EMPESCHEMENT

substantif masculin

[T-L : empëechement ; GD : empeschement ; GDC : empeechement ; AND : empeschement ; FEW (IV, 580a) : impedicare ; TLF (VII, 958a) : empêchement]

A. -Ce qui constitue un obstacle, une entrave.

1.Obstacle matériel, chose qui gêne, qui retient, qui embarrasse....

Et qu'il batent presentement ceuls qui s'en veulent fuir, et qui ordeinent fossés ou aucuns telz empeschemenz afin que l'en ne puisse fuir. (Oresme, E.A., c.1370, 212)

'Et, se il faissoient che chemin, il trouveroient tant d'empecemens, de crolières et de mauvais pas que il ne se poroient tenir ensamble.' (Froiss., Chron. R., X, c.1375-1400, 288)

... .II. choses la moevent [la chose pesante] : une est ce qui oste l'empeeschement par quoi elle estoit tenue hors de son lieu ; autre est sa propre pesanteur (Oresme, C.M., c.1377, 676)

...les glaces qui descendoient de haut ne povoit avoir leur cours devers Saint Pol et devers Greve, pour ce que celle partie estoit ancor gelée, si resistoit audiz glaçons que ne passassent de cel cousté, si faloit que alassent par la partie qui est devers lesdiz petis pons qui estoit plus desgelée et plus expediée d'empeschemens. (Baye, I, 1400-1410, 217)

Aprés vient le .IIIe. estat du peuple qui sont les gens de mestier et les laboureurs des terres, lesquelz nous prenons pour la darraine partie du corps de la policie qui sont comme les jambes et les piés dit encore Plutarque que par souveraine cure on les doit garder qu'ilz ne hurtent de aucun empechement, pour ce que de leur hurt pourroit venir au corps trop pereilleuse cheoite. (Chr. Piz., Corps policie L., 1406-1407, 194)

...vindrent logier tous ensamble (...) en la ville de Verbrie, à tout foison de vivres, et grand nombre de paysans, qui avoient pluiseurs instrumens, est assavoir cuignières, soioires, louches, sarpes, hauwiaux et autres pareulx ostieux, pour refaire et réparer les chemins parmy forestz et autres lieux que les asségans avoient empeschez en pluiseurs parties, tant de gros bois qu'ilz avoient fait abatre et traverser èsdiz chemins, comme de fossés qu'ilz avoient fait faire, et autres empeschemens. (Monstrelet, Chron. D.-A., t.4, c.1444-1453, 409)

Adont lui fut avis qu'il sailly sus, l'espee au poing, pour aller aprés la pucelle, mais il trouva ses gambes tant enveloppees de ronces et d'autres empeschemens qu'il ne se pouoit descarpir (Percef. III, R., t.2, c.1450 [c.1340], 222)

...mais ce jour ceulx du pays avoyent rompu ung pont par ou il falloit passer l'artillerie, qui fut ung grant destourbier et empeschement pour l'armee. (La Vigne, V.N., p.1495, 292)

2.Par extension. Obstacle quel qu'il soit.

Raisons le tenoit en sa destre [un miroir] , Une balance en sa senestre, Si que la dame s'i miroit Plus souvent qu'on ne vous diroit. La vëoit elle clerement Sans obscurté n'empeschement [var. empeechement] , Quanque Dieus et Nature donne A bonne eüreuse personne. (Mach., J. R. Nav., 1349, 177)

Che sont ychi les empeschemens de la vie par lesquelz sapience est empeschie, desquelz les .V. sont espiritueulx, asscavoir orgueil, envie, ire, pareche et avarice, les deux aultres sont charnelz, asscavoir gloutonnie et luxure. (Daudin, De la erudition H., c.1360-1380, 32)

Quant les empeschemens dessus dis sont tous ostés et les aides dessus thouchies applicquees, lors seurement peut l'escolier poursievir la discipline de l'estude, et en ycelle, s'il est convenable a sa personne, monter a perfection comme par quatre degrés, ainsi dist Boece. (Daudin, De la erudition H., c.1360-1380, 50)

