MESMEMENT

adverbe

[T-L : mëismemëismement ; GD : meismement ; AND : maismement ; FEW (IV, 808a) : ipse ; TLF (XI, 619b) : mêmement]

A. -De la même façon, de même.

Item, ceste partie ou puissance oeuvre meïsmement et est en son operacion principalment quant l'en dort (Oresme, E.A., c.1370, 142)

...souvent l'amoureux Jhesu (...) est ramené a la loenge de ceste espouse, et mesmement es paroles proposées, qui veulent ainsi dire en françois... (Mir. st J. Paulu, c.1372, 92)

Là estoit messires Robers d'Artois qui y fu très bons chevaliers, et la contesse de Montfort meismement armée, qui bien valoit un homme, car elle avoit coer de lyon, et tenoit un glave moult roide et bien trençant, et trop bien s'en combatoit. (Froiss., Chron. L., III, c.1375-1400, 9)

Si estoient leurs chevaulx maigres et affoiblis par les povres nourrechons. Bien leur cheoit quant ilz trouvoient de l'erbe à pasturer ; si ne povoient aler avant, car ilz estoient si mat et si afoibliz que ilz mouroient sus le chemin de chaleur et de povreté ; et meismement les seigneurs, le greigneurs maistres qui y furent, estoient en excesses, en fievres et en fraichons (Froiss., Chron. M., XIV, c.1375-1400, 93)

...quant ilz vindrent en la place oultre les portes de mettail, ilz virent une tresbelle et riche porte tresreluisant, a la clarté qu'ilz portoient ; et meismement reluisoit la cave, tout ainssy que se elle fust de cristail. (La Sale, Salade, c.1442-1444, 90)

... [le curé] tant bien se conduisit avec le bon homme qu'il ne buvoit ne mengoit quelque jour, mesmement quand aultre euvre faisoit, que tousjours ne parlast de son bon curé (C.n.n., c.1456-1467, 440)

B. -En particulier, notamment ; principalement, surtout.

...tous chevaliers doivent ayder et conforter à leur pooir toutes dames et puchelles dechassées et desconfortées à leur besoing, mesmement quant ilz en sont requis. (Le Bel, Chron. V.D., t.1, 1352-1356, 17)

Roys, tu dois estre veritable, Justes, loiaulz et charitables, Et bien amer tes bons amis Et fort haÿr tes ennemis, Car trop fait a blasmer li homs Qui est crueus comme lyons En temps de paix a son ami Et courtois a son anemi, Meesmement en temps de guerre (Mach., Voir, 1364, 474)

Et je croi que vous savés bien le grant meschief que mes cuers ha pour vous, et si ne vous en chaut de riens ; dont j'ai plus grant merveille de vous que je n'eusse de tous les hommes du monde, car je croi qu'il ne fut onques nulz homs qui tant ait gardee et amee la paix, le bien et l'onneur de toutes fames comme vous avés tous jours fait, et meesmement de celles que vous ne veistes onques et qui onques ne vous amerent ne bien ne vous firent. (Mach., Voir, 1364, 672)

Et s'en li soudans près de ci, Qui amenra, je vous le di, Par Vc. fois Vc. mil hommes, A si po de gens que nous sommes, Et seront fres et bien peüs ; Si que, sire, trop deçeüs Seriés de ci demourer, Pour nous tous faire devourer. Car po de chose est, sans doubtance, De nous encontre sa puissance, Meesmement en son païs. Et de li sommes tant haïs, Qu'il n'en penroit un à rençon Pour la cité de Besençon. Et n'atendez secours n'aye Fors dou ciel, je n'en doubte mie. (Mach., P. Alex., p.1369, 102)

On seult conmunement dire que chascun doit voulentiers faire ce qui peut a son maistre plaire, maismement quant c'est chose honneste et bonne. (Mir. Oton, c.1370, 317)

Et donques sont telz biens meïsmement et principalment amables. (Oresme, E.A., c.1370, 419)

