MAINT

indéfini

[T-L : maint ; GDC : maint ; AND : meint ; FEW (XVI, 512b) : *manigiþô- ; TLF (XI, 187b) : maint]

I. -Adjectif indéfini. Un (assez) grand nombre de, maint.

La dame, qui savoit maint tour Pour ung jone honme enamourer, Les fist entour lui assambler Pour juer a Roi qui ne ment (Dit prunier B., c.1330-1350, 62)

Et si avoit maint mouvement Certes que moult d'aultres n'ont mie, Quar belle estoit et bien nourrie, Riche d'avoir et d'eritage, Dame delie, de jenne aage Et de maint hault baron requise Qui l'alloient en mainte guise Escommovant et regardant. (Tomb. Chartr. Trois contes S., c.1337-1339, 92)

...Ce sont Dangier, Paour et Honte, Durté et Cruauté, qui donte Mains cuers et fait mainte laidure, Et Doubtance de mespresure. (Mach., D. verg., a.1340, 36)

Tant qu'il avint qu'en une compaingnie Ou il avoit mainte dame jolie, Juene, gentil, joieuse et envoisie, Vins par Fortune, Qui de mentir a tous est trop commune. (Mach., J. R. Beh., c.1340, 68)

Sus la riviere Est la pree large, longue et pleniere, Ou on trueve d'erbes mainte maniere. (Mach., J. R. Beh., c.1340, 111)

J'ay, passét a plus de .X. ans, Oy dire que mesdisans Sont necessaires en amours Et que leurs jangles et leurs mours Font estre meinte bonne dame Nette de corps, de cuer et d'ame Et garder bonne renommée En fait, en dit et en pensée, Et les amans mettre à mesure, Quant desirs trop les desmesure. (Mach., Compl., 1340-1377, 267)

Et son humilité parfaite M'estoit escuz, deffense et gaite Qu'orguieus ne me peüst sousprendre, Qui mains maus norrist et engendre, Et qu'envers tous trés doucement Me maintenisse et humblement. (Mach., R. Fort., c.1341, 7)

Ma dame einsi m'asseüra Et de ce moult me jura. Comment que puis mainte päour, Maint dur assaut et maint estour, Meinte dolour, meinte morsure Et meinte soudeinne pointure, Maint grief souspir, mainte hachie Et Mainte grant merencolie M'en ait couvenu soustenir, Nompourquant je me vos tenir De tous poins a fermement croire Qu'elle disoit parole voire (Mach., R. Fort., c.1341, 155)

S'est ce grant peinne d'estre preus, Et moult y couvient travillier, Moult jeüner et moult veillier, Meinte chaleur, meinte froidure, Meint grant peril, meinte aventure, Meinte dolour, meinte pensée, Pour garder bonne renommée. (Mach., D. Lyon, 1342, 211)

Si estoit Amours honnourez Et de mains frans cuers aourez, Servis, loës, regraciés Et cent mille fois merciés, Car chascuns le glorefioit Qui bons yere et qui s'i fioit. (Mach., D. Lyon, 1342, 219)

Et en pluseur lieus a grans flames Cheï li tempès et la foudre Qui mainte ville mist en poudre (Mach., J. R. Nav., 1349, 147)

La les tient elle [Bonneürté] en moult grant point. Elle est a tous biens mettre a point ; S'en est moult plus gaie et plus cointe ; Elle est de tous les bons acointe. Elle appert en mains esbanois, Tant en joustes comme en tournois, Pour chevalerie essaucier Et les fais des bons avancier A la congnoissance des dames. (Mach., J. R. Nav., 1349, 271)

...car nous avons a faire a moult male gent, qui maint preudomme ont mis a douleur et a tourment (Bérinus, I, c.1350-1370, 62)

...pour ce les gens songoient Et en songant meintes choses vëoient, Douces ou sures. (Mach., F. am., c.1361, 166)

Je sui Amours qui maint cuer esbaudi Et fait mener douce et joieuse vie. (Mach., Prol., c.1377, 4)

