FLEURIR

verbe

[T-L : florir ; GD : florir ; GDC : flori, florissant ; AND : flurir ; DECT : florir ; FEW (III, 628a) : florere ; TLF (VIII, 977b) : fleurir]

A. -Au propre.

1.Emploi intransitif.

Être en fleur.

Car l'iaue qui chiet desseure La racine qui demeure Fait renverdir et florir Et porter fruit : Tout einsi mes cuers qui pleure Parfondement a toute heure Acroistre mon souvenir Fait jour et nuit. (Mach., L. plour, 1349, 284)

Qu'envis puet on deraciner Un grant arbre, sans demourer De la racine, Qu'on voit puis flourir et porter Et ses branches croistre et geter, En brief termine. Certes, einsi est il d'amer : Car quant uns cuers se vuet enter En amour fine, Envis puet s'amour oublier, Einsois adès, par ramembrer, A li s'encline. (Mach., L. plour, 1349, 284)

...l'alemandier flourist plus tost que nul autre arbre (Mir. prev., 1352, 231)

Les arbres regarday flourir Et lievres et connins courir (Chart., L. Dames, 1416, 199)

Et souvent croist très bonne pomme Dedens le jardin d'un povre homme, Et entre ronces volentiers Fleurissent les frans aiglentiers (La Haye, P. peste, 1426, 164)

Oudit moys de juing, que les feves florissoient et deviennent bonnes, advint que plusieurs hommes et femmes perdirent leur bon entendement (Roye, Chron. scand., I, 1460-1483, 160)

[Dans un cont. métaph.]

Recorde ce qu'ay devant dit. Et s'elle [Nature] fait d'une racine Yssir fleur, et rose d'espine, Tout einsi fais j'un cuer florir En toute joie, et fais morir En li doleur ; car je l'esserbe, Si que de mal n'i demeure herbe. (Mach., R. Fort., c.1341, 82)

...avint que je descendi en une partie de ce jardin, la plus gaye et florissant, qui se nomme Cantiques (Gers., Concept., 1401, 388)

[De principes moraux] Se développer ; ici trouver sa réalisation pratique.

Et icy fineront mes VIII grains de glorieuse semence, lesquelx je prie a nostre souverain et tout puissant Dieu le saint esperit (...) que vous doinst la grace de les bien semer ou bon jardin de vostre tresnoble cuer, par quoy ilz puissent de bien en mieulx florir et recueiller. (La Sale, Salade, c.1442-1444, 21)

2.Emploi transitif. Orner de fleurs.

Des autres mois soit desjoins et ostés Et de Nature oubliés et hays, Et Avril soit exauciés, honnourés, Li biaus, li dous, li courtois, li jolis, Qui florist de toutes pars Les prez, les bois et les champs et les pars, Et me garist maugré Mars et sa route, Quant il m'a fait avoir en piet la goute. (Mach., L. dames, 1377, 223)

Par extension. Orner de branches vertes.

Pasques fleuries. Dimanche des Rameaux.

Aussi je vuil que mon [dit] pourveour achate contre le feste de Pasques floree prochain que vient, pour ma propre bouche, quatre tonelx de bon vin vermaille, et ce du millour que pourra estre trouvee en tout ce païs (Man. lang. G., 1396, 49)

Et pour ce, sont tenus païer au roy notre sire pour telle masure a en ladicte ville, se l'en y demeure ou fait feu, II s. t. de ples à Noël et au terme de Pasques fleuries (Hector De Chartres, Cout. R., 1398-1408, 20)

Item, doivent avoir bois ['buis'] pour boesser la croiz le jour de Pasques fleuries, et bastons pour le gieu des quillez que ilz font à la my Karesme. (Hector De Chartres, Cout. R., 1398-1408, 242)

Cedit jour, J. Maignier, huissier, a dit que la veille de Pasques flories perdi son seel, si proteste que chose qui depuiz avoit esté seellée d'icellui ne lui prejudicie. (Baye, I, 1400-1410, 316)

Ce apparut bien quant le jour de Pasques flories il chassa hors du temple innumerable multitude de juifs qui vendoyent et acheteoyent. (Gers., Concept., 1401, 424)

