NATION

substantif féminin

[T-L : nacïon ; GD : nacion ; GDC : nacion ; FEW (VII, 41b) : natio ; TLF (XII, 2a) : nation]

A. -Naissance.

Bien say que sa grief passion Vous mist en desolation. Or aviés consolation Pris, quant vous fist turbation D''ave' la salutation, Car ce fust l'incarnation De Dieu et sa conception, Singuliere à droit ditte. Encor vous fist sa nation, Tres vierge et sans corruption, Joie et la visitation Des pastours de la region, Des .IIJ. rois l'adoration, Vostre purification Et aussi la destruction Des ydoles d'Egypte. (Mach., Lays, 1377, 401)

...pour parler proprement De son chier Filz, tant de sa nacion Que de sa mort et resurrection (Myst. Incarn. Nat. L., t.1, c.1454-1474, 13)

HANNEQUIN LE HASARDEUR. Maulgré en ait Dieu que de ma nascion ! Maulgrevé Dieu dont je fus oncques né ! Je despite la generacion Qui en ce poinct m'a faict infortuné. (La Vigne, S.M., 1496, 373)

De nation. De naissance.

...il sembloit unng vrissom [l. urissom 'hérisson'] Le quel de droite nacion Est ramplis de mains aguillions. (Myst. st Sébast. M., c.1450-1500, 12)

Faire sa nation. Prendre sa nation. Naître.

...Car c'est le paÿs proprement [la Galilée] Ou il a prins sa nacion. (Gréban, Pass. J., c.1450, 170)

...combien que soit Filz de Dieu Cest enfant cy, en povre lieu Et tres vil, sans ambition, Il a faicte sa nation (Myst. Incarn. Nat. L., t.2, c.1454-1474, 236)

B. -Génération, extraction, lignée, origine.

De la duchié de Bourbonnois Fut mes lieu et ma nation. (Dupin, Mélanc. L., c.1324-1340, 42)

Car la estoit leur manssion Et leur naturel nacion. (Renart contref. R.L., t.1, 1328-1342, 116)

...ne je ne le propose pas de la noblesce ne de la nascion de mes ancesseurs (Vignay, Théod. Paléol. K., c.1333-1350, 24)

Et li ont demandé toute sa natïon (Bris., Restor paon D., a.1338, 71)

Et quant elle [Bonneürté] vuet en Nature Ouvrer par especial cure, La la voit on sans nul moien, Voire, li astronomien Qui congnoissent les nacions Parmi les constellations, C'est assavoir ès enfans nestre De quel couvine il doivent estre. (Mach., J. R. Nav., 1349, 270)

J'estoye cy venus en ceste regïon, Pourtant que suis drois hoirs de ceste nacïon (...). Mes peres ot deux freres, filz Aye d'Avignon ; Or sont enduy occis de la geste Mahon ; On a tué aussy de Nanteul mon tayon. Or suys le plus prouchain de ceste nacïon, Sy vouloie ravoir le païs en mon non. (Tristan Nant. S., c.1350, 680)

Nous avons bien oy le mesage a bandon Qui nous dit de l'enfant la noble nassion (Brun de la Mont. M., c.1350-1400, 4)

...une saige et honeiste damoyselle de bonne nation (Hemricourt, Miroir Hesb. B.B., 1353-1398, 294)

Je cognois toute sa nation, et n'at en monde plus fiert prince de luy. (JEAN D'OUTREM., Myr. histors G., a.1400, 9)

Aprés le suyt Seguns et Nalmon, roys Carueiz, Bernart et Salemon et bien X^M del Ogier nation. (JEAN D'OUTREM., Myr. histors G., a.1400, 108)

...jadit fut ung garçon gardant chamos de povre nation (JEAN D'OUTREM., Myr. histors G., a.1400, 185)

Le temps passé, les Rommains ont eu empereurs de plusieurs contrees et nations, les ungs bons, les aultres maulvais (La Sale, Salade, c.1442-1444, 225)

Remarque : Cf. aussi Scheler, Gloss. Geste Liège, 207.

Extraction noble.

...j'ay tant ouy parleir Doon mon pere de sa proesse et nation (JEAN D'OUTREM., Myr. histors G., a.1400, 5)

...le esprivier, qui demonstre d'Ogier la nation (JEAN D'OUTREM., Myr. histors G., a.1400, 41)

[À propos d'une chose] Origine.

