CITÉ

substantif féminin

[T-L : cité ; GDC : cité ; AND : cité ; DECT : cité ; FEW (II-1, 724b) : civitas ; TLF (V, 850a) : cité]

A. -Au propre.

1.Agglomération urbaine, tout comme la ville, mais toujours importante, ancienne, gén. fortifiée, souvent caractérisée par son rôle administratif ou ecclésiastique (par ex. comme siège épiscopal).

Nous sommes dedans la cité Ou mon pére et ma mére mainent. (Mir. enf. diable, c.1339, 54)

Droit en une cité qui belle est et jolie Sont venus li enffant plain de chevalerie (Hern. Beaul. D.B., c.1350-1400, 8)

Elle fait toutes les karoles Par bours, par citez, par escoles, Ou on fait l'office divin Qui est fais de pain et de vin. (Mach., Prol., c.1377, 9)

Et quartement : de ce que la terre est ronde comme dit est, il s'ensuit que se un honme povoit aler d'une cité a autre sans monter et sans avaler, l'en peut ymaginer une autre voie plus brieve qui est partie en devalant et partie en montant. (Oresme, C.M., c.1377, 574)

Lors se part le cappitaine, et prent congié, et s'en vint en la cité, ou l'en le receut debonnairement. (Arras, c.1392-1393, 115)

Et firent ceulx de Couloigne grant dangier de laissier passer l'ost par my la cité, au pont. (Arras, c.1392-1393, 174)

Et lors passa l'avant garde en moult belle ordonnance. Et dirent bien ceulx de la cité que oncques mais n'avoient veu gens d'armes en plus belle ordonnance. (Arras, c.1392-1393, 176)

Et estoit le duc Ostes de Baviere a une grosse cité appellee Mirnuc, a tout grant gent (Arras, c.1392-1393, 177)

...estes vous venus quatre chevaliers de la cité, armez et montez comme saint George (Arras, c.1392-1393, 177)

Et lors fist on crier par la cité que de chascun hostel alast un homme sur le champ pour assembler les Sarrasins mors sur une montaigne (Arras, c.1392-1393, 186)

Et a l'entrer qu'il fist en la cité, messire Anguerran (...) et pluseurs autres seigneurs, chevaliers et escuiers, qui au devant de lui venoient, furent tres esmerveilliez de deux choses (La Sale, J.S., 1456, 106)

Ou temps que j'estoye a l'estude en l'université de Bouloigne la crasse, le peuple de la cité fut seduict et meu... (C.n.n., c.1456-1467, 575)

Toute joyeuseté (y) abonde Maintenant en ceste cité. (Est., p.1460, 21)

Alons a une aultre cité, Pour complir le vouloir mon pere. (Pass. Auv., 1477, 133)

...lequel entre autres choses, fist unes tables sur la longitude et latitude des cités, passant par l'Occident sur chacune cité, ainsi que recite l'excellant docteur Haly Abenragel en la fin de sa Somme. (Simon De Phares, Astrol., c.1494-1498, f° 35 r°)

[Appliqué à une ville de l'Antiquité]

Puis firent leurs vivres chergier Dedens leurs nez sans atargier, Armes, chevaus et toutes choses Necessaires que penser oses, Pour si grant fait comme de prandre La noble cité d'Alixandre ['Alexandrie'] . (Mach., P. Alex., p.1369, 56)

Et aprés que Priam eut redifié la cité de Troye qui soubz Laomedon avoit esté destruicte... (Premierfait, Cas nobles hommes G., 1409, 178)

Quant Jason oy la sommacion que lui firent les deux messagieres de la cité de Lemnos, il fu moult esbahy. (LEFÈVRE (R.), Hist. Jason P., c.1460, 169)

[Associé à ville]

[Alternant avec ville pour désigner le même lieu]

Et prist le duc congié de ceulx de la ville, et moult les mercie de l'onneur que ilz lui ont faicte. Et ceulx lui respondent tous d'une voix : Noble duc, la cité et nous sommes du tout en vostre commandement, plus que a seigneur marchissant que nous ayons. Et ne nous espargniez de chose que nous puissions faire, car nous en sommes tous prests, et ore et autresfoiz. (Arras, c.1392-1393, 176)

