FREIN

substantif masculin

[T-L : frein ; GD : frein ; GDC : frein ; AND : frein1 ; DECT : frein ; FEW (III, 774b) : frenum ; TLF (VIII, 1235b) : frein]

A. -Au propre.

1.Mors (du cheval/de la mule...).

La court et par mons et par vaus Pluto sus ses faëz chevaus Sans frein, sans culiere et sans bride. C'est horreur dou vëoir et hide. (Mach., C. ami, 1357, 85)

Et de telles arts et doctrines aucunes sont dessous une autre, si comme art de faire frains est soubz art de chevauchier et aussi sont toutes les autres arts de faire instrumens ou hernoys pour chevaux. (Oresme, E.A., c.1370, 104)

...deux jours a, ou environ, lui estant ès halles, un compaignon qu'il ne congnoist et dont il ne scet le nom, lui bailla le frain de mule dont cy dessus est faite mencion, lui pria et requist que ycellui frain il voulsist porter vendre, et que l'argent qu'il en recevroit il lui apportast ; et pour ce, print ledit frain et le apporta audit Geffroy, lequel il lui vendi la somme de dix sols parisis (Reg. crim. Chât., I, 1389-1392, 9)

Lors se part des autres et vint a Remondin et print le frain du cheval, et l'arreste tout quoy (Arras, c.1392-1393, 24)

La dame monta sur un riche palleffroy, et fist monter ses deux enfans et conduire par les frains par deux gentilz hommes anciens. (Arras, c.1392-1393, 207)

À Jehan de La Marche, varlet de l'Escuierie de monseigneur d'Orléans, qui avoit présenté à Monseigneur une selle et un fraing à anille, de par mondit seigneur d'Orléans. (Comptes hôtel rois Fr. D.-A., 1397-1398, 299)

...deux frains de parement, de cuivre doré à tixu de soye. (Ch. VI, D., t.2, 1422, 396)

[Dans une comparaison]

Premiers de viellesse, car lors ne peut l'omme de legier soy aorner de nouveaux meurs et non acoustumés, comme a grant paine le viel cheval se acoustume du frain. (Daudin, De la erudition H., c.1360-1380, 300)

Autre chose ne se peut dire fors que en ce cas nous allons comme la nef sans gouvernail et comme le cheval sans frain. (Chart., Q. inv., 1422, 56)

[Sentence]

Par sobrieté on maistrie le corps comme on maistrie le cheval par le frein

...par sobrieté on maistrie le corps si comme le cheval par le frain. (Ménagier Paris B.F., c.1392-1394, 44)

On ne connoist pas les gentils aux freins. Ce n'est pas à la beauté de leur équipement qu'on reconnaît les nobles.

On ne congnoist pas les gentils aux frains : Ceulx sont gentilz qui sont sans felonnies (Taillev., Psaut. vil. D., a.1440, 114)

Au frein de qqn. À côté de qqn.

Retenu avoie a mon frain Honneur, qui ne me faurroit grain, Et Loyauté a l'autre les, De qui je sui bien escolés, Car mes hommes ordonne et taille. (Froiss., Pris. am. F., 1372-1373, 123)

Lors broche le cheval des esperons et se mist hors de la porte, et Passevent aprez, tousjours a son frain. (Percef. II, R., t.1, c.1450 [c.1340], 260)

Chevaucher sur frein. Chevaucher lentement.

Dont se departirent dou roi li troi dessus nommet, montés sus fleurs de coursiers, et chevauchièrent sus frain à cel endroit où il penssoient que il les trouveroient. (Froiss., Chron. R., XI, c.1375-1400, 48)

Adont dist la damoiselle : 'Sire, chevauchiez sus frain un petit, et je hasteray mon palefroy a sçavoir en quel point l'en est a l'ostel.' Atant se reffraint le chevalier de son aleure (Percef. IV, R., c.1450 [c.1340], 465)

Laisser le frein à un cheval. Ne pas retenir un cheval.

