LACS

substantif masculin

[T-L : laz1 ; GDC : laz ; AND : lace1 ; DECT : laz1 ; FEW (V, 180a) : laqueus ; TLF (X, 902a) : lacs]

A. -Au propre. Tout ce qui sert d'attache, de lien.

1.[Différents points de vue]

a)[Matière dont est fait le lacs]

Item 2 las de chavertin ['Peau tannée de chevreau'] (...) Item 4 las de fil (...) Item ung lais de vel (Metz Comptes merciers S., 1461, 62)

...lequel portoit l'ordre de la Toison d'or à son col pendue à un las de soie noir (Chastell., Chron. K., t.2, c.1456-1471, 363)

b)[Différents types de lacs]

Aprés li vueill aprendre a lascier toutes manieres de laz, comme sont roiz pour grosses bestes ou pour menues, pouches et bourses, panniaux, laz, chevestres, las qui s'apele de lune, chevestre croisié, laz commun de povre gent et toutes autres manieres de laz, et chascun fet selon sa fourme et maniere, comme ci dessus est figuré. (Gast. Phébus, Livre chasse T., 1387-1389, 143)

Et puet tendre es pertuis, s'il veult, laz commun a un meistre ou laz a deux meistres ou laz de la lune ou petit laz de povre gent ou chevestres ou laz croysié, einsi comme ilz sont ici figurez. (Gast. Phébus, Livre chasse T., 1387-1389, 252)

c)[Utilisations diverses (parmi d'autres)]

Liens, attaches qui retiennent le heaume au capuchon du haubert.

Et Gieffroy couppa au jayant les laz du heaume, et puis lui trencha la teste. (Arras, c.1392-1393, 247)

Ogier luy coupat le las du heaulme et luy ostat (JEAN D'OUTREM., Myr. histors G., a.1400, 196)

Et en courant l'attaint en la lumiere du heaume tant roit qu'il lui rompi les las (Percef. III, R., t.1, c.1450 [c.1340], 59)

...il luy coppa adont lez laz et getta son healme au loing (Comte Artois, c.1453-1467, 57)

Lacet de souliers.

Ilx [les moines] portent mantealx recourciex, Chapealx aguz comme escuiers, Soulers a laix, manges [var. manche, manches] a boton (Dupin, Mélanc. L., c.1324-1340, 55)

Liens qui servent à attacher un prisonnier, chaîne.

Sathan, mon amy, atens moy, Tant que j'aie prins ceste chesne ; C'est affin que mieulx j'en enchesne Aucuns jucques en nostre enfer, Enlasséz en ses laz de fer. (Du Prier, Roy Adv. M., 1455, 102)

Tenir qqn en ses lacs

Autour de luy tant allez et venez Qu'au trebuchet ung bon coup on l'agrappe Et, s'en voz las une foys le tenez, Gardez vous bien que jamais il n'eschappe. (La Vigne, S.M., 1496, 354)

Mettre qqn hors de ses lacs. Libérer qqn de ses liens.

QUART TIRANT. Il est confondu ; Aussi seroi ge tantost las. L'EVESQUE. Sus, a coup, qu'il soit destendu Et le mectez hors de ses latz ! PREMIER TIRANT. Besoing n'a de crier hellas, Car son procés est achevé. (La Vigne, S.M., 1496, 346)

Corde pour pendre qqn.

JUDAS. Mourray je ainsi las, Estranglé d'un las, Sans quelque espoir de soulas ? (Gréban, Pass. J., c.1450, 292)

DESESPERANCE. ...Voicy las, cordes et çaignons Que j'appareille aux compaignons Pour soy estrangler tout a coup. (Gréban, Pass. J., c.1450, 293)

LE PATICIER. Et trahistre larron, On vous pendra d'un las rond (Pasté T., c.1475-1500, 209)

2.En particulier.

a)Cordon servant à prendre au piège, noeud coulant utilisé pour capturer le gibier.

