NOTABLEMENT

adverbe

[T-L : notablenotablement ; FEW (VII, 197b) : notabilis]

A. -D'une manière qui mérite d'être notée, de manière remarquable, importante, notable.

Et pour ce que marcheandise Estoit toute perdue à Pyse, À Venise, à Romme et à Gennes (...) Pluseurs citez tramis avoient Au Saint Pere et li supplioient Très humblement que bon acort Mettre li pleüst au descort Dou roy de Chypre et dou soudan. Car si le descors dure un an, Il dient en leur verité Que toute la Crestienté En vaurra pis notablement. Si que li papes sagement, Dou gré dou roy, ordena là, Que de chascune ville ala Vers le soudan une personne Notable, diligent et bonne, Qu'estre doivent embassadeurs De la pais et mediateurs Entre le soudan et le roy, Qui se combat pour nostre foy. (Mach., P. Alex., p.1369, 221)

Ne point ne vuidoit d'une tour où il estoit mis, mais il avoit toutes coses apertenans à lui, et estoit servis bien et notablement. (Froiss., Chron. L., IV, c.1375-1400, 183)

Et li fist faire son obsèque ossi poissamment et ossi notablement, en le Sainte Chapelle de Paris, que dont que li rois d'Engleterre euist esté ses cousins germains. (Froiss., Chron. R., VIII, c.1375-1400, 236)

Enssi estoient il vesti et houcié dessus leurs armeures (...) cescuns sires desoulx sa banière ou son pennon, enssi comme à lui appartenoit (...) pour (...) entrer en bataille au plus honnourablement et notablement que cescuns peuist (Froiss., Chron. R., IX, c.1375-1400, 261)

Et ainsi elle [la terre] poisera plus d'un costé que d'autre, et quant ce sera notablement il convendra que toute la masse de la terre se meuve tellement que le centre de la pesanteur de elle lequel estoit hors du centre du monde, pour la mutacion dessus dicte, vienne ou centre du monde. (Oresme, C.M., c.1377, 256)

Et se cest honme aloit tout droit vers le pole artique et passast outre tout droit vers les antipodes, le soleil et les estoilles leveroient a sa senestre et coucheroient a sa destre des ce que il seroit notablement oultre le pole. (Oresme, C.M., c.1377, 572)

Si soit bonne ordonnance faitte Et eulz vestuz tresrichement, Que je vueil que notablement Soient atournez les enfans. (Gris., 1395, 78)

Ovide bien et proprement La descript [Envie] et notablement, En son grant livre renommé, Methamorphosëos nommé (Chr. Piz., M.F., I, 1400-1403, 113)

...attendu que ledit N. a longuement, louablement, notablement et sagement et aussy loyaument exercé sondit office (Baye, I, 1400-1410, 119)

Et après son trespas fut ensevelie, et son corps fut porté publiquement et notablement accompagné et convoyé de belle notable seigneurie et des quatre ordres de Mandiens et autres gens d'église jucques à Nostre-Dame des Carmes, où elle fut sépulturée. (Chart. J., Chron. Ch. VII, V., t.2, c.1437-1464, 35)

Car c'estoit une ville [Estaples] bien peuplée et notablement édifiée. (Monstrelet, Chron. D.-A., t.5, c.1444-1453, 128)

Icelui Aabensahet, dessus nommé, fist unes tables sur Tollete que je veues très precises et notablement calculées. (Simon De Phares, Astrol., c.1494-1498, f° 29 v°)

B. -Par extension.

Avec force.

Il dit notablement que prudence est une vertu. (Oresme, E.A.C., c.1370, 360)

En touz ceulx ci ne peut la vierge ses racines mettre ne fichier, et pour ce dit elle notablement : Je m'ay enraciné ou peuple honorifié, c'est assavoir ou peuple que ne deshoneure point luxure (Mir. Pierre Changeur, c.1378, 228)

Sur quoy ledit de Clamecy se excusa grandement et notablement, afin que on voulsist pourveoir audit office d'autre personne que de lui (Fauq., I, 1417-1420, 247)

Dans les formes.

...une grosse lettre jettée de rechief et puis escripte notablement et grossée sus la date de la precedent alliance et confederation. (Froiss., Chron. L., VI, c.1375-1400, 34)

...tout ce que il fu dit, acordé et proposé, fu escript et seelé notablement, et en furent levé et pris instrument publique (Froiss., Chron. D., p.1400, 342)