GLORIEUX

adjectif

[T-L : glorïos ; GDC : glorios ; DEAF, G 865-867) : gloriaglorios ; AND : glorius ; DECT : glorïos ; FEW (IV, 165a) : gloria ; TLF (IX, 283a) : glorieux]

A. -[D'une pers./d'une chose]

1.[D'une pers.]

a)Qui est digne de louange, de renommée, qui mérite d'être glorifié.

Mais les autres qui mectent felicité es biens de l'ame si sont et ont esté peu, et hommes vertueux et glorieus et de grant renommee. (Oresme, E.A., c.1370, 125)

Maiz Jupiter avec Vénus, Contre leurs cuers illec venus, Qui sont plaisans et gracieux De leur nature et glorieux, Tousjours inclinez à bien faire, Raisonnèrent tout au contraire (La Haye, P. peste, 1426, 34)

Julius Cesar, eureux de victoires et glorieux en empyre, n'estoit il orateur et philosophe excellent ? (Chart., L. Esp., c.1429-1430, 73)

...les roys et princes ou temps passé ont esté très glorieux et ont prosperé pour leurs bonnes euvres qu'ilz faisoient (Fauq., III, 1431-1435, 102)

Ponpeyus fut très glorieux en son empire, mais tantost qu'il fist de l'Eglise estable à ses chevaux, il fina ignominieusement ses jours. (Fauq., III, 1431-1435, 102)

Le glorieux empereur Theodore fut et florit en ce temps, lequel, dès sa jeunesse, fut erudit en philozophie et en astrologie et ès autres ars liberaulx. (Simon De Phares, Astrol., c.1494-1498, f° 88 r°)

Maistre Jehan Jerson fut environ ce temps, lequel entre ses euvres dit expressement en ung passage que les livres de Ptholomée et de Hali Abenragel et le glorieux Almageste sont bons et se puvent lire et pratiquer par tous catholiques. (Simon De Phares, Astrol., c.1494-1498, f° 151 r°)

b)Vaniteux, présomptueux, orgueilleux.

...Quar de touz biens est estrangié Cil qui chascun jour sans faillance Des bons morceaulx emploit sa pance Et de bevrages precieux, Et qui estoit si glorieux Que pourpre comme roy vestoit. (Tomb. Chartr. W., c.1337-1339, 71)

Moynes et autres religieux Sont devenus tant glorieux Que n'a en eulx devocion (Bouvet, Appar. Meun A., 1398, 7)

- Par Mahon, dist Fyrebras, tu es bien oultrecuidé et glorieulx ! (Bagnyon, Hist. Charlem. K., c.1465-1470, 58)

A le ouyr parler, il avoit fait autant ou plus de vaillance et de faits d'armes que firent oncques Hercules, Jason, Hector ou Achiles, ainsi que ce glorieux fol se vantoit. Et tant se donna de gloire parmy le ventre qu'il donna a congnoistre a tous les assistens que son pere, qui, le temps passé, avoit esté cent mille fois plus hardy que le filz (...) n'eust ausé regarder en face ceuls que le dit filz disoit avoir deffaiz, combattus et vaincus. (Tardif, Apologues R., c.1493-1498, 75)

PRINCE. Qu'esse cy ? Estes vous si sot, Si coquart ne si glorïeux De venir en ce lieu remot Blasmer et despriser noz dieux ? Je puisse perdre les deux yeux S'a se coup je ne vous despesche, Maistre belistre glorïeux ! (La Vigne, S.M., 1496, 434)

Les ungz sont lourds et les aultres habilles, Aulcuns privez et aultres estranges (...), Et ceulx la sont sotz glorieulx. (Serm. tous les fous K., c.1500, 266)

2.[D'une chose abstr. ou concr.]

a)Digne de louange.

Comme les haultes dignitez des seigneuries soient establies soubz la divine et infinie puissance qui les eslieve en florissant, en prosperité et en glorieuse renommee, il est a croire et tenir fermement que, ainsi que leurs commencemens et leurs accroissances sont maintenues et adrecees par la divine providence ainsi est leur fin et leur detriment par sentence donnee ou hault conseil de la souveraine sapience (Chart., Q. inv., 1422, 1)

Et ceste puissance s'apelle pollitiquement thimocracie, qui est en commun parler eslection, que aucuns par l'instabilité doubteuse de souvent changer seigneurie, et affin de oster achoisons de divisions au choisir et parcialités de gouverner, ont mieulx amé continuer par ordre de nature et regle de doctrine leur seigneurie en une moriginee maison et glorieuse ligniee que souvent cheoir au tumulte dez mutations de discors et d'envie. (Chart., L. Esp., c.1429-1430, 70)

...ses glorieux faiz consonnent mieulx a recouvrance qu'a concqueste. (Chastell., Chron. IV, D., c.1461-1472, 316)

Et n'estoient point hors d'esperance d'avoir bien une grant victoire, ou, à tout le moins et au piz venir, une bien glorieuse fin. (Comm., I, 1489-1491, 154)

...et dist aussi de la glorieuse victoire des chrestiens qu'ilz eurent en Jherusalem des payans. (Simon De Phares, Astrol., c.1494-1498, f° 114 r°)

Ainsi les glorieux faiz de cestui n'est besoing recité car ilz sont assez seuz, et est assavoir que, en son temps, aucuns detracteurs d'Ypocrates, comme à present, vouloient aver le gouvernement total des princes et ne souffroient nul s'en aproucher et, pour l'utille de la chose publique, les roys appectoient les astrologiens. (Simon De Phares, Astrol., c.1494-1498, f° 125 v°)

Par ironie.