Pren deus bra[n]chetes et les fiche parmi le las contre terre, en jougnant le las au costé (Henri Ferr., Modus et Ratio, Livre deduis T., c.1354-1377, 109)

On les prent [les cerfs] a chiens, a levriers, aux rois, aus laz et autres hernois, a fousses, a treire et autres engins et a force, comme je diray ci en avant. (Gast. Phébus, Livre chasse T., 1387-1389, 62)

On les prent [les loups] a force as chiens, as levriers, as laz et as cordes, mais, s'il est pris en un laz ou en autres cordes, quelles que elles soient, il les coupe merveilleusement tost de ses denz, si on n'i est bien tost pour le tuer, as fousses, as aguilles et as hauscepiez ou a poudres venimeuses que on leur donne en la char, et aussi en autres manieres. (Gast. Phébus, Livre chasse T., 1387-1389, 97)

J'advanceré ung peu mes pas Pour tandre sy nous rects et las, Et puis nous ferons vune trappe. (Pass. Auv., 1477, 140)

Il ne fault qu'au buisson frapper ; Si s'est vune beste d'Aulvernge, Elle foyra et sens esparnhe, S'yra mectre dedans les las ! (Pass. Auv., 1477, 143)

Ne demoura pas long temps que le lyon fut pris par ung lasch de cordes qui tellement l'avoit lyé qu'il n'en pouoit eschapper. (Colart Mans., Dial. créat. R., 1482, 125)

Tendre les lacs

Et garde que le coeur de ta haye, ou tu tendras tes las, soit bien aventé(e), c'est a dire qu'elle soit au dessoubz du vent (Henri Ferr., Modus et Ratio, Livre deduis T., c.1354-1377, 107)

Et si vous deviseron un peu de la maniere du tendre les las et comme on les doit garder. (Henri Ferr., Modus et Ratio, Livre deduis T., c.1354-1377, 108)

...et vecy subitement les veneurs qui commencerent a tendre leurs las et roiz pour les prendre. (Colart Mans., Dial. créat. R., 1482, 164)

[Dans un cont. métaph.]

...car comme dit Dauid : in via hac qua ambulabam absconderunt laqueum michi, en la voie par ou ie marche ilz ont musse [l. mussé] le las ou la rethz pour me prendre. (Cib., p.1451, 198)

b)Cordon servant à attacher le sceau à un acte officiel (le sceau de cire est appliqué sur des cordons de soie qui passent à travers deux trous pratiqués à la partie inférieure de l'acte repliée sur elle-même).

...si comme est plus à plain contenu en noz lettres faictes sur ce, seellées en las de soye et cire vert (Responses roy de Fr. D., 1362, 83)

'Savoir faisons que nous avons prommis et prommetons baillier ou faire baillier et delivrer realment et de fait au roy de France (...) lettres seelées de nostre grant seel en las de soie, en cire vert.' (Froiss., Chron. L., VI, c.1375-1400, 34)

...ses lettres patentes séellées de cire vert et en laz de soye (Ch. VI, D., t.1, 1382, 37)

...les lettres du Roy, nostredit seigneur, seellées de son grant seel en las de soie et cire vert (Trés. Reth. S.L., t.2, 1388, 350)

...et presenterent à la Court certaines lettres royaulz patentes, seellés de cire vert en las de soye (Fauq., I, 1417-1420, 121)

...il obtint de nous noz autres lettres de grace et remission en laz de soie et cire vert pour avoir enfraint certaines treves (Chancell. Henri VI, L., t.2, 1432, 230)

3.Par analogie. Lacs d'amour. Motif de décoration en forme de cordons repliés sur eux-mêmes de manière à former un 8 couché.

...il vouloit marquer ou graver en chascun desdiz coings un las d'amours pour signer ou marquer les goubelez d'estain de sa façon. (Ch. VI, D., t.2, 1408, 258)

B. -Par métaphore, au figuré.

1.[Avec une valeur négative de piège et une idée de pouvoir sur qqn]

a)[À propos d'une réalité perçue comme hostile ou menaçante]

Si pri a Dieu que se tu vis Qu'en la biauté de ton doulx vis Puisse encore prendre solaz, Et se mort t'a prise en ses laz, Que Diex ait de t'ame mercy Et que savoir je puisse aussi Ou ton corps soit. (Mir. st J. Paulu, c.1372, 128)

Ainssi grant victoire Orent les Romains, chose est voire, Et a Hanibal meschay, Qui es las Fortune enchay (Chr. Piz., M.F., III, 1400-1403, 227)

