LIGNEE

substantif féminin

[T-L : ligniee ; GD : lignee ; GDC : lignee ; AND : ligné ; FEW (V, 353b) : linea ; TLF (X, 1217a) : lignée]

I. -[Dérivé de ligne] Alignement.

Remarque : Doc. 1326 (a lalignieed'iceux) ds GD IV, 783a.

II. -[Domaine de la parenté, au propre ou au fig.]

A. -Parenté de sang (et non par alliance), lien de parenté. (synonyme lignage)

Par lignee. En raison d'un lien de parenté.

Si que sa mort [du roi Pierre] vous conteray, Ne ja ne vous en mentiray (...). Se vous monstreray par escript Ce qu'il m'en a dit et escript. Mais à tous pri qu'il ne desplaise A nelui ; car, par saint Nicaise, Je ne le di pas par envie, Par hayne, ne par lignie [var. lingnie] , Car pas ne sui de son linage ; Ne ne le di pour avantage, Pour promesse, ne pour avoir Que je n'autres en doie avoir ; Einsois le di pour verité (Mach., P. Alex., p.1369, 247)

B. -Descendance (ou ascendance) ; plus rarement, ensemble de personnes issues d'une souche commune. (synonyme lignage)

1.Descendance.

...le premier bien du mariage corporel est fruit en lignie, pour laquelle mariage est principalment establi (Mir. femme roy Port., c.1342, 149)

Sires Dieus, qui es tous puissans, Qui gardes tes oubeïssans, Dieus de nos peres Abraham, Ysaac, Jacob, qui maint ahan Heurent pour t'amour en leur vie, Dieus es de leur juste lignie (Mach., C. ami, 1357, 52)

Item, aucunes choses sont desquelles, se un homme est desnué et que il ne les a pas, sa felicité en est aussi comme honnie ou avillee, ainsi comme il seroit de noblesce de bonne ligniee et de biauté. (Oresme, E.A., c.1370, 128)

Derechief, celluy qui enfeude n'a mie seulement regart a celluy a qui il baille le fieu, mez aussi a toute sa lygnie (Songe verg. S., t.1, 1378, 249)

Pluseurs femmes de grant estat en ont esté mises a destruction, infamie et vilenie, et toute leur lignee et generation. (Gers., Annonc., a.1400, 236)

...et se n'eussent esté aucuns amiz de l'onneur du Roy et de l'Université, eussent empeschié ledit jugement, qui est moult grant peril au Roy et à sa lignée et au royaume (Baye, I, 1400-1410, 164)

...et dit en ceste maniere : 'Pere omnipotent, a benoit jour, s'il te plaist, et bien a temps est yci venue Oroison la devote de par tes deux bons serviteurs et amis, Joachim et saincte Anne, pour demander lignie...' (Gers., Concept., 1401, 396)

...considerant que ou cuer d'une petite femmelette de la lignee des payens, Dieux trouvast plus de foy qu'en tous les evesques, les princes, et les prestres et tout le puepple des Juyfs, qui se disoyent estre le digne puepple de Dieu. (Chr. Piz., Cité dames C., c.1404-1407, 662)

Et en elle fina toute la lignie et progenie dudit roy Charles, premier de cestui nom oudit royaume de Sicile (La Sale, Salade, c.1442-1444, 199)

Vous dictes : 'Ce sang soit sur nous Et puis sur nous enfans trestous.' Dorenavant vous cognoistrés Ce sang sur vous, quant vous varrés L'ire de Dieu sur vous venir Et vostre lignhee gemir, Car Dieu vous batré aigrement. (Pass. Auv., 1477, 268)

Entre tous les aultres empeschemens impossibilité de habiter charnelement obtient tres grant lieu, car de sa nature et de la constitution de l'eglise il empesche mariage, comme il soit ainsi que tout mariage soit a cause de lignie estre procreé ou cause de incontinence et impossibilité de cohabiter oste l'une et l'aultre cause. (Sacr. mar., c.1477-1481, 76)

Heber, duquel print le nom la langue hebraïcque, qui ne fut point muée pour ce que lui, ne nul de sa lignée, ne furent consentens de fere icelle tour, vivoit encores en ce temps (Simon De Phares, Astrol., c.1494-1498, f° 16 r°)

...se mist à speculler le ciel moult longuement, disant : 'Nepveu, il resne telle constellacion à ceste heure, que si ung subject ou serviteur tuoit à ceste heure son seigneur ou son maistre, il perviendroit à moult grans biens et à grande lignée'. (Simon De Phares, Astrol., c.1494-1498, f° 115 v°)

...et, entre autres, prenostica que Henri qui chassé estoit par son frere bastard hors Espaigne, seroit encore roy d'Espaigne et regneroit sa lignée, ce que advint moult veritablement. (Simon De Phares, Astrol., c.1494-1498, f° 140 v°)

Au pluriel.

