MANDER

verbe

[T-L : mander ; GD : mander ; GDC : mander ; AND : mander ; DECT : mander ; FEW (VI-1, 148a) : mandare ; TLF (XI, 291b) : mander]

A. -Transmettre, faire parvenir à qqn (un ordre, une prière, une requête, une question...).

1.Mander qqc. (à qqn)

a)Transmettre (un ordre, un commandement) (à qqn)..

Mander qqc. Ordonner que qqc. se fasse.

...l'empereur manda le premier cry, du seigneur de Saintré nommeement et de ses neuf compaignons, lesquelz au second appel furent venus. (La Sale, J.S., 1456, 266)

Mander qqc. à qqn. Ordonner, demander qqc. à qqn.

Mais envoie l'en [ton hoste] sanz demour (...) La ou Dieu te conseillera. A Dieu ! fai ce que il te mande. (Mir. enf. diable, c.1339, 39)

Et, mon tresdoulz cuer, ne vous doubtés que, quant je serai venus a vous, qui sera bien tost se Dieu plaist et je puis, je ferai sagement et secretement ce que vous m'avez mandé, et du sourplus m'attendrai a vostre noble cuer. (Mach., Voir, 1364, 680)

... s'il ne veult faire ce que nous lui manderons, il se puet tenir tout seur de la bataille (Arras, c.1392-1393, 157)

Emploi absolu.

...luy defendit par motz exprés et menasses que jamais ne s'i trouvast s'il ne luy mandoit (C.n.n., c.1456-1467, 440)

Mander (à) qqn (de) + inf. Ordonner, enjoindre à qqn de.

Et dist que celle nuit mesmes, que par ses maistre et maistresse il fu mandé leur porter boire à un soir, de nuyt, en leur chambre (Reg. crim. Chât., I, 1389-1392, 495)

... [le Turc] manda faire deux pars de ses gens a pié qui derrire lui estoient (La Sale, J.S. E., 1456, 327)

Qu'en diray je : Peleus manda pluseurs ouvriers de faire nefz. Et entre les autres un en y eut nommé Argos, qui lui en fist une, la plus belle et la plus subtille qui jamais eust esté veue ; et fu nommee Argine a cause d'Argos. (LEFÈVRE (R.), Hist. Jason P., c.1460, 167)

Et, pour ce, à grant diligence envoya le roy devers ses embassadeurs estans à Bouvynes, leur mandant ne conclure riens contre ledict connestable pour des raisons qu'il leur disoit, mais qu'ilz allongeassent la trève selon leur instruction, qui fut d'ung an ou de six moys, je ne sçay lequel. (Comm., I, 1489-1491, 246)

...desquelles il nous fist bailler et delivrer la possession, en quitant et dechargant tous les vassaulx et autres subjectz d'icelles villes et terres des fidelités et sermens qu'ilz avoient à luy, en leur mandant de nous faire les sermens et fidelités et nous estre bons, vrais et obeissans subjectz, ce qu'ilz ont fait, tant à la personne de noz commis ambassadeurs que à nostre personne. (Le Clerc, Interp. Roye, c.1502, 258)

Et le landemain, XIIe jour dudit moys, ledit connestable fut averti que les Bourguignons tyroient vers ledit lieu de Hem. Pourquoy il manda au seneschal d'Agenès et à monseigneur de Moy aller vers luy ; et en escripvit audict grant maistre ainsi qu'il s'ensuit: ... (Le Clerc, Interp. Roye, c.1502, 318)

Mander qqn à + inf. Prier qqn de, ordonner à qqn de.

'Comment, ribaus, dis tu que ies mon prisonnier, pour ce se je t'ai mandé à venir parler à moi ?' (Froiss., Chron. R., IX, c.1375-1400, 129)

Au passif. Ordonner que qqn soit.

...en les priant [les senateurs] moult et par grant instance que icellui Jhesus fust mandé a consacrer et aourer comme vray Dieu (La Sale, J.S., 1456, 23)

Mander + prop. inf. Ordonner que.

...avec autres lettres patentes par lesquelles le Roy mandoit ladicte publicacion estre faicte cum certa modificacione (Fauq., I, 1417-1420, 281)

Mander à qqn que + subj. Prier qqn de bien vouloir, inviter qqn à ; ordonner à qqn de.