SIMËON. O vieillesse, Estat de rudesse, D'impotence et de grant foiblesse, Tant ay vescu que je suis en tes laz. (Gréban, Pass. J., c.1450, 94)

...Dieu immortel, tu m'as fait la promesse Que des laz De mort, matz et las, Ma vie n'atermineras Que n'aye veu Crist, ton filz de noblesse. (Gréban, Pass. J., c.1450, 95)

JOB. ...Mai Dieu, mon confort, mon soullas, Me mettra hors de ce dur las (Myst. Viel test. R., t.5, c.1450, 30)

Ung povre homme n'est jamais riche ; Povreté le tient en ses las (Prov. rimes F.M., c.1485-1490, 73)

b)[À propos des tentations de l'âme] Pièges (du diable, de la luxure...).

[Saint Gilles condamné à mort parle à la fille qui l'a accusé] Dame, ayés conscïence que je ne muyre ja, Ly ennemis vous tente qu'en ses las mis vous a ; Mais dont vous vient a dire ne qui vous advisa De dire que mon corps vostre corps vïola ? (Tristan Nant. S., c.1350, 646)

SECOND DYABLE. Il sont bien cheuz en tempeste, Puis qu'en noz las mis les avons. (Mir. enf. diable, c.1339, 11)

...Que par lui [Dieu] soit gardez mes hoirs De l'ennemi et de ses las. (Mir. enf. diable, c.1339, 17)

Glorieux saint Michiel, delivre Moy de Sathan et de ses laz. (Mir. ev. arced., c.1341, 113)

Tresdoulx Dieu, pére omnipotent, D'un povre pecheur que je sui La grieté, la paine et l'annuy Que je port, sire, regardez En pitié et si me gardez De l'annemi et de ses laz Qui si m'a fait pechier, elas ! (Mir. st J. Paulu, c.1372, 121)

...et si deçoit ainssi l'ame qui il tient en sez las et luy fait apparoir devant luy, quant il luy plait, plusieurs personnes, et d'onmes et de fames (Songe verg. S., t.1, 1378, 399)

...vaillaument resistera en Dieu a la male beste luxure, qui tout le monde assaut. Et benoit seront nos chevaliers qui ne chairont point en ses las. (Mézières, Sustance H., 1396, 47)

Certes qui met au derriere la cremeur de Dieu, il ne se porra longuement tenir en bien, ains en encourt plus tost les laz du dyable. (Internele consol. P., 1447, 350)

...quant tu vois clerement ton ame chargee de pechiez, aggrauee de la pesanteur de ce corps mortel, intriquee et enlassee de cures et sollicitudes terriennes, infecte et corrompue de desirs charnelz, (...) en dangier de las infinis (Cib., p.1451, 198)

LE CRESTIEN. (...) O glorieux sainct Nicolas, Quel trespas ! De toy ay receu grant soulas Quant es las De Sathan possedé estoye. (...) A tout jamais damné estoye. (Mir. st Nic. juif, c.1480-1500, 149)

LE GREFFIER. Pour bien pourchasser nostre cause, Encontre le dyable et ses las, Estudions bien ceste cause Des merites sainct Nicolas. (Mir. st Nic. juif, c.1480-1500, 158)

Ceux qui se veullent faire riches encheent es temptacions et es laschs du dyable (Colart Mans., Dial. créat. R., 1482, 136)

Trebucher qqn dans ses lacs

SATHAN. Longuement en vain je labeure Sans trouver sentier ne moyen D'atirer quelque faulx crestien Pour tresbucher dedans mes las. (Mir. st Nic. juif, c.1480-1500, 107)

c)Estre/s'obliger sous lacs. Être/se mettre sous l'emprise, sous l'influence (de qqc.).

Par le pays fus jeune enffant Longtemps en querant mes solas Tousdis en joye triumphant Jusqu'a tant que je fus soubz las. (Chast., Temps perdu D., a.1450, 30)

O doulx venin, o tresmortelle vie, Prison plaisante et tresdure liqueur, Mal convoitié, requise maladie (...), Qui te requiert s'oblige bien soubz las. (Lyon cor. U., 1467, 61)

d)[Dans la rhét. amoureuse]

Estre pris dans les lacs de qqn. Être pris dans des liens affectifs dangereux, néfastes.