Et, mon tresdoulz cuer, plaise vous savoir que onques lettres ne vinrent si bien a point come les vostres derrenieres, car vraiement, depuis que vous m'escrisistes l'autre fois, je ne fui sans pensement, soussi et paour que vous n'euissiés aucun empechement. (Mach., Voir, 1364, 406)

Ils abillierent leurs chevaus, Et issirent de leurs vaissiaus Bien et bel et arreement, Sans avoir nul empechement [var. empeechement, empeeschement] . (Mach., P. Alex., p.1369, 76)

Tant firent qu'il vinrent au Quaire, Sans avoir nul empeschement. (Mach., P. Alex., p.1369, 116)

Mais aucune fois en l'operacion qui est esleüe par vertu peut estre empeechement. (Oresme, E.A.C., c.1370, 184)

Mais celui qui vaque et met son entencion a speculacion, il ne a mestier de nulle tele chose quant a son operacion ; mais l'en puet dire que teles choses li sont un empeeschement a sa speculacion. (Oresme, E.A., c.1370, 526)

...le roy Henry luy vouloit prester gens assez et navie pour aler en Bougie, et s'en doubta le roy de Bougie grandement, mais ung empeschement luy vint qui le rompi et brisa tout. (Froiss., Chron. M., XIV, c.1375-1400, 11)

Lequel, lesdiz serviteurs de lui qui parle, se assemblerent au lieu que prins, dit et nommé avoient ; mais pour aucunes causes et empeschemens qui lors survindrent, n'est record quelz, ilz s'en retournerent sanz autre chose faire, et ne alerent aucunement veoir ne adviser icellui fort. (Reg. crim. Chât., II, 1389-1392, 195)

Et le lendemain prist congié de ses gens et s'en va après l'ost au train de la fumiere, ainsi comme il avoit dit au grant maistre de Rodes, qui moult avoit grant doubte que Gieffroy n'eust aucun empeschement, et aussi avoient ses freres a qui il l'avoit fait assavoir. Mais pour neant s'en doubtent, car sempres le verront. (Arras, c.1392-1393, 225)

Item, que aux deux premiers bancs autour du parquet soient assis les advocas du roy, et ès seconds bancs les advocas notables selon l'ordre qui y fu baillié au derrain eschiquier et ès autres bans, chacun en son endroit, sans murmure, debat ou empeschement. (Echiq. Normandie S., 1423, 113)

Aux beneurez et à ceulx qui sont disposés d'avoir du bien de fortune par la souveraine disposition de Dieu, [elle] baille premièrement des ostacles et des empeschemens plusieurs, adfin qu'ilz n'aient occasion d'eulx eslever en orgueil et presumpcion, quant ilz parviennent en grant prosperité, et qu'ilz recongnoissent que tout vient de Dieu et non seullement du bien d'eulx. (Bueil, I, 1461-1466, 74)

Empeschement de qqc. Obstacle que constitue qqc..

...car elle n'estoit mie ne[tte] quant elle fust conceüe, pour l'enpechement de la delectacion charnele, je vous respons que monseigneur saint Bernart, en celle auctorité, entandoit de la concepcion de la semence, car, avant que la matiere fust, elle ne povet mie estre conceüe, ne en l'effusion de la semence, pour l'ardeur de la delectacion charnelle de sez parens. (Songe verg. S., t.2, 1378, 258)

Le tamps estoit pour ce jour si doulx et tant attempré par l'empeschement des nuees qui evitoient la challeur du soleil... (Percef. IV, R., c.1450 [c.1340], 2)

...quant aulcune matiere grosse et visqueuse se tient en aulcun conduit et chaleur est forte, elle embrase icelle matiere et la veult digerer et esmouvoir et assimiler et elle ne peut pour l'empeschement de la matiere, adonc elle resolve le subtil et le gros demeure (Gordon, Prat., c.1450-1500, VI, 12)

...la cause qui a ce faire le mouvoit estoit affin que madame ne desire pas tant l'assault amoureux, pour la peine et empeschement de ce jaserant. [Un mari exige que sa femme revête un jaserant pour faire l'amour] (C.n.n., c.1456-1467, 279)

Empeschement du monde. Obstacle sur la voie du salut que représentent les tentations mondaines.