Mais Remondin lui gette [à Olivier] l'estrier par grant air, et attaint le cheval ou front de si grant force que le chanfrain d'acier fu effondré, et convint le cheval par la force du coup aler par terre des jarrez derriere. Et Olivier lui laisse le frain et le point de l'esperon, et, au redrecier que ly chevaulx fist, Remondin le va ferir de la lance ou cousté, tellement qu'il le porta a terre de l'autre lez du destrier, et demoura a Olivier bien demy pié du fer de la lance dedens le corps. (Arras, c.1392-1393, 63)

Les freins abandonnés. À bride abattue.

Espaignardz se tournoient fuant, Chescun sez fraines abandonez. (Héraut Chandos, Vie Prince Noir T., c.1385, 141)

Prendre qqn par le frein. Prendre le cheval de qqn par la bride (avec des vues hostiles ou amicales).

Elior de sa propre main Print Anthipater par le frain, En disant : 'Traïtres prouvés Jamais homme ne traïrés...' (Renart contref. R.L., t.1, 1328-1342, 195)

Et ainsi qu'il devoit yssir de la porte et qu'il estoit montez sur son cheval, il encontra une femme qui avoit un enfant en son bras, qui vint courant a l'encontre de lui et le prist par le frain et jura Dieu que il ne lui eschaperoit. (Bérinus, I, c.1350-1370, 49)

Atant le roy prinst la damoiselle par le frain de son destrier et dist : 'Melia, or ne vous esmaiez, car vous avez bon conduit, meilleur que oncques maiz n'eüstes, puis que le roy Abillans vous tient, qui lonc temps vous a amee et desiree.' (Bérinus, I, c.1350-1370, 329)

...puis print Melia par le frain et se hasterent de chevauchier. (Bérinus, I, c.1350-1370, 340)

...adonc le print Aigres par le frain du destrier, et s'en vint a son hoste et le rendi a lui pour faire toute sa voulenté, et celluy si obbeÿ bonnement. (Bérinus, II, c.1350-1370, 121)

Retourner/tourner sur frein. Faire changer de direction à son cheval, faire demi-tour, tourner bride.

De ces parolles fu moult courrouciés li dis messires Jehans, ce fu bien raisons ; comment que il ne les peuist amender, si tourna sus frain et tout chil ossi qui avoech lui estoient. (Froiss., Chron. R., VIII, c.1375-1400, 62)

.XII. des leurs retournerent sus frain et prissent le cemin viers un village que on appelle Ierin (Froiss., Chron. D., p.1400, 387)

Dont respondi li chevaliers : 'Se il sevent .I. cemin, j'en sai un aultre.' Et tourna sus frein une voie assés antee (Froiss., Chron. D., p.1400, 441)

Si tost qu'il vit l'abbé, se le va enclinant, Et li abbes, qui vit noble son convenant, A tost tiré sur frain et les va regardant (Huon Bordeaux B., c.1400-1450, 5)

Prendre le frein aux dents. Prendre le mors aux dents pour le rendre inefficace, partir à toute vitesse.

Le roncin le fraing aux dens prent, Si s'en fuit comme forsené. (La Buigne, Rom. deduis B., 1359-1377, 106)

[Pour ralentir le cheval] Tirer le frein

Elle tira son frain, si cuida retourner. Mais Milles li traïttres, qui estoit plains d'amer, Dou plat de son espee va la bielle fraper, Que sur l'archon devant fist son corps souviner (Flor. Rome W., c.1330-1400, 209)

Tirer sur frein. Modérer l'ardeur de l'attelage, du cheval.

[Paroles adressées à Phaéton par son père] Or le gouvernes sans cembel Et si tires tous jours sus frain. (Froiss., Pris. am. F., 1372-1373, 98)

Quant il eut fait son fait et hurté as bailles ensi que voé avoit, il tira sus frain et se mist au retour. (Froiss., Chron. L., VII, c.1375-1400, 247)

Si tost qu'il vit l'abbé, se le va enclinant, Et li abbes, qui vit noble son convenant, A tost tiré sur frain et les va regardant (Huon Bordeaux B., c.1400-1450, 5)

[Du cheval] Tirer contre le frein

...li cheval contre frain tirent, Qui moult le jonenciel aïrent. Or les cuide il esmestriier Par batre et par escorjier, Mais il n'en poet a cief venir (Froiss., Pris. am. F., 1372-1373, 98)

Tourner le frein (du cheval). Faire changer (le cheval) de direction.

