MANUEL

adjectif et substantif masculin

[T-L : manüel ; GD : manuel ; AND : manuel ; FEW (VI-1, 280a) : manualis ; TLF (XI, 345a, 345b) : manuel1, manuel2]

I. -Adjectif. Qui se fait, qui se pratique à la main, avec les mains, qui a rapport à l'activité des mains.

...aussi comme nous voions des arts manueles, que l'en oeuvre plus proprement d'une matere que d'autre. (Oresme, E.A., c.1370, 106)

Et ceulz qui funt a la delectation des escoutans et de ceulz qui en usent, si comme septigones et trigones et jambi et tous ceulz qui ont plus mestier de science manuele (Oresme, Pol. Arist. M., c.1372-1374, 354)

Tu ne labeures ne travelles De nulle painne manuele (Froiss., Joli buiss. F., 1373, 53)

...pour labourer euvres manueles (Songe verg. S., t.2, 1378, 232)

'Chacun scet', dist la chambriere Magnificence, 'que aucunefoiz est advenu que le fil mal conseille s'est rebelle contre le pere, lequel, par le moyen de son esperit paternelle et de manuelle correction, a bien chastie son filz, mais toutesfoiz il ne l'a pas laissie mourrir de fain ne tant batu qu'il en cheist en desesperacion...' (Mézières, Songe vieil pèl. C., t.1, c.1386-1389, 529)

À maistre Jehan Douter, charpentier, pour avec pluseurs ses compaignons charpentiers avoir ouvré (...), un nouvel lyen de bois appellé jocq à trois posteaux et une nouvelle teste de bois tenant lieu par desoubz le pont par lequel on va de la basse court sur la mote dudit hostel, pour reparer, revestir et asseurer toutes les viezes jocques d'icellui pont (...), et pour avoir bien et souffisamment registé et replanquié ledit pont tout de nouvel et les appoiees d'icellui pont avoir relié de nouveaux corbeaux ainsi qu'il appartenoit, lequel ouvraige manuel a esté tauxé par Jehan Droochbroot et Jehan de Le Poele, maistres charpentiers (Comptes Etat bourg. M.F., t.3, 1418-1420, 611)

...avoir revesti et reparé de nouvelles ryoles la cheminee d'icelle cuisine, ensemble les engins y emploiez, duquel charpentaige l'ouvrage manuel a esté tauxé par lesdiz maistres charpentiers par leurs seremens (Comptes Etat bourg. M.F., t.3, 1418-1420, 612)

...a celle fin que plus facilement le cirurgien avecques ses ferremens manuaulx puisse laborer en la remotion de l'os (Prevost, Cir. Guill. Salicet, 1492, II, 2)

Mestier manuel

Et, primierement, un prince ne doit mie mettre son entante a faire ymages ne si ne doit mie un Roy estre astrologien ne si ne doit mie estudier en aucune science mechanique, c'est a dire en aucun mestier manuel (Songe verg. S., t.1, 1378, 410)

Seing manuel. Voir seing

Je receuz les lettres closes, signées de son saing manuel, de monsegneur le premier president, escriptes à Corbueil, le XXVJe jour de ce mois (Fauq., I, 1417-1420, 386)

Nous voulons aussi et ordonnons finablement que ce present escript, signé de nostre seing manuel, soit fait et reputé autentique, comme s'il estoit seellé de nostre grant seel et signé du notaire publicque. (Le Clerc, Interp. Roye, c.1502, 284)

Signe/signet manuel

En tesmoing de ce, j'ay signé ces presentes lettrez de mon propre signet manuel et seellé de mon seel. (Chartes Abb. St-Magl. T.F., t.3, 1376, 463)

...et contrefaisant les signes manuelz d'iceulz notaires... (Reg. crim. Chât., II, 1389-1392, 492)

Sen signe manuel de sa main escrisoit (Geste ducs Bourg. K., c.1410-1419, 366)

...et aussi pour adviser quelle response estoit à faire sur le contenu de certaines lettres patentes que on disoit estre envoiéez de par monseigneur le Dauphin et signées de son signe manuel (Fauq., I, 1417-1420, 268)

En tesmoigne de quelle chose a ce presente endenture devers le dit conte demurrante, j'ay mis mon signet et signe manuelle (Chron. Mt-St-Mich. L., t.1, Pièces div., 1418-1432, 131)

DROIT Justice manuelle. Procédure consistant à saisir les biens meubles d'un vassal puis à les mettre en vente.

Et est assavoir que un seigneur peult justicier son homme en trois manières pour les arreraiges de ses rentes ou autres devoirs de son fief : la première par justice manuelle, conme quant l'en prent en justisant une vache ou un asne ou autres biens meubles (Instruct. ensaign. B.G., c.1386-1390, 46)

Prise manuelle. Saisie.

...ausquelx l'evesque de Paris baillera sa commission pour faire le procès dudit maistre Paoul sur les cas à lui imposez et sans prejudice des drois du procureur du Roy et de l'evesque de Paris au regard de la prinse manuelle. (Fauq., III, 1431-1435, 109)

II. -Substantif masculin. Livre qu'on peut tenir à la main.

Registre de comptes.

...ledit Jehan Fraignot qui, pour ce, a veu son manuel, dit et affirme qu'il ne trouve pas avoir baillié sa lettre de plus grant somme que desdiz 2678 frans et que ladicte inadvertance et vice d'escripvain vient par erreur pour occasion de ce qu'il se remembre que quant il cuida avoir ladite somme de 3678 frans dudit tresorier il escrivi en son papier et en fist sa descharge, laquelle fut depuis diminuee et refaite desdiz 2.678 frans, car de plus ne se vouloit chargier ledit tresorier. (Comptes Etat bourg. M.F., t.2, 1419, 613)

Livre liturgique.

...un docier et un frontel pour l'autel du pareil satin, une estolle et ung manuele, une aube et deux nappes d'autel et un corporallier (Comptes Lille L., t.2, 1423, 414)