NAVIRE

substantif masculin et féminin

[T-L : navílie ; GD : navire ; GDC : navire ; FEW (VII, 65b) : navigium ; TLF (XII, 32a) : navire]

A. -Navire.

On delivra au conte et à ses gens pour leurs deniers navire à Vennes, à Hainbon et à Camperlé, là où il estoient logiet. (Froiss., Chron. R., X, c.1375-1400, 43)

Tant fu parlementé et tretiet par les quatre barons dessus nommés que li dus de Bretaigne vint à acort, et pooit, et sans fourfait, adrechier les Englès de navire pour raler en Engletière. (Froiss., Chron. R., X, c.1375-1400, 41)

...s'il a en ceste place homme qui ne sente son cuer ferme pour actendre l'adventure qu'il plaira a Jhesucrist de nous envoier, qu'il se traye a part, car par un seul couart failly est aucunesfoiz une besoingne perdue. Et sachiez que tous ceulx qui n'y vouldront venir de bonne voulenté, tant de ma gent comme des autres, je leur donray or et argent assez, et navire avittaillié pour repasser la mer. (Arras, c.1392-1393, 109)

...je me trouvay oultre mer, Sanz en navire entrer n'en berge Ne sanz avoir mauvais herberge. (Chr. Piz., Chem. estude P., 1402-1403, 51)

...avec innombrable quantité de navires poussez par voiles et avirons (Chart. J., Chron. Ch. VII, V., t.3, c.1437-1464, 39)

LE PREMIER CRESTIEN. Maistre, monstrés nous ung requoy Ou nous mettrons ces povres corps. LE PREMIER NAVETIER. Mettés les la a ces resors, Près du debout de ma navire. (Myst. st Adr. P., c.1450-1485, 164)

Les navires et bateaulx furent chargez et preparez pour partir (C.n.n., c.1456-1467, 560)

...car desjà en y avoit arrivé XV grans navires, merveilleusement belles et puissans (Escouchy, Chron. B., t.2, a.1465, 72)

Cestui fleuve est grant et la navire est petite. (Macho, Esope R., c.1480, 242)

...car en bataille il fist reculler le puissant roy Xerxes jusques en ses navires et occist IIc mil de ses gens (Simon De Phares, Astrol., c.1494-1498, f° 46 r°)

À ceste cause il fut envoyay par icelui Xerxes amasser gens et navires, pour venger la honte que les Grecs avoient faicte à son pere (Simon De Phares, Astrol., c.1494-1498, f° 46 v°)

Themistodes (sic), très vertueux duc d'Athenes, fut très expert en la science des estoilles et très subtil philozophe, lequel d'autre costé, avecques cent navires en suppedita XIIc et six toutes puissantes, de la suite dudict Xerses, ainsi que recite Plutarque. (Simon De Phares, Astrol., c.1494-1498, f° 46 v°)

Cestui fut appellé des Gennevoys ès differens qu'ilz eurent contre ceulx de Pise pour l'occasion de l'isle de Corsique, où il y eut grant strage comme XIIm hommes occiz, XLVIII gallées prinses, sans les menuz navires et sans ceulx qui furent submersés. (Simon De Phares, Astrol., c.1494-1498, f° 127 r°)

...et mist le siege devant icelle ville, tellement que a l'aide de ses gendarmes et marinyers, ilz assaillirent la dicte ville tant par mer a force d'artillerie que par terre, si tres bien qui la prindrent par force et d'assault (...). Puis s'en retournerent en leurs navires sur la mer et vindrent gaigner le pays de Provence. (La Vigne, V.N., p.1495, 301)

Longue navire. Vaisseau de guerre.

Cesar departist a son receveur, a ses lieutenans et aultres chiefz de guerre toutes les longues navires, c'est a dire gallees, qu'il avoit et bailla toute l'autre armee a Quintus Titurius Sabinus ['les longues... gallees' trad. lat. navis longa] (Gaguin, Comment. César, 1485, IV.22, f° 46)

Remarque : Synon. de longuenef, v. nef.

