LOYALEMENT

adverbe

[T-L : lëallëaument ; GD : loiablement, loiement1 ; GDC : loialment ; AND : lealment ; DECT : lëaument ; FEW (V, 240a) : legalis ; TLF (XI, 31a) : loyalement]

A. -[Domaine juridique et administratif]

Légitimement.

Je vous dy ce pour cause que, quant il est venu pour recevoir ce que autrefois lui a esté prommis et qu'il a lealement deservi, et ce que nullement ne lui puis et ne voeul reffuser, toutesvoies sus sa demande vous argüastes, doubtant qu'il ne demandast vostre fille. (Percef. III, R., t.2, c.1450 [c.1340], 198)

SENACHERIB. ...Salmanazar a eu gouvernement Treslonguement de touz Assiriens ; Je suis son filz, qui dois loyallement Et justement triumpher haultement, Et noblement jouir de tous ses biens. (Myst. Viel test. R., t.5, c.1450, 52)

Lors respondy le roy Pellinor que pou vray il avoit fait tant d'armes a ce tournoy pardessus tous qu'il avoit leaument desservi d'avoir le pris (Percef. III, R., t.1, c.1450 [c.1340], 258)

Alors le seigneur de Loissellench se inclina devers le roy et en son poulain le remercia de l'onneur qu'il lui avoit fait treshumblement, et dist que vraiement Saintré avoit loialment gaynié le pris, et a ces parolles il print le dyamant et vers Saintré s'avança et en son langaige tresdoulcement le remercia, et mist en sa main le dyamant, et lors le roy ordonna que chascun s'en alast desarmer, et ainsin fut. (La Sale, J.S., 1456, 159)

Et piteuse chose estoit qu'il deust perdre son prisonnier qu'il avoit bien et loyalment gaigné. (Bueil, II, 1461-1466, 9)

En étant dans son bon droit.

...à sa defense le dit Guillaume de la Bertonniere, luy plaié et blecié de l'aspeie dou dit Guillaume Arnaut (...) pour ce que autrement il ne se pooit delivrer de luy, l'avoit feru du dit coteau par mi la jouhe, disent (...) que desclairier et pronuncier devions luy avoir feru lehuement le dit Guillaume Arnaut en sa defense et que absouldre l'en devions et delivrer de l'arrest où nous le tenions (Doc. Poitou G., t.1, 1330, 363)

...le dit Guillaume de la Bertonniere avoit leuement, à sa defense, feru le dit Guillaume Arnaut dou dit coteau parmi la jouhe, et que le dit Guillaume Arnaut avoir feru de son propre esmouement et non dehuement, et à tort, le dit Guillaume de la Bertonniere de l'espée (Doc. Poitou G., t.1, 1330, 367)

Selon la justice.

[Après l'énoncé d'un jugement] Tout respondirent li baron et de une sieute, qui la estoient : 'Vous avés bien et loiaument parlé, et il sera fait ensi.' (Froiss., Chron. D., p.1400, 89)

Et tout ce que dit est promistrent yceuls preneurs par leurs seremens et par leur foy faire tenir, garder et loialment acomplir de point en point et a non venir contre, et sus l'obligation de tous leurs biens. (Chartes Abb. St-Magl. T.F., t.3, 1330-1436, 199)

Promettans iceuls mariés, par leurs seremens fais aus Sains Euvangilles de Dieu et par la foy de leurs corps pour ce baillee corporelment es mains des dis notaires jurez comme en la nostre, a avoir et tenir, garder, enteriner et acomplir fermement et loialment a tous jours tout ce que dit est, sans aler, venir ou faire venir contre par euls ne par autres, pour quelconques cause que ce soit ou puist estre, couvertement ou en appert, et a rendre et paier tous cous, dommages, despens, mises, journees, salaires, frais et interez qui faiz, eus, soustenus ou encourus seroient, commant que ce soit, par deffaut des choses dessus dites ou d'aucune d'icelles non tenues, non gardeez, non enterineez et non acomplies. (Chartes Abb. St-Magl. T.F., t.3, 1330-1436, 423)

En se conformant aux règlements de qualité.

Et en tant qu'i touche les marchans, faictes vos marchandises bien et loyalment, sans excessivement gaigner en revendent ce que achetez, sans grans convoitise ou avarice (Juv. Urs., T. rever., 1433, 77)

B. -[Domaine moral et social]

1.En agissant selon certaines obligations morales, en faisant preuve d'honnêteté, du sens de l'honneur.