Car je sui hors de tout annuy Et de l'empeschement du monde Et il n'est rien qui tant confonde Et mette au nient devocion. (Mir. pape, 1346, 375)

Empeschement de + inf. Obstacle qui interdit de.

...il passoient et rapasoient ensi que il voloient, la riviere de Ourne, car la mer estoit si basse pour celle heure que il n'i avoient nul empecement de passer (Froiss., Chron. D., p.1400, 693)

Sans (aucun/nul) empeschement. Sans obstacle, sans difficulté.

Et le costé fendu avoit, Si qu'on veoit appertement Son cuer sans nul empechement... (Mach., Voir, 1364, 648)

Apres li fils se coronna, Et sus son chief la coronne a De fin or. Si gouverne et regne Comme sires de tout le regne, Par le gré de tous et de toutes, Sans empeschement et sans doubtes. (Mach., P. Alex., p.1369, 19)

'...Vous m'avez dit qu'en Alixandre A une porte qui est mendre Des autres, et que c'est li lieus De la ville où on porroit mieus Assaillir, et qu'on la porroit Penre par assaut qui vorroit.' Percevaus tantost respondi : 'Certes, sire, je vous le di, Veoir la poez outreement, Et chascuns sans empeschement, C'est la Porte de l'Audouanne...' (Mach., P. Alex., p.1369, 85)

La onziesme joye de mariage si est quant ung gentil gallant, jeune et jolis, s'en va par païs gaiement et est en franchise et peut aller de lieu en lieu a son plesir sans nul empeschement, et va au long de l'an en pluseurs lieux et par especial ou il sceit dames, damoiselles, bourgeoises ou aultres femmes selon l'estat dont il est. (Quinze joies mar. R., c.1390-1410, 82)

Eslongnez hors de vostre teste Vostre douloreux pensement, Moustrez vous homme, non pas beste, Faictes que, sans empeschement, Ait en vous le gouvernement Raison, qui souvent a pourveu En maint meschief tressagement, Quant la Mort a son cop feru. (CH. D'ORLÉANS, Songe compl. C., 1437, 109)

'Madame, se celui Ourseau ou Gallaphur, Utram ou Sanguin estoient cy, sans aucun empeschement feroient vos deux enffans chevaliers.' (Percef. IV, R., c.1450 [c.1340], 1034)

Le noble conte se remist plus avant au chemin et ne cessa de chevaucier tant qu'il vint auprez de Parpingnan, ou il entra sans empeschement par sa suptilité et se loga chiez ung bourgois, homme de grant fachon et bien renommé en son estat (Comte Artois, c.1453-1467, 27)

Sans empeschement de qqn/qqc.

Jeudi, XXVIJe jour de ce mois [d' avril] , vindrent certaines nouvelles par lettres et messages de la venue du Roy à Calais, qui avoit prochainement à grant compaignie de gens d' armes passé la mer, sans empeschement de maladie ou autre destourbier sur mer. (Fauq., II, 1421-1430, 338)

Mais par la grace de Dieu il passa sans empeschement de ses anemis, fors que de tresgrandismes fortunes de mer qui les deppartist longuement (La Sale, Salade, c.1442-1444, 174)

Donner/porter empeschement à qqn. Créer une gêne, un embarras, un obstacle à qqn.

...il fissent fosser grans fossés et parfons (...) pour donner grant empecement as Englès. (Froiss., Chron. R., IX, c.1375-1400, 286)

: Il ne sont bon, fors a la table. (...) Il nous porteront plus d'empecement que de avancement. (Froiss., Chron. D., p.1400, 728)

Son mary savoit bien que de telle condicion estoit, mais de subtilier ne querir remede pour luy donner empeschement [à sa femme lubrique] , il ne le savoit trouver (C.n.n., c.1456-1467, 518)

[D'une chose] Donner/faire empeschement (à qqn/qqc.). Constituer une gêne, un embarras, un obstacle.

