FINEMENT

substantif masculin

[T-L : finement ; GD : finement ; AND : finement1 ; FEW (III, 558a) : finire]

A. -Fin, achèvement.

Cy poeut on veoir et verra Que par son boin conmenchement, Son moien et son finement, La dame sy a point donna, A point retint et refusa Que en tous cas garda s'onneur Et loyalté a son seigneur. (Dit prunier B., c.1330-1350, 88)

J'ay bien de besoingnes escriptes Devers moy, de pluseurs manieres, De moult de diverses matieres, Dont l'une l'autre ne ressamble. Consideré toutes ensamble, Et chascune bien mise a point, D'ordre en ordre et de point en point, Dès le premier commencement Jusques au darrein finement, Se tout voloie regarder - Dont je me vorray bien garder - Trop longuement y metteroie... (Mach., J. R. Nav., 1349, 167)

Or commencerai ma matere En suppliant Dieu nostre pere Qu'il soit a mon commancement, Au moien et au finement. (Mach., C. ami, 1357, 3)

Or entreprendez hui I. hautain finement (Hugues Capet L., c.1358, 147)

...Si supplie à tous de cuer fin S'encor met ces vers en la fin De ce livre, que despriser Ne m'en vueillent, ne mains prisier, Car savoir ne puis nullement De ce livre le finement, Si vueil dire, eins qu'il soit parfais, Le signeur pour qui je le fais, Et moy nommer, qui nuit et jour Y vueil entendre sans sejour. (Mach., P. Alex., p.1369, 9)

Le temps passe comme le vent, Il n'est si beau jeu qui ne cesse, En tout fault avoir finement (CH. D'ORLÉANS, Ball. C., c.1415-1457, 174)

Dieu y mette bon finement. (Régn., F.A., 1432-c.1465, 5)

Le cueur me part quant de vous me souvient, Icy mon lay si fait son finement. (Régn., F.A., 1432-c.1465, 47)

...Et sy troeuve on rigueur estre abollie Souventeffois, et en ciel et en terre, A leur requeste, et finement de guerre. (Michault, Procès honn. F., p.1461, 59)

...et me soit ottroié pardon de mes fautes, qui fay consommation droit cy de la vye de ce roy Charles et finement de mon quattriemme volume que a Dieu je presente. (Chastell., Chron. IV, D., c.1461-1472, 323)

Sans finement

...Largement de son or donna A celui qui les ordonna, Par quoy la nacelle fust faite Si que jamais ne fust deffaite, Ne qu'elle ne peüst perir, N'empirer, ne l'iaue tarir, Mais toudis fust et large et roide, Bele et clere com glace froide, Sans amenuisier nullement, Et que la nef sans finement En sa premiere biauté fust, Si que jamais n'i fausist fust, Bende, ne clo, n'autre matiere, Mais toudis fust seinne et entiere. (Mach., D. Lyon, 1342, 191)

Et nonpourquant n'en face nulz doubtance, Je l'ameray de cuer sans finement ; Car fins amis, qui est de tel vaillance Qu'il ha son cuer assis si finement, Ne doit penser nulle riens, fors comment La grant doucour d'Amour soit desservie, Qu'en po de temps est Amours si changie Que son ami puet de joie enrichir Plus Vc fois qu'il n'en puet soustenir. (Mach., L. dames, 1377, 117)

Amour et biauté parfaite Doubter Celer Me font parfaitement Et vrais desirs, qui m'afaite De vous, Cuers dous, Amer sans finement. Et quant j'aim si finement, Merci Vous pri, Car elle me soit faite, Sans vostre honnour amenrir... (Mach., Motés, 1377, 484)

Dame, qui es lassus en joie Pardurable sanz finement... (Mir. march. juif, c.1377, 176)

...celui Jhesus Qui regne sanz conmencement, Com vous creez, et sanz finement Vous soit amis. (Mir. st Lor., 1380, 135)

...il t'appareille ton lit En enfer, ou aras tourment, Tirant cruel, sanz finement (Mir. st Lor., 1380, 190)

Lui [Luciabel] et se lingnie fis trebuschier asprement Ès abimmes d'infier, là sont sans finement (Geste ducs Bourg. K., c.1410-1419, 515)

Mettre qqc. à finement. Achever qqc..