Pluiseur signeur par nature sont enclin à leur pourfit et ne regardent mies loiaulment à le fin où les coses pueent venir, fors à avoir le misse et le chevance. (Froiss., Chron. R., IX, c.1375-1400, 161)

...et en cest estat se sont vesqus bien et loyalment, au mielx qu'ilz ont peu. (Reg. crim. Chât., I, 1389-1392, 159)

Et [Geoffroy] commanda la forteresse a un chevalier du pays qui moult estoit vaillant homme et preudhoms. Et lui commanda sur sa vie de gouverner la loyaument et tenir justice. Et cellui lui enconvenanca et lui tint, car il gouverna loyaument et bien. (Arras, c.1392-1393, 205)

Et aujourduy a fait ledit Jaquot serement en la Court de bien et loyalment exercer ledit office (Fauq., I, 1417-1420, 337)

La VII^e est que vous doyez loyaument entendre a garder et conserver le bien de la chose publicque et l'acroistre, se vous povez (La Sale, Salade, c.1442-1444, 21)

...en ariez vous après cognoissance, en moy tenant loyaument sans faulseté ce que m'avez promis ? [Un grand service a été rendu] (C.n.n., c.1456-1467, 294)

Conformément à la parole donnée.

Hault empereur d'excellente proesse, Qui devant moy avez vostre promesse Endroit mon filz loyaulment acomplye, Le dieu Mahon et Juno la deesse Vous doinct tousjours soulas, santé, lïesse (La Vigne, S.M., 1496, 176)

Faire qqc. loyalement à son pouvoir. Faire qqc. aussi bien que possible, aussi honnêtement que possible.

Et après ce, ledit de Vitry a fait serement que bien et loialment à son povoir il portera ledit roole et fera tout son loyal povoir de poursuir l'expedicion et signature d'icelluy et les prerogatives où il appartendra, et aussi de poursuir instamment que autres n'ayent plus ample prerogative ou prejudiciable. (Fauq., III, 1431-1435, 132)

Et ce vous certifions nous avoir fait bien et loialment a noz povoirs, et le tesmoingnons par noz seaulx. (Chartes Abb. St-Magl. T.F., t.3, 1330-1436, 670)

2.Conformément à des engagements pris ou à des règles de conduite tacites.

[D'un vassal envers son seigneur, d'un serviteur envers son maître...] Avec loyauté, fidèlement.

LE CONTE. (...) Je me lo de vous grandement, Car servi m'avez loyaument (Mir. enf. ress., 1353, 16)

'Je feray à mon povoir loyaulment ce que vous me requerez.' (Froiss., Chron. M., XIV, c.1375-1400, 215)

...s'il le vouloit bien et loyaulment servir, il le feroit riche homme (Reg. crim. Chât., I, 1389-1392, 57)

LA MARQUISE [aux courtisans] . (...) Ains le servez [le marquis] tres humblement De plus en plus plus loyalment, Et vous ferez vostre devoir. (Gris., 1395, 88)

La contesse, qui vivoit en grant angousse de coer ot double anoi, qant elle senti que ses gens qui loiaument l'avoient servi jusques a chi, voloient faire auquns mauvais trettiés a ses ennemis. (Froiss., Chron. D., p.1400, 522)

'Tres chiers sires, je ferai a mon pooir loiaument tout ce que vous me conmanderés.' (Froiss., Chron. D., p.1400, 599)

Toutes ces gens vi (...) Obeïssans par bon accort Loyaument (Chr. Piz., M.F., II, 1400-1403, 74)

Auquel duc de Lenclastre, et en sa main, il fist lors serement, et par la foy de son corps promist et s'obliga servir bien et loyalment le roy d'Engleterre (Reg. crim. Chât., II, 1389-1392, 186)

Et semblablement monseigneur de Bourgongne fist serement pareil de servir loyaument le Roy et obeir à lui (Fauq., I, 1417-1420, 157)

...ung jeune compaignon picard (...) servit tresbien et loyaument son maistre assez longue espace. (C.n.n., c.1456-1467, 68)

Mon bergier m'en couvenança Que loyaulment me garderoit Mes brebis et ne m'y feroit Ne dommaige ne villennie Et puis... (Path. D., c.1456-1469, 166)

Et si leur mandoit de bouche par ledit de Harlay certain accord qu'il avoit fait avecques lesdiz ducs de Bourbon et Nemours et les sires d'Armaignac et d'Albret, et comment, en faisant ledit accord, chacun d'eulx avoit promis au roy de bien et loyaument le servir et de vivre et mourir pour luy. (Roye, Chron. scand., I, 1460-1483, 54)

et certes les bourgeois et les habitans d'Audenarde furent tous reconfortez et resoluz d'attendre ce que povoit advenir et de tenir loyalement et de grant couraige le party de leur prince, dont ilz furent moult à louer. (La Marche, Mém., II, c.1470, 229)