Mon doulz cuer, vous m'avés mandé de bouche et par escript que je n'envoiasse point vers vous jusques vous envoieriés vers mi (Mach., Voir, 1364, 514)

De quoy Virgile raconte, comme chose revelee de par Dieu, que Anchises, aprés sa mort, manda as Rommains que ilz sceüssent ceste doctrine. (Oresme, E.A., c.1370, 98)

...ladite Katherine lui dist que messire Jehan Braque, chevalier, lui avoit mandé que elle alast parler à lui pour une chambre que il lui vouloit louer pour sa demeure (Reg. crim. Chât., I, 1389-1392, 43)

...ledit mons. le chancellier, son maistre, mandoit audit mons. le prevost que lui, son lieutenant, le procureur et conseil du roy nostre sire, feussent, après disner, par-devant lui, en son hostel, en la rue de la Verrerie (Reg. crim. Chât., I, 1389-1392, 84)

...et pour doubte que ledit Hennequin ne feust là venus pour espier ou porter damaige à ladite ville de Saint-Quentin et au royaume, il manda audit Hennequin que il alast parler à lui, pour savoir la cause pourquoy il estoit là venus et arresté en ladite ville (Reg. crim. Chât., I, 1389-1392, 381)

...unes lettres closes seellées du seel secret du roy nostredit seigneur, et signées de son saing manuel, par lesqueles apparoit que ledit seigneur mandoit à il qui deppose, ou au premier autre sergent d'armes qui sur ce seroit requis, que tantost et sans delay il excecutast par prinse de corps et explettacion de biens Heran du Port et Rose de Moustereuil, juifs, de la somme de quatre cens frans (Reg. crim. Chât., II, 1389-1392, 20)

Ly contes Emeris manda moult noble baronnie pour l'amour de la chevalerie de son filz. Et manda lors au conte de Forestz qu'il venist a sa feste, et admenast trois de ses filz ainsnez, car il les vouloit veoir. Le conte de Forez vint a son mandement le plus honnourablement qu'il pot, et admena ses trois filz. (Arras, c.1392-1393, 16)

Il me fault appaisier [Remondin] a Gieffroy avant qu'il face plus de dommages. Lors lui manda par Thierry, son frere, qu'il venist par devers lui a Lusegnen. (Arras, c.1392-1393, 269)

A Hasdrubal son frere mande Qu'atout grant host vers luy descende (Chr. Piz., M.F., III, 1400-1403, 226)

...comme le segnifie l'evangile qui dit que Augustus Cesar Octovien manda que tout le monde fust nombré et descript (Gers., Noël, p.1404, 300)

Laquelle dame (...) ne sceust nul remede plus fors soy a Dieu recommander, et soubitement, par favourable ambaxade, mander et requerir audit roy Loÿs tiers (...) que pour Dieu, pour honneur et pour l'affinité (...) la vensist ou envoiast prestement secourir (La Sale, Salade, c.1442-1444, 196)

Et quant furent mesurees et a chascun party livrees, le roy manda a Saintré qu'il saillist le premier, et ainsin fist il. (La Sale, J.S., 1456, 114)

... [le Turc] manda (...) que chascune part courust sups aux batailles des gens de trait. (La Sale, J.S. E., 1456, 327)

...[il] luy manda qu'il venist celeement le plus [tost] qu'il pourroit. (C.n.n., c.1456-1467, 546)

...le chevalier estoit en une maison, et (...) il luy mandoit qu'elle y allast avec eulx (C.n.n., c.1456-1467, 551)

Touchant canons, je lui en ay dit mon advis, et me semble que se seroit mal fait de en prendre plus à Saint-Quentin. Mais à Paris il y a une très belle serpentine que Mons. de Monglat a, laquelle vous devez mander à Mons. de Gaucourt qu'il la vous envoie. (Le Clerc, Interp. Roye, c.1502, 294)

[Sans que]

LE SERGENT. (...) entendez, petiz et grans, Mon seigneur le conte vous mande A touz ensamble, et si commande, De chascun hostel un homme ysse, Et si s'en viengne a la justice (Mir. enf. ress., 1353, 50)

[D'une pers. qui détient une autorité] Mander et deffendre que. Faire savoir qu'il est interdit de.