Tantost en apela Regnault le sien parent : 'Car ce secours icy nous fait enpechement !...' (Renaut Mont. B.N. V., c.1350-1400, 336)

Et autres choses delictables, il les appetera, gardé toutesvoies que il ne facent empeschement as choses dessus dites, c'est asavoir, a santé et a bonne habitude. (Oresme, E.A., c.1370, 226)

...il ne voloient point estre cargiet, sus le grant cemin que il avoient a faire, de nulle cose qui lor donnast empecement. (Froiss., Chron. D., p.1400, 696)

S'en ce printemps que les fueilles et fleurs Es arbreceaulx percent nouvellement, Amours vouloit moy faire ce secours, Que les branches qui font empeschement Il retrenchast du tout entierement Pour y anter un raimseau de plaisance, Il geteroit bourjons de souffisance (Chart., R. Bal., c.1410-1425, 388)

Et quant Holland vey que le chevalier lui avoit joué de ce tour, il lui dist : 'Nostre maistre, soyés certain que je vous occiray, car pour neant ne m'avés couppé le bras qui ne me donnoit qu'empeschement !' (Percef. IV, R., c.1450 [c.1340], 114)

Donner empeschement (à qqn) à/pour + inf. Empêcher (qqn) de.

Avoit aussi une crainte et doubte qui le destourboit et donnoit empeschement a executer son desir (C.n.n., c.1456-1467, 559)

...nul ne la gardoit, nul ne luy donnoit empeschement pour mectre a execution son desir (C.n.n., c.1456-1467, 568)

Nul serviteur ne parent du duc Jehan Galiace de Milan ne donnoit empeschement audit seigneur Ludovic à prendre la duchié pour luy que la femme dudit duc, qui estoit jeune et saige et fille du duc Alphonce de Calabre, que par devant ay nommé, filz aisné du roy Ferrand de Napples. (Comm., III, 1495-1498, 19)

Mettre empeschement à/en/sur qqc. S'opposer à qqc..

...il li ottroie Qu'il face son pelerinage à la columpne et son voiage, Et qu'il soit quittes et absos, Soit grans, petis, sages ou fos, Se li soudans empeschement Y metoit, et non autrement. (Mach., P. Alex., p.1369, 175)

Quant il le vous aura accordé, si lui demandez autant de place en ceste roche et en ce desrubant comment un cuir de cerf pourra enclourre, et qu'il le vous donne si franchement que nulz n'y mette ne saiche mettre empeschement de hommage de fief, ne de rente nulle. (Arras, c.1392-1393, 31)

Et fist li rois de France moult fort garder la mer, car il voloit donner et mettre empecement sus le retour dou roi d'Engleterre. (Froiss., Chron. D., p.1400, 344)

Lors, parmi Paradis terrestre Les mena Dieu, et de tout l'estre Il leur habandonna l'usage, Et a user de tout fruitage, Fors d'un seul pommier du vergier, Leur deffent les pommes mengier, Mais le deable, qui envie Ot d'omme, qui aprés sa vie Devoit posseder Paradis, Dont le deable chut jadis, Pour ce, y volt mettre empeschement, Si n'exploicta pas lachement, Ainçois forme de serpent prist (Chr. Piz., M.F., II, 1400-1403, 136)

...comme celle ne peust mettre empeschement en sa mort, s'en doulousoit forment (Chr. Piz., Cité dames C., c.1404-1407, 837)

L'ERMITE. Venir n'estoit pas tout aisay, Les festes estoient deffendus. LE PRINCIPAL. En ung gibet fussent pendus Ceulx qui y misdrent empeschement. (Sots gard., a.1488, 101)

Sans trouver empeschement (à qqc.)

