FRIVOLE

adjectif et substantif

[T-L : frivole ; GD : frivole ; GDC : frivole ; AND : frivole ; FEW (III, 813b) : frivolus ; TLF (VIII, 1278b) : frivole]

I. -Adjectif. Vain, futile, sans valeur, nul et non avenu.

Si dïent li vulgaul dou bois dessouz le mont Que Girarz le sema, mas ce m'anuie mont, Quar leur opynions si est fauxe et frivole, Quar nous trouvons escript en tres viez prothocole Que messires sainz Loups, (...) En ces bois demena sa vie solitaire Ainz que Girarz fust nez pour penitence faire. (Gir. Ross. H., c.1334, 119)

Et disoit on moult de paroles Qui estoient toutes frivoles, Car pluseurs hommes y venoient Qui juroient et parjuroient Aus dames leurs fois et leur ame Qu'il les amoient sans nul blame... (Mach., D. Lyon, 1342, 192)

Sousposons que, l'eure presente, Que sans travail et sans attente, Qu'a un alerion pensay, Et si tost com je commensay Le penser, qu'uns m'en fust moustrés, En tous endrois si bien outrez De quanqu'il affiert a biauté Et bien esprouvez de bonté, Et que si bien m'en avenist Que celle heure miens devenist, Couvenroit il pour ces paroles Devant dittes, qui sont frivoles, Que pour perdre hors li chassasse Et puis après ce pourchassasse, Quant je l'en veïsse voler, Lui chassier, pour lui rapeller, Aus champs et après lui huier ? Trop fort me porroit anuier. (Mach., D. Aler., a.1349, 302)

Mais vous avez si mal prouvé Qu'il vous doit estre reprouvé A vostre condempnation, Selonc la mienne entention. Vous n'avez ci dit que paroles Qui sont aussi comme frivoles. Belles sont a conter en chambre, Mais elles ne contiennent membre Dont pourfis vous peüst venir Pour vostre prueve soustenir. (Mach., J. R. Nav., 1349, 274)

...par ses promesses frivoles (Chr. Piz., M.F., II, 1400-1403, 310)

...mais cogitacion pres que a chascun moment se tourne a choses inutiles ineptes et friuoles et se ingere et precipite a telles choses de neant sans frain de discrecion. (Cib., p.1451, 182)

C'est une oppinion frivolle ; Sire roy, n'y pensez jamais. (Myst. Pass. Troyes B., a.1482, 322)

Tenir qqc. à/pour frivole

Un point y a qui gist en prueve, Par quoy il convenra qu'on prueve Le contraire de mes paroles, Ou je ne tenray qu'a frivoles Ce que devant avez compté, Nonobstant vostre grant bonté, Et que pour grant bien l'avez fait, Pour auctorisier vostre fait Et pour le mien suppediter. (Mach., J. R. Nav., 1349, 224)

Si que bien oseroie attendre Vray jugement, sans plus contendre, Qu'on les doit plus auctorisier Et en tous estas plus prisier Que les dames, de qui parole Tenez que je tien a frivole, Qu'on dit - et vous le savez bien - Que par tout doit veincre le bien. (Mach., J. R. Nav., 1349, 236)

'...Mais des trois mos l'entention Tent a une conclusion.' Quant li roys oy la parole, Il ne la tint pas pour frivole, Eins li sambla moult mervilleuse, Moult diverse et moult perilleuse. (Mach., C. ami, 1357, 34)

Quant Paris oy nos paroles, Il ne les tint pas a frivoles, Einsois s'enclina humblement Vers nous et gracieusement, Si respondi, ce m'est avis, Sagement et de grant avis... (Mach., F. am., c.1361, 218)

'...Et pour ce à vous tous m'en conseil. Or me donnez vostre conseil Si bon, que Dieux y ait honnour Et nous n'i aiens deshonnour.' Quant il ot finé sa parole, Qu'on ne tint mie pour frivole, Einsois fu moult bien escoutée, D'eaus tous et pesée et notée ; Il avoit là un amiraut Qui respondi et dist tout haut : 'Sire, j'en diray mon penser...' (Mach., P. Alex., p.1369, 80)

[Dans un cont. jur.] Qui ne repose sur rien.