Encores le roy nostre seigneur, ou le juge, vous mande et deffend que nulle personne, de quelque condicion que elle soit, ne doye entrer ou champ ne entre les deux lisses (La Sale, Salade, c.1442-1444, 213)

[Sans compl. second]

Roys, tu es tenus A garder raison et justisse Et que ton edit ne perisse. Tu as par ton païs mandé Et seur la vie commandé Qu'il ne soit homs, tant ait hautesse, Qui aoure dieu ne deesse N'homme nul, fors toy seulement, Jusqu'a trente jours. (Mach., C. ami, 1357, 38)

[Empl. conjoint de deux modes]

...[elle] s'advisa de luy mander par la damoiselle qu'il eust encores ung peu de pacience, et que au plustost qu'elle saroit se desarmer de son mary qu'elle viendra vers luy. (C.n.n., c.1456-1467, 268)

[L'ordre est exprimé au style dir.]

...et manda au maistre de l'artillerie: ' Ne tirez plus'. (Comm., III, 1495-1498, 179)

infinitif substantivé. Ordre, commandement.

Tu ne feras que commander, Chascun vendra à ton mander (Jacques Bruyant, Voie pauvreté richesse P., 1342, 25)

b)Transmettre (une requête à qqn), demander qqc. à qqn.

Mander qqc. (à qqn). Demander qqc. (à qqn).

...Je doy de reste De ma prevosté ['droit à payer au prévôt de l'Université'] dix escus, Et ne treuve homme qui me preste : Je vous mande argent et salus ! (Desch., Oeuvres R., t.8, c.1370-1407, 96)

Et le paien luy dist sens demouree qu'ilz aient pris aultrez lancez. Le duc l'oitroie, sy en mandat II, et le roy II. (JEAN D'OUTREM., Myr. histors G., a.1400, 112)

Sire, se il estoit vostre bon plaisir pour aucuns jours moy donner congié de aler VIIJ ou X jours veoir madame ma mere qui le m'a mandé, treshumblement vous en vouldroye supplier. (La Sale, J.S., 1456, 271)

Mander secours à qqn

La dame (...) manda secours à ses gens, dont elle pensoit à estre aidie, mais onques nuls n'aparu ne se mist sus les camps contre le marquis de Blancquebourc. (Froiss., Chron. R., XI, c.1375-1400, 250)

...sy tost comme il [le roy de Grenade] seult sa honteuse desconfiture, tout argüé et plain de couroux, il manda secours aux rois de Thunez, de Barbarye et de Fez (Comte Artois S., c.1453-1467, 80)

En particulier. Mander bataille à qqn. Demander, proposer le combat à qqn.

'Or avant ! Nostre ennemi nous atendent ; il est heure que nous chevauchons. Nous leur mandames la bataille, il le nous ont acordé et tiennent la journée selonc leur convenant.' (Froiss., Chron. R., X, c.1375-1400, 194)

...il me semble le milheur que je mande I caple contre celluy qui veult avoir ma terre : qui la peult conquesteir, sy l'ait. (JEAN D'OUTREM., Myr. histors G., a.1400, 157)

...ung povre gentilhomme luy mande batailhe, car il a perdut le sien, sy aime mieulx morir que vivre. (JEAN D'OUTREM., Myr. histors G., a.1400, 192)

...ce est Ogier qui at mandeit l'estour (JEAN D'OUTREM., Myr. histors G., a.1400, 193)

c)Transmettre (une question) à qqn, chercher à savoir qqc. auprès de qqn.

Mander à qqn + interr. indir.

Sire roy, je suiz cy envoiez devers vous de par Anthoine et Regnault de Lusegnen, son frere, pour vous monstrer la faulte et l'oultrage que vous faictes et avez fait a ma damoiselle de Lucembourc ; dont ilz vous mandent se vous lui voulez restablir ses dommages et lui admender raisonnablement l'injure et la vilennie que vous avez faicte a elle, a ses gens et a son pays, vous ferez ce que vous devez. Or m'en respondez ce que il vous en plaira a faire. (Arras, c.1392-1393, 158)

2.Mander qqn

a)Faire parvenir à qqn l'ordre, la demande se présenter, faire connaître à qqn sa volonté.

