que ce soit qui avignyet par le temps avenir, celemant ou en apert, ne par fraut, ne par cautele, comme principas ne comme aydans ne puysse fere guerre que celi qui la voudroit fere ne le face savoir pour dedit et deffiance clere à l'autre contre cuy il la voudroit fere ung an par devant que il la comensoit, et dey le jour dou deffiemant et que celi qui voudroit fere guerre auroit deffié l'autre, le deffiant ne le deffiez ne puissient fere en aucune maniere guere li ungs encontre l'autre jusque uns ans antiers soit passés à compter deis le jour dou deffiemant (Titres Bourbon H.-B., t.1, 1378, 594-595)

...se il advenoit que aucuns nobles ou autres du pays procédassent par voie de fait et de deffiances, les uns contre les autres, les diz conseilliers les feroient appeller par devant eulx (Hist. Lille T., t.1, 1386, 78)

...que audit prisonnier, qui n'est pas chief de guerre, le roy n'a aucune guerre formele ou deffiances precedans, mais par maniere de traïson veult prendre, exiger et lever en son royaume patis et raençons, comme desjà a fais depuis le temps d'icelles treves criées (Reg. crim. Chât., II, 1389-1392, 207)

Lors, quant le soudant a veu que nostre roy ne lui a voulu accorder sa fille, il lui a renvoié les trieves avec une deffiance ; et estoit ja tout prest sur la mer a bien quarante mille Sarrasins, et s'en vint bouter ou havre, et fist tout son harnoiz traire a terre, et vint mettre le siege soubdainement devant Famagouste, ou il trouva le roy despourveu de sa baronnie. (Arras, c.1392-1393, 94)

...les Englois conmenchierent a soutillier, qant les desfiances furent faites dou roi d'Engleterre au roi de France, conment il poroient nuire et porter damage, les François (Froiss., Chron. D., p.1400, 306)

...puisque (...) vous, biaus cousins d'Engleterre, volés proceder en la gerre, je escrirai et penderai a mes lettres mon seel et ferai pendre les seaus de tous les barons de ma tere, certefians la desfiance qui s'adrecera a Phelippe de Valois qui se dist rois de France. (Froiss., Chron. D., p.1400, 318)

À Sextre le herault, que mondit seigneur lui a donné pour avoir porté lettres closes de par Guillaume de Biere, escuier, devers le sire de Guitry, touchans les deffiances d'entre eulx, 20 frans (Comptes Etat bourg. M.F., t.1, 1420, 401)

Nulli n'y pourroit la paix mectre Fors vous qui la guerre y meïstes Quant voz yeulx escrirent la lectre Par quoy deffïer me feïstes, Et que Doulx Regart transmeïtes, Herault de celle deffïance, Par lequel vous me promeïstes En deffïant, bonne fïance. (Chart., B. Dame, 1424, 339)

...esquelles [lettres] estoit contenu tout au long la diffiance que le roy Hurtault leur avoit fait (Wauquelin, Belle Hélène Const. C., c.1448-1452, 320)

...pour laquelle chose se meu entre iceulz Peyreta et Montvent, suppliant, très grant debat, tellement qu'ilz se deffièrent l'un l'autre. Pour laquelle deffiance, icellui Peyreta pourtoit continuelment à sa saincture une dague et une espée en sa main à l'encontre dudit Montvent (Doc. Poitou G., t.9, 1450, 197)

Convient envoyer deffier L'empereur et tout son pouoir ; Et puis fauldra fere debvoir, Après icelle deffience, Que chascun soit en ordonnance, Et tout prest d'entrer em bataille Pour combatre celle chenaille (Myst. st Adr. P., c.1450-1485, 27)

Lettre de desfiance

...estoit nouvellement du duc de Guerles deffiez le roy de France, dont grant eschandele courroit parmy le royaulme (...) tant pour ce que le duc de Guerles est ung petis prince ou regard des aultres, que pour ce que la lettre de deffiance (...) estoit felle et impetueuse (Froiss., Chron. M., XIV, c.1375-1400, 180)

...li rois d'Engleterre lor requist que il vosissent escrire et seeler avoecques lui lettres de desfiances a Phelippe de Valois, qui se nonmoit rois de France. (Froiss., Chron. D., p.1400, 299)