Celle nuit loga le duc en la cité, o lui les haulx barons de l'arriere garde, ou on lui fist grant honneur. Et donna a soupper aux dames de la ville et aux bourgois et a pluseurs gentilz hommes, chevaliers et escuiers, qui demouroient en la cité. (Arras, c.1392-1393, 176)

Pyse est ung lieu de grant antiquité, Cité d'onneur ou ville singuliere (La Vigne, V.N., p.1495, 203)

[Opposé à ville à propos d'un même lieu]

Et fust né en Bethlem, laquelle estoit la maindre cyté de Judee, et en tant que encore au jour d'uy elle est appellee ville et non mie cyté. (Songe verg. S., t.2, 1378, 48)

[Opposé à ville à propos de lieux différents]

...Ce dient pluseurs qui ce virent, Dont villes et citez fondirent En Alemaingne, en Quarenteinne, Assez plus d'une quaranteinne, Dont je n'en say mie la somme (Mach., J. R. Nav., 1349, 143)

Ne donnez aux enffans villes, citez ne rente (Ren. Gennes D.B., c.1350-1400, 87)

Et s'est si grans mortalités En bours, en villes, en cités Et tout par tout le plat pays Que chascuns en est esbahis (Mach., Voir, 1364, 486)

...toutes les plus notables citez et bonnes villes d'Angleterre (Froiss., Chron. M., XIV, c.1375-1400, 25)

...ces penans (...) aloient de ville en ville et de chité en chité (Froiss., Chron. D., p.1400, 894)

Le roy Marcilion voit tresbien clerement Que la vostre loy est fondée justement ; Car vous avez regné si tres eureusement, Que (...) Vous avez conquesté (...) Villes, chasteaulx, citez (Galien D.B., c.1400-1500, 32)

Cestui monstra bien aux Rommains le fruit qui povoit venir de la science des estoilles par la predicion de la ruyne et subversion de plusieurs villes et cités (Simon De Phares, Astrol., c.1494-1498, f° 62 r°)

Remarque : V. aussi infra, p. méton.

[Avec un adj. de nature, adj. laudatif comme grande, noble, bonne ...]

Ja mais au lez de cha ne seray retournéz, S'aray conquise Ronme, qui est bonne chitéz (Flor. Rome W., c.1330-1400, 140)

Lors le mena briefment une grande chaussee, Et au meilleur hostel de la cité antie L'amene le varlet (Ren. Gennes D.B., c.1350-1400, 102)

Pardevant Andioche, une citot [l. citet] jolie, Furent logiet no gent et no chevalerie (God. Bouillon R., t.2, c.1356, 119)

...la noble terre Vi moult gaste (...) Et Naples, la noble cité, Povre, par dure adversité (Chr. Piz., M.F., IV, 1400-1403, 72)

A Paris s'en ala, ceste cité loee (Huon Bordeaux B., c.1400-1450, 26)

Pour les matières mieulx retraire Et procéder plus seurement, S'assemblèrent uniement Tous les bons Maistres de Phisique, Résidens adonc en publique à Paris, la noble cité (La Haye, P. peste, 1426, 17)

[Avec un nom propre]

Cité de + nom propre de lieu

Car po de chose est, sans doubtance, De nous encontre sa puissance, Meesmement en son païs. Et de li sommes tant haïs, Qu'il n'en penroit un à rençon Pour la cité de Besençon. Et n'atendez secours n'aye Fors dou ciel, je n'en doubte mie. (Mach., P. Alex., p.1369, 102)

...ou royaume de Naverre, en la cité de Panpelune (Reg. crim. Chât., I, 1389-1392, 251)

Tres noble et puissant duc, la noble et bonne cité de Couloingne se recommande en vostre bonne grace. (Arras, c.1392-1393, 177)

En la bonne cité de Mix, en Lorraine, avoit puis certain temps en ça une bonne bourgoise... (C.n.n., c.1456-1467, 521)

En ce temps, les gens tenans le parti dudit de Bourgongne, nonobstant ladicte tresve, prindrent la cité de Verdun en Lorraine, dont le roy estoit seigneur et gardien (Roye, Chron. scand., I, 1460-1483, 319)

Candarel fut en ce temps excellant medicin et expert astrologien, moult aprecié du grant Anthiocus, qui moult bien l'advertit que d'aller piller la cité de Elmaidam lui viendroit dommage et ainsi advint, car il fut chassé des bourgeois et deffendirent leur cité et leurs richesses que le roy Alexandre y avoit laissées (Simon De Phares, Astrol., c.1494-1498, f° 65 r°)

