LIESSE

substantif féminin

[T-L : lëece ; GD : leece ; AND : leesce1 ; DECT : lëece ; FEW (V, 129b) : laetitia]

A. -Au propre.

1.Joie, allégresse, liesse.

Car se tu yes en grant richesse, Jamais n'avras vraie leësse, Fors peinne, misere et tristesse, Et en doubtance Seras dou perdre, qui trop blesse, Ou l'ardeur aras et l'aspresse D'avarice qui est maistresse De pestilence. (Mach., R. Fort., c.1341, 38)

Et Amours m'iert donjons, tour et deffense Contre Tristece, Et Dous Pensers en qui j'ay grant fiance L'enchassera, je n'en fais pas doubtance, Et dedens moy mettra par sa puissance Joie et leesse. Et s'il est riens qui me grieve ou me blesse, J'aray recour à vostre grant noblesse (Mach., Compl., 1340-1377, 259)

Je sui hors de toute tristesce Et plain de joie et de leesce. (Mir. nonne, 1345, 334)

Mais se je suis long de vous sans leesse, Ne pensez ja que d'amer me repente, Car Loiauté me doctrine et adresse A vous amer en tres loial entente. (Mach., L. dames, 1377, 176)

Si pri Venus qu'elle adresse Mon cuer, s'il n'est en l'adresse D'amours, et que ma tristesse Mue en joie et en leesse, Et par ce sera refais (Mach., Les lays, 1377, 441)

LE QUINT CHEVALIER. (...) Et quant est de l'esbattement, Vous [le marquis] en arez si largement, Se cest ordre [le mariage] vous tient en laisse, Que le lairez ains qu'il vous laisse. Si avrez (...) partie [partenaire] Par qui vous sera departie Bonne amour, lÿece et plaisance, Qu'assez avez senz et puissance De la choisir plaisant et bonne (Gris., 1395, 15)

LA MARQUISE. (...) Et desci suis appareillie De retourner en la maison Mon pere, qui esté m'a bon, Ou je fui jadiz en jeunesce, En paix de cuer et en lÿece (Gris., 1395, 82)

Et pour ce dit Aristote que les sons de musique sont prouffitables a ceulx qui sont en dueil et en tristesce et, au contraire, aussy a ceulx qui sont en leesce et en joye. (Evr. Conty, Harm. sphères H.P.-H., c.1400, 87)

Je demande a Justice, puisque elle veult les loys estre gardees, se nostre Dame sera point comprise en la generale loy et maudisson que bailla Dieu aux femmes pour le pechié de Eve, c'est que en tristesse enfenteront et en engoisses ? Je scay que point ne le dira, car sans travail doit enfanter et en leesse. (Gers., Concept., 1401, 402)

Pourquoy ne pourroit nostre Dame par son regart estaindre mauvais et charnel mouvement et esmouvoir a chasteté, comme le regart de ung savinier, secundum quosdam, ou comme nous veons es precieuses pierres que aucunes esmeuvent naturellement a leesce ? (Gers., Concept., 1401, 425)

Bien soit venu ce premier jour de may Qui m'aporte grant joye et grant liesse, Osté si m'a de douleur et d'esmay, Du bon rapport que j'ay de ma maistresse. (Régn., F.A., 1432-c.1465, 152)

Lors a grant façon de lye chiere vient redoubler la lyesse de Madame avec celle de damp Abbés et leur dist... (La Sale, J.S., 1456, 284)

Femme je [la mère de Villon] suis povrecte et ancïenne, Qui riens ne sçay, oncques lettres ne leuz. Au moustier voy, dont suis parroissïenne, Paradiz paint, ou sont harpes et leuz, Et ung enffer, ou dampnez sont bouluz ; L'un me fait paour, l'autre joye et lïesse. (Villon, Test. R.H., 1461-1462, 80)

Pour liessë entretenir Sa, Bon Temps, par bon accordance Ensemble dancez une dance... (Sots, c.1480-1500, 279)

Par personnification.

Après li rois appella sa maisnie ; Si vint Franchise, Honneur et Courtoisie, Biauté, Desir, Leësse l'envoisie, Et Hardiesse, Prouesse, Amour, Loiauté et Largesse, Voloir, Penser, Richesse avec Juenesse, Et puis Raison qui de tous fu maistresse. (Mach., J. R. Beh., c.1340, 132)

Et ce me fait vivre si liement Que Leesse n'a cuer joieus ne gay Contre le bien et la joie que j'ay. (Mach., Bal., 1377, 553)

Dieu Cupido et Venus la Deesse, Ayans povair sur Mondaine Liesse, Salus de cueur, par nostre grant humblesse, A tous amans. (CH. D'ORLÉANS, Ret. am. C., 1414, 14)

Adonc seray en l'eaue de Liesse Tost refreschi, et au souleil de France Bien nettié du moisy de Tristesse (CH. D'ORLÉANS, Ball. C., c.1415-1457, 131)

Portant harnoys rouillé de Nonchaloir, Sus monture foulee de Foiblesse, Mal abillé de Desireus Vouloir, On m'a croizé, aux montres de Liesse, Comme cassé des gaiges de Jeunesse. (CH. D'ORLÉANS, Ball. C., c.1415-1457, 168)

[Dans un cont. théol.]