J'ai rechut nagaires lettre de deffianche (Geste ducs Bourg. K., c.1410-1419, 420)

Il apporta au roy une lettre de deffiance de par ledict roy d'Angleterre, en beau langaige et en beau stille (Comm., II, 1489-1491, 31)

[P. ellipse]

Si envoia tantost deffiances au roy Henri et li fist guerre, et tint le marce de Seville une saison contre lui. (Froiss., Chron. L., VII, c.1375-1400, 82)

Nous ne devons pas courir sur ces gens sans les deffier (...). Lors font faire unes lettres faisans mencion : (...) nous (...) vous mandons que, tantost ces lettres veues, vous vous gardez de nous, car nous vous porterons dommage le plus tost que nous pourrons, a cause du tort que vous faictes et avez fait a nostre tres chier et bien amé oncle le roy d'Ausaiz. Et a celle deffiance mirent leurs VJ. seaulx. Et fu baillie a un heraut, qui tant erra qu'il vint au siege, et la presenta au duc, et fu la deffiance leue en audience. (Arras, c.1392-1393, 284)

Si envoia desfiier le roi Edouwart et toute sa poissance. Et aporta la desfiance uns heraus d'Escoce, lequel on nonmoit Glas. (Froiss., Chron. D., p.1400, 110)

Qant li jones rois d'Engleterre ot recheu ces desfiances (...) li coers li conmença a engrossier (Froiss., Chron. D., p.1400, 111)

Li dus de Braibant (...) dist que point pour l'eure il ne escriroit ne seeleroit nulles desfiances avoecques euls (Froiss., Chron. D., p.1400, 299)

Mon messagier, il convient que tu porte A l'empereur ma grande deffïance, Et que soubdain la responce en apporte (La Vigne, S.M., 1496, 235)

Sans desfiance. Sans défi préalable.

Car es maus d'amours que je port Ay tel plaisence, Car quant il font plus leur effort De moy grever, plus me confort, Et tout par son noble confort Suis je respitez de la mort Qui m'eüst, s'elle ne fust, mort Sans deffiance. (Mach., R. Fort., c.1341, 120)

Ils, qui ne voloit mies ou temps present ne avenir estre reprociés que il euist envoiiés ses gens sus la terre dou roy (...) sans deffiances, eut conseil que il envoieroit deffiier le roy d'Engleterre, ensi qu'il fist par ses lettres closes. (Froiss., Chron. L., VII, c.1375-1400, 107)

Hé ! dame de vaillance, Vostre douce sanlance M'a pris sans deffiance, Mais au penre sans lance M'a navré durement. (Mach., Ch. bal., 1377, 581)

J'ay eu fïance En Faulx Semblant par l'allïance Faintise qui sans deffïance Fiert, et puis met en oublïance Comme devant. (Chart., L. Dames, 1416, 277)

Demeurer dans une desfiance. Être l'objet d'un défi (en attendant d'y réagir).

Adont se departi li hiraus, et li rois et ses consauls et toute Engleterre demorerent en ces desfiances. Et bien sentirent toutes gens, asquels la congnissance en vint, que de par les Escoçois il averoient la guerre. (Froiss., Chron. D., p.1400, 111)

B. -Sentiment de celui qui n'a pas confiance, manque de confiance, défiance.

A peu de parolles, je ose affermer que tes faiz, que chascun congnoist, me donnent plus cause de defiance vers toy que au prince ne donnent de confiance, et, se monstrer le fault, je produiroye exemples en lieu de raisons et nommeroye les lieux et les villes ou pluseurs des tiens ont habité tant come les vivres et les rappines des biens qu'ilz n'avoient pas acquiz les ont peu soustenir (Chart., Q. inv., 1422, 39)

Pour certain l'evidence en est tout oultre manifeste, se on veoit que ou dedens des haultz palaiz naissent et croissent intestines dissentions et privees deffiances. (Chart., L. Esp., c.1429-1430, 80)