...et il [le roi] tourne le frain du cheval et se met les grans eslaiz tout le chemin qu'il avoit veu la dame tourner. (Arras, c.1392-1393, 8)

Or dit l'ystoire que tant porta le cheval Remondin, ainsi pensif et plein d'ennuy et de meschief qui lui estoit advenu, qu'il ne savoit ou il aloit, ne il ne conduisoit pas le cheval, mais le portoit partout la ou il lui plaisoit a aler, sans ce que il lui tournast le frain a dextre ne a senestre ; ne Remondin ne voit ne oit ne entent. (Arras, c.1392-1393, 24)

Tourner son frein vers un lieu. Se diriger vers.

...Estonné tourna son frain vers la fontaine (Percef. IV, R., c.1450 [c.1340], 167)

2.Locution.

Laisser le frein à qqc. Laisser la voie libre à qqc..

Et pour che a bon droit l'Escripture amoneste aux parens de garder soigneusement une file vierge et nourrir en discipline, affin qu'elle ne lasce le frain a mignotise ou a volupté ou que par quelque occasion elle donne cause de infame a ses parens. (Daudin, De la erudition H., c.1360-1380, 357)

Prendre le frein aux dents. Prendre le mors aux dents ; se mettre avec énergie à une entreprise.

BLANCHEFLOUR. Qu'est ce cy ? (...) Ne puis a ma fille parler, Ne jusques a son lit aler. Je vueil prendre le frain aus dens, Et si me bouteray dedens (Mir. Berthe, c.1373, 213)

'La ville est si entoueillie que on ne le scet par quel coron destouellier. Or nous faut prendre le frain as dens ; or vera on les sages et les hardis.' (Froiss., Chron. R., X, c.1375-1400, 213)

...ou il devroit prendre le frain a dens et faire tant par bonne diligence qu'il venist a s'entente, car il n'est chose en ce monde sy forte, maiz que elle soit possible, que cuer vaillans et soutilz ne puist faire (Evr. Conty, Eschez amour. mor. G.-T.R., c.1400, 315)

Ceste contesse prist le frain a dens et ne fu noient esbahie, et manda tantos chevaliers et esquiers et ceuls dont elle pensoit a estre amee, aidie et servie. (Froiss., Chron. D., p.1400, 502)

...la contesse de Montfort (...) prist et requelli le frain aux dens et monstra corage d'onme et de lion, et retint tous les compagnons, chevaliers et esquiers, qui de sa partie estoient (Froiss., Chron. D., p.1400, 817)

Puisque je voy vostre bonne constance, Saichez de vray que trop mieulx en vauldrez. Pour ce, mon filz, desormais vous prandrez Le frain aux dens et sur le col la bride ; Puis, sur les champs d'aller entreprandrez Avec ceulx cy, lesquelz vous feront guyde. (La Vigne, S.M., 1496, 189)

Faire un acte d'indépendance pour échapper à l'autorité de qqn.

Il est bien vroy que au commaincement, il cuida commencer une maniere de parler et de faire, mais, par le sacrement Dieu, je l'en gardé bien et respondy bien et prins le frain aux dens, tant qu'il me ferit une foiz ou deux, dont il fist que foul, car j'en ay fait pis que davant, et tant que je scey bien qu'il a dit a ma commere qui ci est qu'il ne pourroit plus metre remide en moy et me deust l'en tuer. (Quinze joies mar. R., c.1390-1410, 20)

Le frein aux dents. Avec l'énergie du cheval qui prend le mors aux dents, pour rassembler son énergie ; en étant acharné au travail.

