GRÉ

substantif masculin

[T-L : gré2 ; GD : gré1 ; GDC : gré ; DEAF, G 1275) : gré1 ; AND : gré1 ; DECT : gré ; FEW (IV, 249b,250a) : gratus ; TLF (IX, 461a) : gré]

A. -Assentiment, consentement ; satisfaction, goût qu'on trouve à qqc. ; volonté.

1.Assentiment, consentement.

'La XIIe reigle si est que le chevetaine, lieutenant ou gouverneur doye bien garder et de fait que en la terre de son seigneur les subgiez ne soient guerriez de tailles, de gabelles, et d'imposicions, sans leur gre et royalle auctorite...' (Mézières, Songe vieil pèl. C., t.1, c.1386-1389, 517)

C'est bien grevable, Mal deliteux, fermeté varïable, Arrest mouvant (...) Vouloir sans vueil et sans gré consentir, Crainte hastive, Seure päour, hardïesce craintive, Desir forcé et force volentive, Advis musart, muserie soubtive, Clarté obscure, Loyal meschief, desloyale droitture, Conseil ouvert, descouvrant couverture, Temps sans exploit et paine a l'aventure. (Chart., D. Fort., 1412-1413, 191)

Locution adverbiale.

Bon gré. Volontiers, sans rechigner.

Advancés vous, bon gré ! Ma vie, Le fillet est si plein qu'il romp. (Pass. Auv., 1477, 126)

Bon gré mal gré/de gré ou de maugré. Qu'on soit d'accord ou non, qu'on le veuille ou non.

SATHAN. (...) Je vous auray par quelque bout, Et si en ferez a mon goust Bon gré, maulgré, vueillez ou non. Trop me seroit villain renom D'estre succumbé en ce point. (Myst. jeune fille L., c.1413-1445 [c.1530], 26)

Au fort, puis que suis en la dance, Bon gré maugré, m'y fault fournir, Et n'y sçay de quel pié saillir (CH. D'ORLÉANS, Rond. C., 1443-1460, 470)

...car vouloit bien [le duc] qu'ils [les habitants d'Utrecht] sceussent et qu'ensi l'entendissent que fust ou du gré ou de maugré, court ou long, il y entreroit (Chastell., Chron. K., t.3, c.1456-1471, 137)

...comme aulcuns incitoient le roy de le faire ployer [le duc de Bourgogne] bon gré maugré (Chastell., Chron. IV, D., c.1461-1472, 157)

Sy le cuida retenir le duc de Bretaigne, mais le chevalier vermeil luy ala au devant et l'apoigna par le heaulme sy fort, bon gré mal gré, qu'il l'abaty emprez l'autre sur la plaine. (Jehan d'Avennes F., c.1465-1468, 96)

Bon gré mal gré qu'en ait qqn. Quoi que puisse faire ou dire qqn.

Compain, se Dieu me begnie, Bon grez, maul gret qu'an a Marie, Parlés avés monlt saigement, Je m'y acorde vrayement. (Pass. Autun Biard F., 1470-1471, 109)

Du (bon) gré/par le gré de qqn.

Avec l'assentiment, le consentement de qqn.

Par vostre gré, je m'en iray. (Mir. pape, 1346, 361)

...Si qu'anuit je feray couchier Ma fille Aliste (...) Du gré Berthain avec le roy. (Mir. Berthe, c.1373, 167)

...lequel lit il avoit prins à la fontaine saint Denis oultre la porte en l'ostel de ladite dame de Fymes, sa maistresse, de son sceu, gré et voulenté (Reg. crim. Chât., II, 1389-1392, 411)

Et eulz quatre estans sur lesdiz fossez avec ladite Perrete, il qui parle print icelle Perrete par le bras, la mena de son gré et volunté assez loing d'ilec, ouquel lieu, sans aucune force ou contrainte, il ot compaignie charnele à elle une foiz seulement sur lesdiz fossez, sanz la batre ou vilener aucunement. (Reg. crim. Chât., II, 1389-1392, 507)

...le troisiesme de leur gré n'eust pas esté receu sans leur propos changer et transmuer. [Deux amants tiennent à la discrétion de leurs rencontres] (C.n.n., c.1456-1467, 164)

Par bon gré. Sans rechigner.

Et, se il y avoit entre yaus aucuns qui ne fuissent de çou attendre conforté, il leur prioit que il s'en volsissent raler en leurs maisons par bon gret. (Froiss., Chron. L., V, c.1375-1400, 198)

Par le bon gré (de qqn)

...et comment qu'il soit, a l'ayde de Dieu, nous yrons secourir la pucelle que le roy d'Ausay veult avoir par force, dont il me semble mal conseilliez, car quant on les a par leur bon gré et accort en mariage, si y a il a la foiz grant riote. (Arras, c.1392-1393, 150)

Etre du bon gré de qqn que. Avoir l'assentiment de qqn en faisant qqc..

Ce ne fut pas du bon gré de la bonne veille qu'on tarda tant d'obeyr a Dieu. (C.n.n., c.1456-1467, 102)

Estre en gré de qqn que. Convenir, plaire à qqn que.

...mais n'estoit point en gré dudit roy d'Arragon que ce chevalier droit-cy fust eslu à estre de l'ordre, pour cause que luy-mesme avoit requis pour un autre (Chastell., Chron. K., t.3, c.1456-1471, 96)

[D'une chose] Estre à gré à qqn. Être consenti, accordé à qqn.