...d'ung curé qui oublia par negligence, ou faulte de sens, a annuncer le karesme a ses paroichiens, jusques a la vigille de Pasques fleuries (C.n.n., c.1456-1467, 19)

Le samedy qui estoit la nuyt de la blanche Pasques, que l'on dit Pasques flories... (C.n.n., c.1456-1467, 513)

Cestui jugea l'eclipse de la Lune, qui fut le XIe des kalendes d'avril, environ l'eure de neuf heures, le sabmedi devant Rameaux, c'est de Pasques flories, et predist les grans vens intemperez (Simon De Phares, Astrol., c.1494-1498, f° 117 r°)

-- Estant en ceste grand gloyre quant au monde et en bon vouloir quant à Dieu, le septiesme d'apvril l'an MCCCCIIIIxxXVIII, veille de Pasques fleuries, partit de la chambre de la royne Anne de Bretaigne, sa femme, et l'amena quant et luy veoir jouer à la paulme ceulx qui jouoyent aux fousséz du chasteau (Comm., III, 1495-1498, 304)

3.Participe passé en emploi adjectival.

[D'un végétal] En fleurs.

...Ou dous mois d'avril le joli, Me levay par un matinet Et entray en un jardinet Ou il avoit arbres pluseurs, Flouris de diverses coleurs. Si trouvay une sentelette Pleinne de rousée et d'erbette, Par ou j'alay sans atargier, Tant qu'a l'entrée d'un vergier Me fist aventure aporter. (Mach., D. verg., a.1340, 13)

Si m'abeli tant le demour Ou vergier par la grant planté Des arbres qu'on y ot planté Qui estoient vert et flouri, Qu'en un praielet m'embati. (Mach., D. verg., a.1340, 15)

Endormi estoie Dessouz un rosier flouri. Illecques songoie Qu'acolé avoie, Par grant amistié, Celle que j'amoie. (Mach., App., 1377, 647)

Les oyseaus deviennent danseurs Dessuz mainte branche flourie (CH. D'ORLÉANS, Rond. C., 1443-1460, 309)

Quant je treuve soubz fresche herbe fleurie Poignant chardon, et soubz clarté serie Umbre obscure, nuysant à ma nature, Soubz Bon Espoir toute Malle Adventure, Merveille n'est si mon propos varie. (Robertet, Oeuvres Z., c.1450-1500, 85)

[Dans un cont. métaph.] Fleuri (de qqc.)

Princes, veuillés d'un chapiaus de soucie, Flouri de plours et boutonné d'amer, Moy et mon chant, s'il vous plaist, couronner, Pour moy faire plus triste et plus dolent, Car bien affiert à moy si fait present. (Mach., L. dames, 1377, 65)

C'estes vous, tres bele, Qui estes l'entele Flourie et nouvelle, Mere, où Dieu, vierge et pucelle, Par deduit, Einsi le cuit, S'engendra, quant Gabriel Vous dist la nouvelle Qui 'ave' s'apelle. (Mach., Les lays, 1377, 398)

Une heure sui lie Et l'autre heure plour Com femme esbahie, Pleinne de tristour, De merencolie, De dueil et de plour, Quant je ne voy mie L'estoc et la flour De grace flourie Et pleinne de toute honnour. (Mach., Les lays, 1377, 445)

Et girofflees sur toutes souveraines, Nobles heuilletz, plaisantes armeries, Qui en tous temps sont la dedens flories (La Vigne, V.N., p.1495, 249)

[D'un espace] Couvert de fleurs.

...ci près a un jardin Vert et flouri ou il a grant tintin De rossignols ; s'i vins hui a matin, Pour escouter Leur biau service et leur joli chanter, Comment que po s'i peüst deporter Mon cuer que riens ne porroit conforter. (Mach., J. R. Beh., c.1340, 114)

Si que toute la compagnie Par accord soupasmes ensemble En un vergier, qui bien ressemble De douceur le biau paradis Que Eve et Adam eurent jadis, Car tant estoit vert et flory Que qui seroit ou pilori Dou vëoir se resjoieroit Et sa honte en oublieroit. (Mach., Voir, 1364, 344)

Ainsi parlant alions sanz detrier A voix serie, Tant qu'au logis a nostre hostelerie Fumes venus, ou une galerie A et dessoubz une place fleurie (Chr. Piz., Dit Poissy R., 1400, 181)

B. -Par analogie. [À propos d'âge]

[De la jeunesse] Être dans son premier éclat, dans toute sa fraîcheur.