L'an quatre cens cinquante six, Je, Françoys Villon, escollier, Considerant, de sens rassis, Le frain aux dens, franc au collier, Qu'on doit ses euvres conseillier, Comme Vegece le racompte, Saige Rommain, grant conseillier, Ou autrement on se mescompte... (Villon, Lais R.H., c.1456-1457, 11)

Gaster le frein de qqn. Supprimer chez qqn tout ce qui peut faire obstacle au dérèglement.

...Volupté et Inconstance-de-couraige ont tant les brides de ceste ma fille desrompu et son frain gasté que sans aucune ordonnance, mais, que plus est, en toute desreuglance elle est degectee de tous lieux et deschassee comme chose infame (Michault, Doctr. temps prés. W., 1466, 166)

Bailler/mettre le frein aux dents à qqn. Faire taire qqn.

SOTIN. Nous luy metrons le frain aux dens. (Sots Magn., a.1488, 210)

DANDO. Pour ce que sur tous j'ay parlé, On m'a baillé le frain aux dens. TESTE CREUSE. On les pugnist selon le temps. (Sots Magn., a.1488, 210)

Mettre le frein à sa bouche/à sa langue. Éviter de trop manger.

Et pour ce sachez que savoir mectre frain en sa langue est souveraine vertu. Et moult de perilz sont venuz de trop parler (Ménagier Paris B.F., c.1392-1394, 105)

C'est a dire, mon ami, met le frain a ta bouche afin que par elle tu ne preines le venin, car habondance de viandes mal digerees sont au corps tres nuisables venins. (La Sale, J.S., 1456, 25)

...le philosophe dit que l'on doit seulement boire et manger pour vivre, non autrement, comme font aucunes gens, qui vivent comme pourceaux. Et pour ce, mon fils, mettez frein à votre bouche, afin que par elle vous ne preniez le vin trop largement (Faits Lalaing K., c.1470, 21)

Et, quant il fut fort traveillié et lassé, il se corriga et mist frain a sa langue tellement que depuis ne murmura sur son seigneur. (Colart Mans., Dial. créat. R., 1482, 107)

Bailler/mettre le/un frein à/en la bouche de qqn. Empêcher qqn de parler, faire taire qqn.

Et [les avocats] le diront par telle maniere et par raisons apparans, qu'ilz mectront au juge ung frain en la bouche, comme a ung cheval, affin que la verite de la cause il ne puist aprochier, lequel frain sera de si tresgrant puissance que le juge doubtera plus l'advocat que la verite de la cause. (Mézières, Songe vieil pèl. C., t.1, c.1386-1389, 464)

DANDO. Ce s'estoit a moy a [...] faire Je les pugniroye bien. ROUSSIGNOL. Comment ? DANDO. Le frain leur metroyes a la dent... (Sots Magn., a.1488, 209)

Nous luy metrons le frain aux dens. (Sots Magn., a.1488, 210)

Pour ce que sur tous j'ay parlé, On m'a baillé le frain aux dens. (Sots Magn., a.1488, 210)

Pour ce que sur tous j'ay parlé, On m'a baillé le frain aux dents. (Sots Magn., a.1488, 210)

[D'une chose]

Et sa gracieuse parole, Qui n'estoit diverse ne fole, Estrange ne mal ordenée, Hauteinne, mais bien affrenée, Cueillie a point et de saison, Fondée seur toute raison, Tant plaisant et douce a oïr, Que chascun faisoit resjoïr, Me metoit un frein en la bouche Pour moy taire de ce qui touche A tout ce qu'on claimme mesdire. (Mach., R. Fort., c.1341, 9)

Mascher son frein. Être impatient.

Cher frer (...), Vueilles cecy en ton cueur mettre Et avoir conscience monde, En desprisant les dictz du monde Qui me hait, pour ce que m'as cher, Or luy laisse son frain mascher, Et becqueter comme ung malart (Alecis, ABC P.P., 1451, 40)

Retenir qqn en frein de qqc. Retenir qqn par la bride de qqc., ici retenir, arrêter qqn par la justice.

Ainsi font aucuns folz impaciens qui se rebellent contre leurs souverains, par quoy ils sont soubz le joug de servitude pour d'eulx estre corrigiez et retenuz en frain de justice. (Colart Mans., Dial. créat. R., 1482, 106)

Retenir son frein. Se modérer.