Item, on fist merveilleux appareil, Considerant noz occupacions, D'ypocras blanc et ypocras vermeil, Avecques vins de toutes nacions. (La Vigne, V.N., p.1495, 183)

...Veu que tu ne puis ignorer Que les biens de Dame Fortune Sont plus mobiles que la lune, Et retournent [,] sans fiction, Dont ilz ont pris leur nation, Sans faire bien aucunement. (Rivière, Nef folz D., 1497, 150)

C. -Lignée, race, peuple.

Adont li rois Daires escript Generaument un tel escript : 'A toutes generations, Pueples, langues et nations, A tous les habitans dou munde Soit grace et pais qui leur habunde !..' (Mach., C. ami, 1357, 45)

Vous scavez que Dieu est juge tres juste de tout l'umain lignage, et qui rent a chascune personne selon ses euvres et ses faiz : aux bons louyer, aux mauvaiz punicion. Il ne convient pas que on s'arreste a prouver cecy, car n'est païz ou nacion ou terre tant estrange, soyent sarrasins ou juifs ou payens, que ceste verité ne soit sceue et creue. (Gers., Déf., 1400, 224)

...diverse nacïon Soubmist [Alexandre] a sa subjeccïon. (Chr. Piz., M.F., IV, 1400-1403, 51)

Démonstra sa nativité Par une clère et noble estelle À ce faicte toute nouvelle, Et puiz monstra sa Passion À toute gent et nation Par une éclipse universele Du Soleil et surnaturele (La Haye, P. peste, 1426, 62)

Lors Israël n'estoit pas digne Que Dieu leur fust si tresbenigne Comme es estranges nacïons ; Et pour ce mes perfectïons Ne veul monstrer en ma cyté. (Pass. Auv., 1477, 121)

Mea culpa ! Dieu, las, le grant vice Qu'a fait ce jour nostre nacion ! (Pass. Auv., 1477, 269)

Tigranes et Alexander furent en ce temps, de nacion Juifz, moult souverains philosophes et astrologiens et moult en la grace du roy Alexandre (Simon De Phares, Astrol., c.1494-1498, f° 56 v°)

Gens.

...car sambleroit chose estrange à maintes nations que deux vallets, et encore en telle façon, dussent combattre en gage de mort, qui est député et encore à grant dur à nobles hommes et pour singulières causes. (Chastell., Chron. K., t.3, c.1456-1471, 38)

...question est maintenant doncques comment après et si longuement le duc arrière les a tenus près de luy, s'y est fié et fondé comme par avant ; et avecques ce (...) iniquement laisser et souffrir tousjours son fils vaciller par eux, et l'innocent comprimer par nation perverse. (Chastell., Chron. K., t.5, c.1456-1471, 205)

Ha ! tant noz faictz dampnables sont visibles A ceulx qui ont ymagination. Douloureuse, meschante nation, Qui sommes plains d'abhomination Et de toutes corruptions paisibles Peu demourons en domination, Et, quant ce vient l'examination, La mort nous rend trespuans et horribles. (Meschin., Lun. princes M.-G., c.1461-1465, 2)

[À propos des femmes] Engeance (?).

Quant je pense la grande abusïon Dont les femmes, par leur deceptïon, Maynent les gens, sans acort ne refus, Je fais en moy ceste conclusïon Que ne suyvray plus celle nacïon (...) ...Dont qui les suyt est aveugle et confus. (Au grey d'amours F.-H., c.1400-1500, 166)

Nation de gens. Peuple.

Et pour ce toutes nascions de gens qui estoient an servitude desirerent lors estre en France pour estre francs, dont advint que France fut la plus noble terre du monde, la plus riche, la plus peuplee, la plus habitee, la mieulx ediffiee, flourissant en richesse, en science, en prudence, en la foy catholique et en toutes autres vertuz. (Quinze joies mar. R., c.1390-1410, 2)

Nation de peuple. Population.