...il laissera joïr de la chose contencieuse parmi la dite main souveraine jusques en fin de querele, sanz prejudice du principal, sur caucion de remettre etc. - et parmy la main souveraine jusques à la fin de querelle, sans prejudice du principal, non obstant appellacion frivole, et se tenront ses ordonnances et plaidoieries pendans ou cas present en la premiere plaidoierie et à celle du temps à venir. (Cout. bourg. glosé P.M., c.1380-1400, 153)

...après ce que par maistre Jehan Moreau, procureur du dit Guillaume, orent esté proposées pluseurs raisons frivoles pour empescher la confirmacion du dit decret (Doc. Poitou G., t.6, 1393, 128)

Et dire les causes de leurs frivolles excusacions seroit lonc procés sans neccessité (Bouciquaut L., 1408-1409, 368)

...par vertu desquelles frivoles et non recevables appellacions ilz s'efforçoient de rendre inutiles et sans effect lesdictes ordonnances (Fauq., I, 1417-1420, 59)

...mais à la session publique par laquelle fut dèbouté Pierre de La Lune et déclairé estre scismatique et hérétique, il [ledit conte d'Armaignac] fut accusé de par le roy des Rommains en propre personne, et par le procureur fiscal dudit concile, et fut relié au scisme, non obstans excusacions frivoles que fist maistre Jehan de Gerson. (Doc. 1417. In : MONSTRELET, Chron. D.-A., t.3, c.1425-1440, 225)

...dame Raison reprouva son appellacion come frivolle et ne voult differer pour icelle. (Michault, Procès honn. F., p.1461, 90)

...pluseurs debteurs non contrains à payer ce en quoy ilz estoient tenuz et obligiéz par les frivolles appellations qu'ilz ont intergectées et interjectent de jour en jour d'iceulx supplians (Hist. dr. munic. E., t.1, 1475, 115)

II. -Substantif.

A. -Bagatelle, futilité, chose qui ne vaut rien, qui manque de tout fondement.

Se tu vieus parler, si parole De Dieu en non pas de frivole (Best. lap. Rosarius S., c.1330, 23)

L'estature que ci propose Estre ne me samble autre chose Que Fortune (...). Seur james de fer est assise, En moustrant que par nulle guise Tempeste, orage, vent de bise, Fait ne parole, Ne crient cils ou elle s'est mise. Mais c'est couverture et feintise, Car les piez a de terre glise Gliant et mole. Et quant sus pierre ne sus mole N'est fondée, fors seur frivole, Cils se honnist bien et affole Qui tant la prise Qu'il retient riens de son escole... (Mach., R. Fort., c.1341, 40)

Cils vergiers dont je ci raconte, Par quoy je ne faille a mon compte, C'est Amours especiaument Qui cuers rapelle doucement A la haie dont il est clos Dont cils puet sieuir les esclos. Ce sont bons fais, bonnes paroles Sans vanitez et sans frivoles... (Mach., D. Aler., a.1349, 399)

Sa bouche gardoit de frivole, ja n'en issist male parole. (Vie st Evroul S., c.1350, 99)

...en vostre cuer sont affluees Merancolyeuses pensees, Souspirs, tristeces et frivoles Et ymaginations foles, Et tousdis pensés contre vous Et si cuidiés en vos courrous C'une blanche brebis soit noire ; Et tout par legierement croire. (Mach., Voir, 1364, 758)

Les Juïfs (...) il tenoient une loy, A par eulx, plaines de frivoles (Chr. Piz., M.F., II, 1400-1403, 264)

Ne sçay quel alegement Demandez, n'est que frivole, Je croy que tout homme y ment (Chr. Piz., Cent ball. amant dame C., c.1409-1410, 35)

Je ne croy point que les paroles que vous m'avez dictes soient veritables, ne il n'en est aucune apparence et ne sont que bourdes et frivoles (Chancell. Henri VI, L., t.2, 1427, 51)

...et se donnoit merveilles d'où pouvoient sourdre et mouvoir telles frivoles. (Chastell., Chron. K., t.4, c.1456-1471, 483)

Subtilité, argument dépourvu de sens.