S'il vous plaist, se vous en souviengne, Car temps est que mon frain retiengne. Mon estomac est trop harlé De ce qu'ay longuement parlé (Le Fèvre, Respit Mort H., 1376-1380, 134)

Ronger son frein (aux dents). Tenter de calmer son impatience, supporter qqc. avec impatience, ronger son frein.

Ainsi com ainsi meditant M'en aloie et mon fraing rongant... (Guill. Digull., Livre pèler. vie hum. E.M., 1355, 828)

De legier pleure a qui la lippe pent ; Ne demandés jamais comment lui va, Laissez l'en paix, il se confortera, Ou en son fait mettra apointement. A son umbre se combatra souvent, Et puis son frein runger lui convendra (CH. D'ORLÉANS, Rond. C., 1443-1460, 314)

Il ronge son frain aux dens et tout vif enrage (C.n.n., c.1456-1467, 181)

Si en rongea le duc son frein et le prit à aigre (Chastell., Chron. K., t.4, c.1456-1471, 254)

...quant le roy les vey ainsy troublez, et que chascun rongoit son frain a par soy, il les laissa illec et s'en ala en sa chambre. (LEFÈVRE (R.), Hist. Troyes A., c.1464, 146)

Bien a tourné la chance, Et m'a on fait ronger mon frain. (...) Ce fut ung jour de mercredi : En chemise sur la perchette Je fuz trois heures et demy. (B. veoir, p.1480, 19)

LA FEMME. Il [le juif qui vient réclamer ses écus] est servy d'ung quolibet. Entretenons tousjours ce train Et luy faisons renger son frain Par ung serment ne plus ne moins. (Mir. st Nic. juif, c.1480-1500, 112)

JOUAN. Ho, par le ventre bieu, j'enraige. Mais ou peult estre allee ma femme ? Je meurs de male faim, j'afemme, Elle me fait ronger mon frain. (P. Jouh. D.R., a.1488, 32)

Et, après ces parolles dittes, le fist en sa presence tuer. - Son vray heritier, mais nonobstant fut contraint de ronger son frain et piller pacience. (Le Clerc, Interp. Roye, c.1502, 277)

Réfléchir, prendre du recul.

...et se le prince aucunesfoys est ferme en une oppinion ou ymaginacion qui soit aucunement hors de raison, laquelle luy semblera raisonnable, il ne le fault par arguer ne luy contredire pour l'eure jusques ad ce que il ait rongié son frain (Juv. Urs., Nescio, 1445, 462)

Sans tirer frein. Sans modération.

...c'est assavoir les oultrageux despens qui communement se font sans tirer frain es festes et es assemblees sustouchees. (Mézières, Songe vieil pèl. C., t.2, c.1386-1389, 317)

Tirer le frein à qqn. Modérer qqn.

Et oultre plus, tu dois tirer le frain a tes collateraux, serviteurs et officiers, qui sont feruz de celle mesme passion, souvent ou prejudice de leurs voysins et de bonne conscience. (Mézières, Songe vieil pèl. C., t.2, c.1386-1389, 411)

Se tenir sur frein. Se retenir, se modérer.

Et tu de l'autre part, Beau Filz, en grant humilite [l. humilité] et amitie [l. amitié] moyenne, te tiendras to[u]sjours sus frain avec ceulx qui furent tes adversaires et seras en Dieu contens de la paix et de tes termes (Mézières, Songe vieil pèl. C., t.2, c.1386-1389, 197)

[Dans un cont. militaire] Ne pas bouger, rester calme.

...ne demoura guaires aprés que Tholomer a toute sa bataille vint et approcha, lequel pareillement dist a Dansçlins qu'il se tinst sur frain en ly actendant (Wauquelin, Faits conq. Alexandre H., c.1450, 399)

Tenir qqn par le frein. Retenir qqn.

