FRAYEUR

substantif féminin

[T-L : frëor ; GD : freor ; GDC : freor ; AND : freur ; DECT : frëor ; FEW (III, 746a) : fragor ; TLF (VIII, 1233b) : frayeur]

A. -Peur soudaine et intense, frayeur.

Et quant j'eus tout cela veü, Ymaginé et conceü, J'en os en moy moult grant frëour Pour le feu, doubtance et paour, Qu'adès vraiement me sambloit Que vers moy lancier le voloit. (Mach., D. verg., a.1340, 20)

La demouray tous seuls en grant frëour [var. errour] , Si qu'en pensant commensay son atour, Sa grant douçour, sa colour, sa valour A remirer, Son biau maintieng, son venir, son aler, Son gentil corps, son gracieus parler... (Mach., J. R. Beh., c.1340, 79)

Certes, si fais, Ce m'est avis, quant einsi fais. Di moy dont te vient la paour [var. fraour] Que tu as, ne celle frëour. As tu doubtance de ton ombre ? Je croy que c'est ce qui t'encombre. (Mach., R. Fort., c.1341, 114)

Dont quant il [l'alérion] est si haut montez, En cas qu'il soit fais et dontez, Li autrë oisel qui le voient Et haut de leurs yeus le convoient, Ont de son ravaller paour Et en entrent en tel frëour, Quant vers euls le voient venir, Il ne scevent que devenir : Il s'en fuient et se tapissent... (Mach., D. Aler., a.1349, 326)

Et fust uns homs trestout enmy Grant planté de ses annemis, Qui tuit li eüssent promis La mort, et tuer le porroient A leur plaisir, quant il vorroient, Lui vivant en celle paour, Non obstant grieté ne frëour, Se trouveroit il reconfort. (Mach., J. R. Nav., 1349, 210)

Mes fréres, j'ay eu, par m'ame, Grant freeur quant l'oy parler (Mir. mère pape, c.1355, 389)

...une creature Oy qui trop fort se plaignoit, Et bien vi que pas ne faingnoit, Car son plaint si parfondement Prenoit, et son gemissement, Que j'en os horreur et frëour, Doubtance, frisson et paour. Et si l'oy deus fois ou trois, Dont je fu durement destrois. (Mach., F. am., c.1361, 145)

Et s'à li fais clamour, En doubt et en cremour, De desir, qui freour Met en moy et rumour Et me fait maint estour, Dont mi mal sont piour Et dont je descolour, Mi mal en sont menour. (Mach., Vez ci, 1364, 273)

'Je vous dirai nouvelles Qui vous seront bonnes et belles : Vo dame de par moi vous mande Et m'a dit que je vous attande Et que tout droit a li vous maine, Quar il ha bien une semaine, Voire .I. mois qu'elle ne vous vid, Ce li semble, et se le m'a dit. Levés vous et venés a li !' Mais en l'eure os le vis palli, Car il me vint une freour, Qui estoit fille de Paour, Et de penser[s] plus de .X. paires, A mon fait amoureus contraires. (Mach., Voir, 1364, 230)

Il aront honneur et victoire. Il dist : 'Signeurs, n'aiez doubtance De la planté, de la puissance Des anemis Dieu, ne freour, Qu'il vivent en si grant errour, En tel pechié, en tel misere, Qu'il ne congnoissent Dieu le pere, Ses commandemens, ne sa loy...' (Mach., P. Alex., p.1369, 66)

...Et le vallet ont encontré Qui dist moult haut tous esbahis : 'Elas, messires est trahis !' A ce mot, li roys s'esvilla, Qui onques puis ne sommilla, Car doubtance avoit et freour, Con cils qui de mort a paour. (Mach., P. Alex., p.1369, 268)

...Dont ma suer prist telle fraeur, Tel paeur et telle douleur Que hors du pays s'en foy (Mir. Oton, c.1370, 377)

Las ! or sui en grant freour Pour paour Qu'elle ailleurs s'amour n'ottrie ; Et s'il avient, en langour, Par tristour, Convendra qu'elle m'ocie... (Mach., Ch. bal., 1377, 609)