...et n'estoit office, ne bénéfice, si demander le savoit, qui ne lui fust à gré. (Chastell., Chron. K., t.4, c.1456-1471, 236)

Sans le gré (de qqn)

Et vous, damp roy, vous jurrez par vostre loyauté que vous ne vous partirez point de ceans sans le gré des nobles damoisiaux qui ceans vous ont envoyé par devers nous ; car je feroye villenie de vous mettre en prison fermee, non pas pour l'amour de vous, mais pour l'onneur de ceulx qui vous ont envoyé et tramis. (Arras, c.1392-1393, 164)

(Tout) du gré de qqn. Avec l'assentiment, le consentement de qqn.

Et iront la tout de leur gré. (Chr. Piz., M.F., II, 1400-1403, 234)

...le seigneur de Brederode (...) du gré et consentement de tout le peuple, prist et mena avecques luy deux hommes notables de tous les mestiers (Chastell., Chron. K., t.3, c.1456-1471, 135)

Mal gré que qqn en ait. Quelque opposition que qqn mette à qqc..

Et le roy Braidimons s'approuche du roy Uriien, et cil, qui sentoit que son cheval aloit par terre, laisse l'espee aler et embrace le roy Braidimont par le faulx du corps et le tire a terre du cheval mal gré qu'il en ait. Et au cheir il guerpy les estriers, et tira le roy Braidimont soubz lui. (Arras, c.1392-1393, 138)

2.Satisfaction, goût qu'on trouve à qqc..

Satisfaction, plaisir.

Puis qu'autre rien ne me puet plaire Ne le gré de mon cuer actraire Fors voustre beauté seulement, Helas et pourquoy ne comment La me veult Fortune fortraire ? (Chart., R. Bal., c.1410-1425, 382)

À gré. De façon satisfaisante.

NOSTRE DAME. Amis, tu m'as servie a gré (Mir. enf. diable, c.1339, 46)

...Ne jamais ne descouveres Nostre amour, ains le couveres, Et du tout ares volenté De moi amer, servir a gré. (Dame Lycorne G., c.1349-1350, 15)

...ainsi avarice atise Le cuer de cil ou el se fiche, Si que n'est jamais a gre riche. (Chr. Piz., Chem. estude P., 1402-1403, 197)

...nesung d'eulx a part n'estoit pour la seulle servir a gré. [D'une femme déçue par ses amants] (C.n.n., c.1456-1467, 237)

...tant les servoit a gré en tous leurs affaires qu'elle estoit digne d'ung grand guerdon en recevoir. [Une servante idéale] (C.n.n., c.1456-1467, 268)

Au gré de qqn. Pour la satisfaction, le bien-être de qqn.

Proverbe. Un bon ami pour l'autre veille au gré d'autrui, non pas au sien

Non pourtant, Bonne Amour conseille -- Et moult souvent le dit on bien -- Q'un bon amy pour l'autre veille Au gré d'autruy, non pas au sien. (Chart., D. Rev., a.1424, 307)

Au goût, à la convenance de qqn.

Et, a mon gré, Cils chevaliers en a moult bien parlé -- Car en escript l'ay ci dessus trouvé -- Et par raison s'entention prouvé, Ce m'est avis. (Mach., J. R. Beh., c.1340, 124)

Ma chiére dame, a vostre gré Faire du tout en tout m'atour. (Mir. abbeesse, 1340, 74)

LE MARQUIS [à Griseldis] (...) je n'ay matronne, Ne dame nulle en mon hostel Qui le fist si bien ne si bel A mon gré comme tu feroies. (Gris., 1395, 89)

...mon plaisir seroit tresbien De l'avoir [Nathalie] pour femme et espouse, S'il luy plaisoit, sans aultre pose, Car je ne sçay femme ou pays Mieulx a mon grey et bon advis, Qu'elle seroit, se sa plaisance Estoit de faire l'acoinctance (Myst. st Adr. P., c.1450-1485, 172)

Qui fut bien mal content, ce fut nostre homme, qui se pensa (...) aux nopces qui trop a son gré luy coustoient (C.n.n., c.1456-1467, 122)

De gré. Avec plaisir.

Il me couvient Son commandement prendre en gré. Je ne le ferai pas de gré, Mais volentiers ['sans rechigner'] (Froiss., Dits Débats F., 1363-1393, 142)

Quant au gré de qqn. Au goût de qqn.

Par ma foy, ma doulce amour, vous avez trop plus fait pour moy que je n'ay pour vous, quant vous me avez fait le don de vostre noble corps et herite de vostre noble royaume, et avecques moy n'avez rien prins que mon corps. Dont respond la pucelle : Par ma foy, monseigneur, le corps de vous vault mieulx que .X. royaulmes et fait plus a priser, quant a mon gré. (Arras, c.1392-1393, 192)

Avoir (bon) gré de qqc. Avoir satisfaction de qqc.

...se Madame savoit que de nous vensist, sommes certaine que elle n'en saurait pas bon gre [l. gré] . (La Sale, J.S. E., 1456, 361)

...serez homicide de vous mesmes ; et si n'en arez ja gré [À un homme qui se meurt d'amour] (C.n.n., c.1456-1467, 177)

Avoir mal gré de qqc. Etre mécontent de qqc..

Il le vous convendra souffrir, Mavais gré que vous en aiez (Mir. enf. diable, c.1339, 9)

Avoir le mal gré de qqn. Mécontenter, fâcher qqn.

Si en vueillez porter mon fais, Chiére vierge, envers mon seignour ; Autrement seroie en cremour Que je n'eusse son mal gré. (Mir. enf. diable, c.1339, 3)

Encourir le mal gré de qqn. Déplaire à qqn.