Tous lesquelz, attendu (...) les reiteracions des crimes par lui commis, tant de fait appensé comme autrement, et la multiplicacion d'iceulx, mesmement dudit homme jetté et noyé en la riviere, delibererent et furent d'oppinion qu'il estoit dignes de soufrir mort (Reg. crim. Chât., I, 1389-1392, 378)

...qant li gentils chevaliers messires Jehans de Hainnau emprist le faix et la carge (...) pluisseurs gens, en Hainnau meismement, l'en tenoient a fol et a mal consilliet, qant a tout une puignie de gens, ils se mist en l'aventure d'aler en Engleterre a l'encontre dou roi (Froiss., Chron. D., p.1400, 67)

Quant (...) li aultre signeur de France veirent le chastiel si fort, il orent consel que il le assegeroient, car se il passoient oultre et il le laisoient derriere, il le poroit porter damage a euls et a lors gens et as lors pourveances. Si le assegierent dou plus priés que il porent, et i fissent pluisseurs assaus. Meismement li Genevois, qui sont bons arbalestriers, si abandonnoient a le fois assés follement et tant que il i perdirent de lors compagnons a lors assaus, car chil dou chastiel se desfendoient vaillanment. (Froiss., Chron. D., p.1400, 493)

...lesquelz dirent audit Chancellier qu'il seellast ledit adjornement, comme autrefoiz avoit esté requiz, veu mesmement que ledit Chancellier avoit dit que c'estoit raison (Baye, I, 1400-1410, 22)

...comme ydolastres et corrompeurs faulsaires de la foy catholique, sont dignes de double mort, c'estassavoir première et seconde, mesmement quant lesdictes sorceries, suggestions et maléfices sortissent leurs effects en la personne du Roy par le moien et malefoy desdiz machinans. (Doc. 1408. In : MONSTRELET, Chron. D.-A., t.1, c.1425-1440, 218)

Monseigneur, qui trescourtois et gracieux estoit, mesmement tousjours vers les dames, luy dist... (C.n.n., c.1456-1467, 39)

...le chemin de cy a Saint Nicolas n'est pas bien seur, mesmement pour gens qui mainent estat et conduisent femmes (C.n.n., c.1456-1467, 171)

...le tiers fut d'elle esprins d'amours, en luy faisant tant d'humbles et doulces requestes qu'elle ne s'en estoit sceu excuser ; et mesmement par l'instigacion et enortement de ses dictes compaignes [Une femme qui acompagnait deux amies chez leur amant explique comment elle a dû elle aussi prendre un amant] (C.n.n., c.1456-1467, 375)

Et, ainsi qu'on escoutoit lesdiz quatre heraulx sur les choses dessusdictes, et avant qu'on eust peu avoir loisir de leur rendre aucune response, lesdiz Bourguignons, cuidans prendre à despourveu les habitans de ladicte ville et mesmement ceulx qui gardoient ladicte porte de Saint-Denis, vindrent à grande fureur, grosse compaignie et armée, passer jusques à Saint-Ladre et plus avant, cuidans gaigner les barrieres qui aux faulxbours de ladicte ville devant ladicte porte Saint-Denis avoient esté faictes (Roye, Chron. scand., I, 1460-1483, 58)

[Le roi de France aux ambassadeurs du duc de Bourgogne :] Si est vray que j'ay oÿ ce que m'avez dit, ensemble ce que m'ont rapporté ceulx aveuc qui avez communiquié, touchant le bon voloir et affection que beau frere de Bourgoingne a envers moy, meismement pour appaiser ceste matere. Je l'en mercye. (Chastell., Chron. IV, D., c.1461-1472, 70)

Et lui pleut [au duc de Bourgogne] (...) le rappeller et le recepvoir en sa bienveullance comme son bon parent et subgect, vaillant et bon chevalier, et de qui bien et grandement se pooit servir, mesmement au temps qui courroit, car avoit cely de Saint Pol beaucop de belles et bonnes places frontieres entre France et Picardie (Chastell., Chron. IV, D., c.1461-1472, 212)