...et avoit fait sentir sa puissance bien avant en celle pointe de pays, dont la nation de peuple estoit dure et diverse (Chastell., Chron. K., t.3, c.1456-1471, 196)

D. -[Avec l'idée d'une organisation sociale]

1.Population unie par le sentiment d'une origine commune, pratiquant la même langue et appartenant à une même organisation sociale.

a)[Population d'une ville]

...ly quarte part n'est point del nation de la dicte citeit (Hemricourt, Patron Temp. B., c.1360-1399, 56)

...se aucuns tisserans de la nation de le ville keoit en povretet publicque u en grief maladie, u en vielleche, pour ytant qu'il n'euwist aucune cose pour lui aidier que pour Dieu et en ausmosne et en cas de pittet, il soit aidiés et confortés de l'argent de le boiste de sepmaine en sepmaine (Drap. Valenc. E., 1403, 56)

[Population d'une ville ou d'une province]

Je vous dy en face presente Que l'evesque a vous me presente Conme curé que je doy estre De ceste eglise. Vezcy lettre Faite de la donnacion. Je suis de ceste nascion Et bien cogneu loing et près. (Mir. parr., 1356, 22)

...des emprunts et appointement de finance qu'il fist lors faire avec Phelippe Raponde, Marc Guideçon, Berthelemi Betin et les marchans des nacions de Gennes, de Catheloingne et autres, ensemble avec les bonnes gens de la loy de sadicte ville de Bruges (Comptes Etat bourg. M.F., t.3, 1418-1420, 580)

b)[Population d'une province, d'un pays]

Et tele dominacion Sur toute estrange nascion Aussi lui vueille Dieu donner Qu'a voie les puist ramener De Dieu congnoistre. (Mir. st Sev., 1362, 211)

Et dit que là burent et furent sept compaignons de diverses nacions et de divers langaige, qui tous avoient fait serement de tenir la partie des Englès (Reg. crim. Chât., I, 1389-1392, 388)

...ilz sont assez prouches voisins et d'une mesmes nacion (Reg. crim. Chât., II, 1389-1392, 133)

Lundi, IXe jour d'octobre, après la recouvrance et demolicion de la ville et forteresse de la Queue-en-Brie, retourna et entra à Paris le conte de Stafford à grant compagnie de gens d'armes de la nacion d'Angleterre. (Fauq., II, 1421-1430, 368)

...ne prenez jamais femme d'estrange nacion. (C.n.n., c.1456-1467, 330)

Le dit Richard estoit marié, et estoit sa femme de la nacion du pays de Hollande (C.n.n., c.1456-1467, 386)

...la nation de Venise [de la République de Venise] (Chastell., Chron. K., t.4, c.1456-1471, 199)

...car estoit le droit fort et le coeur de Picardie, dont la nation est grand chose. (Chastell., Chron. K., t.4, c.1456-1471, 401)

...c'estoient messire Jehan de Croy, de la nation de Pycardie, et maistre Jehan Lorfevre, picart aussi. (Chastell., Chron. IV, D., c.1461-1472, 154)

Car la pluspart estoient estrangiers et non de la nation (La Marche, Mém., I, c.1470, 140)

...et en fut honnorablement accompaigné le duc de Bourgoingne, car il parloit la langue d'Allemaigne, et sçavoit et congnoissoit comme l'on se devoit conduyre avec les seigneurs de l'empire ; car chascune nation a sa maniere de faire. (La Marche, Mém., I, c.1470, 272)

Aucuns l'appellerent Amphiolo, moult souverain astrologien, et eut divers disciples et de plusieurs nacions et, entre autres, eut Atymero, Atracinio, Celicrato, Cherea, Bucorida qui tous, chacun en sa nacion ou region, florirent en la science des estoilles. (Simon De Phares, Astrol., c.1494-1498, f° 35 v°)

Ulrique, de la nacion de Almaigne, qui fut disciple de l'un des disciples de Albert le Grant. (Simon De Phares, Astrol., c.1494-1498, f° 136 v°)

c)Population d'un grand pays, grande puissance politique.

Item, quant le clergié de Crestianté s'assemble, il y a quatre nations : France, Espaigne, Lombardie [var. Ytalie] et Almaigne ; vous [le héraut d'Angleterre] n'estez point de nacion et estez soubz la nacion d'Allemaigne. Si appert clerement que le clergié de France est dix foiz plus grant que cellui d'Angleterre, car il a nacion a par soy, et vous n'estez que ung membre de la nacion d'Almaigne. (Déb. hér. armes P.M., c.1454-1456, 40)

Et voirement estoit-ce une chose bien merveilleuse et grande (...) que de mener un tel peuple, une telle puissance et redoubtée nation à cest extrême (Chastell., Chron. K., t.5, c.1456-1471, 219)

2.Ensemble de personnes de même origine, natives d'un certain territoire, appartenant à telle ou telle communauté.

a)Marchands de tel ou tel pays.