Prince amoureux, des amans le greigneur, Vostre mal gré ne vouldroye encourir, Mais tout franc cueur doit, par Nostre Seigneur, Sans empirer, ung povre secourir. (Villon, Test. R.H., 1461-1462, 84)

[Dans une formule de malédiction]

Mal gré ait qqn (de qqc.). Que qqn soit maudit.

Cil qui tu as ramenteü Ait hui mau gré de ce deduit, Car, atout ce meschief, je cuit Que perdu aions nos faucons (La Buigne, Rom. deduis B., 1359-1377, 188)

Et je n'en ay gueres plus prins : J'en ay deux [points aux dés] , ma part est faicte : Mau gré en ait le faulx prophete Que je voy la cruxifïé ! (Gréban, Pass. J., c.1450, 344)

'...honis soyéz quant sy m'aveiz frappeit ! L'estour feray, sy aiéz mal greit !' (JEAN D'OUTREM., Myr. histors G., a.1400, 4)

Mal gré qqn

Mau gré Jupiter et Mercure Quant oncques je m'entremis d'eulx ! (Gréban, Pass. J., c.1450, 363)

Avoir son gré (d'une femme). Avoir les faveurs (d'une femme).

'...Or avera Fedry son gré et son talent De celle qui est moie par droit espeusement !' (Hugues Capet L., c.1358, 220)

Estre le gré de qqn. Convenir à, être agréable à qqn.

'Chevauciés en France devers le roy (...) et li dittes que je le mercie grandement des biaus presens que il m'a presenté. Mais ce n'est mies li grés ne la pais dou roy d'Engleterre, mon signeur, que je les retiegne.' (Froiss., Chron. L., IV, c.1375-1400, 10)

Estre au gré de qqn. Être en faveur auprès de qqn.

...elle estoit tant au gré de la comtesse de Charolois que par faveur y mise, elle en faisoit sa toute mignonne (Chastell., Chron. K., t.1, c.1456-1471, 237)

Faire le gré de qqn/faire gré à qqn. Donner satisfaction à qqn.

Donc ne se doit de Dieu retraire Nul pour gré a ses parens faire. (Tomb. Chartr. W., c.1337-1339, 91)

...et quant son maistre estoit venu, il lui disoit : Nous avons un prisonnier que j'ay rençonné. Lequel son maistre lui demandoit : Où est-il ? Il me le fault veoir. Tant qu'il lui menoit, et sondit maistre disoit au bon homme : Il te fault plus païer. Et, quant il qui parle veoit que sondit maistre disoit ce, pour faire le gré de sondit maistre, il prenoit un baston, et frappoit sur tant qu'il rençonnoit plus fort que devant. (Reg. crim. Chât., II, 1389-1392, 95)

Prendre qqc. à/en gré. Trouver qqc. à sa convenance, être content de qqc..

'Prendés en gré ce que vous trouvés ; vous ne poés pas tousjours estre à Paris ne à Digon, à Biaune ne à Chalon.' (Froiss., Chron. R., XI, c.1375-1400, 216)

Si prie a mon Createur que mon tres redoubté seigneur le veulle prendre en gré [mon traité] , et aussi tous ceulx qui l'orront lire. (Arras, c.1392-1393, 1)

Et Scypïon l'Affrequain [moi, Fortune] feiz estaindre. Julius Cesar au Senat je vendiz, En Egipte Pompee je perdiz. En mer noyay Jazon en ung boullon Et une foys Romme et Rommains ardiz. Par mon conseil prens tout en gré, Villon ! (Villon, Poèmes variés R.H., c.1456-1463, 64)

De telz ordures [les escrocs, les voleurs, les histrions] te reculles, Labourre, faulches champs et prez, Sers et penses chevaulx et mulles, S'aucunement tu n'es lectrez, Assez araz, se prens en grez (Villon, Test. R.H., 1461-1462, 131)

Recevoir/recueillir qqc. au/en bon/grand gré. Recevoir qqc. avec plaisir.

...dedens heure de tierce, fu li hoos assés avitaillie. Et quisierent celle nuit toute nuit li four et s'i hasterent a faire dou pain. A painnes estoit la paste escaufee, qant il le traioient hors dou four et le metoient en sas et en paniers ; et puis sus petis chevales il vinrent en l'oost. Tout estoit requelliet ou bon gré et vendu. (Froiss., Chron. D., p.1400, 135)

Li jones rois d'Escoce reçut en grant gré ce que li rois de France li offri, et li creanta ce qu'il requist tout plainnement. (Froiss., Chron. L., I, c.1375-1400, 147)

Supporter patiemment qqc..

S'ensi voles ma mort outrëement, A gré la preng, puis que m'est destinee. (Dame Lycorne G., c.1349-1350, 236)

DIEU. ...Son martir a bien prins en gré, Si le sera bien reparé Ains que passe longue termine, Car son lieu je luy ay paré (...) En ma gloire qui point ne fine. (Du Prier, Roy Adv. M., 1455, 222)

Emploi absolu. Accepter les choses comme elles sont.

COLIN. Un gros vilain estron de chien Luy puisse estouper les babines ! Voila les frauldes feminines. J'en ay ! LE TESMOING. Y te convient prendre En gray. (Mère Ofic. T., c.1500, 126)

Savoir mal gré à qqn de qqc. Etre mal satisfait de qqn pour qqc..

Doulce mére Dieu debonnaire, Ne me vueillés mau gré savoir De ce fait (Mir. femme roy Port., c.1342, 175)

Servir qqn en gré. Donner satisfaction à qqn.