Navire de guerre

...plusieurs beaulx et grans navires de guerre comme hurques, galées et autres navires en grant quantité, tous fort avitaillez et garnis d'artillerie et gens de guerre (...) singlerent en mer tellement qu'ilz s'en vindrent arriver et entrer sur la coste de Normendie environ la fosse de l'Eure, cuidans trouver et rencontrer ledit de Waruik et sa compaignie pour les desconfire. (Roye, Chron. scand., I, 1460-1483, 243)

...il requéroit avoir secours de gens d'armes, pour mener par mer sur galées et navires de guerre, afin de pouvoir résister à l'encontre des Infidèles, desquels estoit conducteur le Grand-Turc nommé Mahomet (Faits Lalaing K., c.1470, 33)

Et le faisoit ledict duc pour ce que ung petit navire de guerre de la ville d'Eu avoit prins ung autre navire marchant du pays de Flandres, dont ledict conte d'Eu offroit faire la reparation (Comm., I, 1489-1491, 174)

Navire de marchands

...il y avoit plusieurs navires de marchans qui navigoient sur l'eaue et aloient en divers pays pour gaigner (Tardif, Apologues R., c.1493-1498, 70)

Navire marchand

Et le faisoit ledict duc pour ce que ung petit navire de guerre de la ville d'Eu avoit prins ung autre navire marchant du pays de Flandres, dont ledict conte d'Eu offroit faire la reparation (Comm., I, 1489-1491, 174)

Maistre de navire

...il loua certaine navire, laquelle il chargea et freta de tout son vaillant et de celui de ses voisins et fut maistre de navire avant que serviteur (Tardif, Apologues R., c.1493-1498, 70)

Maistre des navires

Et en fu demandé à Alphons Vretat, le maistre des navires au roy de Portingal. (Froiss., Chron. M., XII, c.1375-1400, 308)

À navire. Par bateau.

Tout le monde celle part vire A cheval, a pié, a navire Et la veulent leurs nefs encrer Et chacun s'efforce d'entrer Ou chastel par la riche porte, Mais nul n'y entre s'il n'a porte, Car trop y a fiere avant garde. (Chr. Piz., M.F., I, 1400-1403, 63)

Se mettre en navire

Puis aprés se mist en navire Et en mer devers Grece vire. (Chr. Piz., M.F., II, 1400-1403, 240)

Par comparaison. Comme navire sans gouvernail

...le povre peuple sans justice, agité et bersaudé des horribles tourbillons de guerre, estoit comme membres sans chief, navire sans gouvernail et brebis sans pasteur (Molinet, Chron. D.J., t.2, 1474-1506, 114)

B. -Flotte.

Accordé est que des nefz de Normandie autres que celles de la navire du roy, les gens du pais de Normandie en aront ce que il vouldront avoir (Clos galées Rouen M.-C., t.2, 1339, 13)

Quant en Chypre [[les messagers]] furent venu, Tantost li gros et li menu Furent mandé par le royaume. Il n'i ot Gautier ne Guillaume En toute la mer d'environ, S'il sot nagier d'un aviron, Qu'il ne mandassent pour eaus dire Qu'il apareillent leur navire ; Car le roy einsi le commande. (Mach., P. Alex., p.1369, 54)

Quant li roys fu bien eslongiez, Il ne s'est gueres atargiez, Eins fist sonner une trompette, Qui haut et cler sonne et trompette. Lors s'arresta tout le navire, Pour oïr ce qu'on vorra dire. Li rois commanda qu'on leur die Que chascuns le sieve à navie Tout droit le chemin d'Alixandre, Car là vuet il aler descendre (Mach., P. Alex., p.1369, 65)

Pour certein avons oy dire Que li Turquoys ont grant navire Pour aler devers Babyloinne. Montez en mer ; et, sans essoinne, Prenez gens hardis et seürs Et vous en alez sur les Turs... (Mach., P. Alex., p.1369, 120)

