FILS

substantif masculin

[T-L : fil2 ; GDC : fils ; AND : fiz1 ; DECT : fil2 ; FEW (III, 521a) : filius ; TLF (VIII, 895b) : fils]

A. -[Dans la filiation]

1.Au propre. Personne du sexe masculin, considérée par rapport à ses parents.

...Comment nuls ne fait son devoir, Comment chascuns quiert decevoir Son proisme ; car je ne voy pere, Fil, ne fille, ne suer, ne frere, Mere, marrastre, ne cousine, Tante, oncle, voisin, ne voisine, Mari, mouillier, amy, n'amie Que li uns l'autre ne cunchie... (Mach., J. R. Nav., 1349, 139)

... .II. esfans jumeaux (...) Filz d'un noble homme... (...) Eulz li ont conté l'avnture Des .II. esfans (...) Ne poet soufrir que a nul foer Soient lez fuiz perdus (Vie st Evroul S., c.1350, 57)

...il les fist geter Dedens le lac sans arrester, Et leurs femmes, leurs fils, leurs filles. (Mach., C. ami, 1357, 45)

Mais li dous dieus [Morphée] , Qui lez lui ot mil filles et mil fieus, Trop vanitez et songes tieus et quieus, De bien, de mal, de joies et de dieus, Si se retourne Dedens son lit... (Mach., F. am., c.1361, 165)

Jupiter la vit belle et gente, S'i mist si son cuer et s'entente Et tant la requist et pria Que s'amour pas ne li nia. Un fil en ot de grant renon Qui fu appellez Dardanon. (Mach., F. am., c.1361, 212)

Et en ceste maniere Homerus le poëte mettoit que Priamus disoit de son fil Hector que il estoit tresbon et ne sembloit pas enfant ou filz de homme mortel, mais de dieu. (Oresme, E.A., c.1370, 363)

...il qui parle est né du clos du Coutentin, assez prez de Valongnes, filz d'icellui Damiglet de bas et d'une femme née de Cotentin (Reg. crim. Chât., I, 1389-1392, 55)

... [il] congneut et par serement qu'il est nez de la ville de Clisson, en Bretaigne, fils d'un homme de labour (Reg. crim. Chât., II, 1389-1392, 31)

...Jehan, filz de roy de France, duc de Berry et d'Ouvergne, conte de Poictou et d'Ouvergne (Arras, c.1392-1393, 1)

Le roy Elinas n'estoit pas pour lors au lieu, mais son filz Mataquas y estoit (Arras, c.1392-1393, 9)

...pour l'amour de Bertrand, le filz au conte de Poittiers (Arras, c.1392-1393, 16)

Et fut la fait chevalier ly ainsnez filz au conte de Forez. (Arras, c.1392-1393, 16)

Mais assez brief le desconfirez, et seront le pere et le filz condempnez a estre penduz. (Arras, c.1392-1393, 51)

Et vueil que Thierry, nostre mainsné filz, soit sire de Partenay, de Wavent, de Meurvent et de toutes les appendences de la terre jusques au port de la Rochelle. (Arras, c.1392-1393, 258)

A Aristote le tramist A tout une epistre, ou il mist Que grant joie avoit que les dieux Lui avoient donné un fieux, Mais plus joie en avoit dix tans De ce que né ert en son temps. (Chr. Piz., Chem. estude P., 1402-1403, 248)

...Jehanin des Champs, filz de feu maistre Giles des Champs, nagaires bailli de Meaulx (Fauq., II, 1421-1430, 27)

Ou temps du roy Jehan de France, fils aisné du roy Phelippe de Valois (La Sale, J.S., 1456, 1)

...il y eut n'a gueres ou pays de Lannoys le filz d'un laboureur (C.n.n., c.1456-1467, 324)

Aucuns qui la estoient sceurent bien que c'estoit le pere et le filz. (C.n.n., c.1456-1467, 325)

...sa mere, non pensant que son fils deust dire ce qu'il dist, luy dit... (C.n.n., c.1456-1467, 413)

Je cognoiz qu'il n'est pas manteur ; Jehan baptiste a esté mon filz ! [Empl. insolite du passé composé : cette parole est attribuée à l'âme de Zacharie aux limbes, qui était, de son vivant, père de Jean-Baptiste] (Pass. Auv., 1477, 114)

Question se le filz d'un prestre qui a baptisié une fille puet avoir a mariage celle fille. (Sacr. mar., c.1477-1481, 58)

[En apostrophe]