Respond JOSEPH. Syre Pilate, il m'est advis Que vous n'avés de rien mespris. A vostre congier m'an iray Et de mon pouvoir vous serviray, Quar bien m'avés servir en grez Quant le corps Dieu m'avés donnez. (Pass. Autun Biard F., 1470-1471, 127)

SERVANT. Vous serés cy en ceste tente. Pour vous et pour eulx la delivre ; Vostre despence et vostre vivre Aurés a coup. MAISTRE PIERRE. Grant mercy, sire, De cest honneur me doit suffire. Dieu me doint vous servir engré [l. en gré] ! (Myst. st Laur. S.W., 1499, 142)

Tenir mal gré à qqn de qqc.

Vous m'avez touz jours contredit, Et m'en avez souvent tenu Mal gré (Mir. roy Thierry, c.1374, 265)

Trouver qqc. à gré. Trouver qqc. à son goût.

Robbe neufve avoir vous convient, Affin, se d'aventure vient A mariage, la viande Plus à gré il en trouvera. (Coust. Esop. T., c.1500, 157)

Venir à gré à qqn. Convenir à qqn.

Frére, s'il vous vient a plaisir Et a gré, je sui vostre amie. (Mir. Theod., 1357, 97)

Chier espoux, s'il vous vient a gré, Voulentiers visiter alasse Ma cousine, par vostre grace (Gréban, Pass. J., c.1450, 53)

Emploi impersonnel. Venir au gré de qqn. Être au goût de qqn, plaire à qqn..

Quant ot achetté ce qu'il luy vint a son gré, pensa que a tout le moins luy convenoit acheter pour sa femme ce que requis luy avoit, c'est assavoir demie denree de sens. Comment faire n'en savoit. (Nouvelles inéd. L., p.1452, 40)

Venir mal à gré à qqn. Ne plus convenir à qqn, être en défaveur auprès de.

...et tant faisoit de griefs A sa gent que trop mal a grez Leur vint sa signeurie et luy (Chr. Piz., M.F., IV, 1400-1403, 11)

3.Volonté, bon vouloir.

GABRIEL. (...) Faire devons en touz endroiz Vostre vouloir. MICHIEL. Vostre gré ne vueil desvoloir, Mais au faire moy efforcier. (Mir. st Guill., c.1347, 45)

Chiére dame, nous sommes prest A voz grés faire. (Mir. marq. Gaudine, 1350, 152)

Car c'est le vouloir et le gré De Jhesu, mon pére et mon filz (Mir. emp. Julien, 1351, 224)

LE MARQUIS [à Janicola] . (...) Dire lui [Griseldis] vueil celeement Aucune chose et demander Pour moy plus a plain informer De son gré, et elle du mien (Gris., 1395, 36)

Le comte de Saint-Pol, pourvu de sens, qui bien concevoit le cas avec le peuple, rapaisa un peu et refrena son gré (Chastell., Chron. K., t.1, c.1456-1471, 175)

Mais, pour le gré de Dieu parfaire, Contant suis d'endurer la mort, Puisque chascun de vous s'amort A me procurer tel tourment, Prenant en Dieu mon reconfort (La Vigne, S.M., 1496, 343)

Souhait.

La en jurai je Jhesucrist Que ce n'estoit mies mes gres Qu'on veïst ensi mes secrés. (Froiss., Pris. am. F., 1372-1373, 77)

Pour ce vueil bien morir de la dolour Qui par desir mon cuer d'amer enflame, Au gré d'Amours et à l'onneur ma dame. (Mach., L. dames, 1377, 22)

Au grey d'Amours se veult brancher, Portant getz, d'un nyeus tranché, Et, pour une, mettre en servage Le ceur que j'ay comme ramage En liberté nourri tant chier. (Au grey d'amours F.-H., c.1400-1500, 149)

Contre/oultre le gré de qqn. Contre la volonté de qqn, sans tenir compte de la volonté de qqn.

Durant lequel voyage il est reccord que à IIJ ou IIIJ filles pucelles il ot compaignie charnelle oultre leur gré et volenté. (Reg. crim. Chât., I, 1389-1392, 66)

...icellui Julian vint en sadite chambre en laquele il trouva ladite tasse et ycelle, comme sa chose qu'il disoit lui appartenir, print de fait et par sa force contre son gré et volunté l'emporta sanz lui païer yceulz IJ frans. (Reg. crim. Chât., II, 1389-1392, 447)

Disoit aussi ledit procureur du roy que oujourd'uy, contre le gré et volunté des maistres d'ostel de la royne, il avoit oujourd'uy convoïé les littiere et charioz de la royne, de madame de Touraine, et de madamoiselle de Harecourt (Reg. crim. Chât., II, 1389-1392, 457)

...doubtans la fuite ou delivrance desdis prisonniers et conte d'Armaignac, contre les deffenses du sieur de l'Isle Adam, et aussi contre le gré et volenté des gens d'armes estans à Paris (Fauq., I, 1417-1420, 136)

...je me plains a vous de la force qu'il m'a violée oultre mon gré et ma volunté, et malgré moy (C.n.n., c.1456-1467, 160)

De gré. Volontairement, à dessein, exprès.