Si remercia le duc moult humblement le Saint Pere, et se reputoit indigne de tant d'honneur, mesmement entre tant de roys, princes crestiens qui le passoient (Chastell., Chron. IV, D., c.1461-1472, 233)

En cloistre mesmement Regne envie et murmure. (Cene dieux, c.1492, 115)

SAINCT MARTIN. Treschier seigneur qui estes l'empereur De tous honneurs et du myen mesmement, Pour me monstrer de ce lieu separeur, Je prens congié de vous treshumblement. (La Vigne, S.M., 1496, 177)

Et, combien que veu l'enormité des grans et execrables crimes de leze magesté par lui commis, ledit messire Loys de Luxembourg doye estre escartellé, ses quatre membres penduz en voye publicque et le corps au gibet, neantmoins, pour aucunes considerations ad ce mouvans la court, mesmement son dernier mariage dont est yssu enfans, et autres causes, icelle court a ordonné que après l'execution publicquement faicte de sa personne, ainsi que dit est, son corps sera inhumé en terre saincte, s'il le requiert. (Le Clerc, Interp. Roye, c.1502, 352)

Remarque : Forme région. (Picardie, Wallonie) maiement, mayement

Pour chou que j'ai parlet un pau trop crassement Des maintiens, des habis, sour femmes mayement, Sour abbés et sour monnes, sour nonnains ensement, On m'en set pau de gret, che dist-on vraiement. (Gilles Le Muisit, Poésies K., t.2, c.1347-1353, 226)

Item por le pire et por le gravelhe qui fait que li homme ne puit pishiir, R. semence de peirsin machidone et groumilh et persin de cortilh et saxifrage et betoinne et rachinne de fenoilh, et broies tot ensemble, et destrenpreis de blanc vin, et en faite le malade desjuneir toz lez jours et maiement en baingh, se li aderat mult. (Méd. nam. H., c.1400-1500, 202)

Item, com pluseurs cours de haulteurs et d'altres basses cours, aient acoustumeit, por apasenteir les parties, de plaindre soventfois de I desdit sens cause, si que pluseurs personnes, maiement de celle qui point ne sont delle loy infourmeis, s'accordent por dobtanche de plus grant damaigez à eskiweir, et n'oisent hardiement parleir en justiche... (Stavelot, Chron. B., a.1447, 54)

Aussi HEMRICOURT, Patron Temp. B., c.1360-1399, 117-118, JEAN D'OUTREM., Myr. histors G., a.1400, 192...

Et qui plus est.

Jamais ne t'a pleu mariage ; fuy l'as tousjours, craint et refusé, mesmement hay et mesprisé les bons et justes conseilz de ceulx qui t'y ont voulu joindre (C.n.n., c.1456-1467, 556)

Et mesmement. Et en particulier, et surtout, et qui plus est.

Si commanda par tout son royaume que tout chevalier et escuier fuissent, à la feste de le Pentecouste, en le cité d'Amiens ou là priès (...) Et meismement li rois y fu et tint là sa court solennèle, au dit jour. (Froiss., Chron. L., IV, c.1375-1400, 44)

Et les passions et oeuvres sont les mouvemens localz de chascun de ces corps, et maismement des elemens et de touz autres corps desquelz mouvemens les elemens sont cause selon leur vertu. (Oresme, C.M., c.1377, 584)

...lesdictes lettres, en aucuns poins, estoient desplaisans au Roy, et mesmement en tant que esdictes lettres mondit segneur le Dauphin se disoit regent et vouloit de son auctorité entreprendre la regence de ce royaume (Fauq., I, 1417-1420, 292)