Et quant ses peres l'entendoit Il dist : 'Fils, chaloir ne t'en doit ; Et certes il ne m'en chausist Se personne qui le vausist Enmenast tes chiens et le mien ; Mais gens sont qui ne valent rien, Gens de niant et garsonnaille...' (Mach., P. Alex., p.1369, 257)

Il [Mataquas] s'en vint devers le roy son pere, et lui dit : Ma dame la royne Presine, vostre femme, vous a apporté les trois plus belles filles qui oncques feussent veues. Sire, venez les veoir. Ly roys Elinas, a qui il ne souvenoit de la promesse qu'il avoit fait a Presine, sa femme, dist : Beau filz, si feray je. Et s'en vint despourveuement et entra en la chambre ou Presine baignoit ses trois filles. (Arras, c.1392-1393, 9)

[Avec l'adj. beau ou bon : terme d'affection]

LA DAME. (...) Ja n'avera nom que 'biau filz', Pour moy, tant que baptesme ara. (Mir. enf. diable, c.1339, 20)

...Si que, biaux filx Alexis, brief Ens avec moy vous en venrez (Mir. st Alexis, 1382, 301)

...dit le pere : va, va, tu es bon filz. (C.n.n., c.1456-1467, 413)

Le fils mon pere. Moi-même.

FOUCAULT. Par foy, tu dis voir, biau voisin ! TIEBAULT. Sy a Tiebault, le filz mon pere ! (Mir. ste Genev. S., c.1410-1420, 131)

Fils d'ange

Remarque : VILLON, Test. R.H., 1461-1462, 42 : Filzd'ange portant diadame (Gen. 6, 2 ; M. Roques, Études de littér. fr., 1949, 67-74).

[P. oppos. à adoptif ou à espirituel] Fils charnel / fils naturel. Fils par la chair.

Finablement il fault veoir de la fraternité espirituele qui est attendu entre cellui qui est receut et les filz et filles charnelz de son pere espirituel. (Sacr. mar., c.1477-1481, 58)

Cognation legale en la seconde espece empesche mariage, tant qu'ilz sont en la puissance du pere, mais par mort ou par emancipation du filz adoptif ou du filz naturel aprez n'empesche pas. (Sacr. mar., c.1477-1481, 60)

Fils adoptif

Cellui est filz adoptif qui est en la puissance de son pere, et il [...] passe en la puissance de l'adoptant. (Sacr. mar., c.1477-1481, 60)

...mais le pere adopteur n'est tenu de riens laissier au filz adoptif se il ne lui plaist. (Sacr. mar., c.1477-1481, 60)

Remarque : V. aussi adoptif

Fils adoptif.

O femme [Marie] , de Jehan seras mere ! (...) Or doncques pour ton filz le prent ! (Pass. Auv., 1477, 220)

Fils arroginé

Il y a difference entre cellui qui est arroginé et cellui qui est adopté, car le pere arrogateur est tenu de laisser au filz arroginé [l. arroguué (?)] la quarte partie de tous ses biens par testament (Sacr. mar., c.1477-1481, 60)

Remarque : V. aussi arroger

Fils d'emprunt. Fils d'un autre lit.

...comme feroit marastre son fils d'emprunt (Chastell., Chron. K., t.5, c.1456-1471, 203)

Beau fils. Voir beau-fils.Gendre.

Et li dus de Bourgongne estoit droit là asis Lés le duc de Giane qui estoit ses biaus fis. (Geste ducs Bourg. K., c.1410-1419, 318)

...son beau filz le criminel duc d'Orléans [il s'agit du duc de Milan] (Doc. 1408. In : MONSTRELET, Chron. D.-A., t.1, c.1425-1440, 228)

...XL archiers, qui estoient au comte de Clermont, beau filz du Roy (Escouchy, Chron. B., t.1, a.1465, 234)

...[elle] luy taste son poux, et son corps, et son chef, et puis dit a son beau filz... [Une mère au chevet de sa fille malade] (C.n.n., c.1456-1467, 135)

En appellatif.

[Anne, grand prêtre des Juifs, adressant la parole à Caïphe :] Mon filz, bon seroit, si me semble, Qu'on fist ouster les corps de la (Pass. Auv., 1477, 227)

Petit fils. Petit-fils.