La renforce la meslee moult obscure et moult horrible. La ot tant Sarrasins occiz que c'estoit sans nombre, et mains crestiens y furent bleciez. (Arras, c.1392-1393, 184)

...pluseurs maulx, à dire voir, Aviennent bien de mauvaiz air Et de sa force vicieuse, Oultre la boce venimeuse, Comme passion cordiale Et fièvre pestillenciale, Et maint flux de ventre et rougeule, Reume, enroueure et la véreule, Et autre mainte passion (La Haye, P. peste, 1426, 160)

En ceste aspre doleur et langueur forte se passerent mains jours. (C.n.n., c.1456-1467, 34)

...aprés mains gistes qu'elle fist en Picardie, elle arriva par ung jour de dimenche en ung gros village (C.n.n., c.1456-1467, 69)

Car tu en prans ung certain nombre, Jusques a treize, ne plus ne meints, En quoy tu faicts des abus meints, Car a plusieurs gens sembleroit Que ce nombre te serviroit Pour faire aucunes sorceries En charmes ou enchanteries (Myst. Pass. Troyes B., a.1482, 727)

La dedens sont mainetz [l. mainctz] lieux bien ordonnez Ou que leurs sont foyson vivres donnez. (La Vigne, V.N., p.1495, 226)

Mainte(s) fois. Souvent.

N'on ne doit pas si haut monter Qu'on ait honte dou desvaler, Eins doit on le moien eslire, Car meintes fois ay oï dire, Qui plus haut monte qu'il ne doit De plus haut chiet qu'il ne vorroit. (Mach., R. Fort., c.1341, 139)

Aucunes en y avoit d'elles Qui savoient tours et cautelles Et faindre si trés proprement Qu'il cuidoient certainnement Meinte fois qu'elles les amassent La ou penser ne le deingnassent, N'il ne pouoient de parler Tant savoir, ne de bas voler, Qu'il ne fussent d'elles rusé, Acornardi et amusé (Mach., D. Lyon, 1342, 215)

Il m'en est tel mal advenu Que j'ay presumé et tenu Maintes foiz moy estre une femme D'aussi grant auctorité dame Conme l' umble vierge Marie. (Mir. mère pape, c.1355, 359)

Maintes fois as estet au Quaire, En Alixandre et en Surie, Et en Egypte. (Mach., P. Alex., p.1369, 60)

Pour ce mainte fois se debatent, Et ont sanz cause renommée Que chascune est la babelée. (Desch., M.M., c.1385-1403, 291)

Et tel l'a mainte foiz chuee Et flatee, et honneur lui fait... (Chr. Piz., M.F., II, 1400-1403, 93)

...ce sont les reliques dont nous avons parlé mainte fois. (Bagnyon, Hist. Charlem. K., c.1465-1470, 156)

Par mainte fois. Souvent.

Et lors ot conseil le duc Anthoine de porter sur ses armes l'ombre d'un lyon de gueules, a cause de sa duchié, et aussi la duchesce l'en avoit par mainteffoiz requis et prié. (Arras, c.1392-1393, 171)

[Postposé]

Et en ce penser ou j'estoie Je m'avisay que je feroie De Fortune et de mes dolours, De mes pensers et de mes plours, Un dit qu'on appelle complainte, Ou il averoit rime mainte, Qui seroit de triste matiere. (Mach., R. Fort., c.1341, 33)

Car joie mainte M'ont fait si oueil (Mach., F. am., c.1361, 179)

S'on luy faict injure mainte, Doeul ne plainte N'en monstre (Meschin., Lun. princes M.-G., c.1461-1465, 72)

En paradis sont choses maintes, En paradis sont cas estranges (La Vigne, S.M., 1496, 422)

[Empl. pronom.]

