HEUR

substantif masculin

[T-L : ëur ; GD : eur ; AND : eur1 ; DECT : ëur ; FEW (XXV, 886a) : augurium ; TLF (IX, 809a) : heur]

A. -Hasard, destin, sort (favorable ou non).

Diex ! que j'ay cuer fol et volage, Qui ay dit que je la lairay A amer ! certes non feray : Puisque eur la m'a destinée, Je croy que Dieu la m'ait donnée, Si mettray paine a li amer. (Mir. emper. Romme, 1369, 255)

...Son faus samblant, sa fausseté prouvée, Son grant orgueil, sa durté où tenrour N'a ne pité, qui tient en tel langour Mon dolent cuer en estrange contrée. Et si maudi Fortune et son faus tour, La planette, l'eür, la destinée Qui mon fol cuer mirent en tel errour Qu'onques de moy fu servie n'amée. (Mach., L. dames, 1377, 192)

...ung tressage jeune clerc arriva de son eur en la cité, qui venoit freschement de l'université (C.n.n., c.1456-1467, 568)

Helas ! on voit en quel point luy va l'heur Ne en quel cas luy est tourné fortune Qui jusques cy luy a esté fort une Pour sa haulteur et grant perfection (...). Dont en plourant sa mort au cueur fort j'é (La Vigne, V.N., p.1495, 315)

Disposition (d'une pers.).

J'ay fait deshonneur Aux dames quant leur Maistrise et valeur Et excellant eur Je lessé derriere, Car d'ung traÿteur, Meschant serviteur Fis maistre et seigneur De mon doulent cueur (Narcissus, p.1426, 302)

Bon heur. Chance, bonne fortune, bonheur.

E ! enfes, doulce creature, Bien puisses tu ore estre nez Et bons eurs te soit donnez ! (Mir. nat. N.S.J.C., c.1343, 212)

Esperance qui m'asseüre, Joie sans per, vie à mon vueil, Dous penser, sade nourriture, Tres bon eür, plaisant accueil Et maint autre grant bien recueil, Quant Amours m'a tant enrichi Que j'aim dame, s'aten merci. (Mach., Bal., 1377, 548)

Et tant qu'ilz [leurs maris] leur tenoient leurs convenances [aux fées] ; ilz estoient regnans en grant audicion et prosperité. Et si tost qu'ilz defailloient, ilz les perdoient et decheoient de tout leur bon eur petit a petit (Arras, c.1392-1393, 4)

Las ! Mon amy [Remondin] , or sont noz amours tournees en hayne, noz doulceurs en durté, noz soulaz et noz joyes en larmes et en plours, nostre bon eur en tres dure et infortuneuse pestillence. Las ! Mon amy, se tu ne m'eusses faussee [Mélusine] , je estoye gettee et exemptee de paine et de tourment, et eusse vescu le cours naturel comme femme naturelle (Arras, c.1392-1393, 256)

Assez tost aprez fist le roy cueillir son paveillon, et entra en mer, et s'en va le plus droit qu'il puet en son pays, pensant de triste cuer aux paroles que Melior, la dame du chastel de l'Esprevier, lui ot dictes. Et moult se doubta d'avoir perdu son bon eur. (Arras, c.1392-1393, 306)

Et pour ce dit un ancien sage de astronomie que quant aucun doit avoir un bon eur en mariage, il lui seurvient aucunefois ostacles et empeschemens qui le font retarder ou avancier espoir tant qu'il se treuve aussy comme contraint de sa femme espouser en bonne constellacion et en bonne heure, qui est signe certain de sa bonne aventure. (Evr. Conty, Harm. sphères H.P.-H., c.1400, 35)

Se Dieu m'eust donné rencontrer Ung autre piteux Alixandre Qui m'eust fait en bon eur entrer, Et lors qui m'eust veu condescendre A mal, estre ars et mis en cendre Jugié me feusse de ma voys. Neccessité fait gens mesprendre Et fain saillir le loup du boys. (Villon, Test. R.H., 1461-1462, 33)

À bon heur / en bon heur. Avec la chance de son côté, avec certitude de succès.

...si portez en bon eur A mon conpagnon ceste lettre. (Mir. enf. diable, c.1339, 41)

DEUXIESME NONNE. (...) a vous vers mienuit iray : Pour nulle riens ne le lairay, Soiez en seur. LE CHEVALIER. Dame, ce soit a bon eur. (Mir. nonne, 1345, 331)

Or nous dites en bon eur Vostre plaisir. (Mir. femme, 1368, 187)

[D'une pers.] De bon heur. Favorisé par le sort.

Vaillant dame et de bon eür, Plus douce que roisin meür ; Dame debonnaire et benigne, Plus blanche que plume de cysne... (Mach., Voir, 1364, 630)

De son bon heur. Par un heureux hasard, pour son plus grand bonheur.

A l'entrée qu'il fist de leur ville, de son bon eur la premiere personne qu'il rencontra ce fut sa femme (C.n.n., c.1456-1467, 287)

...trouva de son bon eur sa dame assez encline a passer sa requeste, dont il ne fut pas moyennement joyeux. (C.n.n., c.1456-1467, 315)

Dur heur. Mauvaise fortune, malheur.

Et à esture Droiture Com non seüre S'oscure, Quant vo figure Figure Ma mort et mon dur eür, Par sa morsure, L'ajure Et de mesure M'espure. (Mach., Les lays, 1377, 306)

Grand heur. Bonne fortune, réussite.