Laquelle pierre je vous prye que portez de par moy à mon petit filz, auquel dictes que je lui prye qu'il la garde bien pour l'amour de moy (Roye, Chron. scand., I, 1460-1483, 365)

[Injures]

Fils à / de putain. Voir putain

Avant, de par le dyable, avant ! Vous festes bien le pareceulx. A vous conbatre je me veulx. Tyre cella, fis de putaim. (Myst. st Sébast. M., c.1450-1500, 228)

Ne parleras tu point aux gens, Filz de putain, j'enraigeray. (Sots mal., c.1480, 78)

Tens le col, filz de putain folle, Affin que je ne faille mye. (Il frappe.) Vela bien joué d'escharmye ! (Myst. st Laur. S.W., 1499, 283)

Fils de chien

A ! tr[ic]tre larom, filz de chient Que je suis, je meur de douleur (Myst. st Sébast. M., c.1450-1500, 299)

Larron ! Paillart ! Filz de putain ! Va hors, va ! (Roye, Chron. scand., I, 1460-1483, 220)

Fils de prestre

Te tairas-tu, filz de prebstre ? (Bad. loue T., c.1500, 53)

[À propos d'un sanglier] Fils de truie

...ly porcs ne doubtoit riens, mais rendoit estal tel qu'il n'y ot si hardy chien qui l'osast actendre, ne sy hardy veneur qui l'osast enferrer. Lors vindrent chevaliers et escuiers, mais il n'y ot si hardy qui osast mettre pié a terre pour l'enferrer. Lors vint le conte, qui s'escrie a haulte voix : Comment ! Cilz filz de truye nous esbahira il tous ? Quant Remondin ouy son oncle, si ot grant vergoingne, et sault du courcier a terre, l'espie ou poing, et s'en vint vistement devers le porc, et le fiert en l'escu, de grant ayr. (Arras, c.1392-1393, 18)

2.RELIGION Deuxième personne de la Trinité dans la religion chrétienne.

...la benoite deité Qui contient a la verité Trois personnes, (...) Pére, sains esperiz et fils (Mir. st Sev., 1362, 211)

...Qui par douce pité, Par vraie humilité Nous ha tous respité, Quant en toy, douce rose, Prist nostre humanité Li Fils par amité. (Mach., Les lays, 1377, 409)

Et pour ce di que cil troy De no foy Te firent droit fondement, Quant li Filz se mist en toy. Car j'en voy Parfait le Vieil Testament Et fait le Saint Sacrement. (Mach., Les lays, 1377, 410)

Pere je suis et Filz sempiternel, Sainct Esperit, Createur eternel (La Vigne, S.M., 1496, 208)

[Dans la formule du signe de croix]

Ou nom du Pere, du Fil et du Saint-Esperit. (Reg. crim. Chât., I, 1389-1392, 329)

...laquele [Marion] lui aprint à dire : Ou nom du Pere, du Filz et du Saint-Esperit (Reg. crim. Chât., II, 1389-1392, 281)

...ou nom du Pere, Du Filz et du Saint Esperit, Et de sa glorïeuse Mere Par qui grace riens ne perit (Villon, Lais R.H., c.1456-1457, 15)

En la forme de saint[e] Eglise, Mes chers amis, je vous baptise Ou nom du pere et du filx Et aussy du saint Esperit. (Mart. st Pierre st Paul, fragm. Anholt R., c.1480-1500, 186)

Le Fils de Marie, Jésus-Christ.

Bon fait servir et loer La mére au vray roy des roys (...). Fils et mére sanz douter Bon fait servir et loer. (Mir. enf. diable, c.1339, 52)

Nous avons bon chemin aler ; Querir alons le filz Marie, Luy et toute ssa compaignie (Pass. Autun Biard F., 1470-1471, 70)

N'est ce pas le filz de Josep Et de Marie sa femme ? (Pass. Auv., 1477, 120)

En appellatif. Mon fils

Dictes moy, mon filz [l. Dictes, mon filz,] , Dieu glorieux ! Mon filz, consoulés vostre mere ! (Pass. Auv., 1477, 221)

(Le) fils (de) Dieu. Jésus-Christ.

Pour ce [le péché originel] fut Dieu feruz de lance. Pour acquiter nostre servaige Et pour rainbre nostre heritaige Prinst le filz Dieu obeïssance. (Dupin, Mélanc. L., c.1324-1340, 230)

...Conçut vierge, sans violence, Porta vierge, sans desplaisence, Enfanta vierge, sans grevence, Le Fil Dieu qui prist no samblance Pour nous tous geter de misere. (Mach., Les lays, 1377, 407)

...Le bel, le bon, le sage, Qui Fils de Dieu le Pere estoit, Qui consentoit Et qui voloit Que fourme et char humeinne aroit Et qu'il morroit... (Mach., Les lays, 1377, 409)