Et de quel arc porra dont traire Amans pour cuer de dame attraire En sa prise paisiblement, Sans y trouver empeschement [var. empeeschement] ? (Mach., D. Aler., a.1349, 269)

Autel puet on d'un amant dire Qui puet parler sans contredire A sa dame et prendre loisir Toutes heures a son plaisir, Sans trouver empeechement, C'est assavoir honnestement Prendre deduis et esbanois Et trés tous amoureus denois. (Mach., D. Aler., a.1349, 322)

Le soleil de Bonne Amour fine Qui les loiaus cuers enlumine, Et des yeus les rais recevoir, Pour vëoir et pour concevoir Le soleil d'Amours clerement, Sans y trouver empeschement [var. empeechement] . (Mach., D. Aler., a.1349, 348)

Avoir empeschement de mort. Ne pouvoir faire qqc. pour cause de décès.

Et en cas que les nuef dessus nomméz ou aucuns d'iaux averoient empeschement de mort ou aultre leal essoinne, que Diex ne weille, pour quoi bonnement ne peussent entendre aux choses dessus dictes tantost (Trés. Reth. S.L., t.2, 1366, 181)

3.Par métonymie.

a)Fait d'être en butte à un obstacle, d'où malheur, détresse.

Il me poise, par verité, Maire, de vostre empeschement Et de ceste mort malement (Mir. femme, 1368, 199)

La .V^e. branche si est d'avoir joie du mal d'autruy ou de son empeschement, et destruire a son pouoir le bien quant il scet qu'il doit venir a autruy. (Ménagier Paris B.F., c.1392-1394, 27)

b)Opposition, action militaire tendant à faire obstacle.

Tant ont erré par leurs journées En terre, en mer et en galées, Qu'il sont à Nimesson venu. Encor ne leur est avenu Empeschement ne destourbier ; Et aussi tuit li messagier De Venise avec eaus estoient, Sans partir, et les conduisoient. (Mach., P. Alex., p.1369, 124)

...par l'empeschement et destourbier que les archiers ont donné a l'assembler (Jean De Montreuil, Traité cheval. G.O.O., 1413, 127)

...car noz asles combatront bien les leurs et les garderont bien, se Dieu plaist, qu'ilz ne nous donneront point d'empeschement sur les costez. (Bueil, II, 1461-1466, 200)

B. -En particulier. [Domaine juridique]

1.Obstacle juridique, interdiction.

'Et jureront li dit roy (...) qu'il tenront (...) les dittes coses (...) sans fraude et sans nul engin, et sans faire nul empeechement.' (Froiss., Chron. L., VII, c.1375-1400, 87)

Et l'avoient li eslisseur esleu a estre empereres de Ronme ; mais le rois Phelippes et li signeur de France i metoient un grant empecement, et voloient que Carles de Boesme (...) fust empereres. (Froiss., Chron. D., p.1400, 243)

Ce jour, la Court a enchargié à maistre Nicolas Raoulin, advocat, de monstrer et mettre par devers la Court les lettres qu'il se dit avoir de la delivrance à lui faicte par la duchesse de Bourgoingne sur les empeschemens à lui fais assez tost après le trespas du feu duc de Bourgoingne, derrainement trespassé. (Fauq., I, 1417-1420, 373)

Et ce fait, la Court a deliberé et conclud que, pour ce que ledit maistre Bernart avoit respondu ausdis interrogatoires, et qu'il avoit quant à ce fourny l'appoinctement de la Court, que la Court osteroit l'empeschement et les defenses faictes à l'evesque de Paris (Fauq., II, 1421-1430, 239)

...pour occasion de certains procès qu'il a en son privé nom contre les diz supplians, leur a suscité certaine nouvelleté, et incité noz autres officiers à mettre et donner ausdiz supplians aucuns troubles et empeschemens en leurs immunités, franchises et droictures, à tort (Lettres Louis XI, V., t.9, 1481-1482, 272)

2.Entrave mise par qqn à la jouissance d'un bien, d'un privilège.