[En appos. au nom propre]

Or sa, messagier, il te fault Aler a Chartres la cité (Mir. st Guill., c.1347, 11)

Dame, dame, nous aprouchons De Paris la bonne cité (Mir. Amis, c.1365, 50)

Coronnez à Reins la cité Fu le jour de la Trinité L'an mil .CCCLXIIIJ. (Mach., P. Alex., p.1369, 25)

...Famagosse la cité (Coudrette, Mélus. R., c.1401-1402, 158)

...en Jherusalem la cité Sera la grant feste annuelle Qu'on dit la pasque universelle (Marcadé, Myst. Pass. Arras R., a.1440, 68)

Je voy Bethleem la cité (Myst. Rois A., c.1480-1500, 526)

2.En particulier.

a)[Cette agglomération comme lieu fortifié, défendu]

Et quant li Sarazin veïrent Les nostres qui les encloïrent, En l'eure tournerent en fuie ; Ne celui n'i a qui ne fuie Vers la porte de la cité. (Mach., P. Alex., p.1369, 77)

Il congnust assez que c'estoient de ceulx de la garnison de la cité ; si leur escrie en hault : Seigneurs, pensez de bien faire, je vous apporte bonnes nouvelles. (Arras, c.1392-1393, 96)

C'est une cipté en terre playne (...), lequelle est bien enmuree tout autour (Caumont, Voy., p.1420. In : Chrestom. R., 70)

...les murs de la cité que ses gens assiegeoient trebucherent devant eulx. (Chart., L. Esp., c.1429-1430, 168)

...et la cité mesme [Huy attaquée par le Liégeois] menée à ce derrain que d'abattre ses portes et ses murs... (Chastell., Chron. K., t.5, c.1456-1471, 327)

[Comme lieu assailli]

...et estoit [le soudant] ja tout prest sur la mer a bien quarante mille Sarrasins, et s'en vint bouter ou havre, et fist tout son harnoiz traire a terre, et vint mettre le siege soubdainement devant Famagouste, ou il trouva le roy despourveu de sa baronnie. Mais depuis y a bien entré grant gent malgré lui, qui ont bien tenu la cité malgré eulx. (Arras, c.1392-1393, 94)

Et commenca la sonnerie, et la joye grant quant la nouvelle fu espandue par la ville. Et quant Sarrasins oyent la noise et le glay qu'ilz demainent en la cité, si furent moult esbahiz pourquoy ilz fesoient si grant feste. (Arras, c.1392-1393, 96)

Puis montent la montaigne, et voyent l'ost des Sarrasins et la cité que ilz assaillent. (Arras, c.1392-1393, 111)

b)[Cette agglomération comme lieu administratif et politique]

Des juges babyloniens Qui furent vieus et anciens Et gouvernoient la cité Issue est grant iniquité. (Mach., C. ami, 1357, 4)

Mais aussy la science de saint Pol fut bien demonstree en toute maniere de vivre a moralité, fust en une personne singuliere, laquelle science se dit ethique ou monastique, fust en ung mesnage qui se nomme yconomique, fust en une cité ou ung royaume qui se dit politique. (Gers., P. Paul, a.1394, 510)

...il n'est si riche maison, si noble ou ferme cité, et puissant royaume, si estable empire que ceste beste infernale qui est composee de deux vices qui semblent contraires, c'est assavoir de prodigalité et de rapacité, ne perde et abate, ne degaste, ne subvertisse du tout en tout (Gers., Noël, p.1404, 309)

(Commune) cité. Cité publique. Cité de franchise. Ville libre.

Cuidez tu ainsi eschapper a fortune ? Saches que elle a tant plus de droit sur lez hommes curiaulx a leur faire sentir meschief et misere (...). Ou yras tu doncquez, ne quel sceur et agreable retrait as tu advisé ? Ez cités publiques ne peulz tu demourer sans avoir quelque regret au rabaiz de ton estat, et amere pointure de souffrir entre lez riches citoyens dangereuse indigence (Chart., L. Esp., c.1429-1430, 12)

A ! princes, a ! seigneurs et dames, aussi vous de communs citez, pensez, pensez bien et repensez avant que de vous gettez ne essilliez homme... (La Sale, Sale D., 1451, 104)

Et y a en icelle cité ['territoire'] de grans barons et la principalle ville est nommée Digon qui n'est pas cité et sont les cités d'icellui nuement au roy. (Le Bouvier, Descript. pays H., p.1451, 44)

...nos dite ville et Cité de Franchise (Hist. dr. munic. E., t.1, 1481, 452)

Maistre / maistresse cité. Souveraine cité. Ville principale, capitale.