Dame qui cuidiez trop savoir, Mais vostre sens tourne en folie, Et cuidiez les gens decevoir Par vostre cautelle jolie, Qui croiroit vostre chiere lie Tantost seroit pris en voz las (CH. D'ORLÉANS, Ball. C., c.1415-1457, 137)

Se retraire des lacs de qqn. Se retirer de l'emprise qu'exerce qqn.

Se celle que jadiz servoye De si bon cueur et loyaulment, Dont tant de maulx et griefz j'avoye Et souffroye tant de tourment, Se dit m'eust au commancement Sa voulenté, mais nennil, las ! J'eusse mis paine aucunement De moy retraire de ses las. (Villon, Test. M., 1461-1462, 66)

Les pièges d'Amour.

Si fais trop mal, se tu [Amour] me bas, Quant je me ren et que pris m'as, Car prisonnier on ne doit pas, S'on l'a vaincu, Batre ne ferir en nul cas, Eins doit on voloir son respas. Helas ! or me bas en tes las, Pris et rendu ! (Mach., R. Fort., c.1341, 45)

Ilz voient bien les laz qu'Amours leur tendent, Maiz de leur gré dedens les laz se rendent. (Chart., D. Fort., 1412-1413, 160)

2.[Avec une valeur plutôt positive]

a)Recevoir qqn en ses lacs. Accueillir qqn dans son coeur.

...Les apostres si n'ourent pas Robes vestues de tieux draps, Croches, mistres d'or ne d'argent, Ains se tenoient simplemen[t] Sans eulz vivre orguelleusement Pour recevor Dieu en leur las. (Henri Ferr., Modus et Ratio, Livre deduis T., c.1354-1377, 37)

b)[D'une chose abstr.] Estre feru en un très fort lacs. Être retenu par des liens étroits.

LE JUIF. (...) Je n'y voy rime ne raison De vouloir nostre loi desdire. Jamais n'y vouldroye contredire : A moy seroit grant trahison. Toute ma maison En est soubtenue ; Parquoy mesprison Auroye encourue. Ma foy est ferue En ung tres fort las ; Mais, quant ma voulenté se mue, C'est des faictz de sainct Nicolas. (Mir. st Nic. juif, c.1480-1500, 79)

c)[Dans la rhét. amoureuse]

Lien affectif qui attache une personne à une autre.

Se d'amour veulx fouyr les dangiers, Esloingner certes te couvient Et de celle toy estrangier Car le las de femme fort tient ; L'aymant l'esguile retient Quant auprés est mise sans doubte (Garin, Compl., 1460, 72)

Ce qui retient, séduit la personne qui aime.

Mais si dui oueil Qui de mon cuer vorrent passer le sueil Par leur rigour et par leur bel accueil, Pour moy donner le mal dont je me dueil, Furent riant, Nom pas moult vair, pour estre plus poingnant Et plus agu, dous, humble et attraiant, Tous pleins de las pour loier un amant En amour pure (Mach., J. R. Beh., c.1340, 69)

Helas ! Gentil dame, pour Dieu, n'ociëz pas Vostre loial ami, qui en vos las Est si laciez qu'il en pert tout solas Et toute joie. (Mach., J. R. Beh., c.1340, 76)

Pour moy deduire et soulacier Et pour ma pensee lacier En loial amour qui me lace En ses las, ou point ne me lasse, Car jamais ne seroie las D'estre y, ne n'en diroie 'helas', Vueil commencier a chiere lie, En l'onneur ma dame jolie, Chose qui sera liement Vëuë, et joliement Faite de sentement joli Et de vray cuer, qui est a li. (Mach., F. am., c.1361, 143)

...mes cuers en ses las Gist et demeure (Mach., F. am., c.1361, 160)

...luy [qui] estoit prins ou las d'amours et feru bien a bon escient, ne veult pas pourtant sa queste abandonner. (C.n.n., c.1456-1467, 294)

Tomber dans les lacs d'une femme. Être séduit par une femme.

Mais Amour m'a si bien chacé Que je suis en voz laz cheü. (Chart., B. Dame, 1424, 340)