Iten [sic] done a ma fille Jehanne mon grant mantel de vars, mes mainges d'ermines, ensamble ma corone d'ort qui est a la Cote Saint Andrey, et ou caux que ladicte corone serait en aucune menere empeschié, je vuis et ordene que par mes executours contenus en mondit testament, lidit empeschement soit ostex et li soit donee et rendue framchement et quittement. (Test. Besanç. R., t.1, 1372, 464)

...que ledit empescheur oste tous les empeschemens qu'il a mis ausdis complaignans es choses dessus dites, et en iceulx oste, rende et paie tout ce qu'il doit ausdis complaignans (Trés. Reth. S.L., t.2, 1399, 472)

Et ce fait, maistre Raoul de la Porte, docteur regent en la Faculté de theologie, de par l'Université de Paris (...) fist certaines requestes à mondit seigneur le Dauphin ou regard des privileges de ladicte Université, qu'il disoit avoir esté enfrains ou empeschiez, requerant l'empeschement estre osté (Fauq., I, 1417-1420, 62)

Ce jour, sur la requeste baillée par escript à la Court par maistre Guillaume Cotin, conseillier du Roy, pour avoir main levée de la prevosté de Suevre, en l'eglise Saint-Martin de Tours (...) la Court, informée et acertenée du trespas d'icellui feu d'Aigny, a levé ladicte mainmise et tout empeschement mis en ladicte prevosté au prouffit dudit Cotin pour le temps avenir. (Fauq., III, 1431-1435, 68)

Et ne se peult faire que l'empeschement de la mere ne se tranporte au filz (Juv. Urs., T. crest., c.1446, 50)

La IIJe consideracion de ce point si est les aultres plaintes (...) et des empeschemens que on leur [les ecclésiastiques] faisoit en leurs jurisdictions (Juv. Urs., Verba, 1452, 377)

...à l'occasion de certaine main mise et autres empeschemens à luy faiz (...) en la ville, terre et seigneurie de la Lande à luy appartenant, à certains tiltres et moyens à declairer quant mestier sera, il se trahy par devers nous et les gens de nostre Grant Conseil, et son cas donné à entendre, et ses lettres, tiltres et enseignemens exhibez et veuz en nostredit Conseil, obtint de nous (...) noz lettres de main levée desdiz empeschemens (Lettres Louis XI, V., t.3, 1465-1469, 244)

Et, non obstant lesditz empeschemens des biens de ceulx qui estoient rebelles, toutesfois il donnoit provision à leurs femmes et enfans de vivre desditz biens (Le Clerc, Interp. Roye, c.1502, 250)

3.[À propos des droits d'un bâtard] État d'une personne privée de certains droits ; incapacité.

...l'en doit avoir pitié de celluy qui a aucune inhabilité ou enpechement en sa personne, lequel enpechement luy vient non mie de son vice, mez du vice et de la coulpe de sez parens (Songe verg. S., t.1, 1378, 292)

4.Empechement (de mariage). Présence d'un fait qui, selon la loi, gêne ou annule le mariage.

Mez quant en fourme de mariage, se le mariage est nul pour cause d'aucun empeche[ment] de consanguinité ou d'affinité, adonques le Pape puet, proprement, legitimer, car il puet dispenser contre l'enpechement qui vient de Droit positif et non mie contre celluy qui vient et procede de Droit naturel. (Songe verg. S., t.2, 1378, 212)

Ilz font les nopces sans bans et sans selles a l'aventure, quar il lui tarde moult qu'il la tienge et auxi les amis de la fille ont paour qu'il y ait aucun empeschement. (Quinze joies mar. R., c.1390-1410, 89)

...que nostre dicte fille nous soit rendue et restituée franche et desliée de tous liens et empeschemens de mariage et d'autres obligacions quelconques (Ch. VI, D., t.1, 1400, 172)

Notez que sept empeschemens sont en mariage, comme il appert par ces lettres ensieuvans : Erreur, condition, veu, cognation, pechié, disparité de religion, ordre, ligation, honnesté, parenté, impuissance de habiter ensemble. (Sacr. mar., c.1477-1481, 48)

...ou cellui qui est maleficié de perpetuel malefice de fait espouse aucune femme, telz espousailles qui n'ont esté d'aucune valeur prestent, donnent et baillent empeschement a ceulz de la consanguinité afin qu'ilz ne peuent contraire avec telz espoux (Sacr. mar., c.1477-1481, 72)

5.Détention, emprisonnement de qqn.