Quant je les vi, moult m'esjoÿ, Et plus, quant je les entroï. Lors alai tantost celle part. Mais Amours qui de moy ne part, N'Esperence, ma chiere amie, De moy ne s'eslongierent mie, Eins me tenoient par le frein. Et je, qui pas ne me refrein D'aler vers euls, si me hastay Qu'outre une haiette hatay, Et puis tantost fu en la place, Ou Dieus me fist si belle grace Que je vi que c'estoit ma dame. (Mach., R. Fort., c.1341, 124)

Tirer le frein à qqn. Modérer qqn dans ses actions, dans ses élans.

Et oultre plus, tu dois tirer le frain a tes collateraux, serviteurs et officiers, qui sont feruz de celle mesme passion, souvent ou prejudice de leurs voysins et de bonne conscience. (Mézières, Songe vieil pèl. C., t.2, c.1386-1389, 411)

Tirer sur frein. Prendre son temps pour réfléchir.

...et encores li enjoint Amours qu'il tiegne le voie et le chemin de Raison et tire tous jours sus frain, c'est a dire que il s'avise. (Froiss., Pris. am. F., 1372-1373, 173)

3.Proverbe.

À riche bride frein doré

Tu es eslut [l'arbre de Bourgogne] premier pommier, Pour porter fruict d'or adoré : A rice bride frain doré. (Molinet, Faictz Dictz D., 1467-1506, 249)

B. -Par analogie. Mécanisme qui ralentit ou arrête un mouvement.

En particulier. MOULINS Mécanisme destiné à immobiliser le rouet.

...pour avoir fait le dit frain, c'est assavoir un cercle tout autour du rouet de 32 piés de long et d'un pié de lé (Doc. 1413. In : Y. Coutant, Terminol. du moulin médiév. dans le comté de Flandre, 1994, 680)

...4 frains et pluseurs costerés pour servir au moulin (Doc. 1445. In : Y. Coutant, Terminol. du moulin médiév. dans le comté de Flandre, 1994, 681)

C. -Au figuré.

1.[Idée de réfréner, de retenir, d'empêcher]

a)Frein de qqc. Obstacle, empêchement que constitue qqc. ; plus rare, obstacle contre qqc..

Pour tant icheulx convient reprendre par le frain de discipline et a bons meurs acoustumer. (Daudin, De la erudition H., c.1360-1380, 180)

Dont en Ecclesiastique s'ensieut : «Jue toy avec lui et il te fera desplaisir», asscavoir en soy exposant franchement et sans frain de cremeur aux vices. (Daudin, De la erudition H., c.1360-1380, 187)

Discipline est le cep ou restrainte de couvoitise, le chartre des desirs mauvais, le frain de mignotise, le fardeau de elation ou de eslievement, le bien de ire, qui aprivoise intemperanche, lie legiereté et estaint tous mouvemens desordonnés et illicitez appetis de pensee. (Daudin, De la erudition H., c.1360-1380, 244)

» Et saint Bernard ou sermon de la Circoncision de Nostre Seigneur : «Eslise, che dist il, l'omme fiable estre subget a son maistre, soubz lequel sa voulenté soit froissee et du frain de obedience sa concupiscence soit abaissee. (Daudin, De la erudition H., c.1360-1380, 294)

Infinis mouvemens habondent es cuers des jeunes sanz frain de raison, qui est le regart de la fin de toutes choses (Chr. Piz., Faits meurs Ch. V, S., I, 1404, 26)

Car la partie de la chair essaye tousjours a gaigner sur le frain de rayson, et toutesvoyes la roide bride lui est excercice, et la lache licence de mesprendre. (Chart., L. Esp., c.1429-1430, 122)

...mais cogitacion pres que a chascun moment se tourne a choses inutiles ineptes et friuoles et se ingere et precipite a telles choses de neant sans frain de discrecion. (Cib., p.1451, 182)

Et quant viendras Qu'a parfaict aage, Dieu donnant, parviendras, Fort et puissant de ton corps deviendras : Si lors n'as frein de raison, tu vendras Toute ta terre Et a chascun prendras estrif et guerre, Dont par aprés te fault vivre a desserre. (Meschin., Lun. princes M.-G., c.1461-1465, 84)

Protection, régulation que constitue qqn.