...et vit, elle qui parle, issir, par une fenestre qui estoit ouverte en sa chambre, ledit ennemi ; et à l'issir dudit hostel, fist icellui ennemi grant noise et en maniere de tourbeillon de vent, dont elle qui parle ot moult grant paour et freour. (Reg. crim. Chât., I, 1389-1392, 356)

...il vit et apperçut ledit Robin Vasselin et ledit Pelart, prisonnier, qui tiroient une houpelande l'un contre l'autre ; et, en tirant, ledit Jehannin Pelart dist audit Robin Vasselin que par le sanglant foutre Dieu il n'emporteroit point ladite houpelande. De laquelle parolle il qui deppose ot grant hide et fraïeur à son cuer. (Reg. crim. Chât., II, 1389-1392, 355)

Et conbien que l'ame devote a la venue de la mort avera freour, orreur et doubtance de lui, pour ce qu'elle est encores conjointe aveuc la char mortele (Mézières, Test. G., 1392, 301)

Et ses freres et les barons demourerent dessoubz en moult grant freour que Gieffroy ne feust periz. (Arras, c.1392-1393, 297)

...elle [Mélusine] s'en ala asseoir sur le banc au feu, l'une heure le viaire devers le lit et le doz au feu, si que ilz povoient tout a plain veoir sa face, et bien leur sembloit qu'elle avoit esté moult belle, et l'autre heure retournoit le visaige devers le feu, et gueres de temps ne se tenoit en un moment. En celle freour dist Cersuelle qu'il demoura jusques a une heure prez de jour. Lors se transfigura en guise de serpente comme devant, et s'en ala debatant de sa queue autour du lit et sur leurs piez, sans nul mal faire, et puis dist qu'elle se party, et la perdy si soubdainement qu'il ne scot oncques par ou. (Arras, c.1392-1393, 309)

...et se presenta une hydeuse figure, un monstre merveilleux. Se je en euz horreur et freieur, ne le demandés pas ! (Gers., Annonc., a.1400, 234)

Merveilleux signes apparurent, Dont Rommains moult grant freyeur heurent (Chr. Piz., M.F., III, 1400-1403, 210)

La dame, qui avoit l'oeil et l'oreille tousjours a son amy, l'entreoyt d'adventure, dont elle eut grand frayeur au cueur [L'ami est caché pour échapper au mari] (C.n.n., c.1456-1467, 436)

...a peu que je n'en suis morte de la grand frayeur que j'ay eue a le veoir [un diable] . (C.n.n., c.1456-1467, 438)

...mais en icelle faisant lesdiz habitans d'Arras en aucune partie se rebellerent et vindrent en l'abbaye de Saint Vast, où estoient assis à disner lesdiz seigneurs cardinal et autres nommez, et vindrent ilec en armes et fort effraiez, crians : Tuez, tuez ! dont tous lesdiz seigneurs orent la plus grant paour et fraieur qu'ilz orent onques en leurs vies, mais n'y ot point de mauvais mal fait pour ceste foiz. (Roye, Chron. scand., II, 1460-1483, 46)

...sa crainte [du dauphin] s'enforcist de plus en plus, et a esté en telle frayeur aprés qu'il a esté arrivé es pays de mondit seigneur le duc qu'a grant peine en est il hors de present et qu'il doubte plus que jamés ne fit (Chastell., Chron. IV, D., c.1461-1472, 45)

LE SECOND. Encore le dy je, entrerai ge ? LE PREMIER. Entre, je le vueil, n'ayes frayeur. (Feste roys, c.1475-1500, 302)

Cestui predist, selon aucuns, le grant mouvement de terre qui fut le IIIe des ydues d'aoust, qui fut si horrible que toute Angleterre en eut fraïeur (Simon De Phares, Astrol., c.1494-1498, f° 114 v°)

...sans paour, sans crainte et sans frayeur (La Vigne, V.N., p.1495, 288)

B. -Par métonymie. Chose effroyable ; en partic. bruit fracassant, tapage.

Et quant [Rochart] le vit si point par grant yrour. Encontr'eulz s'encontrerent par si grande freour (Galien D.B., c.1400-1500, 21)

Mener grande frayeur. Faire un grand tapage.

Atant ès Taffurois, qui mainent grant féour [l. freour ?] (God. Bouillon R.B., t.3, c.1356, 155)