Et semblablement appartiennent a magnificence toutes grans choses qui sont faites pour la chose publique et pour le bien commun, si comme il convient en aucun lieu et en aucun cas largement despendre et donner, comme seroit au prince des galees ou du navire pour son ost, ou faire un convit et donner a disner a toute la cité. (Oresme, E.A., c.1370, 244)

Et fist arriver au port de la Rochelle grant et riche navire, tant de galees, comme de ranpins, comme de grosses nefs ; la mendre de deux couvertes, et les autres de trois. Et fu le navire si grant que pour bien mener trois mil hommes d'armes. (Arras, c.1392-1393, 83)

Et lors vint le navire ferir ou havre, et trairent chevaulx et ce qu'il leur plot hors des nefs, et se logent aux champs au dehors de la ville, en tentes, en trefs, en paveillons (Arras, c.1392-1393, 92)

Et lors vint la grosse flote de noz gens, et leur coururent sus de tous costez. La ot grant occision et, au brief aler, Sarrasins furent desconfiz et leur navire pris et eulx gectez a bort. Et estoit le navire plain de moult de biens. (Arras, c.1392-1393, 124)

Lors se mettent en ordonnance et s'en viennent comme tempeste ferir sur le navire des Sarrasins a force de trait et de giet de dardes (...). Et en ce party fu toute la navire prinse et tuit ly Sarrasin qui furent actaint, mort. Et envoierent en l'abbaye des biens grant foison et en menerent ce des vaisseaulx que ilz porent bonnement, si chargiez de l'avoir aux Sarrasins que plus ne povoient. Et ou remenant bouterent le feu, et fu toute la navire qui demoura esprinse. (Arras, c.1392-1393, 132)

Et en ce pendant le roy commanda que on appareillast le navire au Limacon, et fist mettre moult de richesses dedens les vaisseaulx. (Arras, c.1392-1393, 142)

Et faisoit le roy son amas de gens d'armes et de navire pour eulx combatre par mer ou en leur pays mesmes, s'il ne les trouvoit sur la mer, car il n'avoit pas entencion de les laissier arriver en son pays. (Arras, c.1392-1393, 212)

Le roy Anthenor et l'admiral de Cordes virent bien que la desconfiture tournoit sur eulx, car ilz avoient ja perdu plus de deux pars de leur navire (Arras, c.1392-1393, 219)

...lettres adressées au sire de Mantauquier, à maître Pierre Nautron et à Jaimus de Gourande que le roy nostre seigneur y avoit envoié pour finer de navire, tant carraques que galees (Clos galées Rouen M.-C., t.1, 1415, 343)

Atout grant ost et grant navire. (Chr. Piz., M.F., III, 1400-1403, 14)

...et disoit on semblablement que à tenir ledit siege n'y avoit que IIIJc hommes armez ou environ par terre, et aucun petit nombre d'autres gens armés sur la mer ou navire d'Angleterre. (Fauq., II, 1421-1430, 123)

Item. Ledit messire Jaques aura du navire pour le présent estant au Crotoy, c'estassavoir la grande hulque et la barge Colin Langlois, Plumeterre, Valenier, Jaques et Martinet, et il sera tenu de laisser l'autre navire. Et les vaissiaux des pescheurs demourront à ceulx à cui ilz sont, moyennant qu'ilz feront le serement, comme dit est. (Doc. 1423. In : MONSTRELET, Chron. D.-A., t.4, c.1444-1453, 167-168)

Et afin d'avoir navire pour passer ses gens, envoya ses commis en Holande et Zélande, lesquelz affermèrent ceulx à qui lesdictes navires estoient, d'estre bien paiez... (Monstrelet, Chron. D.-A., t.3, c.1425-1440, 70)

Durant lequel siège, messire Clugnet de Brabant, admiral de France, se mit sur la mer, à tout vingt deux naves chargées de gens d'armes, pour résister contre le navire du roy d'Angleterre, qui à grant puissance pareillement estoit sur la mer. (Monstrelet, Chron. D.-A., t.1, c.1425-1440, 133-134)

...les Anglois estoient arrivez, à tout leur navire (...). Et estoient environ huit mille combatans (Monstrelet, Chron. D.-A., t.2, c.1425-1440, 291)

Capitaine du navire. Commandant d'une flotte.