[Avec une valeur positive, marquée par un adj.] Liesse sobre/liesse spirituelle

Tu voys, o ame devote, tu voys que ceulx qui hebergent le Saint Esperit en ce monde ont presque tous les jours leesse sobre et sainte (Gers., Pent., p.1389, 85)

Et se tu me demandes par quoy ilz se tendront en hault et ne cherront point en ceste tristesse melancolieuse, ie tay respondu deuant que ce sera par leesse spirituelle par laquelle ilz se soustendront. (Cib., p.1451, 220)

[Avec une valeur négative, marquée par un adj.] Folle liesse/liesse desconvenable

Qui est maintenant la personne qui n'ayt oÿ pluseurs foys, voir ung chascun jour, Plaisir mondain enhortant tous cuers a fole liesse, a vayne joye, a se [s]e donner du bon temps en ceste vie ? (Gers., Déf., 1400, 221)

Se tu veulz aucune chose prouffiter, conserve toy en la cremeur de Dieu et ne soies mie trop franc, mais retien tous tes sens soubz discipline et ne te donne ja a liesse descouvenable. (Internele consol. P., 1447, 329)

Avoir liesse de + inf.

L'aise que j'ay dire je ne sauroye, Quant Souvenir et vous me racontés Les tresdoulx fais, plaisans et plains de joye De ma Dame, qui sont congneuz assés En plusieurs lieux, et si bien renommés Que d'en parler chascun en a liesse. (CH. D'ORLÉANS, Ball. C., c.1415-1457, 58)

Liesse vient à qqn

LE MESSAGIER [à Janicola] . (...) Preudons, ma dame si m'envoie Vous querre pour venir a court, Car lÿece vient et accourt A vous et a vostre lignie. (Gris., 1395, 97)

Car léesse ne puet a moy venir, Se par vous n'est, belle de moy amee (Garenc., Poésies N., 1400-1415, 61)

Prendre liesse. Se réjouir.

LE CONTE MALADE. (...) Si pleust a Dieu nostre sire, Mourir voulsisse. L'OSTESSE. Pour Dieu, sire, de vous plus n'isse Tel parler ; mais prenez leesce : Je vous amain une maistresse Qui de ce mal vous gairira (Mir. emper. Romme, 1369, 293)

...a Dieu vueille plaire Que les noces de mon filz voie Si que leesce y prengne et joye (Mir. st Alexis, 1382, 299)

[À propos d'un animal]

Quant la dame le regardoit [le lion] De ses dous yeus, plus n'atendoit, Eins retournoit legierement Vers sa dame si liement Qu'il n'avoit doleur, ne tristesse, Ne chose contraire a leesse, Tant com cils regars li duroit Qui de tous ses maus le curoit ; Si se couchoit moult doucement Aus piez la dame, et humblement Resgardoit son trés dous viaire. (Mach., D. Lyon, 1342, 181)

2.[Sentiment collectif]

Sentiment de satisfaction, de contentement.

Si le trouvèrent bien pourveue et garnie, et estoient li signeur tout aisse et en grant lièche. (Froiss., Chron. R., X, c.1375-1400, 137)

Et, à l'occasion d'ycelles [trêves] , se commencèrent aulcuns des pays sur lesdictes frontières à remplir de laboureurs, bestail et aultres choses. Mais ceste léesce ne leur dura point gramment. Car en dedens le premier demi an, les parties furent si restives et entretoulliées ensamble, qu'ilz commencèrent comme devant à demener très forte guerre l'un contre l'autre. (Monstrelet, Chron. D.-A., t.5, c.1444-1453, 26-27)

[À propos de l'accueil réservé par la population à un personnage, à propos d'un événement important ou festif] Joie débordante.

Et aussy au soyr l'en a fait par les rues publiquement feus en signe de joye et de leesse pour la revenue dudit seigneur. (Baye, I, 1400-1410, 261)

...et, incontinent après ces nouvelles oyes, on fist sonner les cloches es eglises de Paris et chanter Te Deum laudamus en signe de très grant joye et liesse (Fauq., I, 1417-1420, 306)

«...lesdiz conseilliers concloyrent faire sonner cloches par les esglises de ladicte ville, en signe de liesse, et à l'endemain faire procession, tant pour lesdictes joyeuses nouvelles que pour la indisposicion du temps...» (Lettres Louis XI, C., t.1, 1438-1461, 108)

Ainsi dura la feste en toute liesse, tant en jouxtes, tournais que en autres esbatemens. Pris et joyaulx y eut donné aux chevaliers, tant d'Espaigne que d'Esture. (Cleriadus Z., c.1440-1444, 115)