Si lui dist [Anchise à Enée] que de lui vendroient Lignees, qui el monde tendroyent. (Chr. Piz., M.F., III, 1400-1403, 173)

Sans lignee

Moises dist et conmanda En la loy que s'ome moroit Sanz lignie, se femme avoit, Que son frére si l'espousast, A la fin que il recouvrast En lieu de son frére lignie. (Mir. nat. N.S.J.C., c.1343, 236)

Avoir lignee

Temps fust que il eüst lignie D'une fame bien enlignie. (Vie st Evroul S., c.1350, 44)

... [le seigneur] avoit femme espousée desja ancienne et maladive, dont il avoit belle lignée. (C.n.n., c.1456-1467, 115)

Concevoir lignee

...femme ne doit concepvoir lignie fors de son mari (Mir. femme roy Port., c.1342, 149)

Si aucun par folle pencée fait aucune chose à homme ou à femme soit par sorcerie ou charouz, ou il luy donne venin à boire si secretement qu'il ne s'en puisse apercevoir, et à la femme qu'elle ne puisse concepvoir lignée, celui est tenu pour omicide (Cout. instit. Anjou Maine B.-B., t.2, 1437, 491)

Faire lignee

Item, de Droit divin aussi, la fille represente le pere, car il est escript en Genese que le frere doit prandre a fame, aprés la mort de son frere, celle qui fust sa fame, afin que il puist faire lygnie a son frere qui estoit mort sanz her de son corps (Songe verg. S., t.1, 1378, 246)

...vous aussi pourriez penser que je fusse homme naturel comme ung aultre, ayant puissance d'avoir compaignie avecques femme, et de faire lignée (C.n.n., c.1456-1467, 94)

Les lignees d'Israël. Les tribus constituées par la descendance des fils de Jacob.

Ainsi le nous tesmoigne saint Jehan euvangelistre qui dit qu'Il vendra et sera sur le trone et jugera ligniés d'Israel, et en qui sera Dieu le Pere, Dieu le Filz et Dieu le Saint Esperit, en la personne du Filz tant seulement, en la forme de la char humaine qu'Il prist ou ventre de la doulce Vierge Marie ; et parlera en la personne du Filz, combien que la divinité soit avec l'umanité. (Cout. bourg. glosé P.M., c.1380-1400, 98)

...en ce temps fust la captivoison des dix lingnies de Ysrahel par Salmanazar, le roy de Surie (La Sale, Sale D., 1451, 74)

Tribu, bataillon.

...et trouva l'on en ses livres comme il avait predicte la prinse de Samarie et l'orible captivité, voire eternelle, en ceste lumiere reclus entre les mons de Caspie, entre les Persiens et les Medians, où furent d'icellui peuple dix lignées enfermées sur ung fleuve qui s'appelle Cosam (Simon De Phares, Astrol., c.1494-1498, f° 42 v°)

Esdras ot aussi congié de rediffier Jherusalem et le Temple et de y mener les dix lignées que le roy Salmanasar avoit encloses ès mons de Caspie, mais il ne les pot aver, car jamais ne bougeront, mais eut deux lignées qui estoient en Caldée, que Nabugodonosor avoit mises en captivité, qui se montoient mille VIIc hommes. (Simon De Phares, Astrol., c.1494-1498, f° 48 r°)

Dynastie.

...a cause de la tresnoble et excellente princesse et ma souveraine dame, Madame de glorieuse memoire Yollant, fille seulle d'enffans du tresnoble prince monseigneur Jehan, roy d'Arragon, et de la premiere lignee de Arragon, ainssy comme il s'enssieut. (La Sale, Salade, c.1442-1444, 207)

2.Ascendance.

...pour consideracion de bons services que Regnaut, dit Crollebois, nostre receveuur de Poitou et de Xanctonge, nous a faiz, nous ycelui Regnaut, li quiex est descenduz de lignie non noble, avons nobli et noblissons (Doc. Poitou G., t.2, 1336, 131)

...noblece qui vient de sanc Et de ligniee (Chr. Piz., Chem. estude P., 1402-1403, 180)

...qui est bien noble homme et de bonne lignée et generacion (Chancell. Henri VI, L., t.2, 1427, 17)

Elle estoit de la lignie sacerdotale, et teles estoient arses et bruslees. Les aultres adulteres estoient lapidees. (Sacr. mar., c.1477-1481, 48)

(De) haute / noble lignee

Or estoit moult d'amer espris D'une damoiselle de pris Qui demouroit vers Montpeslier, Fille d'un vaillant chevalier, Attrait de moult noble lignie. (Mach., J. R. Nav., 1349, 213)

Quer il est de noble lignié De roy, d'emperiere enlignié (Vie st Evroul S., c.1350, 116)