Jeunesse fleurie

Pieça, en jennesse fleurie, Quant de vif entendement fu, J'eusse apris en heure et demye Plus qu'a present (CH. D'ORLÉANS, Ball. C., c.1415-1457, 179)

Prendre de la maturité.

Fleuri en age. Arrivé à l'âge mûr.

...lesquelz [princes] jennes veilloient en battailles et en ruynes l'ung sur l'autre par longs ans, floris en eage se reconcilierent de la grace de Dieu (Chastell., Chron. IV, D., c.1461-1472, 313)

Porter les marques de la maturité.

[D'une pers., d'un attribut de la pers.] Fleuri (par l'age). Blanchi, blanc, chenu.

...Joseph, qui est touz flouriz Ja par viel aage. (Mir. nat. N.S.J.C., c.1343, 233)

Errant li demanda : 'Gentilz hons seignoris, Enseigniés moy Butor au semblant et au vis'. Li chevaliers respont : 'C'est cilz barbés floris ; C'est li plus ancïens de quanque tu vois ci.' (Brun de la Mont. M., c.1350-1400, 16)

Dist ly roys Corbadas, à le barbe flourie : «Plus priès m'est ma chemise que ma robe viestie...» (God. Bouillon R.B., t.3, c.1356, 106)

Son père en appiella qui fu vieux et flouris (God. Bouillon R., t.2, c.1356, 352)

Le tiers hostel [où les Romains accueillaient les hommes méritants quand ils vieillissaient] estoit de repos plain, Quant la barbe leur devenoit florie (Desch., Oeuvres Q., t.3, c.1370-1407, 141)

«Naime, s'a dist le roy, par mon flouri grenon, Foy que doy ma couronne, (...) Jamais Hulin n'avra de sa terre ung bouton...» (Huon Bordeaux B., c.1400-1450, 21)

Et sy emmenray avec moy Charles par la barbe florie et le pendray ou feray bruler, et avec luy Rolant et ses compaignons ! (Bagnyon, Hist. Charlem. K., c.1465-1470, 166)

C. -Au figuré.

1.Emploi intransitif.

a)[D'une pers.] Être au sommet de son activité intellectuelle ; être en pleine gloire.

Socrates, le philozophe de Athenes, florit en ce temps, mirouer de philozophie, de science, de pacience et de vertu (Simon De Phares, Astrol., c.1494-1498, f° 48 r°)

Megastenes et Dionisius, hommes excellans en engin et florissans pour ce temps ès sciences de astrologie, geometrie et arismetiq, furent envoyés en Inde par Ptholomée Philadelphe (Simon De Phares, Astrol., c.1494-1498, f° 58 v°)

Posséder toutes les qualités humaines (physiques et morales).

Mais s'il songa de sa dame par effort d'amours, il vous fault dire qu'elle n'en demoura pas quitte, car sitost qu'elle fu couchee, il luy fu advis qu'elle veioit Jason, florissant par dessus tous hommes ; dont print a convoitier son amour et a desirer le jour affin que revoir le peut. (LEFÈVRE (R.), Hist. Jason P., c.1460, 139)

Briller (par des qualités morales).

L'aultre filz du sage roy Charles fu Loys, duc d'Orliens, à present vivant, flourissant, par grace de Dieu, en bien. (Chr. Piz., Faits meurs Ch. V, S., I, 1404, 169)

Prospérer matériellement ou socialement.

Les maivaiz font leur volentez Et en ce monde cy florissent, Et les bonnes gens y languissent. (Cycle myst. prem. mart. R., c.1430-1440, 106)

Et puis le trouva sur son retour et lui demanda pourquoy il n'y estoit demouré, veu que, où payz de là d'où il venoit, n'avoit pas gens qui eussent gueres veu, ne gens de grant fait, et que il y devoit fleurir et y povoit acquerir grant honneur et grant bien. (Bueil, II, 1461-1466, 259)

Fleurir en qqc. Prospérer en qqc..