...ad ce propos, n'est mie sanz grant peril donner auctorité de seigneurie à enfent sanz frain de sages admenistrateurs, et par exemple l'avons ou Livre des Roys, que, ou temps Roboam, filz Salomon, pour ce qu'il n'avoit pas respondu sagement au peuple, ainsi comme les preudeshommes lui avoient conseillié, mais orgueilleusement et fierement par le conseil des jeunes avecque lui nourris en enfence, le reaume fu devisé en .II. reaumes (Chr. Piz., Faits meurs Ch. V, S., I, 1404, 19)

Frein de + inf. Ce qui empêche de.

Frain sciet mieulx en bouche d'omme que de cheval, c'est à entendre, frain de trop parler. (Chr. Piz., Paix W., 1412-1413, 171)

b)Locution.

Sans frein. Sans retenue.

...les autres, generalment et sans reigle, vivent sus le peuple et sans frain desrobent la gent. Les autres qui sont pris sont maintesfoiz penduz par la courroye ou par la bouree ; les autres sont espargnez par faveur de seigneurs et d'amys. (Mézières, Songe vieil pèl. C., t.1, c.1386-1389, 471)

Sans frein ni regle

...Socrates (...) lisant une foiz a Athenes une leçon de philosophie, vit entrer en son escole Polemus, ung jouvenceaul tout desbridé, sans frain ne rieugle, qui en son chief avoit ung chappeaul de fleurectes (Michault, Doctr. temps prés. W., 1466, 7)

Sur le frein de qqc. En restant attaché à qqc., enfermé dans qqc..

Vous vous estes fondé du père et trop fié en luy ; et sur le frain de son amour, vous n'avez admiré le fils. Donc, si vous estes aucunes fois mis en devoir envers luy pour avoir sa grâce, sy n'est-ce qu'à fainte (Chastell., Chron. K., t.5, c.1456-1471, 170)

Abandonner tous les freins à qqc. Laisser toute liberté à qqc., se soumettre totalement à qqc..

Cestuy [un clerc qui veut jouir de tous les plaisirs du monde] abandonna du tout ses frains au siecle et mist toute sa cure à la vanité de ce monde. (Miélot, Mir. N.D. L., 1456, 107)

[D'une chose] N'avoir ni frein ni bride. Ne connaître aucune retenue.

Ainsis est l'ame nettoiée Des taiches dont fut ordoiée Du pechié, du sang omicide, D'envie qui n'a frain ne bride, De l'orde puour de luxure, De la legiere pourreture Et du fiens de couvoitise, De l'ort moustre [l.menstre] qui flue a guise D'une vile et orde singesse (Desch., M.M., c.1385-1403, 219)

Mettre (la bride) (le) frein à qqc. Imposer des limites à qqc..

Quand le souverain arquemiste appareilloit la composicion du ciel et frimoit les estoilles, quant il pesoit l'eauue des fontaines et mectroit frain a la mer, qu'elle ne passast ses termes, quant il mectoit les fondemens de la terre, avecques lui j'estoit et comme dame des oeuvres, je composoye toutes choses. (Mézières, Songe vieil pèl. C., t.2, c.1386-1389, 458)

...comme gent sanz loy se pristrent à grans extorsions et infinis maulz faire les uns contre les autres, par rappines et occisions et mains excessis oultrages, sanz que regart de justice y meist aucun frain, lors les Anciens, enseignez de don de Nature par longue experience es regars de raison, aviserent que bon seroit, pour à ces inconveniens obvier, que l'un d'entre eulz, le plus ydoine et propice en vertu et sçavoir, fust esleu et establi superieur et prince d'eulz tous, et à cellui par commun acort donnassent autorité de seigneurie, et eust la cognoissance des causes entr'eulz meuees (Chr. Piz., Faits meurs Ch. V, S., I, 1404, 112)

Princes, mettez frain à voz voluptez, Car les ceptres qui sont immoderez Tumbent tantost et ne sont point estables (Robertet, Oeuvres Z., c.1450-1500, 179)

Mais Dieu qui limita le cours de la mer qu'elle ne peut passer, qui separa les elemens, et donna à chescun sa limite, par sa divine pourveance met en toute chose la bride, le frain et la fortune, qu'elle maine et conduit de sa digne main et à son plaisir, comme le Dieu, le Seigneur et le maistre de toutes choses, et à qui chacun se doit songneusement recommander et luy rendre service. (La Marche, Mém., I, c.1470, 121)

Mettre frein à sa penne. Ne pas en écrire plus.