RAPHAEL. Voire, mais mettre a finement Nous convenra nostre rondel. (Mir. parr., 1356, 39)

Détruire qqc..

Venu suis de l'oust des Anglois Qui vous sont rudes et rebelles. Que les nouvelles sont ytelles : Conclud si ont assemblement, Vostre ville, tours et Tourelles, Mectront du tout a finement. (Myst. siège Orléans H., c.1480-1500, 140)

Il avoyent en pensement De mectre tout a finement, Et en fusion de bataille ; Mais ont trouvé resistement Encontre leur faulz pensement Que y n'ont fait chose qui vaille. (Myst. siège Orléans H., c.1480-1500, 165)

[D'une chose]

Faire son finement. Se terminer.

Le cueur me part quant de vous me souvient, Icy mon lay si fait son finement. (Régn., F.A., 1432-c.1465, 47)

Prendre finement

Trestoutes les choses qui sont, Qui de matere ont esté faictes, Fineront et seront deffaictes, Et celles qui de noyent Faictes ne prendront finement. (Renart contref. R.L., t.1, 1328-1342, 67)

B. -Fin de la vie, mort.

Car pour merite desservir Doy vous et vostre filz servir (...) Touzjours, jusques au finement, Que je morray. (Mir. parr., 1356, 39)

Sy ay aviseit que luy donnons a table ung fort venin dont je suys bien garnis : la est son finement (JEAN D'OUTREM., Myr. histors G., a.1400, 177)

Ne voelliés consentir que celle folle gent Puissent de leur entente faire l'aquiévement, Qui (...) Veullent déshiereter vitupéreusement Mon chier segneur et père, (...) Et mon cors qui doit apriès lui entirement Soucesder ou roiaume apriès sen finement (Geste ducs Bourg. K., c.1410-1419, 532)

Je vous supplië humblement, Priez Dieu pour moy doulcement, A le prier soyez hardis, Qu'avoir puisse a mon finement La gloire qui dure tousdis. (Régn., F.A., 1432-c.1465, 26)

Mon bel prieur, je suis bien prest De mon trespas et finemant : Je vouloie mon testement Ordonner en vostre presence. (Myst. st Bern. Menth. L., c.1450, 170)

Or approche mon finement Par vielliesse et antiquitté, Car je me sens totallement Estre de corps debilité. (Myst. Pass. Troyes B., a.1482, 134)

LE PRINCIPAL. (...) Il sont mors ou au finement. Mes seigneurs, a Dieu je vous dis. L'ERMITE. De profundis, de profundis Ad te clamavi Domine. (Sots gard., a.1488, 100)

Doulx Jesus, tu me voys icy : En tes mains je rens mon esprit, Car le corps est au finement ; Plus ne feray noise ne cry. Doulx Jesus qui en croix pendit, Ayes de moy souvenement. (Myst. st Laur. S.W., 1499, 249)

Aller à finement. Mourir.

Or sont ly hoir dame Aye allés a finement (Tristan Nant. S., c.1350, 120)

Mener qq à finement. Faire mourir qqn.

Sanz espargnier peuple ou prince royal Maine la mort chascun a finement (Desch., Oeuvres Q., t.1, c.1370-1407, 257)

Mettre à finement

C'est droit, s'a dit Maquaires, qu'il ait son paiement, Car il occist mon pere et mist a finement. Quoy que Charles en ait fait cest accordement, Ne le devés amer de ceur parfaittement. (Tristan Nant. S., c.1350, 630)