...pour quoy, sanz plus menacier, ilz s'entreferirent moult fellonnessement, et tant ferirent de horions et de coups que de leurs mailles de leurs haubers ilz firent voller maintes a terre [des mailles] , par quoy leurs hanches et leurs costez furent prez que tous descouvers. (Bérinus, II, c.1350-1370, 144)

[Forme mainte ou maintes au masc. (devant consonne)]

Et ses assaus et ses estours Vous ont donné mainte frisson Plus poingnant que pel d'yresson [mais ici frisson est sans doute fém.] (Mach., F. am., c.1361, 197)

Mais pour le present il m'est advis que demander une question est chose raisonnable : c'est assavoir, se tout mal et si grant est de occire celui homme Jhesus, que [la mort de] l'omme qui est si bonne et precieuse personne puet effacier et sourmonter les pechiés de ceulx qui le ont mis a mort. Ou, ce telle mort efface aucuns pechiés de ceulx qui le mirent a mort, comment puet elle [tout comme la mort de Jésus peut...] effacier les pechiés des aultres hommes en tout ou en partie ? Car nous creons que maintes d'iceulx qui le mirent a mort sont saulvez. (Crap., Cur Deus, De arrha B.H., c.1450-1460, 233)

Le soleil sa clarté pardit, Et fut tenebre ; en ensuyvant Trembla la terre horriblement Aussi de maintes mouvemens (Myst. st Adr. P., c.1450-1485, 94)

Mais pour donner fin aux commandemens de Madame, et pour estre diemenche ainsin joly, fist en son cuer maintes petis joieux pensemens. (La Sale, J.S., 1456, 51)

O Baptiesme, bonne espee, maintes jours je t'ay gardee pour l'une des bonnes qui jamais pendist a cousté de homme qui fust vivant ! (Bagnyon, Hist. Charlem. K., c.1465-1470, 59)

Maintes dyables des corps gecta, Et maintes ladre resuscita. (Pass. Autun Biard F., 1470-1471, 67)

Remarque : Cf. FEW XVI, 513a.

II. -Pronom indéfini. Un (assez) grand nombre de personnes, un certain nombre.

Et maint en y ot vraiement Qui mouroient soudeinnement [de la peste] ; Car ceuls mesmes qui les portoient Au moustier, pas ne revenoient (...) Eins les couvenoit la morir. (Mach., J. R. Nav., 1349, 150)

...Si que Juno y ouvra tellement Que pour ses plains En deus oisiaus mua leurs corps humains Qui sus la mer volettent soirs et mains. Alchioines les ont appellés mains, Car vraiement, Les maronniers qui en mer sont empeins, Quant d'eaus voient ces oiselès prochains, D'avoir fortune ou tempeste certeins Les font souvent. (Mach., F. am., c.1361, 168)

Ce dous resgart en plus grant savour hé, Quant meint y ont grant saveur ensement Qui onques n'ont sous Amours demouré ; Et quant en moy ha son demeurement, Bien doy servir et celer sagement Li et Amour qui tel douceur m'envoie Que cuer et corps et penser m'en resjoie. (Mach., L. dames, 1377, 100)

Vie m'estuet changier et norriture, Helas ! pour ce que Fortune m'est dure, Et maint samblent mi amy, se ce dure, Qui me seront haïneus anemy. (Mach., L. dames, 1377, 171)

...mais pour Dieu ! or avises que valent aux roys et aux riches trespasséz a present les honneurs que leur a vivant on leur faisoit au siecle ? Helas ! n'est pas doubte que tieulx honneurs cause ont été du dampner maint et mainte, a qui mieulz vaulsist avoir esté de son estat. (Chr. Piz., Trois vertus W.H., c.1405, 224)

Les courtois font approuver Leur bien par mainte et par maint (Chart., B. Nobles, c.1424, 403)

[Voiez] comment tousjours n'est une Fortune, qui a nuit à maint ! (Chr. Piz., J. d'Arc, 1429, 29)

De present il en y a maint qui eslirent d'eux mesmes et assemblent grans compaignies, plus puissantes que vous n'estes (Juv. Urs., T. rever., 1433, 63)

...maint le ont essayé, qui y ont failly et retourné honteusement. (La Sale, Salade, c.1442-1444, 229)

Et jadiz fusmes si mignotes ! Ainsi en prent a maint et maintes. (Villon, Test. R.H., 1461-1462, 57)