Ne sçay que face pour son miex, Ou que le mande ou qu'a li voyse. Je doubt (...) Se je le mande qu'il n'en deigne Tenir compte, et que point ne veigne (Mir. st Guill., c.1347, 6)

Fusicien furent mandé, Et la leur fu il demandé S'elle averoit de la mort garde (Mach., J. R. Nav., 1349, 202)

Frigonde la pucelle (...) Manda le chartrenier qui y vint liëment (Hern. Beaul. D.B., c.1350-1400, 33)

LA CHAMBERIERE. Dame, ne vous decevez mie ; Mandez la ventriere briefment. Vous traveilliez certainement, Bien dire l'os. (Mir. enf. ress., 1353, 18)

Pape Sevestre manderas, Qu'as chacié en une montaigne, Si li requerras qu'il t'ensaingne Avoir de ton mal medicine (Mir. st Sev., 1362, 204)

Li empereres (...), Si tost que la nouvelle oy, Ses gens et ses barons manda, Et en l'eure leur commanda Qu'il fussent tost aparilliez, Tous montez et tous abilliez ; Qu'aler li voloit à l'encontre. (Mach., P. Alex., p.1369, 33)

...le prevost de ladite ville de Villeblovain, en l'ostel duquel estoient logiez un chevalier ou escuïer, ne scet lequel, qui estoit à troys chevalx, le avoit mandé afin que ilz convoyast iceulx chevalier ou escuïer (Reg. crim. Chât., I, 1389-1392, 318)

Ly contes Emeris manda moult noble baronnie pour l'amour de la chevalerie de son filz. (Arras, c.1392-1393, 16)

Lors fait le roy son ost semondre et mande par tout ses amis et aliez. Et en pou de temps assembla bien de VJ. a VIJ. mil hommes. Et se part de son pays et y laissa bon gouverneur. (Arras, c.1392-1393, 173)

LE QUINT CHEVALIER [au marquis] . Chier sire, il vous faulsist avoir Un vostre secret secretaire (...). LE MARQUIS. C'est bien dit. Je vueil et comans Qu'on en mande un presentement. Faites en venir un present (Gris., 1395, 20)

LA MARQUISE. (...) Mon seigneur, vous m'avez mandé. Que vous plaist il a commander ? (Gris., 1395, 89)

Si manda ceulx de son lignage, Et assembla moult grant bernage (Chr. Piz., M.F., II, 1400-1403, 147)

Car n'osoit venir, ne aler Devers le roy nulle personne, S'il ne la mande ou il la sonne (Chr. Piz., M.F., II, 1400-1403, 266)

...le Roy estans à Chartres manda, environ quaresme, XIJ des seigneurs de ceans et son procureur general et ses IJ advocat (Baye, I, 1400-1410, 281)

Et au surplus plaise vous moy mander et commander pour tres lyement a mon pouoir obeir, au plaisir du Saint Esperit, ma tres redoubtee et souveraine dame (La Sale, J.S., 1456, 260)

Quant Madame refut atournee et que toutes eurent assez plouré et que damp Abbés fut desarmé, fut le serurgien mandé. (La Sale, J.S., 1456, 299)

'Ame n'est ceans entré que nous qui y sommes et le musnier ; si me sembleroit bon qu'il fust mandé.' On le mande, et il y vint. (C.n.n., c.1456-1467, 44)

Si manda pluseurs ses amis et sa fille aussi (C.n.n., c.1456-1467, 169)

...j'ay la charge de (...) vous dire en bref la cause pourquoy vous estes icy mandées. (C.n.n., c.1456-1467, 222)

Car au tiers jour furent icellui Mella et Dellos mandés de l'empereur, pour dire où estoit icelui riche homme, lesquieux trouverent, par la subtilité de l'autre astrologien, que icelui riche homme estoit ès parties d'Orient en la Mer Rouge (Simon De Phares, Astrol., c.1494-1498, f° 48 v°)

...de soy transporter en nostre ville de Bordeaulx et autres villes et places quelzconques dudit pays, et, s'il voit que besoing soit, acompaigné de tant et telz gens qui luy plaira, mander et faire venir devers lui les nobles, officiers et autres dudit pays (Le Clerc, Interp. Roye, c.1502, 228)

Mander qqc. Envoyer chercher qqc..