Et puis que tant apparurent vertueulx ceulx qui n'avoient apparence de remede, il est a croyre qu'ilz forcerent leur sens a esperer maugré fortune et faire vertu de leur necessité, et que la deffiance de humaine puissance tourna leurs cueurs en esperance divine, conceue en hault courage et conduite par ferme entreprinse, et les fist de vaincus, vainqueurs, et de chassés, assailleurs, et de humbles deboutés, les seigneurs et les maistres. (Chart., L. Esp., c.1429-1430, 135)

Item, la matiere de Dieppe touchant les lettres que monseigneur le Daulphin a escriptes à ceulx de Bruges, et pareillement Charles des Mares ausdiz de Bruges et à ceulx de l'Escluse, qui sentent deffiances. (Ecorch. Ch. VII, T., 1445, 185)

La principalle cause des guerres et questions qui sont entre les princes et roix est pour la deffiance qu'ilz ont les ungs entre les aultres. Les ungs l'ont pour paour d'estre deceupz ; les aultres l'ont pour ce qu'ilz veullent decepvoir ; et, pour ce, ne pevent-ilz prendre foy ensemble, ne eulx entre amer. Et pour faulte de foy et de bonne amour sont les guerres et questions qui tousjours durent (Bueil, II, 1461-1466, 257)

Icy parle de monsr le connestable qui jà estoit en grand suspicion et deffiance de tous les deux costéz, tant du roy que du duc, et ce qui luy advint en ce temps que le duc de Bourgongne tenoit le siège devant Nuz. (Comm., II, 1489-1491, 22)

Mon filz Martin, mectz y ta confïence Et ne presume aulcune deffïence Contre celuy qui a fait les haulx cieulx (La Vigne, S.M., 1496, 143)

Mons. le grant maistre, mon amy, vous m'avez bien monstré que m'aymez et m'avez faict le plus grant plaisir et service que vous pourriés faire, car les gens de Mons. de Bourgoigne eussent cuidé que je les eusse voulu tromper et ceulx de par delà eussent cuidé que j'eusse esté prisonnier : ainsi par deffiance les ungs des autres que j'estois perdu. (Le Clerc, Interp. Roye, c.1502, 217)

Par desfiance

Pour quoy veulz tu deffaire en toy ce que tu n'as pas fait de toy ? Ja ne doit tourner le blasme de ton iniquité en reprouche sur sa misericorde, et ne t'afieret de mal jugier par defiance sur celuy qui feablement te jugera. (Chart., L. Esp., c.1429-1430, 98)

Les aultres s'affient en grant finance ; maiz qui est chose moins feable que pecune, qui communement se amasse par la desloyaulté dez acquerans, et se garde par defiance dez reteneurs ? Sa nature est de couler comme l'eau, et espartir de legier comme argent vif. Elle guerroye et deffie celui qui la retient, et se estudie a renouveler maistres, et a soy logier en bourse nouvelle. (Chart., L. Esp., c.1429-1430, 104)

Avoir desfiance de qqn. Manquer de confiance en qqn.

Messire Jehan Helphy respondist : 'Se je ne me feusse fié en vous, vous ne me eussiez pas trouvé icy ; et, puisque je vous asseuroye, c'estoit à dire que je n'avoye point de deffiance de vous et que j'en estoie asseuré. Et vrayement, quant je vous ay veu, il m'estoit adviz que je le povoie bien faire.' (Bueil, II, 1461-1466, 239)

...mais la mort du connestable luy aydoit bien à avoir deffiance d'eulx avecques d'autres ymaginations. (Comm., II, 1489-1491, 102)

Avoir qqn en desfiance. N'être pas sûr de qqn.

...depuis le trespas du Roy, que Dieu pardoint, il a tousjours sceu et congneu que le Roy ne l'avoit point en amour ne bien agréable, mais en toute suspeçon et deffiance, et souventesfoiz le démonstroit par ses parolles (Roi René vie L., 1465, 310)

Desfiance de qqc. Manque de confiance dans l'espoir de qqc..

Je vif en mourant, voiant la mort de ma povre femme et de mes petis enfans et desirant la mienne, que tant me tarde que je la regrete chascun jour, comme cellui qui couroux, fain et defiance de confort, mainent douloureusement a son derrenier jour. (Chart., Q. inv., 1422, 21)