Bien doy loer et gracier La doulce vierge debonnaire, Qui tant m'a volu d'onneur faire (...) que j'avray roy A mari de gentil arroy : C'est grant eur. (Mir. femme roy Port., c.1342, 166)

Onques riens ne creint ne doubta, Car riens ne le bransle n'esloche, Einsois est trop plus c'une roche Fors, fermes, certeins et seürs. Certeinnement, c'est grans eürs, Autant au grant comme au meneur, Qui tient tel dieu pour son signeur. (Mach., C. ami, 1357, 48)

Et de ceulx, dit uns appellez Gervaise, que les luitons vont de nuit et entrent dedens les maisons sans les huys rompre ne ouvrir, et ostent les enfans des berceulx et bestournent les membres ou les ardent. Et, au departir, les laissent aussi sains comme devant, et a aucuns donnent grant eur en ce monde. (Arras, c.1392-1393, 3)

...l'achevement de sa gente chasse luy estoit plus grand eur et trop plus desiré que nul aultre quelconque bien qui luy povoit jamais advenir. (C.n.n., c.1456-1467, 183)

Mal heur. Malheur, mauvaise destinée.

Quant on ordonne une bataille, Se cils qui l'ordonne est bon mestre, Il doit toudis son signeur mestre Au mieus et au plus asseür, Pour eschuer tout mal eür. Si ne puet avoir deshonneur Cils qui la tient pres son signeur, Et si n'a pas les premiers cos. (Mach., F. am., c.1361, 149)

- Dont vient ce mal ? - Il vient de mon mal eur : Quant Saturne me fist mon fardelet (Villon, Poèmes variés R.H., c.1456-1463, 71)

En mal heur. Par malheur.

Que ferez vous en mal eur ? Emporterez vous mon enfant ? Nanil, non, je le vous deffant (Mir. st Sev., 1362, 195)

B. -Chance, bonne fortune, bonheur, prospérité, réussite.

Car s'Amours vuet qu'en si haut degré soie, Tous les amans sormonteray de joie, N'en ce monde plus ne souhaideroie Joie n'avoir ; Et se j'y fail, pour vous morir vorroie, Car mon heür et tout mon temps perdroie N'en ce monde de riens ne serviroie, A dire voir. (Mach., Compl., 1340-1377, 257)

Et la fis je mes orisons A Dieu, et mes afflictions, Qu'il me vosist sauver ma dame En honneur, en corps et en ame, Et qu'eür, scens, grace et vigour De garder sa pais et s'onnour Me donnast, et de li servir Pouoir, si com je le desir, Et qu'elle eüst com raisonnable Mon petit service aggreable. (Mach., R. Fort., c.1341, 143)

S'avoit en li sens, honneur et biauté, Grace, doulceur, eur, humilité... (Mir. st Sev., 1362, 239)

Ce que ce monde voy muable, Cheant d'eur en meseur, Et c'on n'y vit point asseur... (Mir. Pierre Changeur, c.1378, 284)

Haa, Melusigne, dist Remond, dame de qui tout le monde disoit bien, or vous ay je perdue sans fin. Or ay je perdu joye a tousjours mais. Or ay je perdu beauté, bonté, doulcour, amistié, sens, courtoisie, charité, humilité, toute ma joye, tout mon confort, toute m'esperance, tout mon eur, mon bien, mon pris, ma vaillance, car tant pou d'onneur que Dieu m'avoit prestee me venoit de vous, ma doulce amour. (Arras, c.1392-1393, 243)

...ou plus a savoir Et bonté doit plus eur avoir (Chr. Piz., M.F., I, 1400-1403, 82)

'...toutesfois, seigneur, pour l'eur de mon aventure, qui suis le premier, si treshumblement que je sçay, que je doy et que je puis, vous requier et supplie que se vous acordez ces armes parfaire a nulli de vostre court que ce soit a moy'. (La Sale, J.S., 1456, 103)

...qui oyoit le chevalier, jamais tant d'eur n'advint a la meschine que de luy accorder son amour. (C.n.n., c.1456-1467, 115)

...[il] tenoit a belle adventure que d'avoir eu cest eur et avoir joy de l'amour de sa dame (C.n.n., c.1456-1467, 393)

...si a ceste foiz, comme j'espere, la fortune me donne eur, plus jamais n'y [en voyage] veil aller (C.n.n., c.1456-1467, 561)

Auquel [Louis XI] doint Dieu l'eur de Jacob Et de Salmon l'onneur et gloire - Quant de prouesse, il en a trop, De force aussi, par m'ame, voire -, En ce monde cy transsitoire Tant qu'il a de long ne de lé, Afin que de lui soit memoire, Vivre autant que Mathussalé (Villon, Test. R.H., 1461-1462, 27)

Mon secours a vous seul s'amort, Dont vous en aurez la liqueur, Car vostre dueil a contre cueur Me vient, congneu vostre tristesse, Dont d'icelluy aurez quelque eur Au jour d'uy, par priere expresse. (La Vigne, S.M., 1496, 412)

Bonne étoile.

...Se di qu'Heür estoit, quant je fu nez. (Mach., Compl., 1340-1377, 261)

Par personnification.

Et si me fait tant de mal endurer Que perdu ay toute m'envoiseüre, Ne nulle riens ne me puet conforter, Qu'Eürs me het et Fortune m'est dure. (Mach., L. dames, 1377, 52)

Nulz ne saroit comparer ma hachie ; Car Pitez s'est pour ma mort endormie, Grace et Eür m'ont guerpi Et Fortune m'est contraire. (Mach., L. dames, 1377, 71)