...ame ne s'avance quand a present de parfournir ceste glorieuse et edifiant euvre de Cent Nouvelles (C.n.n., c.1456-1467, 357)

Honorable.

...ains ton humilier t'eust esté exaltation, ton tort recongnoistre victoire mesmes en ta querelle, et ton requerir paix a qui estoit ton tout leal humble t'eust procuré tiltre certes plus glorieux que d'empire. (Chastell., Chron. IV, D., c.1461-1472, 305)

b)Élogieux.

...pour sembler aux vrayes vesves de jadiz dont les histoires romaines, qui sont les suppellatives, font tant de glorieuse mencion (La Sale, J.S., 1456, 3)

B. -RELIGION

1.[De Dieu, de Jésus, de Marie] Qui est dans toute sa splendeur, dans toute sa perfection.

Mére du vray roy glorieux, Vostre conmandement ferons (Mir. ev. arced., c.1341, 143)

...le doulx amoureux Jhesu Crist ama tressaintement et tendrement s'espouse, la glorieuse vierge Marie (Mir. femme roy Port., c.1342, 150)

Si que, Perceval, je m'acort, Et sui dou tout à vostre acort, Si qu'en l'onneur de Dieu le pere, Et de sa glorieuse mere, Et de la court de paradis, Où j'aray fiance toudis, Nous penrons demain nostre voie Vers Alixandre (Mach., P. Alex., p.1369, 63)

Moult devotement reclamoit Nostre Dame que moult amoit, Et li disoit : 'De Dieu ancelle, Vierge, glorieuse pucelle, Vierge pucelle, vierge mere, Mere dou fil, et fille au pere, M'amour, ma deesse, ma dame, Au jour d'ui recevez mon ame Et metez en vo compaingnie.' (Mach., P. Alex., p.1369, 271)

Secondement, des ames separees je di que, quant a estre en lieu et quant a estre meues, il est de elles ne plus ne moins aussi comme il est dit des angelz. Et par ce s'ensuit que l'ame de la glorieuse vierge Marie ou une autre sainte ame peust estre ensemble sus le ciel et en terre et en cent mille lieus distanz et plus sans estre en plus grant lieu que l'espace qui seroit simplement equale a l'espace que occupe une petite pomme. (Oresme, C.M., c.1377, 720)

Glorieux Pere Jhesucrist, je te regracie humblement de ce que tu n'as pas oublié moy qui suiz ta povre creature, ne ton povre peuple, qui a longtemps vescu cy dedens en grant doubte et en grant misere. (Arras, c.1392-1393, 96)

O benoit Dieu glorieux, n'est entendement qui peust cest honneur concevoir ne bouche reciter ! (Gers., P. Paul, a.1394, 483)

...une belle procession et devote a la loange de Nostre Seigneur Jhesucrist et de sa glorieuse mere. (C.n.n., c.1456-1467, 223)

A tout malheur [Jean-Baptiste] estoit contraire, Pour complere Au souverain Dieu glorïeux. (Pass. Auv., 1477, 107)

[D'autres êtres célestes (saints, martyrs...)] Qui participe de la gloire de Dieu.

E ! glorieux martir et vray, Ami de Dieu, sire saint Pry, M'ame en ta sainte garde ottry (Mir. prev., 1352, 234)

Ha ! glorieuse Magdalaine, Je voy merveilles a mes iex ! (Mir. Amis, c.1365, 63)

Nous lisons que saint Pol, le glorieux patron de ceste esglise, aloit persecuter la foy crestienne a Damas (Gers., Pent., p.1389, 77)

Excellemment certes estes mis a honneur, o pasteur de saincte Eglise et saige gouverneur, glorieux saint Pierre. (Gers., P. Paul, a.1394, 491)

...selon la droite ligne de génération, ou degré de consanguinité, il le duc Loys de Bourbon est descendu par généalogie de très glorieux Saint Loys (CABARET D'ORV., Chron. Loys de Bourb. C., 1429, 3)

Pense (...) comme les vngs [saints] sont plus glorieux que les autres (...). Pense la magnificence de Dieu en gloire a la quelle compagnie tu es appele. Pense la grant beaulte et le bel ordre qui est entre les sains, la ioye, la melodie, les doulx cantiques des sains glorieux. (Cib., p.1451, 189)