Quant ilz eurent ce deliberé, ilz manderent le coffre qui estoit envoyé au noble Passelyon. Et Troÿlus, qui la clef en gardoit et qui l'avoit ouvert autrefois, l'ouvry. (Percef. IV, R., c.1450 [c.1340], 26)

Emploi absolu. Faire levée des gens d'armes.

Or est li temps qu'om ne fait que mander, Mais li mandez destruisent leur contrée, Prannent, pillent quanqu'ilz puelent trouver. (Desch., Oeuvres Q., t.1, c.1370-1407, 160)

Mander qqn qq. part

Et puis s'en vinrent rengié et ordonné devant le chastiel de Subise. Et mandèrent en leur navie encores grant fuison de Genvois et arbalestriers. (Froiss., Chron. R., VIII, c.1375-1400, 70)

Adont furent li Flamenc mandé au palais. Il vinrent. (Froiss., Chron. D., p.1400, 284)

...il vouloit tant honnourer les deux chevaliers Franchois (...) qu'il (...) les manda en sa chambre (Froiss., Chron. M., XIV, c.1375-1400, 106)

Mander qqn pour + inf. Faire venir qqn auprès de soi et le charger de.

Victorien, souverain clerc, fut en ce temps, à cause de sa science de astrologie, mandé par le pappe Hillaire pour amender le Paschal de l'abbé Denis, qui moult est neccesaire à l'Eglise (Simon De Phares, Astrol., c.1494-1498, f° 92 r°)

Faire mander qqn

Anthoine fist mander le roy d'Ausaiz et le fist premierement seoir, et puis la pucelle, et puis lui et Regnault, son frere. (Arras, c.1392-1393, 167)

Mander qqn (à) venir. Faire savoir à qqn qu'il doit venir, convoquer qqn.

...Gaufroit fit faire lettrez et mandat son peire et ses frerez a venir a Paris a VI mois. (JEAN D'OUTREM., Myr. histors G., a.1400, 2)

...monseigneur se trait arriere et mande venir vers luy ses maistres d'hostel (C.n.n., c.1456-1467, 81)

Or furent mandés les deux chebvaliers à venir devers le roy (Chastell., Chron. K., t.3, c.1456-1471, 16)

... [le duc] ...manda venir devers luy le bailli, et lui venu, lors lui dist... (Chastell., Chron. K., t.3, c.1456-1471, 25)

Si le manda vers luy venir par une citation que ung cicaneur luy apporta. (C.n.n., c.1456-1467, 540)

Au passif.

La fu mandé uns evesques, qui les fianca. Et commenca la feste grant. (Arras, c.1392-1393, 190)

Adont fu moult grant ost mandee (Chr. Piz., M.F., II, 1400-1403, 214)

Sans mander. Sans y être invité.

Mais li hostes qui riens n'aporte Et baudement hurte a la porte, S'il n'i a trop grant congnoissance, C'est folie ou outrecuidance. Monsigneur, je l'ay einsi fait, S'en corrigerez le meffait, Car je suis venus sans mander Pour moy a vous recommander. Mais on m'a dit que vous m'amez Et que souvent me reclamez, Et c'est ce qui m'a esmeü A venir, quant je l'ay sceü. (Mach., F. am., c.1361, 188)

Discorde la sans mander vint. Et scez tu de ce qu'il avint ? La mauvaise et la decevable Devant nous getta sus la table Ceste pomme d'or que tu vois, Et puis cria a haute vois : 'Donnee soit a la plus belle !' (Mach., F. am., c.1361, 204)

...Si s'enclina jusques a terre, Puis se leva tantost grant erre Et s'assit près de luy [le roi] sans mander. (Alecis, Passe temps P.P., 1480, 251)

b)DROIT Mander qqn. Convoquer qqn en justice.

Après lesqueles choses ainsi faites, ledit mons. le prevost, en la presence dudit maistre Jehan de Cessieres, et aussi desdiz presens conseillers, manda et fist venir ledit Ernoulet de Lates, prisonnier (Reg. crim. Chât., I, 1389-1392, 296)

Estre mandé en jugement (sur les carreaux). Être convoqué au tribunal devant les juges.