Il [le roi de Bohême] donna tant a heraulx et a menestriers et a vaillans chevaliers que souvent, lui estant [en Prague] sa maistre cite, n'avoit pas puissance de resister aux robeurs du royaume, qui en sa presence venoient rober jusques a la dicte cite. (Mézières, Songe vieil pèl. C., t.2, c.1386-1389, 239)

...Malgarnie, qui estoit la maistresse citeit de Danemarche. (JEAN D'OUTREM., Myr. histors G., a.1400, 3)

...quatre souverainnes chités d'Engleterre (Froiss., Chron. D., p.1400, 186)

Il me fault Bervich perdre, la souverainne chité de mon roiaulme. (Froiss., Chron. D., p.1400, 223)

Car sitos que li contes de Montfort peut sçavoir que li dus de Bretagne, ses freres, fu mors, il s'en vint a Nantes, qui est la souverainne chité de Bretagne (Froiss., Chron. D., p.1400, 464)

Et pour ce dist Vallerius que Agatheoclès, roy de Sarragousse, il entend Sarragousse pour la maistresse cité du royaume, ainssy que on porroit dire roy de Paris pour le roy de France... (La Sale, Salade, c.1442-1444, 42)

...à Londres, qui est la ville royale et la maîtresse cité plus propre pour convention. (Chastell., Chron. K., t.1, c.1456-1471, 206)

...devant la maistresse cité de son royaulme, c'est assavoir Paris (Juv. Urs., D. Tours, 1468, 439)

c)[Cette agglomération comme lieu religieux]

[Siège épiscopal]

Oy dya, a la cité fondée D'Oste, ou il a ung bon evesque (Myst. st Bern. Menth. L., c.1450, 49)

Si furent expousés Othon et Florissant par l'arcevesque de la cité (Rambaux Frise S., c.1450-1475, 71)

Cité catholique. Rome (comme siège de l'Église).

Celuy Sergius ton pareil en ambition esleust ta proximité pour ce qu'il avoit esté refusé de l'Eglise souveraine de Romme a estre colloqué et pourveu en auctorité de prelature pontifical, et pour ce, indigné envers l'Eglise et cité catholique, voulant s'en venger et substraire lez crestiens de leur saint propos, se joingny a toy et t'enforma de seditions et erreurs controuveez, et t'ensaigna a bastir le livre Alcoren, ou tes adherens apprennent la lecture de desmesuree volupté (Chart., L. Esp., c.1429-1430, 125)

Sainte cité

[Jérusalem]

Item, ung pou oultre en approchant la sainte Cité, a une tresbelle chappelle. (Voy. Jérus., c.1395, 24)

Item, en la sainte cité de Jherusalem tout près de la place du Saint Sepulcre, est la maison en laquelle saint Jehan l'Euvangeliste fut nez. (Voy. Jérus., c.1395, 24)

...la sainte citeit de Jherusalem (JEAN D'OUTREM., Myr. histors G., a.1400, 72)

...et se esvertuerent a reedifier la sainte cité et temple demolis. (Chart., L. Esp., c.1429-1430, 136)

...et en louant Dieu entrasmes en la Saincte Cité de Jherusalem (Pèler. D., 1486, 339)

[Rome]

Tant chevaucherent les barons par leurs journees que ilz vindrent en la cité de Romme (...) 'Ha ! sainte cité imperial...' (Bérinus, II, c.1350-1370, 154)

...la sainte cyté de Ronme (Songe verg. S., t.1, 1378, 320)

...la sainte cité de Rome (Faits Lalaing K., c.1470, 247)

d)Proverbe.

Il n'est cité se non Paris ['Il n'y a pas ville plus importante que Paris ; Paris est la cité par excellence'] (Miélot, Prov. U., 1456, 195)

Cité sur mont se voit d'emmy la plaine. (Molinet, Faictz Dictz D., 1467-1506, 348)

B. -Par métonymie.

1.Partie ancienne ou partie fortifiée de la ville (par oppos. aux parties non fortifiées, plus récentes, et aux faubourgs).