Et meismement [dame Memoire reprit] l'estimative [une des espèces collatérales de la mémoire, une des facultés intellectuelles], Par quoy prospective nous vient, Simulative, formative, Desquelles souvent il advient Que, par leur trouble, homme devient Fol et lunatique par moys ; Je l'ay leu, se bien m'en souvient, En Aristote aucunesfois. (Villon, Lais R.H., c.1456-1457, 29)

...si ce bon marchant avoit prins grand plaisir en sa marchandise (...) encores l'eut il plus grand quand il se vit asseuré d'estre marié, et mesmement avec femme telle que d'en povoir avoir beaulx et doulx enfans. (C.n.n., c.1456-1467, 558)

Et, ce mesme moys aussi, le roy fist crier et publier que tous nobles tenans fiefz et arriere fiefz feussent tous prests et en armes, et mesmement ceulx de l'Isle de France, tant en la ville de Paris que ailleurs, au XVe jour d'aoust, pour le servir et estre tous prestz quant mestier en auroit. (Roye, Chron. scand., I, 1460-1483, 175)

Ce ne suis je pas qui leur donne [aux Frères mendiants], Mais de tous enffans sont les meres, Et Dieu, qui ainsi les guerdonne, Pour quy seuffrent peines ameres. Il fault qu'il vivent, les beaulx peres, Et mesmement ceulx de Paris : S'ilz font plaisirs a noz commeres, Ilz ayment ainsi leurs marys. (Villon, Test. R.H., 1461-1462, 97)

Quoy qu'on tient belles langaigieres Florentines, Venicïennes, Assés pour estre messaigieres, Et mesmement les ancïennes, Mais soient Lombardes, Roumaines, Genevoyses, a mes perilz, Pimontoises, Savoysïennes, Il n'est bon bec que de Paris. (Villon, Test. R.H., 1461-1462, 119)

Et meismement plus y est le roy tenu de mettre en bonne voye et morigener messieurs ses enfans, qui aprés luy doivent avoir le gouvernement de la chose publique, que ung pere de famille (Chastell., Chron. IV, D., c.1461-1472, 46)

SATHAN. (...) En Enfer je l'emporteray [l'âme du chrétien] , Car elle est mienne par droicture. S. NICOLAS. Tu as menty. SATHAN. Il est parjure Et mesmement encontre toy. (Mir. st Nic. juif, c.1480-1500, 139)

Mesmement que + ind.. D'autant plus que.

Mais quant pris sui et je me rens pour pris Et com prison en vostre dous pourpris Crant et affie, Ne me devez grever, ce m'est avis, Meësmement que plus vous aimme et pris Qu'onques ne fist belle Heleinne Paris, Sans villennie. (Mach., F. am., c.1361, 155)

...li requist que, pour bien et aumosne, et aussi pour la cognoissance que elle avoit à lui, que elle le voulsist herbergier pour celle nuit ; mesmement qu'il estoit tart, et aussi comme environ IX heures en la nuit. (Reg. crim. Chât., I, 1389-1392, 174)

...il avoit prins et apprehendé ledit Perrinot Cousin, lequel il avoit oudit jour d'ui admené prisonnier oudit Chastellet, ouquel il estoit de present, requerant que de ce ledit mons. le prevost le tenist pour deschargé, mesmement que par le clerc qui garde le guichet il avoit icellui fait enregistrer en la maniere qu'il est acoustumé de faire des prisonniers admenez oudit Chastellet. (Reg. crim. Chât., II, 1389-1392, 376)

...jà soit ce que iceulz larrecins feussent de petite qualité, ledit prisonnier est digne de mort, mesmement qu'il avoit enfraint lesdites injunccions à lui pieçà faittes (Reg. crim. Chât., II, 1389-1392, 525)

...pour ce que tresfort doubtoit de le perdre [un oeil malade] , mesmement que c'estoit le membre ou il devoit plus de guet et de soing, manda le cyrurgien (C.n.n., c.1456-1467, 502)

...emerveillez vous encores comment il [ait] peu venir, et mesmement que le chemin est si long jusques a sa maison. (C.n.n., c.1456-1467, 514)