Veu lequel jugement interlocutoire donné [contre] icellui prisonnier, ledit prisonnier fu mandé en jugement sur les carreaux, oudit Chastellet, et par ledit lieutenant lui fu dit que de ses autres larrecins il deist et confessast plainement la verité (Reg. crim. Chât., I, 1389-1392, 186)

Et après plusieurs parolles sur ce dites, fu mandée et faite venir en jugement oudit Chastellet Marion La Liourde, fille de vie, demourant devant Saint-Denis de la Chartre, amie dudit prisonnier (Reg. crim. Chât., II, 1389-1392, 281)

B. -Par extension. Envoyer qqn (un messager) ; transmettre une information, faire savoir qqc. ; envoyer (une chose concr.).

1.Mander qqn. Envoyer qqn (un messager).

En Cartage ont mandé messages, Disant qu'ont entrepris voyages (Chr. Piz., M.F., III, 1400-1403, 250)

Mander (qqn) +inf. Envoyer (qqn) pour.

...le cappitaine de Lypre vous salue et me mande savoir dont vous estes et qui vous estes. (La Sale, Salade, c.1442-1444, 147)

[Avec ellipse du compl. d'obj. (qui est en même temps le sujet de l'inf.)] Mander + inf.

Un prince, qui heoit le mire, Qui l'ot en cure manda dire A Alixandre que 'de luy Se gardast bien...' (Chr. Piz., M.F., IV, 1400-1403, 46)

En particulier. Mander querre/querir qqn/qqc.

Quant tel seigneur vous mande querre, Venez a li. (Mir. emper. Romme, 1369, 300)

...Priant manda partout querre Pyonnïers, pour fouïr en terre. (Chr. Piz., M.F., III, 1400-1403, 58)

Le roy se teust a ceste foiz (...) et quant il fut revenu en sa chambre manda querir son tresorier (La Sale, J.S., 1456, 78)

Ton mary me viendra ou mandera querir (C.n.n., c.1456-1467, 134)

...par vostre Dangier manderez querre une aultre robe (C.n.n., c.1456-1467, 259)

...le mary se fist mander querir par un messagier (C.n.n., c.1456-1467, 353)

...il se partit du païs et manda vers le roy querir sa remission (C.n.n., c.1456-1467, 355)

Le roy estoit a sa messe ; si attendirent illeuc jusques que le roy les manda querre et venir vers luy en sa chambre de parement (Chastell., Chron. IV, D., c.1461-1472, 58)

2.Mander qqc. (à qqn). Faire connaître qqc., apprendre, annoncer qqc. à qqn.

LE COUSIN. Cousin, il n'i ot puis un an Tant comme il a de bonnes choses. Ce m'a mandé par lettres closes Nostre hoste (Mir. enf. ress., 1353, 12)

LE MARI. (...) Et li diras que je li mant Que l'estat de maison me mande Tout (Mir. enf. ress., 1353, 52)

Et vous envoie ce rondel ; et s'il y a aucune chose a faire, je vous pri que vous le me mandés. (Mach., Voir, 1364, 72)

Je vous suppli humblement que vous me veilliez mander vostre bon estat, et quant vous partirés de la ou vous estes, car trop le desir a savoir ; et les quelz vous volez de mes livres, si les ferai tantost escrire. (Mach., Voir, 1364, 154)

Sus cel estat (...) se ordonna Perrot Le Bernois et manda secretement aux cappitaines de ses fors (...) tout son fait et la voulenté de son emprinse (Froiss., Chron. M., XIV, c.1375-1400, 206)

LE MARQUIS. Chevaliers, faites moi avoir Un message viste et appert Qui s'en voist tantost et appert Ou je lui vouldray commander, Car en certain lieu vueil mander Une besoigne qui me touche. (Gris., 1395, 75)

...messires Carles de Blois (...) manda et escripsi tout l'estat de Bretagne a son oncle le roi Phelippe (Froiss., Chron. D., p.1400, 568)

Son vueil mande par son message. (Chr. Piz., M.F., III, 1400-1403, 133)

Le jeune homme manda à sa femme (...) la grant somme en quoy il s'estoit assis pour eschever la mort (Journal bourgeois Paris T., 1405-1449, 171)

...nostre clerc fut logié avecques ce cardinal, laquelle chose il manda a sa femme (C.n.n., c.1456-1467, 284)