...meismes l'empereur Agamenon fist, par erreur Ou tout de gré, sa femme occire, Quant fu venu en son empire (Chr. Piz., M.F., III, 1400-1403, 162)

Affin que mieulz ilz peussent savoir la condicion de son ost, ilz laisserent de gré eschapper le plus malvais cheval qu'ilz eussent, et en le syevant, ainssy comme pour le prendre, ilz choisirent tout l'ost. (La Sale, Salade, c.1442-1444, 49)

Or s'en alloit parmy les champs tout seul, qui hommes avoit par millions pour lui faire service, et qui emblé s'estoit tout de gré pour non avoir sieute (Chastell., Chron. K., t.3, c.1456-1471, 242)

Et disoient aucunzs que cest avancement lui fut mis en l'estours tout de gré et à ceste cause, afin que, par l'endormement des honneurs mondains, il laissast couler la diligence de sa poursieute. (Chastell., Chron. K., t.3, c.1456-1471, 334)

...elle, tout de gré retourna la teste de l'autre costé sans lui dire mot ne demy, dont le galant se despita (MART. D'AUV., Arrêts Am. R., c.1460-1466, 204)

De gré volontaire

Jhesus, le doulx et gracïeulx, S'est baillié de gré voluntaire En la main de son adversaire Et s'umilie soubz sa main Pour toy delivrer, gendre humain. (Gréban, Pass. J., c.1450, 310)

Mal (à) gré sien. Contre sa volonté, à contre-coeur.

Parmy le col ly lasseray Et ainsi venir la feray Hors, mau gré sien. (Mir. st J. Paulu, c.1372, 129)

Mais verité ne le dit mie, Que, quant l'ardent amour senti, A son depart se consenti, Et cria par paroule fainte, Afin qu'elle eust plus grant plainte, Que on l'enmenoit mau gré sien. (Desch., M.M., c.1385-1403, 90)

Ainsi un espace de temps fu l'enfant Bouciquat tenu a sejour mal a gré sien avecques le daulphin, tant que moult lui commença a anuyer. (Bouciquaut L., 1405-1409, 21)

SAINT GABRIEL. Aussy veult Jhesucrist ce mort Respiter d'infernale mort. Ça donc, bailliez le nous tantost ! SATHAN. Se vous estïez plus grant ost, Jamez ne nous eschapera ! SAINT RAPHAEL. Mau gré tien, Sathan, sy fera. (Mir. ste Genev. S., c.1410-1420, 115)

Par le gré de qqn. Par le bon vouloir de qqn.

Par vostre gré, les nous prestez [des chevaliers] , Vaillant seigneur Centurïon ; Tous ensemble vous en prïon, Parpaiant haultement leurs gaiges. (Gréban, Pass. J., c.1450, 365)

Faire qqc. de son gré/de son bon/plein gré. Faire qqc. de sa propre volonté.

...nobles homs Thierris de Vendy, escuiers (...) recognut de son bon gré, sans force, que pour son grant profit evident et necessité urgent, il avoit vendu (...) à Julian (...) tout le droit et portion et partie que il a sus les tonnieux de ladit ville de Maisieres (Trés. Reth. S.L., t.2, 1360, 154)

Mais a prendre voluntairement largement et volenté selon ce que elle se estent a appetit intellectif et sensitif, comme nous disons que un chien a volenté de mangier, et a prendre voluntaire pour operacion qui n'est pas involuntaire, comme par violence ou par ignorance, mais que l'en fait de son gré, - en ceste maniere peut l'en dire que les bestes mues et les enfans font aucunes operacions voluntairement (Oresme, E.A.C., c.1370, 183)

...noble homme Jehan de Sconnevelt (...) lequel de son plain gré recongnut que pour son proffit (...) il lui avoit bien et lealment vendu (...) toutes les revenues d'un fiefz a lui appartenans (Trés. Reth. L., t.3, 1451, 332)

...tant que je vive aultre homme n'aray espousé de ma volunté et bon gré que vous (C.n.n., c.1456-1467, 167)

Faire au gré de qqn. Agir selon le souhait de qqn.

Il fault faire au gré de sa femme ; C'est cela, s'on le vous commande. (Cuv. T., c.1475-1500, 46)

[D'une chose] De son (bon) gré. Spontanément, naturellement.

Dyarrie quant elle a longuement tenu, et vomite survient de son gré, c'est cause de garison. (Saint-gille, A.Y., 1362-1365, 91)

Ou comme faisoient les treves [l. trevés] ou trepiéz de Vulcan desquelz dit le poëte que il faisoient de leur bon gré contention divine. (Oresme, Pol. Arist. M., c.1372-1374, 51)

4.Par euphémisme. [Dans des formules de jurement, pour exprimer impatience, colère...]

Dieu bon gré en ait/bon gré Dieu

...Si se commence a aïrer (...) , Si prent et par col et par teste [les faucons] En disant 'Bon gré Dieu, quel feste !' Et si les giete enmy le pré, Mais tost a li sont retourné. (La Buigne, Rom. deduis B., 1359-1377, 107)

Lors commence a crier haro, Et dit pour ce qu'elle se doubte D'un autre qui souvent la boute : 'Ha ! sire, Dieux bon gré en ait ! Hui m'avez vous un enfant fait ; Certes, je croy que suys ensainte.' (Desch., M.M., c.1385-1403, 124)

LE PREMIER BERGIER. Hé ! Je ne parle pas de tendre Que bons grez en ait ore Dieux ! Je di, se tu savoir le vieux, Que j'ay une chose entendue. (Gris., 1395, 98)

CAŸPHE. ...Bon gré Dieu, venez ça, sergens, Prenez le et le menez lëans, Boutez le en bien fortes prisons. (Gréban, Pass. J., c.1450, 376)

Bon gré + nom de saint

Je vous demande Pour six aulnes, bon gré saint George, De drap, damë. (Path. D., c.1456-1469, 104)

LE DRAPPIER. Il me fault neuf frans rondement, Que, bon gré saint Pierre de Romme (Path. D., c.1456-1469, 112)

PATHELIN. On me pende, S'il ne revient, parmy la gorge ! GUILLEMETTE. Et non fait, que, bon gré saint George, Ce seroit bien au pis venir. (Path. D., c.1456-1469, 144)

