MOMERIE

substantif féminin

[GD : momerie ; FEW (VI-3, 63a) : momm- ; TLF (XI, 982b) : momerie]

A. -Divertissement dansant où l'on se déguise, bal masqué.

...Venuz sommes en ceste mommerie, Belles, bonnes, plaisans et gracieuses, Prestz de dancer et faire chiere lie (CH. D'ORLÉANS, Ball. C., c.1415-1457, 128)

Là oulrent lesdits seigneurs très-grant habundance de viandes les plus précieuses et dillicieuses qui se peuvent trouver, comme faisans, perdrilz, paons, oustardes, grues et oues sauvaiges, lièvres, connils sans nombre, cinquante chappons de haulte gresse. Du vin fut servy à l'équipolent. Entrautres y eut six vingts quartes d'ypocras, tant blanc que rouge, entremestz, morisques, mommeries et ung autre mistère d'enffans sauvaiges saillans d'une roche fort bien feinte et représentée (Chart. J., Chron. Ch. VII, V., t.3, c.1437-1464, 76)

Et quant aux dansses et banquès, il en y eut fait en très grand habondance. Et y avoit largement dames et damoiselles, moult richement parées selong l'estat du pays. Et au regard de mommeries, tant d'hommes comme de femmes, il en y avoit largement. (Monstrelet, Chron. D.-A., t.4, c.1444-1453, 307)

Et pour ce que le mistère fut achevé, leur furent ostez les brevetz que elles portoient sur leurs espaulles, et commencèrent à dancer en guise de mommeries, et à faire bonne chière pour la feste plus joyeusement parfurnir. (Escouchy, Chron. B., t.2, 1454, 235)

Tressouvent joustoit, faisoit mommeries, bancquetz et generalement tout ce qu'il pensoit qui peust plaire a sa dame luy estoit possible, et le faisoit. (C.n.n., c.1456-1467, 343)

...et fut ledit souper moult honorable, plantureux et servy de tout ce qu'il estoit possible de trouver, avecques chantres divers et plusieurs instrumens melodieux, farces, mommeries et autres honnestes joieusetez. (Roye, Chron. scand., II, 1460-1483, 67)

Bancquetz et bains, diverses momeries Vous metrez sus pour meilleur loz avoir (Michault, Doctr. temps prés. W., 1466, 40)

Et, après le soupper, furent faictes pluiseurs danses et mommeries (La Marche, Tournoi Gand P., p.1470, 94)

...ouquel lieu ilz sejournerent par lespace [l. l'espace] de six jours, faisant et demenant grant joye et leesse, en boires, mengiers, chasseries et volleries, danses, mommeries et pluiseurs divers esbatemens. (Wavrin, Chron. H., t.3, p.1471, 186)

...le duc de Milan se desguisoit ensemble ses plus privéz et secretz amis et passoit son tempz en danses, esbatemens et mommeries (Molinet, Chron. D.J., t.1, 1474-1506, 158)

À madame de Calabre et madamoiselle de Lorraine, (...) pour avoir de toile d'attour pour elles mesdamoiselles de Beauvau, de La Jaille, d'Angleures, et autres qui dancèrent une mommerie devant le roy et firent de ladite toile des surpelles à la vénicienne (Comptes roi René A., t.3, 1478, 44)

Et aprés les tables levees et graces dites se commencherent les dansses decorees de grant luminaire, de mommeryes et de chanssons (La Marche, Triumphe dames K.-B., p.1488, 60)

Item, s'en une hostellerie, Pour loger, vous fault transporter, S'il y a feste ou mommerie, Trop bien vous y pourrés bouter (Amant cord. M., 1490, 72)

Remarque : Trois fils rois P., c.1454-1463, gloss.

À momerie. Destiné à exécuter une momerie.

...plusieurs robes et chapperons à momeries (Comptes Lille L., t.1, 1441-1442, 383)

Troupe de danseurs masqués.

DAVID. Faictes venir la momerie Qui est dedens le char enclose ; Car notez que je me dispose Ennuyt servir de corps et d'ame, S'il plait a Dieu, Mycol ma femme (Myst. Viel test. R., t.4, c.1450, 143)

B. -Au figuré. Fait de masquer la réalité par des artifices.

La [dans la nasse de vieillesse] congneuz des gens une mer Faire diverses mommeries : L'un voult ses ans dissimuler Par soy de mixtions laver Et rere ses barbes flories. Autres faisoient tromperies Par taindre cheveulx et perruque (La Marche, Chev. délib. C., 1483, 144)