À Simon Le Sergant de Bruges, pour avoir à plusieurs foiz vacquié pour avoir aler querir et assembler les nacions et autres gens (Comptes Etat bourg. M.F., t.3, 1416-1418, 247)

Comment les nations estranges estans à Bruges, c'est assavoir les marchans, alèrent à Gand pour... (Chastell., Chron. K., t.2, c.1456-1471, 280)

Les nations vinrent au front de la chevaucée, et tout premier vinrent les Cattelans en nombre de six maistres vestus de robes de veloux noir, montés et harnassiés richement (Chastell., Chron. K., t.3, c.1456-1471, 304)

...en Bruges où s'assemblent, ce dit-on, les nations de dix-sept royaumes chrestiens (Chastell., Chron. K., t.5, c.1456-1471, 116)

b)Députés de telle ou telle province.

Remarque : Doc. 1484 (États de 1484) ds G. Dupont-Ferrier, Revue historique 161, 1929, 301-303.

c)Soldat, mercenaire.

Car toutes nascions estranges Et voisines hostels et granges Pilloient et boutoient fu, Et chascuns ennemis leur fu (Desch., M.M., c.1385-1403, 367)

d)À l'Université, groupement de maîtres et d'étudiants d'une même Faculté selon leur pays ou province d'origine.

...entre la dicte université [l'Université d'Orléans] et la nacion de France demandeurs d'une part et... (Doc. 1389. In : Ch. Thurot, Bibl. Éc. Chartes 32, 1871, 394)

...item la faculté des ars [de l'Université de Paris] constituee des IIII nations, c'est assavoir France, Picardie, Normandie et Angleterre (Vote soustr. obédience M.P., 1398, 174)

...l'Université [de Paris] ala, assemblée de toutes ses facultez et nations, en pelerinage solonelment pour la paix de l'Eglise (Baye, I, 1400-1410, 100)

...et aucuns autres procureurs des nacions et deputés de ladicte Université [de Paris] (Fauq., I, 1417-1420, 66)

Me Gilles Massart, bedeau de la nacion de Picardie (Ch. VI, D., t.1, 1422, 420)

Pareillement ceux de l'université en firent un fort [service] solemnel, les quatre nations [de France, de Picardie, de Normandie et d'Allemagne] un autre à part eux (Chastell., Chron. K., t.1, c.1456-1471, 347)

...Rogier de Mineray, espicier, bourgeois de Paris, et bedel de la nation de Normandie en l'Université de Paris (Comptes Paris M., t.2, 1473-1474, 327)

Remarque : Dict. encyclop. du Moy. Âge, t.2, 1997, 1058 : 'À Paris, il n'y eut que quatre nations, qui apparaissent vers 1220 ; si deux étaient géographiquement homogènes (Normandie, Picardie), les deux autres ne l'étaient guère : la nation de France réunissait tous les Français autres que Normands et Picards, ainsi que les Italiens et les Ibériques, la nation d'Angleterre (qui devient 'd'Allemagne' après 1400) accueillait les étudiants d'Europe du Nord et d'Europe centrale' (Jacques Verger). F. Lot, R. Fawtier, Hist. des instit. fr. au Moy. Âge, t.3, 1962, 307.

3.Classe, communauté sociale.

Si n'estoit pas m'entencion De diffamer la nacion Des nobles (Chr. Piz., M.F., II, 1400-1403, 42)

Nation d'un métier. Communauté d'un métier.

...s'il y a aucune povre femme de la nation du mestier qui soit à marier et n'ait de quoy elle le puisse estre, eulx luy feront aide selon le regart des maïours de leur confrairie pour estre mariée suffisamment. (Ordonn. rois Fr. P., t.18, 1481, 680)

4.Par métonymie. [Désigne un territoire] Pays, région, lieu d'origine.

Et quant virent qu'il orent gaaigniet tel fuison, Si se retraist cascuns droit a sa natïon (Bris., Restor paon D., a.1338, 82)

...de Laigny, où estoit logié le duc de Bourgoigne à tout moult grant nombre de gens d'armes de pluseurs nations et païz qui tenoient toute la Brie (Baye, II, 1411-1417, 236)

Aucuns l'appellerent Amphiolo, moult souverain astrologien, et eut divers disciples et de plusieurs nacions et, entre autres, eut Atymero, Atracinio, Celicrato, Cherea, Bucorida qui tous, chacun en sa nacion ou region, florirent en la science des estoilles. (Simon De Phares, Astrol., c.1494-1498, f° 35 v°)