Pour tant, la partie de nostre roy Charles le Quint nous fonderons et fermerons par plusieurs raysons cleres et evidentes, et puis aprés nous respondrons a voz raysons, lezquellez vous deveriés plus frivoles appeller que raysons. (Songe verg. S., t.1, 1378, 248)

B. -Faribole, tromperie, propos inconsidéré.

...vuiseuses paroles, Bourdes, mensonges et frivoles, Arrangies et attroppées, Malicieusement comptées, Ruses avec losangeries, Presumptions et vanteries Et toutes paroles volages. (Mach., D. Aler., a.1349, 268)

...Car bons juges ja ne sera Qui partie n'ascoutera ! Et vous la volés condempner Et de vostre grace planer Pour .III. ou pour .IIII. paroles Qui sont mensongnes et fryvoles, Plus que serpens envenimees Et de mesdisans contrevees ? (Mach., Voir, 1364, 686)

Car cils qui son signeur avise Et li dit ce que faire faut, Ou qu'il li monstre son deffaut, En son conseil tout pleinnement Ou hors conseil priveement, Maint sont qui en scevent bon gré, Et qui mettent en haut degré Ceuls qui leur dient tels paroles, Quant bourdes ne sont ne frivoles. (Mach., P. Alex., p.1369, 253)

...si li denonces Que quanque me diz (...) Je repute et tiens a frivoles, Et ne sont toutes que paroles De tricherie. (Mir. Clov., c.1381, 216)

Qant Loys de Baiviere vei ce que il n'en averoit aultre cose, et que il estoit des cardinaus et dou pape menés d'uiseuses et de frivoles, et veoit tout clerement que li François s'enclinoient a Carle de Lucembourc, et non a lui, il i pourvei, je vous dirai conment. (Froiss., Chron. D., p.1400, 243)

Et nous semble par vostre présent escript que icellui vostre désir avez grandement tenu en frivoles et en paroles de tençon et de despit, en diffamant nostre personne, cuidant par aventure que ce tourneroit à la confusion de nous, ce que Dieu peut bien tourner à la vostre, et à bon droit. (Doc. 1402. In : MONSTRELET, Chron. D.-A., t.1, c.1425-1440, 58)

Dieu, quel pucelle de Marolles ! Ose-t-elle bien de frivolles Pour parvenir a ses attaintes ! Si en aurés vous les estrainctes Avant que partiés de ce lieu. (Myst. jeune fille L., c.1413-1445 [c.1530], 34)

ÈVE. Le malvoix serpent deputaire M'a deceü par sa frivole. On me doit bien tenir a fole D'avoir obeir a sa fable. (Pass. Semur D.M., c.1420 [1488], 18)

Frivole, c'est tromperie. (La Haye, P. peste, 1426, 201)

Sommes en ce lieu cy venues Pour entendre conter tel frivole ? (Marcadé, Myst. Pass. Arras R., a.1440, 23)

Je vous dis que c'est trop farcer De controuver telle frivole ! (Myst. st Adr. P., c.1450-1485, 51)

PLUSEURS. (...) Ce villain (la) [Povre Peuple] m'a trop corrigé. Que le feu saint Anthonne l'arde ! FLATERIE. Monseigneur, n'y prenés point garde. Ce ne sont que toutes frivoles. (Pouvre peuple H., c.1450-1492, 206)

Tu nous cuides bien feyre pestre De nous dire tieulles frivolles ? Cuides tu que par tes paroules Nous croyons ainsi de legier ? (Myst. st Sébast. M., c.1450-1500, 186)

Vous semble que mal je vous dis Et voy que m'en tenez a folle. Si n'estes pas en bonne colle De moy croire pour le present, Et le tenez tout a frivolle, Je m'en rapporte au Dieu puissant. (Myst. siège Orléans H., c.1480-1500, 297)

Prevoust entend de bon cueur fin Car cecy ne sont pas frivolles (Oudin, St Genis M.S., c.1490, 91)

PREMIER [CHEVALIER] . Ces parolles, tout en ryant, A dire sont ung peu trop folles. SAINCT MARTIN. Se ne sont que toutes frivolles, Je le vous dis a ung brief mot ; De leurs faitz ne de leurs parolles Tout n'est riens, ne m'en chault qui m'ot. (La Vigne, S.M., 1496, 434)

SATHAN. Je luy useré de frivolles, Belles bourdes et railleries Et ung grant tas de choses volles Qui seront toutes menteries. (La Vigne, S.M., 1496, 538)

Sans frivole. Sans qu'il y ait de tromperie.

Prendre et couper menuement De bon oignon, ou de cybole, Et mettre tremper, sans frivole. En lait aigre par une nuit, Qui soit tout cru ou un pou cuit (La Haye, P. peste, 1426, 129)