Car selon la verité, combien que les mauvais flourissent en leur oevres et aient en leur vie grant prosperité (...) a la fin elle leur trebusche tout et finablement leur est amere (Foul., Policrat. B., III, 1372, 221)

Et pour ce toutes nascions de gens qui estoient an servitude desirerent lors estre en France pour estre francs, dont advint que France fut la plus noble terre du monde, la plus riche, la plus peuplee, la plus habitee, la mieulx ediffiee, flourissant en richesse, en science, en prudence, en la foy catholique et en toutes autres vertuz. (Quinze joies mar. R., c.1390-1410, 2)

Le duc et la duchesse visitarent, au partir de la feste d'Anvers, Malines et Brucelles et grant partie de la duchié de Brabant, et puis se tirarent en la ville de Gand, qui pour lors florissoit en habondance de biens, de richesses et de peuple (La Marche, Mém., II, c.1470, 82)

Connaître des succès (dans tel domaine).

...et lui escripvit une lettre comment il florissoit en armes et que Dieu lui avoit donné tant de victoires et tant d'honneur sur lui qu'il devoit souffire sans voulloir poursuir plus avant à sa destruction, qui lui seroit reputé cruaulté, veu qu'il n'avoit plus de puissance et qu'il avoit voullenté de soy mettre à son devoir (Bueil, II, 1461-1466, 250)

Développer en soi qqc. (une vertu).

Item, pareillement est escript de Guillaume, conte de Nevers, lequel flouri en grans vertus (Chr. Piz., Faits meurs Ch. V, S., I, 1404, 99)

L'aultre filz du sage roy Charles fu Loys, duc d'Orliens, à present vivant, flourissant, par grace de Dieu, en bien. (Chr. Piz., Faits meurs Ch. V, S., I, 1404, 169)

[D'une collectivié] Fleurir de qqc. Être riche de qqc..

Toutefoys, en quelque liu ne de quelque mere Ascanius fust nez, c'est cartain car il fu filz de Enee et regna aprez lui, et la cité de Lavinie, habundant en richesces et florissant de multitude de gent, laissa a sa mere ou a sa marastre [Lavinne] dessus dite (Bers., I, 1, c.1354-1359, 3.3, 6)

[D'une lignée] Être dans un état de réussite, de prospérité.

Longues années avoit fleury ceste maison de Bourgongne, depuis cent ans ou environ que ont regné quatre de ladicte maison, autant estimée que nulle maison de la crestienté, car les autres plus grandes d'elle avoient eu des afflictions et adversitéz, et ceste-cy continuelle felicité et prosperité. (Comm., II, 1489-1491, 92)

b)[D'une chose abstr.]

Prendre vie, exister.

Mais l'escript tient fais passez en jonesse Et fait flourir par souvenance expresse (Robertet, Oeuvres Z., c.1450-1500, 126)

S'épanouir, se développer.

Amours et mercy sont en celle Ou douceur fait bonté fleurir. (Mir. parr., 1356, 63)

Crispe respond que ce furent les testes Et clers engins qui en ce lieu [Athènes] flourirent, Qui si treshault comme ilz sceurent les mirent. (Robertet, Oeuvres Z., c.1450-1500, 126)

En qui vertus florissent a foyson (Cene dieux, c.1492, 111)

Fleurir en qqc. Sépanouir en qqc..

Le bien de vous qui en bonté flourist, Dame, me fait amer de fine amour, Vostre biauté qui toudis embelist De dous espoir me donne la savour, Vostre douçour adoucist ma dolour, Vo maniere m'enseingne et me chastoie... (Mach., L. dames, 1377, 162)

En particulier.

[D'une science] Prospérer.

...car ce seroit très grievement et enormement desrogué à l'honneur et sublimité de la très noble, très haulte et très christianne maison de France, où astrologie a tousjours flory jusque à vostre temps, comme dit est et sera cy après. (Simon De Phares, Astrol., c.1494-1498, f° 6 r°)

[D'une renommée] Se répandre.