Ne savons ou aler, (...) Car il n'a homme en France (...) Qui n'ait juré no mort et nostre enpeschement (Renaut Mont. B.N. V., c.1350-1400, 247)

...mondit seigneur de Bourbon, avant l'empeschement de Jacques Cuer, avoit saisi et mis en sa main lesdictes terres par défault de homme et hommaige non faiz. (Aff. Jacques Coeur M., 1453-1457, 135)

...ung nommé Martin Benedicite, qui portoit lettres de la contesse de Dampmartin audit conte, pour ce qu'il le cuidoit trouver en la Bastide à Paris, qui fut la cause pour quoy il alloit après et aussi que par plusieurs autres foys il luy avoit porté des lettres touchant son empeschement (Le Clerc, Interp. Roye, c.1502, 176)

Empeschement en la personne de qqn/de la personne de qqn

Et aussi avons levé et osté, levons et ostons tout empeschement et main mise qui seroient ou auroient esté mises en sa personne et biens quelxconques. (Doc. Poitou G., t.5, 1377, 21)

Et au regard dudit Village il me dist que il crainct que on luy voulsist faire et donner empeschement en sa personne. (Aff. Jacques Coeur M., 1453-1457, 187)

...nous avons presentement sceu le trespas de feu nostre trés chier et trés amé oncle le duc de Millan. Aussi avons esté advertiz qu'on a prins et arresté en Savoye (...) le conte Galleas, son filz, à present vostre duc, duquel trespas et empeschement de la personne de nostre dit cousin nous avons esté et sommes plus desplaisans que jamais fusmes de chose qui nous soit advenue. (Lettres Louis XI, V., t.3, 1466, 39)

...nous avons sceu qu'il a pleu à Dieu faire son commandement de feu nostre trés chier et trés amé oncle le duc de Millan, (...) et aussi l'empeschement qui a esté fait au pais de Savoye en vostre personne (Lettres Louis XI, V., t.3, 1466, 41)

Empeschement de corps. Emprisonnement ; torture.

Et requist que, pour Dieu et en aumosne, l'en ne lui volsist faire ou donner pour ce aucun destourbier, tourment ou empeschement de son corps. (Reg. crim. Chât., I, 1389-1392, 446)

6.Mise en accusation.

...supplie vostre humble chapelleyn, T[homas] Ercevesque de Cantirbirs (...) que plese a vostre majesté roiale considerer la matir du dit empeschement et le jugement issint erroynement renduz en sa absence sanz response, par agarde affaire en cest present parlement le dit juggement revercer et le come de nulle value declarer (Lettres agn. L., c.1399, 20)

Remarque : Sens enregistré par AND (qui cite cet ex.), on le note aussi en m. angl. (cf. MED, s.v. empechement) et FEW, loc. cit. l'atteste isolément dans un doc. de Haute-Bretagne de 1295.

C. -Par analogie. Ce qui gêne, qui risque de gêner ; ce qui retient.

1.Au pluriel. [Trad. du lat. impedimenta] Bagages d'une armée.