Tant s'esploita li os dont vous oï avés Qu'il ont Mieke veüe, dont bonne est le chités. Les .XXX. tours choisirent (Bât. Bouillon C., c.1350, 51)

Et après le roi trouva moien d'avoir et mettre la cité dudit Arras en sa main, dedens laquelle il entra le mardi, IIIIe jour de Mars, l'an LXXVI, et fist fortifier et reedifier ladicte cité contre ladicte ville d'Arras, dedens laquelle y avoit ung tas de gens ilec venus de plusieurs lieux, tenans le party de Bourgongne (Roye, Chron. scand., II, 1460-1483, 44)

[En association avec ville, qui désigne alors l'entier de l'agglomération]

...venu en la ville et chité d'Arras (Froiss., Chron. D., p.1400, 460)

...en intencion d'aler pourveoir et secourir à la ville et cité de Rouen, assiegée par le roy d'Angleterre. (Fauq., I, 1417-1420, 203)

De laquelle compaignie et armée firent et ordonnèrent lesdits seigneurs Françoys deux corps, dont l'ung d'iceulx estoit entre la porte des Chartreux et la porte Beauvoisine. (...) Et l'autre partie estoit entre la justice et la cité d'icelle ville (Chart. J., Chron. Ch. VII, V., t.2, c.1437-1464, 140-141)

Camurin, ville et cité, VII milles. (Voy. Hierus. S., 1480, 117)

...et aussi de ce que le roy tenoit la cité la ville ne luy povoit eschapper (Comm., II, 1489-1491, 188)

La Cité (de Paris). L'île de la Seine, distincte de la ville sur la rive droite et de l'Université sur la rive gauche.

...ledit Jehan Petit, (...) le trouva en la cité de Paris, en la rue de la Viez-Peleterie (Reg. crim. Chât., I, 1389-1392, 295)

...icelles espousailles [ils] firent en l'eglise de Saint-Pere aus Beufs, en la Cité (Reg. crim. Chât., II, 1389-1392, 316)

Et, le derrenier jour dudit moys d'aoust, il party d'un hostel, estant aux faulxbourgs de la porte Saint-Honoré, nommé les Porcherons, appartenant à messire Jehan Bureau, qui fut fait chevalier audit sacre à Reims, pour venir faire son entrée en sa bonne ville et cité de Paris. (Roye, Chron. scand., I, 1460-1483, 23)

[Comme dénomination d'une partie fortifiée de la ville (mais en l'occurrence l'autre est également fortifiée !)]

...Tarragonne [Tarragona, capitale de la province du même nom] , une belle et forte cité, bonne et marchande, à port de mer : et y a aussi comme deux villes, car il y a une très forte murailhe qui fait separacion des deux forteresses, dont l'une est dicte lacité et l'aultre la ville ; et sont l'une et l'autre à merveilhes fortes. (Leseur, Hist. Gast. IV, C., t.2, 1477-1478, 173)

2.Habitants de la ville.

Item, se une chose est bonne a un citoien laquelle est bonne a toute la cité et aussi se ce qui est bon a toute la cité est bon a un citoien. (Oresme, E.A., c.1370, 105)

...cité est une multitude de citoiens. (Oresme, Ycon. Arist. M., 1374, 808)

L'ystoire dit que le soudant avoit en la ville secrettes espies, par lesquelles il scot que secours venoit au roy et que le peuple de la ville en fut fort resbaudiz, et aussi comment le roy estoit navrez, dont la cité fu moult troublee. (Arras, c.1392-1393, 110)

Et les cinq cités pecheressez en vindrent a perdition par feu du ciel (Gers., Annonc., a.1400, 236)

Il est pieça prime sonnee, Toute la cité est levee (Myst. st Laur. S.W., 1499, 183)

C. -Par extension.

1.Organisation sociale, groupe qui vit en société.

Mon cuer a eu cremeur de trois choses et en la .IIIIe. ma face a eu doubte : les trois sont traïsson de cité, conjuration de peuple et accusation mensongniere (Daudin, De la erudition H., c.1360-1380, 410)

Entre ces vertus intellectueles il en y a une qui est architectonique et principal et qui ordene de tout. Et est verité que politique et prudence sont .I.. meïsme habit et different aucunement. Et de habit qui est vers le gouvernement de la cité, une partie est aussi comme prudence architectonique, laquelle met et establist ou ordene les loys. (Oresme, E.A., c.1370, 345)

Ou premier livre il met son entention et determine des premieres parties de communicacion politique ou de cité (Oresme, Pol. Arist. M., c.1372-1374, 45)

2.Territoire (en partic. territoire dont les habitants se gouvernent par leurs propres lois).