Et bon gré saint Jehan, qu'esse cy ? Suis je ou l'en sieche les drappeaux ? (Feste roys, c.1475-1500, 303)

Et puis, que dit on ? quelz esbatz ? A quoy pass'on (le) temps hault et bas ? Qu'esse qu'on fait en ceste place ? Ho, ho ! bon gré saint Nicolas, Par la foy de moy, je suis las, Il me fault seoir, nul ne desplace. (Sots mal., c.1480, 77)

LA FEMME. Dieu et les sainctz s'en courrouceront. Or vous taisez ! COLIN. Bon gré sainct George ! (Colin loue dép. Dieu T., c.1485, 171)

[P. affaiblissement]

Bon gré (en ait) ma vie

Celle qui m'a demandé Argent pour estre m'amye, El m'a fait grant villennye : Jamès je ne l'aymeray. Et bon gré en ait ma vie ! Lui fault il prendre retour ? Ne luy doibt il pas suffire Sy je luy donne m'amour ? (Chans. XVe s. P., c.1430-1500, 83)

Recullés vous, bon gré ma vie ! Vous le faut il dire meshuy ? (Myst. Viel test. R., t.1, c.1450, 303)

Boutez la nappe, bon gré ma vie ; Par le sang bieu, j'enrage de faim (Sav. Calb. T., c.1475-1500, 143)

Bon gré ma vie, ma doulce amye, De vous je n'ay aulcun confort. (Sav. Calb. T., c.1475-1500, 147)

Bon gré mon ame

GUILLEMETTE. Ho ! plus bas ! LE DRAPPIER. Et quoy ? GUILLEMETTE. Bon gré m'ame... LE DRAPPIER. Ou est il ? GUILLEMETTE. Las ! ou doit il estre ? (Path. D., c.1456-1469, 94)

LE JUGE. Vous monstrez bien qui vous estes, Sire, par le sang Nostre Dame ! LE DRAPPIER. Hé ! dea, mon seigneur, bon gré m'ame, Je luy vueil... PATHELIN. S'en pourroit il taire ? (Path. D., c.1456-1469, 180)

TRIBOULET. Je vous pry, ostez moy ce fol. SOTTINET. Venez avant, bon gré mon ame ! TRIBOULET. Alarme, alarme, alarme, alarme ! A la mort, a l'ayde, a la mort ! Ha, hay ! ha, hay ! hay ! Il me mord. (Roy sotz, c.1450-1500, 216)

Bon gré mon peché

RAULET. ...Et que ferons-nous, Dieu devant ? LUBINE. Qu'on en fera, bon gré mon peché ! Vous sçavez qu'il est fiancé De la fille de Raoul Macue. Plus belle n'y a en sa rue (Maistre Mim. T., c.1480-1490, 233)

Bon gré mon serment

CHACUN. Cuydez vous que Chascun soit beste ? Qu'esse cy, bon gré mon serment ? (Sots triumph., c.1475, 41)

JOYEULX SOUDAIN. Beau sire, en avez vous despit Se je me tiens honnestement ? BEAUCOP. A ! par le sang que bieu me fist, Nenny, que bon gré mon serment, Que querez vous ? JOYEULX. Mon aysement. (B. veoir, p.1480, 15)

Par plaisanterie. Bon gré les pots. Sur les pots (qu'on aime à boire).

SOTIE. (...) Je vous demande, en brief langaige, N'y a il cy que vous deux sotz ? FINE. Que nous deux sotz, bon gré les potz ? TESTE. Que nous deux sotz en ceste ville ? (Sots triumph., c.1475, 35)

B. -Bonnes grâces, faveurs.

Si pris ja a devenir grant Et de plus enquerir engrant Comment peüsse pour servir Le gré ma dame desservir (Chr. Piz., M.F., I, 1400-1403, 24)

...de vray, sachiés brief et court Qu'il n'est prince qui a sa court [de Fortune] Ne serve, il n'en est nul si grant Et qui d'elle servir engrant Ne soit, pour acquerir son gré, Car par elle sont ou degré De seigneurie et de pouoir (Chr. Piz., M.F., II, 1400-1403, 102)

...mais, en la fin, Ses mesmes gens, a celle fin Qu'ilz eussent le gré des Romains, L'occirent, a leur propres mains (Chr. Piz., M.F., III, 1400-1403, 254)

Prendre qqn en gré. Accepter, recevoir qqn avec bienveillance.

JHESUS. ...Prenez en gré le filz que je vous donne, Vostre nepveu [Jean] qui de vostre personne [Marie] soignera bien, aprés mon grief trespas. (Gréban, Pass. J., c.1450, 340)

...et [Damp Abbé] le envoya presenter a Madame, lui suppliant que le prenist en gre. (La Sale, J.S. E., 1456, 364)

Prendre/recevoir qqn/qqc. à/en (bon) gré. Accepter volontiers, avec bienveillance qqn/qqc., trouver bon, agréer qqc..