...[elle] prioit Dieu (...) que par sa grace luy voulsist ses pechez pardonner et le mettre ou nombre des glorieux martirs qui pour le reboutement des infideles et l'exaltacion de [la] saincte foy catholicque se sont voluntairement offers et habandonnez a la mort temporelle. [D'une femme dont le mari a disparu lors d'une bataille contre les Turcs] (C.n.n., c.1456-1467, 423)

O mes bons angelz glorïeux, Gardés moy. A vous je me fie. (Pass. Auv., 1477, 113)

Le glorieux saint Jerosme vint en fleur en ce temps. Cestui ne mesprisa pas la science de astrologie (Simon De Phares, Astrol., c.1494-1498, f° 88 r°)

Emploi substantival. Les glorieux. Ensemble de ceux qui vivent dans la béatitude céleste.

C'est aussy le trés doulz et souef gluit et lyen conjoindant l'Eglise triumphant a l'Eglise militant, et fraternele union en ce que la meisme doulceur de laquele les glorieux de la sus ont la fruition sans quelque esconsement, l'espeuse sainte Eglise le possesse soubz merveilleux sacrement. (Traité S. Sacr. B., c.1450-1500, 147)

2.[D'une chose concr. ou abstr.]

a)[Dune relique] Vénérable.

...si vous jur et promet loyalment que, a mon pooir, je vous servirai loyalment et aussi diligemment de ce que sai et puis faire, et tout a vostre honneur comme Lancelos ne Tri[s]tans servirent onques leurs dames, et aourrai comme dieu terrien et come la plus precieuse et glorieuse relique que je veÿsse onques en lieu ou je fuisse. (Mach., Voir, 1364, 186)

b)[D'une chose abstr.]

Qui est empreint de splendeur divine, de solennité.

L'en pourroit dire, par aventure, que le benoit corps de Jhesucrist est en haut sus en la maniere que seront les autres corps glorifiéz, si comme il est dit ou chapitre precedent, fors tant que Il est doué et a en Soy les dons glorieus tres excellement et merveilleusement outre mesure, plus que quelcunque autre corps. (Oresme, C.M., c.1377, 726)

...[il] estoit privé (...) du saint service de l'Eglise, et de la glorieuse inquisition des docteurs que escript ilz ont sur la saincte Escripture [D'un prêtre devenu aveugle] (C.n.n., c.1456-1467, 36)

Sa mere et aultres visita Et, le jour de l'Ascencion, Es tresglorïeux cieulx monta Pour en prandre possession. Puis, voyant humble affection De ses appostres somme toute, Vint par grande admiracion Entr'eulx le jour de Penthecoste. (La Vigne, S.M., 1496, 151)

Estat glorieux (des corps). Transfiguration des corps charnels en corps spirituels (après la résurrection).

...pense les douaires du corps et de lame [l. l'ame] , pense apres lestat [l. l'estat] glorieux et les aureoles des sains martirs, des sains docteurs et des saintes vierges (Cib., p.1451, 189)

Surnaturel.

Et la ovrit l'empereur Richier ung coffre, duquel il yssit une odeur sy glorieuse et aromactique qu'ilz cuident bien estre en paradis. (JEAN D'OUTREM., Myr. histors G., a.1400, 82)

Glorieux domaine. Paradis.

Vierge royal que Dieu voult (...) D'anges servir et de sains honorer En son glorieux demaine (Mir. prev., 1352, 280)

Qui est empreint de splendeur, de solennité.

Jadiz, Sire, en tele glorieuse journee, comme est [c]e jour de la Penthecouste, le jour de perdon et remission, le jubilé de grace, les apostres et les disciples avecque la benoite Vierge Marie estoient enfermez pour la paour des juifs dedens l'ostel (Gers., Pent., p.1389, 74)

En ceste joyeuse feste, en ce beau jour glorieux, en ceste assemblee tres honnourable, quant me vient au devant la cause de la joye, de la gloire et de l'onneur, mon esperit s'eslieve en Dieu nostre Sauveur (Gers., P. Paul, a.1394, 483)

Qui est de nature à faire obtenir la béatitude céleste.

Ma chiere amie, mon bien, mon esperance, mon honneur, je vous supply, en l'onneur de la glorieuse souffrance Jhesucrist et en l'onneur du saint glorieux pardon que le vray Filz de Dieu fist a Marie Magdalaine, que vous me veulliez pardonner ce meffait, et veulliez demourer avec moy. (Arras, c.1392-1393, 257)

Et se vous acompaigniez de celle tres glorieuse vertu de charité, qui est fille de Dieu, et qu'i'nous a tant recommandee, comme dit est, serez net, quicte et sauvé au regart de ce pechié. (La Sale, J.S., 1456, 22)

[Empl. subst. en appos.]

Pieça, dit nostre mere saincte Eglise, regna Justice la glorieuse seant sur son throne espouentable de verité, et tenant l'espee tranchant de vengence et de exterminacion. (Gers., Purif., 1396-1397, 61)