...car avoit gens qui tout luy mandoient et rapportaient (Chastell., Chron. K., t.5, c.1456-1471, 314)

Mander une nouvelle à qqn

Ceste nouvelle manderent au seigneur de Pacs ou de Pacques, son frere, qui tant en fut dolant que plus ne povoit. (La Sale, Salade, c.1442-1444, 117)

Lors luy va dire tout au long l'angelicque nouvelle que en ceste nuyt Dieu luy manda (C.n.n., c.1456-1467, 99)

[Avec un article partitif]

...luy arresté, tantost manda et fist savoir a sa dame de ses nouvelles (C.n.n., c.1456-1467, 169)

Promist aussi, s'il ne retournoit de bref, de luy souvent escripre et mander de son estat. (C.n.n., c.1456-1467, 344)

Emploi absolu.

Si a mort condempne Jhesus, Je suis perdu - il est conclus -, Comme Percula m'a mandé, Car ceste nuyt elle a songé Choses terribles et contre [l. terribles contre] moy. (Pass. Auv., 1477, 169)

Mander +interr. indir.

Si luy vueille mander quel jour Veult combatre (Chr. Piz., M.F., IV, 1400-1403, 43)

...qu'il me mande par vous se il vuelt que je voise a lui, de jour ou de nuit (La Sale, Salade, c.1442-1444, 43)

Donner des conseils, des recommandations.

...à son filz, qu'il appelloit roy, manda plusieurs choses ; et se confessa très bien et dist plusieurs oraisons servans à propoz, selon les sacremens qu'il prenoit, lesquelz luy-mesmes demanda. Et, comme j'ay dit, parloit aussi sec comme si jamais n'eust esté malade, et parloit de toutes choses qui povoyent servir au roy son filz. (Comm., II, 1489-1491, 316)

Mander que + indic.

Tu metteras : 'Au roy d'Escosse, Nostre chier seigneur, reverence, Salut et toute obedience. Nous vous mandons que la royne Vostre femme gist de jesine...' (Mir. fille roy Hongrie, c.1371, 45)

Ne me mandastes vous par lettre Que dire a droit vous ne saviez Quel enfant d'elle eu aviez... ? (Mir. fille roy Hongrie, c.1371, 69)

...li Alemant (...) manderent au roi que euls et lors gens estoient tout prest, mais il fesist traire avant le duch de Braibant son cousin germain, qui se apparilloit assés froidement (Froiss., Chron. D., p.1400, 288)

Aristote tramist message Et lui manda qu'oir masle avoit (Chr. Piz., M.F., II, 1400-1403, 53)

Ce jour dessusdit, messire J. de Poupaincourt, premier president, qui devoit pronuncer les arrest, a mandé à la Court que ne povoit venir, obstant certeinne maladie qui ceste nuit l'avoit arresté. (Baye, I, 1400-1410, 59)

...[elle] luy manda qu'elle viendroit ennuyt soupper et coucher avecques luy. (C.n.n., c.1456-1467, 261)

LE MESSAGIER. (...) Hault empereur, je suis vers vous venu Par le vouloir du roy de Barbarie, Lequel vous mande qu'il est ja survenu En voz pays, ou voz gens il harie Et en mains lieux estant sa seigneurye, Car ses gens sont par chemin et par voye (La Vigne, S.M., 1496, 236)

Audit temps, ledit grant maistre se mist dedans Saint-Quentin pour la garde d'icelle ; ce qu'il manda au roy estant es marches de Bretagne, en luy faisant sçavoir que, se le duc de Bourgoigne se povoit retirer, il le iroit veoir. De quoy le roy fut bien content et manda audit grant maistre que le duc de Bretaigne envoyoit devers luy adfin de faire traicté de paix, et luy envoya unes lettres missives desquelles la teneur s'ensuit: ... (Le Clerc, Interp. Roye, c.1502, 316)

3.Envoyer qqn ; envoyer, offrir qqc..

a)Mander qqn qq. part. Envoyer qqn qq. part.

Et envoya mesme en Angleterre pour y trouver aide, et y manda son vice-chancelier, sur lequel et sur son message se fondera maintenant une dure et difficile matière (Chastell., Chron. K., t.5, c.1456-1471, 75)

Emploi absolu.