Amis, je t'aporte nouvelle Qui est douce, plaisant et lie, C'est le cuer et l'amour de celle Que tu avras en ta baillie, Par honneur, je n'en doubte mie, S'à toy ne tient ; or te conseille, Qu'en ce monde n'a sa pareille. Elle est tres bonne, et s'est tres belle Et s'est de tres haute lignie ; De toutes vertus est ancelle, Tous biens a que Nature ottrie : Juene est, gente, gaie et jolie, Et tant douce, blanche et vermeille Qu'en ce monde n'a sa pareille. (Mach., L. dames, 1377, 191)

On parle de richeces et de grant signorie, D'avoir sens, los, puissance, biauté, noble lingnie, De grant prouesse acquerre, d'onneur, de courtoisie ; Mais qui n'a souffisance, je di que il mendie. (Mach., Lays, 1377, 338)

...ycellui prisonnier s'estoit advoué gentilhomme et de noble lignée (Reg. crim. Chât., I, 1389-1392, 2)

...lequel prisonnier, sur ce interrogué, et par serement, dist, confessa et se advoua estre homme noble et de noble lignée, si comme il avoit oy dire ou pays d[ont] il estoit nez aus gens qui l'avoient eu en garde (Reg. crim. Chât., I, 1389-1392, 3)

...il avoit desservi à estre excecuté solempnelment, pour ce qu'il est nobles homs et de noble ligniée (Reg. crim. Chât., II, 1389-1392, 208)

...extrait de noble sanc et de noble lignye. (Un traité d'héraldique inédit, éd. L. Houwen, M. Gosman, c.1435-1449. In : Romania 112, 1991, 503)

...il leur sembloit que le roy le devoit marier en son royaume a quelque fille de haulte lignee (Rambaux Frise S., c.1450-1475, 65)

De royale lignee / de lignee royale

Mais ne fu pas ainsi norriz, Car il est de royal lignée. (Mir. parr., 1356, 44)

...en Soissongne, par dela Frise, Fu née la pucelle et prise Et de royal lignie estraitte (Mir. ste Bauth., c.1376, 86)

Dy s'elle eust esté mere de Dieu se Adam n'eust oncquez pechié ? Dy s'elle fust noble, tant en lignee royale comme sacerdotale ? (Gers., Annonc., a.1400, 229)

...de haultece de tres nobles princes d'un meismes sang de la lignée royal (Chr. Piz., Paix W., 1412-1413, 124)

Cestui fut moult entier et de belle corpullance et de lignée royalle, et vesquit cent IX ans moult honorablement. (Simon De Phares, Astrol., c.1494-1498, f° 92 v°)

3.[Plus rarement] Ensemble de personnes issues d'une souche commune, famille.

L'an mil CCC.JX. et sexante (...) Droit de Janvier le jour XVJe, Et environ l'eure XVe De la nuit, fu à Nicossie De sa plus procheinne lignie, Et des nobles de son païs, Li nobles roys de Chypre ocis, En sa chambres, sous sa courtine, Nuz, gisans delés la royne. (Mach., P. Alex., p.1369, 247)

...Mais du peché le mal porter failloit A tous vivans qui de luy descendroient, Lesquelz jamais es haulx cieulx n'ascendroient, Jusques ad ce que dure passion Quelc'un, yssant par generacion De la lignee dont le mal procedoit, N'eust soufferte (La Vigne, S.M., 1496, 337)

C. -Par extension.

1.Humaine lignée. Genre humain. (synonyme lignage)

...Jhesu (...) qui des haulx cieulx descendi Pour estre ce que n'estoit mie Et tout pour humaine lignie, A qui tant fu misericors... (Mir. abbeesse, 1340, 85)

Et quant Nature vit ce fait Que son oeuvre einsi se desfait Et que li homme se tuoient, Et les yaues empoisonnoient Pour destruire humeinne lignie Par couvoitise et par envie, Moult en desplut la belle et gente, Moult se coursa, moult fu dolente. (Mach., J. R. Nav., 1349, 146)

...pour humaine lignee Restorer (Chr. Piz., M.F., II, 1400-1403, 141)

Le seigneur a qui estoit la vache (...) la mist devant le arc ou l'autel de la deesse Dyane pour la sacreffier tantost, affin qu'il donnast a la cité de Sabine (...) l'empire et le regime de la humaine ligniee. (La Sale, Salade, c.1442-1444, 24)

2.Espèce.

Lors la beste crye : 'Ay ! Ay !', Quant l'a ung peu menassee ; Telle est des bestes la lignhee De se pays dont sommes nous. (Pass. Auv., 1477, 142)

D. -Au figuré. Direction que prend une chose, sens dans lequel vont les choses.

... [Dieu] qui toutes choses peut et scet destourner de leurs fins et linees (Chastell., Chron. IV, D., c.1461-1472, 144)