...et d'autre part cestui escripvain pou devot au soir et au main par aventure n'eust sceu a sa penne mettre le frain. (Mézières, Vertu sacr. mar. W., c.1384-1389, 107)

Plusieurs exemples notables s'en pourroient reciter desquelx il est expedient de mectre frain a la penne et de mectre le doy a la bouche, pour non esbahir les grans seigneurs et dames, qui par aventure pour la memoyre des exemples auroient en suspicion les vaillans et preudommes phisiciens. (Mézières, Songe vieil pèl. C., t.2, c.1386-1389, 272-273)

Ou, par adventure, le cas sera commis aux dessusdiz conseilliers, et de ce qui en adviendra des droiz de ta couronne royalle je metz frain a ma penne. (Mézières, Songe vieil pèl. C., t.2, c.1386-1389, 353)

2.Service.

Estre au frein de qqn. Tenir le cheval de qqn par le frein, d'où être au service de qqn, sous l'autorité de qqn.

Alart a feru ung chevalier de Brye Qui fut au frain du roy adonc a celle fye (Renaut Mont. B.L. V., c.1350-1400, 57)

'Damoisiaux, cueur avez de lÿon, Vous serés en mon frain et nous vous en prïon...' (Flor. Octav. L., t.1, c.1356, 175)

Messires Jehans de Hainnau et mesires Carles de Montmorensi estoient au frain dou roi de France et li plus proçain de li, et avoient cause de li garder et consillier. (Froiss., Chron. D., p.1400, 733)

...moult de vaillans honmes (...) offisce avoient, les uns de estre au frain dou signeur, et les aultres a porter les banieres ou a estre dalés pour aidier a desfendre et a garder (Froiss., Chron. D., p.1400, 735)

Perducas et Lyonés sont a mon frain pour mon corps agarder par leur prouesse (Percef. I, T., c.1450 [c.1340], 145)

Estre près du frein de qqn

Et avecques ce, fist ledit roy pendre son varlet de pié, qui chascun jour estoit près de son frain quant il chevauchoit, et moult l'amoit, mais la cause de sa mort si fut pour ce que ledit varlet par soudain débat avoit occis ung chevalier d'Angleterre. (Monstrelet, Chron. D.-A., t.3, c.1425-1440, 406)

Se ranger sous le frein de qqn

...moult fut le jour pour moy trop plain d'adversité destinée quant au premier je me rengay soubz vostre frain, si autrement ne me menés par voye bonne et gracieuse. (Saint-gelais, Séj. honn. J., c.1490-1495, 221)

Avoir qqn à son frein. Avoir qqn à son service, sous son autorité.

VII roys ot à son frain, qui le vont gouvrenant (God. Bouillon R.B., t.3, c.1356, 148)

Mettre qqn à son frein. Prendre qqn à son service, prendre qqn dans son entourage.

...en la fin le vaillant Hanibal les mist a son frain par la haute prouesse qu'il vey en eulx. (Percef. IV, R., c.1450 [c.1340], 86)

Ordonner qqn au frein de qqn. Mettre qqn au service de qqn.

Cils deuz eurent grant renomée, Et furent ordeignez au frayne Du Prince, sachez de certaine. (Héraut Chandos, Vie Prince Noir T., c.1385, 64)

...et certains vaillans chevaliers, esleus d'icelle Chevalerie, seront ordenes [l. ordenés] au frain dez dessusdis roys, et, outre ce, ladite Chevalerie aura tousjours l'arrieregarde, afin que desroy en l'ost du Crucifix ne prengne signourie. (Mézières, Sustance H., 1396, 49)