En ce temps, la royne, femme du roy Charles, acoucha d'un filz, lequel fut nommé sur les fons Loys, premier Daulphin de Viennois. Pour la nativité duquel fut faite grand leesce et grand joye par toute son obéissance, et par espécial en sa bonne cité de Tournay. Et furent fais grans feux par toute la ville, et crioit le commun Noël ! à haulte voix, en menant grant joye et leesce. (Monstrelet, Chron. D.-A., t.4, c.1444-1453, 173)

Liesse de coeur

Vous devés savoir que grant lièce de coer et grant joie fu là entre les Englès, quant il veirent et sentirent que la place leur estoit demorée, et que la nuitie avoit estet pour yaus. (Froiss., Chron. L., III, c.1375-1400, 188)

À grande liesse

LE SECRETAIRE en lisant. (...) Et ils [seigneurs et dames de noblesce] seront a grant lÿece Receüz (Gris., 1395, 23)

LE MESSAGIER. (...) Venez tost ! (...) Qu'a tresgrant lÿece y serez. (Gris., 1395, 97)

Et, quant ilz eurent souppé à grant joye et grant liesse, comme la guerre le requiert (car elle hait gens tristes et paoureux), le conte de Parvanchières se tira appart en ung petit champ loing de toutes gens, voyant que nul ne povoit approucher de lui pour l'escouter, fors seullement ceulx qu'il appelloit à son conseil. (Bueil, I, 1461-1466, 187)

Joie des élus au Paradis.

Grace en soit a lui en la gloire de paradis, ou est toute joye et liesse (Crap., Cur Deus, De arrha B.H., c.1450-1460, 255)

Si voulés avoir la lïesse Du rëaulme de paradis, De voz maulx faiz ayés tristesse. Penitence faictes, amis. (Pass. Auv., 1477, 124)

En paradis nul bien ne cesse, En paradis n'a nul forfait, En paradis se tient lÿesse, En paradis n'est poinct tristesse (La Vigne, S.M., 1496, 422)

B. -Par métonymie.

1.Personne qui est source de joie.

Dame, (...) tu es la leesce d'Israel, c'est des crestiens desquelx tu as l'ire reconsiliée et appaisié (Mir. femme, 1368, 180)

...mon enfant y perdy, qui Ma joie estoit et ma leesce (Mir. st J. Paulu, c.1372, 127)

Adieu vous dy, ma tresbelle maistresse ! Adieu vous dy, mon souverain plaisir ! Adieu vous dy, ma joie et ma liesse ! (Garenc., Poésies N., 1389-1415)

Et pour ce fut dit de la saincte dame Judith, louee de tout son peuple : Tu es la gloire de Jherusalem, tu es la leece d'Israel, tu es l'onneur de nostre peuple, a qui Dieux a donné force d'omme, de laquelle tu as ouvré pour ce que tu as amé chasteté. (Chr. Piz., Trois vertus W.H., c.1405, 169)

Comme ainsi soit que la Mort, A grant tort, En droicte fleur de jeunesse Lui ait osté son deport, Son ressort, Sa seule Dame et liesse, Dont a fait veu et promesse, Par destresse, Desespoir et desconfort, Que jamais n'aura Princesse Ne maistresse, Car son cueur en est d'accort (CH. D'ORLÉANS, Songe compl. C., 1437, 106)

Vien, vien, car sans toy ne sera nul jour liet ou heure, pour ce que tu es ma liesse et que sans toy ma table est wide ! (Internele consol. P., 1447, 132)

2.Réjouissance, amusement.

Vostre voulenté sera faitte Si bien, sire, par touz noz diex Qu'il ne verra qu'esbaz et jeux Et leesces, pour le tenir De penser au temps a venir, A brief parler. (Mir. Barl. Josaph., c.1363, 244)

L'autre doit boyre, l'autre doit rire, jangler et bourder et jouer, et, brief, touz esbatemenz et leesces. (Gast. Phébus, Livre chasse T., 1387-1389, 171)

3.MÉDECINE Liesse de Galien. Préparation médicinale à base de pommes, bourrache, zédoaire, perles, muscat, etc. (selon l'Antidotaire Nicolas).

Si soit confit, o camphre pure, Deux onces, par poiz ou mesure, Et des pouldres, sur toute rien, De la leesce Galien, Et de dyamargariton, Moult réconfortans, ce dit on, Dragme et demie rondement Des deux ensemble et égalment. (La Haye, P. peste, 1426, 157)

Leesce de Galien, leticia Galieni en latin, est un électuaire précieux qui conforte le cuer, et vault moult pour resjouir et pour tollir tristesce. (La Haye, P. peste, 1426, 210)

Remarque : Cf. R. Sies, Das 'Pariser Pestgutachten' von 1348, [1977], 78, s.v. leticia Galeni.