Robert de Houdetot, cappitaine du navire nostre segneur le roy, a Thomas Fouques, garde du clos des galies, armeures et artilleries dudit segneur, salut. Nous vous mandons que vous faitez fere tost et hastivement ou acheter partout ou vous pourrez trouver des escus et pavois neufs, des lanches (...) et toutes autres armeures et artilleries qui sont et pourront estre neccessaires et convenables pour cheste presente armee que nous entendons a fere pour ledit segneur contre ses anemis en la mer (Clos galées Rouen M.-C., t.2, 1340, 17)

Le gouverneur ou capitaine d'un navire il appelle ou texte ' trieriarche, ' et signifie prince des galees qui estoient appelees ' trieries, ' pour ce que ilz avoient trois ordres de navirons (Oresme, E.A.C., c.1370, 242)

Maistre du navire. Commandant d'une flotte.

Et pour ce, convient et appartient autre despense faire a celui qui est maistre du navire et autre a celui qui est maistre des spectacles. (Oresme, E.A., c.1370, 242)

Prefet du navire. Commandant d'une flotte.

C. Livius li prefectz du navire romayn [trad. du lat. praefectus Romanae classis] atout sinquante nés couvertes se partit de Rome et si s'en vint a Nablez, ou il avoyt comandé que li compaignon de cele contree amenassent les nés ouvertez (Bers., XXXVI.42, c. 1354-1359, ms. Paris, B.N.F., nouv. acq. fr. 27401, f° 70c)

À grand navire. À la tête d'une flotte nombreuse.

Enees (...) s'en vint premierement a grant navire et a grans genz en Macedoine, et d'ilecques s'en ala en Cicile querans seeges et habitations pour soi et pour les siens. (Bers., I, 1, c.1354-1359, 4)

Et entra le conte de Flandres en mer, à moult grant navire (...) et tant vuacra la mer qu'il approcha l'isle de Cipres, qui lors estoit royaume et terre payenne, et par constrainte se delibera de la combatre (La Marche, Mém., I, c.1470, 78)

C. -Navigation.

Li parlemens vint ; li navieur furent tout apparilliet et là remonstrèrent Jehans Lion et Ghisebrest Mahieu le vollenté dou conte et de ce nouvel estatut que il voloit eslever sur le navire doi Lis et de l'Escaut. (Froiss., Chron. R., IX, c.1375-1400, 163)

Che li seroit uns trop grans contraires, se il en estoient signeur, car il aroient la bonne rivière d'Escaut et le navire à leur aisse et volenté. (Froiss., Chron. R., IX, c.1375-1400, 194)

Par extension. Aptitude à se déplacer sur l'eau.

Que che soit moustre, che que ensamble on faint en soy d'avoir l'aleure de homme et la navire d'une nef et le voler d'un oiseau, appert par le dit du poete qui dist par maniere de tromperie que : «le pointre fait auchunefois ung chief d'omme, et puis y adjoint la teste d'un cheval et si met diverses plumes». (Daudin, De la erudition H., c.1360-1380, 249)

Remarque : Ex. de navires batailleresses dans GD (entrée batailleor), navire de pelerins (entrée degloutir) ; ex. de navire, 'pièce de vaisselle ornementale' (1495 dans FEW VII, 66a = Entree et couronnement du Roy à Naples, dans Mémoires de Philippe de Commynes, éd. Émilie Dupont, Paris, t. 3, 1847, 406 ; cf. Laborde, entrée buffet).

Voir aussi navile