Item, il les reçoit benignement et les prent a gré, comme celui qui scet bien que l'en ne lui peut actribuer ou donner plus grans choses que honeurs. (Oresme, E.A., c.1370, 251)

LA SECONDE DAME. Chiere dame, prenez de nous En gré ce que faire savons, Que faire de bon cuer devons Et voulons tout vostre plaisir. (Gris., 1395, 39)

...il avoient esté travilliet de la mer et aussi couchiet trois nuis sus les bruieres. Si prissent en grant gré cel aise et che repos. (Froiss., Chron. D., p.1400, 78)

...toutes adversitéz prendra en gré pour l'amour de Nostre Seigneur (Chr. Piz., Trois vertus W.H., c.1405, 30)

Tous les jours sy vont visiter Les prisonniers et conforter, Que retenons en noz prisons ; Pas bien en grey ne le presnons ; Pourtant, nous il convient entendre D'y remedier, qu'aultre esclandre N'en advint par trop grant souffrance (Myst. st Adr. P., c.1450-1485, 135)

Montbleru se trouva (...) en la compaignie de monseigneur d'Estampes, qui le deffrayoit, qui est une chose qu'il prend assez bien en gré. (C.n.n., c.1456-1467, 396)

...la gouge le print bien en gré, combien qu'elle s'en monstrast doloreuse. (C.n.n., c.1456-1467, 511)

...pourquoy, s'il y a quelque erreur ou negligence de grande investigacion, vous plaise à supporter mon imbescille science et prandre en gré seullement mon bon vouloir (Simon De Phares, Astrol., c.1494-1498, f° 1 v°)

Veez cy viande pour bien repaistre, Ma mere, et prenés en gré. (Pass. Auv., 1477, 106)

Jamais [le jeune] ne prent en gré reprises ; Pas ne veult estre corrigé (Pass. Auv., 1477, 117)

Par moy vous jure, o Juïfz, Que nul prophete n'est pris en gré En son pais. [Réf. à Luc 4, 24] (Pass. Auv., 1477, 121)

Se contenter de qqc..

Mais quant uns petis homs prent en gré sa chevance, Si qu'elle li souffist, on dit en audiance Qu'il est aussi riches comme est li rois de France. (Mach., Les lays, 1377, 338)

'Ma belle serour, je vous pourverai courtoisement de vostre estat pour vous et pour vostre fil ; et entrués s'avisera vostres maris, ou li amour et la compagnie de li et de ce Hue le Espensier se desrompera'. Il convint la roine d'Engleterre prendre en bon gré ce que ses freres li rois de France li offroit, et l'en remercia (Froiss., Chron. D., p.1400, 50)

...toutesfoiz leur fut force de prendre en gré ce qu'ilz trouverent. (Jehan de Paris W., 1494-1495, 26)

Recevoir, accepter qqc. avec résignation.

Mais je li ay convent eu Que set ans respit m'en donroit, Que ja baptizié ne seroit. Prenez en gré : n'en poy plus faire. (Mir. enf. diable, c.1339, 15)

Je pri la vierge (...) que (...) sa doulce grace me doint De recevoir la mort en gré. (Mir. femme roy Port., c.1342, 194)

Le duc de Lancastre, comme saige chevalier et vaillant homme, souffroit et prendoit [tout] en gré, car tout ce faire luy convenoit. (Froiss., Chron. M., XIV, c.1375-1400, 133)

Auquel Breton il qui parle a oy dire par plusieurs fois que il aymeroit mieulx que l'en le feist morir que l'en le meist plus en gehine, et que il prendroit la mort en bon gré, et que, sur l'ame de lui, se l'en le faisoit morir, qu'il prendroit la mort en bon gré, et que l'evesque de Poitiers ne ses gens n'avoient coulpe en chose dont il les avoit accusez. (Reg. crim. Chât., I, 1389-1392, 546)

Lequel prisonnier dist que autre chose ne sauroit dire ou congnoistre que dit a et escript est cy-dessus, et que il prenoit la mort en gré. (Reg. crim. Chât., II, 1389-1392, 90)

...je prens la mort en gré. (C.n.n., c.1456-1467, 141)

Advance toy ; de ce vin boy Pour mieulx en gré prendre la mort. (Pass. Auv., 1477, 206)

Prendre en gré que. Accepter avec résignation que.

JANICOLA [à Griseldis] . (...) Si preng en gré, puis qu'ainsi est, Qu'en fortune n'a point d'arrest. Soies en du tout rapaisie, Car, se tu n'ez a droit aisie, Ne d'abit richement paree, Ne seras tu ja separee De l'amour de Dieu, s'il lui plaist. (Gris., 1395, 87)

Recevoir qqc. en gré. Accueillir qqc. favorablement.

LA NOURRICE. Monseigneur, ce que Dieux envoye Doit chascun en gré recevoir (Gris., 1395, 50)

...ains vueille l'umaine clemence de ton noble courage le recevoir en gre [l. gré] . (Chr. Piz., Paix W., 1412-1413, 60)

C. -Reconnaissance, gratitude.

[Au plur.] Remerciements.

De la grant grace du bien fait, Dame, qu'ay par vous en present Loenges et grés vous present (Mir. parr., 1356, 64)

Avoir gré de qqn

[Ds une formule de souhait]

LA FILLE. Sire, en tout bien, de cuer loyal Vourrienmes vostre vouloir faire (...) En cest manoir. LE ROY. De Dieu en puissiez gré avoir (Mir. femme roy Port., c.1342, 158)

Emploi impersonnel. Estre grand gré de qqc. Qqc. est objet de reconnaissance.

Mais luy remonstra doulcement touttes ses besoingnes, en luy suppliant qu'il voulsist estre bon moyen envers son cousin le roy de France pour luy, et il en seroit grant gré. (Froiss., Chron. M., XIV, c.1375-1400, 125)

Savoir (bon)(grand) gré à qqn (de qqc.). Être reconnaissant à qqn (de qqc.).