Bastard de Bourbon, lequel estoit très gentil, vaillant et loyal chevalier et qui bien servoit leaument le roy et la couronne de France et n'espergna oncques chose qui feust à luy pour employer au service du roy (Le Clerc, Interp. Roye, c.1502, 203)

Et, par l'advis des dessusditz, avez esté esleu et choisy du nombre des douze, lesquelz vont estre choisiz pour eslire le surplus et jusques oudit nombre ; et pour ung des plus notables chevaliers et d'ancienne lignée, extractz de grandes et nobles maisons, et qui tousjours ont bien et loiaument servy noz predecesseurs et nous (Le Clerc, Interp. Roye, c.1502, 241)

[D'une personne amoureuse envers la personne aimée, d'un ami envers un ami] Honnêtement, fidélement.

...qui sert sa dame loyaument, Amours l'en fait avoir bon guerredon. (Mir. st Val., c.1367, 171)

Li contes de Saint Pol et celle jone dame s'enamourèrent loiaulment li uns de l'autre. (Froiss., Chron. R., IX, c.1375-1400, 136)

Touz mes amis generalment Qui m'aymez du cueur leaument, Esjouissez vous comme moy (Pac. Job M., c.1448-1478, 403)

Dont j'en cognois aucuns qui, pour estre vrays amoreux et de bien loialment servir leurs dames, sont venus en si hault honneur que a tousjours en sera nouvelles (La Sale, J.S., 1456, 9)

Sire, devez vous choisir dame qui soit de hault et noble sang, saige, et qui ait de quoy vous aidier et mectre sus a voz besoings, et celle tant servir et loialment amer, pour quelque peine que en aiez a souffrir, qu'elle cognoisse bien la parfaite amour que sans deshonneur lui pourtez. (La Sale, J.S., 1456, 16)

-- Encores sur ce propos vous dy je plus que cil qui entend a loialment une telle dame servir je dy que il puet estre sauvez en ame et en corps, et veez cy la raison comment. (La Sale, J.S., 1456, 17)

3.Sincèrement.

Et toutesfois, à parler loyaument d'armes, il ne tinrent mies si bien leur pas ne leur arroi, ensi qu'il apparu, que fisent li Englès et li Breton dou costé le conte de Montfort. (Froiss., Chron. L., VI, c.1375-1400, 166)

et, tant plus, vous sçavez que le pouvre prisonnier vous confessa loyalment qu'il n'avoit point de dame advisee pour servir, dont je le croy mieulz que autrement. (La Sale, J.S., 1456, 13)

Moult joieuse fu la contesse d'Artois de oÿr la dame parler si lealment, si respondy tres debonnairement... (Comte Artois S., c.1453-1467, 123)

4.Scrupuleusement, consciencieusement.

Et, pour ce, vous envoions presentement le colier de nostredit ordre par nostre amé et feal conseiller et maistre de nostre hostel le sire de la Choletiere, afin que le prenez et retenez, et que d'ores en avant vous le portez, en faisant le serment en sa presence de bien et loyament entretenir le contenu es chappitres et articles sur ce faiz de point en point, ainsi qu'ilz sont contenuz. (Le Clerc, Interp. Roye, c.1502, 241)

Avec exactitude.

En ce point; le desloiaux ennemis exposa loialment la fin de la bataille, mais toutesvoies par paroles entrelaciees il deçut faussement par grant fraude la povre, desloiaux, chetive ame du mescheant roy Saül. (Foul., Policrat. B., II, 1372, 196)

Et mon entencion est de les reciter [toutes choses] loialment et examiner diligeanment en monstrant les deffautes d'aucunes de elles en rayson naturelle, pour oster occasions d'aucunes grandes erreurs en la foy catholique. (Oresme, C.M., c.1377, 186)

Vraiment.

Et loialment, quant la malice de tous ceuls yci est laide et detestable et digne de haine, toutesvoies celle qui moins nuyst se puet trop mieulx deporter et la puet on dissimuler mieulx senz blasme. (Foul., Policrat. B., I, 1372, 121)

Certes l'escripture ne dit pas que Samuel soit de vray ne loialment resuscité au commendement de la devineresse, mais il desclaire comment l'aveuglement du sens de Saül estoit fortement la monstré ; car il dit :'Qant Saül oÿ la forme de l'ome resuscité et l'abit, il entendi que c'estoit Samuel.' Il estoit bien deceu et mal entendant (Foul., Policrat. B., II, 1372, 195)