...et, quant il vist que li jours estoit clers, il commença a chevauchier d'une partie et d'autre entour les stacions des ennemis, lesquellez estoient disposeez dehors le sault devers les Romains, et, comme il veist que il les avoit assez longuement fraudé et detenu pour donner aus legions et aus empeschemens espace de passer, il se requeult en ces tentez et s'en issi par une porte et chevaucha tant que il aconsuist l'ost avant que il feust nuis. (Bers., I, 9, c.1354-1359, 36.10, 66)

Empeechemens sont appelé en general fardiaus, somagez, chars et charretes, si comme tu trouveras mout de foiz car aucunz princez tremist avant soi ou laissa aucune part sez empeechemens. (Bers., Gloss. D., c.1355, 141)

...pour retrenchier les empeeschemens qui estoient a charge a la compaignie de l'ost, fist mettre les vaissiaux et les vivres pour chascun chevalier en faicelez [var. fardelez] et apliquier devant fourchetes souz les quelles il eust convenable faissel et legier repos (Foul., Policrat. B., VI, 1372, 175)

Et quant les femmes des fuians virent le fait, lesquelles estoient o les charrettes et charios et les aultres empeschemens, pas n'ensuirent de leurs maris la fuite, mais de leur charroy, duquel avoient grant nombre, elles s'enclorrent par maniere de forteresce (Cleres nobles femmes B.H., t.2, 1401, 91)

2.Au pluriel. Troubles.

...il le sieuroit hastéement en Portingal, voire se plus grans empechemens (...) ne estoient apparant en Engletière n'i avenoient. (Froiss., Chron. R., X, c.1375-1400, 92)

Cedit jour, sont venus en la Court maistre J.. Juvenel, advocat du Roy, J.. Le Bugle, procureur de la ville de Paris, Guillaume Cyrasse, eschevin de Paris, et aucuns bourgoiz qui ont requiz, que comme il soit besoin que la Court entende à entretenir la paix commencée, et afin d'obvier à pluseurs entreprises et empeschemens que pluseurs pertourbleurs de la paix se pourroient efforcier de faire, se remede n'y estoit miz par bon adviz et conseil de la Court et d'autres, que la Court surseist de plaider, jusques à ce que les choses fussent en plus grant seurté, ce qui a esté octroyé. (Baye, II, 1411-1417, 127)

...pour adviser manieres de fournir de vivres ladicte Ville et pour remedier et pourveoir aux empeschemens que faisoient au contraire les gens d'armes qui se disoient estre au Roy, au duc de Bourgongne et autres. (Fauq., I, 1417-1420, 183)

3.MÉDECINE Gêne dans le fonctionnement d'un organe.

Et pour ce, donques, que felicité est acquise par discipline et par estude, est ce une chose qui puet estre moult commune et laquelle est possible a avoir a tous ceuls qui ne ont empeechement ou deffaute de nature en euls par quoy il ne puissent acquerir vertu. (Oresme, E.A., c.1370, 129)

Et semblablement l'en diroit que .I. corps enferme retourne par soy meisme a sa santé naturele quant l'empeeschement est osté, combien que, pour ce que il est dessemblable en ses parties, une altere l'autre, si comme le cuer les autres membres (Oresme, C.M., c.1377, 680)

Encores n'est pas chascune humaine creature disposee souffisamment pour veoir icy Dieu en telle maniere : les aucuns pour l'empeschement du corps qui oste l'usaige de raison, soit a cause de aage comme es enfans, soit a cause de maladie comme es demoniaques et hors du sens, et soit par mauvaise complexion comme es folz de nature (Gers., Trin., 1402, 153)

En iceux membres avennent plusieurs nocumens ou empechemens et avec ce le anhelit en est difficile (Gordon, Prat., c.1450-1500, IV, 1)

La cinquiesme ayde est qu'elle la saignée oste les enpessemens de la vois. (Rég. santé corps C., 1480, 166)

4.Occupation (qui retient qqn).

Si ne seroient fors qu'alongnes, Car leurs fillés et leurs quelongnes Est leur empeschement plus grant (Chr. Piz., M.F., II, 1400-1403, 81)

...a cause de la grosse assemblée, et de l'empeschement que l'abbesse et ses guectes avoient, il eut bien loisir de dire a sa dame ses doleances. [Une abbesse marie sa nièce dans son couvent] (C.n.n., c.1456-1467, 306)