SECOND DYABLE. Je feray tant a ceste voie Que ja Dieu ne m'en sara gré (Mir. enf. diable, c.1339, 6)

Sire, moult bon gré vous saray Se vous m'en voulez deporter. (Mir. enf. diable, c.1339, 9)

Les deux freres se trairent a part, pour ce que ilz ne vouloient pas destourber le roy a veoir son deduit, lequel le perceut bien et leur en scot moult bon gré. (Arras, c.1392-1393, 75)

'...Or vous ay-jou compté l'estraction de messire Bertran de Clayequin'. 'C'est verité, sire', di-jou, 'si vous en say grant gré et jamais ne l'oublieray'. (Froiss., Chron. M., XIV, c.1375-1400, 12)

...et tenoit sa fille la duchesse delez luy, et lui estoffoit son estat si avant comme elle pooit, de lui et de ses gens ; dont ceulx qui amoient la dame l'en devoient savoir bon gré. (Froiss., Chron. M., XIV, c.1375-1400, 47)

Beaulx enfans, pensez de bien faire, car vostre pere vous accorde vostre requeste, et je si fais. Et ne vous soussiez, car dedens brief temps j'auray ordonné de vostre fait telement que vous m'en saurez gré. (Arras, c.1392-1393, 83)

Sitos que les nouvelles furent sceues, evous venir signeurs de toutes pars deviers le roi. Et chils qui premierement i vint, ce fu messires Jehans de Hainnau, dont li rois li sceut grant gret (Froiss., Chron. D., p.1400, 287)

...grant gré Luy sçorent Romain (Chr. Piz., M.F., III, 1400-1403, 239)

Car se Dieu faisoit ce qu'il fait comme par contrainte, et que autrement ne peut riens faire fors ce qu'il fait, quelle perfection seroit ce ? Quelle liberté ? Quelle franchise ? Quel gré luy en devroit on scavoir ? (Gers., Trin., 1402, 162)

...lesdis presidens et conseilliers conclurent de dire et dirent à l'advocat et procureur du Roy que la Court estoit bien contente d'eulz et de leur poursuite dessusdicte, et leur en savoit bon gré et les en regracioit. (Fauq., III, 1431-1435, 82)

...je suis seur que bon gré m'en saurez (C.n.n., c.1456-1467, 40)

...les demourez rescripvoient a pluseurs qui grand gré leur en sceurent. (C.n.n., c.1456-1467, 110)

...je vous sçay tresbon gré de la quictance que vous avez faicte au larron de voz chemises (C.n.n., c.1456-1467, 401)

Ma filhe, je vous sçay bon gré. Sire roy, je vous remercie (Pass. Auv., 1477, 106)

Savoir gré à qqn de + inf.

Je ne lui en sçay gré ne graces, De s'estre de tant avancé. (Colin loue dép. Dieu T., c.1485, 170)

Savoir gré à qqn que

Il vous scet tresbon gré que vous m'y avez envoyée. (C.n.n., c.1456-1467, 270)

Ne savoir gré à qqc.

Ne savoir gré à estrier. (Littér. ne rien devoir à l'étrier) Ne pas se servir de l'étrier pour monter à cheval (sauter sur la selle d'un bond).

Quant Gerars se vey armé et son destrier tout prest, il monta sur la selle sans ce que a estrier en seuist grey [var. estrier n'y prent] . (Gérard de Nevers M., c.1451-1464, 183)

...monta sus sans ce que a estrier en seuist grey (Hist. seign. Gavre S., c.1456, 10/1)

...sy monta sus que oncques a estrier n'en sot grey (Hist. seign. Gavre S., c.1456, 49/37)

...sy monta sus que oncques a estrier n'en sceult grey (Messire Gilles de Chin L.-R., c.1400, 180/1214)

Savoir mal/mauvais gré à qqn (de qqc.). Reprocher qqc. à qqn, en vouloir à qqn, garder rancune à qqn (de qqc.).

'...Et, sire, ne m'en voeilliés nul mal gré se je ne le rendi tantost à madame la royne, car je tieng de vous et mon sierement ay de vous, et non à li, fors tout à point.' (Froiss., Chron. L., IV, c.1375-1400, 27)

Le roi voel je deporter (...) mais dus, contes et tous autres hommes d'armes, ochiiés tout. Les communautés de France ne nous en saront ja pieur gret (Froiss., Chron. R., XI, c.1375-1400, 40)

...le duc d'Angou (...) avoit bien entendu que le conte de Foeis avoit pourveu toutes ses garnisons de gens d'armes ; de ce ne l'y savoit il nul mauvais gré (Froiss., Chron. M., XII, c.1375-1400, 59)

Et pour ce que moy et ma femme lui en avons parlé plusieurs fois, en cuidant le retraire de pechié, de dommaige et de villenie, il nous en a sceu tres mauvais gré, et nous het (Trés. Reth. S.L., t.2, 1388, 351)

...il [Geoffroy] se est gouverné par la terre de Surie et par la mer, que s'il veoit deux cens mille hommes, et il n'en eust que dix mille, si se ferroit il dedens. Et le roy Regnault lui respond : Mon frere, si se fauldra sur ce adviser d'estre sur sa garde, que s'il avoit a faire, que on lui feust prez. Je ne lui sauray ja mal gré de cela, car puis qu'il se sent puissant de lui mesmes, et il est hardiz et emprent hardiement, ce n'est que bien, car chose hardiement entreprise et ensuye est a moitié faicte. (Arras, c.1392-1393, 283)

...je ne pense avoir dit ne fait chose dont me devez savoir mal gré (C.n.n., c.1456-1467, 156)

...vous requier que ne m'en sachez nul mal gré, et me veillez pardonner (C.n.n., c.1456-1467, 359)

Avoir mauvais gré à qqn de qqc. En vouloir à qqn, garder racune à qqn à cause de qqc..

Je ne sçay se monseigneur de Saintré m'en avra nul mauvais gré, mais puis que le voulez, ma dame, mon penser est tel (La Sale, J.S., 1456, 276)