...Charles (...) dist qu'il la redefieroit plus belle qu'elle ne fut onques [une cité] . Sy mandat en Allemaggne par tout tant qu'il oit III^c ovriers et les fist entreir en ovre a redifier Ays le Grain. (JEAN D'OUTREM., Myr. histors G., a.1400, 68)

Mander une ambassade

Pour quoy est necessaire que tu mandes une ambassade a ceulx de Samye qu'ilz te envoyent Esope (Macho, Esope R., c.1480, 54)

b)Mander (une chose concr. ou abstr.)

Envoyer, faire parvenir, offrir (une chose concr.).

Et, par m'ame, mon tresdoulz cuer, onques m'entention ne fu que je vous envoiaisse les lettres sellees dont vous estes un po meue contre moi ; et toutesvoies je l'ai fait par quoi vous sceussiés a quel meschief j'ai esté des lettres et du mandement que vous me mandastes par Th., vostre frere. (Mach., Voir, 1364, 556)

Le noble roy de France (...) Manda és bonnes villes qui furent environ Chevaulz et armeüres en itelle saison, Qui n'y eust oncques moisne qui n'eust a habandon Bon healme et gorgiere et espee et blason. (Cip. Vignevaux W., p.1400, 124)

Alors par la destresse des vivres, les patrons envoyerent le escripvain de la nave dedens le palescarme et escript audit messire Nicolle, cappitaine dessusdit, soy merveillant que par l'omme qu'il avoit envoyé n'avoit de lui plus nulles nouvelles, et que seurement mandast largement de pain, de vin et d'aultres vivres ; car la ne avoit fors que chevaliers et escuiers françoiz, pellerins et marchans, qui payeroient bien. (La Sale, Salade, c.1442-1444, 157)

S'ainsi estoit qu'aucun n'eust pas Receu le laiz que je lui mande, J'ordonne qu'aprés mon trespas A mes hoirs en face demande. Mais qui sont ilz ? Si le demande Morreau, Prouvins, Robin Turgis : De moy, dictes que je leur mande, Ont eu jusqu'au lit ou je gis. (Villon, Test. R.H., 1461-1462, 72)

Esope presenta le plat et la viande a une petite chienne (...) en lui disant : 'Mon seigneur te mande ceste viande precieuse.' (Macho, Esope R., c.1480, 28)

[Une chose abstr.]

Jhesu Crist une bonté grande Te fait : c'est que par nous te mande Conseil conment tu gariras (Mir. st Sev., 1362, 204)

...le duc d'Angou manda ung contremandement au roy Henry d'Espaingne comme le duc de Lencastre s'estoit retrait à Bordeaux et que l'en n'auroit point de bataille (Chron. Valois L., c.1377-1397, 248)

Et finablement il mandat au roy Charlez amour et luy parroffroit son service (JEAN D'OUTREM., Myr. histors G., a.1400, 97)

...si tost que se sentit couronné, envoya à toutes les nations, aux uns mander amitié, aux autres menace (Chastell., Chron. K., t.4, c.1456-1471, 204)

[Formule d'écriture]

LE MESSAGER. (...) Dame, vezcy que vostre fiex Vous envoie, et salut vous mande, Et a vous moult se reconmande. Veez que c'est. (Mir. st Sev., 1362, 216)

LE SECRETAIRE en lisant. (...) Je, de Saluce le marquis, Leur feal freres et amis, Salus mande et dilectïon [au conte de Panice, son frère] . (Gris., 1395, 23)

...il luy mandoit par lettres a luy presenteez salut et amisteit (JEAN D'OUTREM., Myr. histors G., a.1400, 117)

c)MÉDECINE Membre mandant. Membre qui secrète.

...ou pour raison des membres mandans, c'est a dire le sang menstru vient a la marris du membre retenant, c'est assavoir de la marris, ou pour les voies moiennes par ou le sang menstru est porté a la marris (Saint-gille, Comment. A.Y. L., 1362-1365, 108)

Et puis quant la matiere sera engrossee en aulcune maniere et que le membre mandant sera conforté, faites saignee (Gordon, Prat., c.1450-1500, IV, 4)

...et puis devons conforter le membre mandant et puis le membre a qui on mande affin qu'il ne reçoive (Gordon, Prat., c.1450-1500, VII, 19)