LANGOUREUX

adjectif

[T-L : langoros ; GD : langoros ; AND : langurus ; FEW (V, 163a) : languor]

A. -[D'une pers.]

1.Qui est dans un état d'affaiblissement et d'abattement dû à la maladie.

Pour ce Estoie je cheüs en transe Aussi com cils qui voit et pense Sa mort devant li toute preste. Si tournay un petit ma teste En gettant un plaint dolereus, Comme homs veins, mas et langoreus, Et entrouvri l'un de mes yeus Un petit, - car je ne pos mieus, - Pour ce que voloie vëoir Entour moy. (Mach., R. Fort., c.1341, 54)

Chetis seras et langoreus, Car vieilles gens sont souffraiteux (Desch., M.M., c.1385-1403, 6)

ADAM. De tout bien suis habendonné Et pourmené, Ainsy qu'ung chetif langoureux (Myst. Pass. Troyes B., a.1482, 57)

TETRADIUS. Monsieur, vella le douloureux ; Regardez la pitié terrible. PREMIER. Jamais povre homme langoureux Ne souffrit douleur si orrible. DESMONYACLE. Sa, sa, que l'on m'aporte ung crible Pour donner l'avayne aux chevaulx ! (La Vigne, S.M., 1496, 460)

Emploi substantival.

Mon nom se savoir vous voulez, Charite vous m'apeleres, Quar Charite tient en chierte Ceuz que li autre ont en vilte. Je repais les gens familieus Et visite les langoureus (Guill. Digull., Pèler. vie hum. S., c.1330-1331, 76)

C'est un relief pour langoureus, Pour malades et dangereus (Guill. Digull., Pèler. vie hum. S., c.1330-1331, 272)

...vëoient les disciples Grant vertu qui de li [Jésus] issoit Dont les languoureus garissoit. (Guill. Digull., Pèler. J.-C. S., 1358, 172)

Leur vie fut saincte et peneuse, Et après leur mort glorieuse A leurs tombeaux fist Dieu pour eulx Mains miracles aux langoreux, Qui la furent de leurs langours Guaris et obtindrent vigours. (Desch., M.M., c.1385-1403, 162)

Et aussi guarit par signacles A son vivant maint langoreus (Desch., M.M., c.1385-1403, 310)

2.Qui est dans un état d'affaiblissement et d'abattement dû à la tristesse, à la mélancolie, et particulièrement à la passion amoureuse.

Viengne la mors, Je m'y acors, Au langoreus, Quant je recors Les doulz confors, Les regars fors De ses doulx yeux, Qui m'ont amors Au dolent mors Des amoureux (Desch., Art dictier R., 1392, 290)

La mort me tolly ma maistresse Et me laissa seul, langoreux En la conduite de Tristesse. (Chart., B. Dame, 1424, 332)

Lors Pitié par don plantureux Envoie aux amans langoureux Son loyal medicin, Espoir (Narcissus, p.1426, 285)

Il n'est chose si gracïeuse Qu'aprés une dame amoureuse Ensuivir amoureux sejours: La peut on acquerir secours Du don de Grace plantureux, Par quoy les amans langoreux Reçoivent par Mercy santé. (Narcissus, p.1426, 293)

Emploi substantival.

Car chascun se donne merveilles Que n'as pitié des langoreux, Espoir, confort [des maleureux ] (CH. D'ORLÉANS, Rond. C., 1443-1460, 461)

B. -[D'une situation] Pénible, douloureux, triste.

Se je parolle [et je ne sui oïs] - Dont me faut il pour estre resjoïs, Dire et monstrer ma vie langereuse (Froiss., Rond. B., c.1365-1394, 90)

Vierge plainne de grant bontey, Ne soyés ver moy rigoreuse, Car ma coulpë [ma faute, mon remords] est langoreuse Per pichiez et per cruaultey. (Prières saints R., t.2, 1400-1500, 135)

...non contrestant qu'elle saiche bien, et doye scavoir, que tantost elle sera boutee en terre, et sa charoingne rongee de vers, et que en ceste langoreuse vie elle recoit peine, doleur, honte, afflictions, maladies et maleuretés sans nombre. (Gers., Noël, p.1404, 295)

LE LARRON. (...) Ha, Vierge, en ceste mort honteuse, Langoureuse, En ce jour pour moy trespiteuse, Prens de ma povre ame pitié Par ta saincte nativité. (Myst. jeune fille L., c.1413-1445 [c.1530], 74)

...afin que l'Église de ceste maladie langoreuse [le schisme] ne soit plus traveillée (Monstrelet, Chron. D.-A., t.1, c.1425-1440, 149)

Après lequel traictié ainsi fait, mourut audit lieu de Saint Riquier de maladie langoreuse messire Emond de Bomber (Monstrelet, Chron. D.-A., t.4, c.1425-1440, 73)

Et quant elle voit les amans per a per deviser et jouer ensemble, lors renouvellent toutes douleurs en son cuer et tant que en ceste langoreuse vie s'est ahurtee tellement qu'elle en a laissié le mangier (La Sale, J.S., 1456, 240)

En lieu obscur, layt et hideux, Gouffre puant, abhominable, Sommes mis en feu langoureux Et toute peine intollerable. (Myst. Pass. Troyes B., a.1482, 23)

Voir aussi langourieux