'Mon seul ami, la Dieu mercy, il n'est roy, royne, duc, seigneur, dame ne damoiselle, jusques aux plus petis, que chascun ne s'esforce a dire bien de vous, a cause que avez esté et que estes humbles et gracieux, et ores par vostre largesse vostre renommee florist, si vous prie et recorde que, sans nulle fole ne prodigue despense, qui redonde trop plus a honte que a honneur, a dommaige que a proffit, largesse bien employé vous soit recommandee...' (La Sale, J.S., 1456, 75)

...et tant que par tout le monde sa bonne renommee florissoit. (La Sale, Salade, c.1442-1444, 166)

...au temps que ceste sa renommée et destinée florissoit, et qu'il n'estoit bruyt que de luy... (C.n.n., c.1456-1467, 191)

...leur renommée s'espandoit et fleurissoit par tous règnes (Faits Lalaing K., c.1470, 2)

2.Participe.

a)Participe présent en emploi adjectival. Orné.

Pour tant j'ay mis la chose en rime Et en petiz vers fleurissans, à celle fin que les lisans Puissent avoir quelque plaisance En lisant, pour la consonance Et mesure du plaisant mètre (La Haye, P. peste, 1426, 163)

L'acteur imbecille (...), non pas voullant confuter lesdites raisons amenées par si hault engin, par si cler entendement, par si resonant tube d'eloquence, par si doulx et si florissant et joyeulx stille... (Robertet, Oeuvres Z., c.1450-1500, 154)

b)Participe passé en emploi adjectival.

[Avec une idée de qualité]

[D'une chose concrète] Pain fleuri. Pain de qualité supérieure, pain blanc.

PATHELIN. Messire Jean, qu'esse que [je] sens : Pain fleury ou tourte en pesle ['poêle'] ? (Test. Path. T., c.1470-1475, 186)

Participe passé en emploi substantival. Le fleuri de qqc. Ce qu'il y a de meilleure qualité (dans telle substance) (?).

...pour VIII livres de fleury de saye ('tissu fin'), pour faire les pates et cordes de la ditte chambre (Mand. Ch. V, D., 1364, 41)

[D'une chose abstr.] Digne d'éloge, beau, remarquable, excellent.

... [la vertu de Liberalité, de Largesse] laquelle est appellee de saint Bernart Benignité flourie. (La Sale, Sale D., 1451, 245)

...il n'est pas chose convenable (...) que la flourie vertu des Rommains fust en avarice convertie. (La Sale, Sale D., 1451, 254)

En contemplant la haulte seignorie D'ung puissant roy qui, par vertu florie, Se doibt monstrer en saincte magesté, Suis recordant de meinte prophecie Et mesmement de celle tres fulcie Que Baläan si nous a recité. (Myst. Pass. Troyes B., a.1482, 228)

Si tiens qu'en ceste euvre florie Toute la grant chevallerie De haulx cieulx sy s'y employera. (Myst. Pass. Troyes B., a.1482, 1013)

En particulier. Aumosne fleurie. Aumône donnée à qqn qui en a vraiment besoin ; oeuvre charitable, bienfait important.

...Mais se par vous m'estoit ceste foy enseignye, Voulentiers y aroye mise mon estudie, Car j'ay esté nourris come beste esbahye Par dedens ung grant bois ou ly herbe verdie, Sy feriés, par ma foy, grant aumosne florie, Se monstrer me voulliés la loy qui est saintie. (Tristan Nant. S., c.1350, 261)

PYLATE. (...) Il ne le convient mais larder [Jésus] . Menez le mourir, je vous prie, Si ferez aumosne fleurie. (Gréban, Pass. J., c.1450, 320)

ENVIE. Pensés que je ne fauldray pas A piller se je treuve quoy. FLATERIE. Par saint Jehan, ne feray je, moy ? Ce sera amonne fleurie. (Pouvre peuple H., c.1450-1492, 190)

LAZARE. Allés luy remonstrer la vie [à Madeleine] Ou elle s'est tant asservye, Pour essayer a la retraire. MARTHE. Je y voys donc. LAZARE. Allés, seur amye, Vous ferez aulmosne fleurie : Plus bel oeuvre ne povés faire. (Michel, Myst. Pass. J., 1486, 139)

BRIET. Au povre homme qui ne voit goute Donnés une aumosne fleurie Ou non de Dieu, le filz Marie, Hault empereur que l'en redoubte. RICHART. Et a cestuy, mengé de goute ; Par amour, ne l'oubliez mye. (Myst. st Laur. S.W., 1499, 177)