Vers Acquittaine vont, celle cité antie (Hern. Beaul. D.B., c.1350-1400, 58)

Et y a en icelle cité de grans barons et la principalle ville est nommée Digon qui n'est pas cité et sont les cités d'icellui nuement au roy. (Le Bouvier, Descript. pays H., p.1451, 44)

Pareillement ilz [les Suisses] ordonnerent faire paix avec les cités voisines ['avec leurs voisins'] et confirmer amitié avecques elles (Gaguin, Comment. César, 1485. In : Chrestom. R., 251)

3.Avoir cité qq. part. Demeurer, avoir droit de cité qq. part.

Tu n'as point icy de cité permanente et en quelque lieu que tu soies tu y es estrangier et pelerin et n'aras ja repos se en toy mesmes tu n'ez uny a Dieu (Internele consol. P., 1447, 5)

D. -Par métaphore.

1.Ville allégorique.

...et chevauchont ung poy avant et virent l'Amoureuse Cité, la ou demouroit la Dame aux Cheveulx Blons, et chevaucherent jusques au maistre palais. (Chev. papegau H., c.1400-1500, 88)

En la forest de Longue Actente, Chevauchant par divers sentiers M'en voys, ceste annee presente, Ou voyage de Desiriers. Devant sont allez mes fourriers Pour appareiller mon logeis En la cité de Destinee ; Et pour mon cueur et moy ont pris L'ostellerie de Pensee. (CH. D'ORLÉANS, Ball. C., c.1415-1457, 165)

[Pour désigner l'Église]

Je suis le pelerin que tu as veu, qui autresfois fus prince et seigneur de la cité destruite qui t'a esté monstree, et celle cité ainsi gastee et ruyneuse, c'est Saincte Eglise et la mere de religion crestienne (Horloge de sapience S., c.1389, 80)

2.RELIGION

a)Cité de Paradis / Cité celeste / bienheureuse / souveraine. Le Paradis.

Mais de celle sainte cité de Paradis dist Saint Gregoire es Morales, ou .XXIIIe. chapitre, que Dieux a demoustré le chemin aspre de ceste vie, afin que les errans ne s'i delittassent tant qu'ilz oubliassent par trop grant repos et joieux passage à tenir la voie d'aler à leur droit païs, qui est le ciel. (Chr. Piz., P.V.H., 1416-1418, 42)

...ou par bon espoir joue des trompettes d'exultacion en memoire de la solemnite de gloire en la cité de paradis (Gers., Canticordum G., c.1425-1430, 129)

...la gloire et la beauté de la cité et gloire de paradiz (Déclar. Hyst. S., a.1449, 182)

...et dehors le paradiz est le docteur qui ensaigne l'ame estant en une litiere, couchee, malade, povre et chetive, comment elle doit demander l'aumosne spirituelle aux seigneurs, roys et princes de la cité de paradiz (Déclar. Hyst. S., a.1449, 202)

Mais je dis que bien peuent estre certains qu'y sont eslus pour ordonner et parer la cité celeste. (Crap., Cur Deus, De arrha B.H., c.1450-1460, 191)

Nous creons que humainne nature sera reformee en meilleur estat qu'elle n'est, et que ce ne se fera point jucques ad ce que le nombre de tous les eslus soit acomplis et que celle bienheureuse cité soit parfaite. En laquelle cité ung chascun se esjoïra de la beatitude divine et de la felicité que ung chascun ara (Crap., Cur Deus, De arrha B.H., c.1450-1460, 192)

...et durera la generacion des hommes jucques au nombre des eslus, et tant qu'il sera acomplis et le nombre des esleus sera prins en la cité celeste. (Crap., Cur Deus, De arrha B.H., c.1450-1460, 193)

...la souveraine cité eternelle (Crap., Cur Deus, De arrha B.H., c.1450-1460, 213)

b)Notre Dame.

Dame, c'on doit sur toutes honnorer, Cité de Dieu forte, riche et vaillans... (Mir. Theod., 1357, 132)