Et presque semblablement dient les docteurs que l'en peust bien dire que le Filz de Dieu est creature, ne fust que par ce l'en pourroit entendre que Il fust pure creature, si comme disoient aucuns heretiques. (Oresme, C.M., c.1377, 270)

...je vous supply, en l'onneur de la glorieuse souffrance Jhesucrist et en l'onneur du saint glorieux pardon que le vray Filz de Dieu fist a Marie Magdalaine, que vous me veulliez pardonner ce meffait (Arras, c.1392-1393, 257)

Suivés Jhesus, car il est filz De Dieu le Pere vrayement, Né de vierge sa bas vivant Pour mourir a nous donner vie. (Pass. Auv., 1477, 87)

...veés yci Celly qui se fait fil de dieu (Oudin, St Genis M.S., c.1490, 65)

Dieu le fils. Jésus-Christ.

...Que Dieu le pere vous manda, Que Dieu le filz vous commanda (Cycle myst. prem. mart. R., c.1430-1440, 101)

Car la Trinité proprement (...) Pour humaine redemption (...) Envoya Dieu le filz en terre (Marcadé, Myst. Pass. Arras R., a.1440, 1)

Fils naturel de Dieu

Si tu es filz de Dieu, par grace, Ou naturel - ne chault coment -, A ton pere lieve ta face ! (Pass. Auv., 1477, 218)

Fils de femme. Être humain (en parlant de Jésus, p. oppos. à fils de Dieu 'être divin').

Filz se dist de Dieu de lassus Qu'a Moyse bailla ça jus La loy que tenons a present. De ce voit on tres bien qu'il ment, Car comme nous est filz de femme. (Marcadé, Myst. Pass. Arras R., a.1440, 160)

Fils de l'homme. Jésus-Christ.

...jusques a tant que le filz de l'homme resusciterat. (JEAN D'OUTREM., Myr. histors G., a.1400, 77)

O Judas, vecy dure somme : Soubz umbre d'un baiser polu, Tu viens trahir le Filz de l'homme. (Myst. Pass. Troyes B., a.1482, 699)

[En raison de la nature trinitaire de Dieu, Jésus est considéré à la fois comme père (créateur) et comme fils de la Vierge Marie]

MERE DIEU. (...) Quant mon filz et mon pere esgarde... (Myst. Pass. N.S. R., c.1350-1370, 205)

Il est ton filz et c'est ton pere ; Ton pere est il, il te crea (...) Il est ton filz, tu le portas En tes doulz flans (Arnaud, Prière Vierge O., I, c.1350-1400, 145)

Or alons prier a la dame, Qui est de li et fille et mére Qu'elle et son fil et son pére Pour son peuple vueille prier (Jour Jug. R., c.1380-1400, 244)

A quil me reconforteray ? Car je pers mon filz et mon pere ; J'estoie sa fille et sa mere. (Pass. Semur D.M., c.1420 [1488], 216)

Mon pere, mon fils et mon maistre, Ou est la place imperiale, Ou est la chambre regiale Qui appartient a fil de roy ? (Marcadé, Myst. Pass. Arras R., a.1440, 27)

NOTRE DAME. Conter te vieus la miserere, Filz et pere, Des crestïens et la grant durté (Myst. st Sébast. M., c.1450-1500, 91)

3.[Filiation spirituelle]

[Relation de parenté créée par le sacrement du baptême] Fils espirituel

Reste a parler de la compaternité qui est attendue entre le suscipient et recepvant et le receut, id est entre le pere espirituel ou entre la mere espirituele et le filz espirituel. Il fault dire que mariage ne puet estre contrait entre teles personnes, et se ilz se marient, ilz sont a separer. (Sacr. mar., c.1477-1481, 58)

Fils en Dieu. Fils spirituel, partageant la même foi en Dieu.

Clement, nostre chier filz en Dieu, Vous tendrez aprés moy mon lieu. Des maintenant vous y ordene, Et pour Dieu, chier filz, metez paine De faire a Dieu plaisant servise. (Mart. st Pierre st Paul R., c.1430-1440, 134)

[Dans la bouche du pape]

...Et je croy bien que Dieux vous aimme, Car il le vous a bien moustré En lieus où vous avez esté, Si que, fieux, je vous vueil reprendre Et, en vous reprenant, aprendre Que c'est si mauvaise racine De vivre en pechie de hayne, Que bien jamais ne fructifie... (Mach., P. Alex., p.1369, 237)

Li sires de Lesparre est cy Qui a le cuer teint et nercy Pour ce que trop vous a meffait. Si amendera son meffait A vostre gré et à mon dit ; Et, biaus fils, vous savez qu'on dit, Et toute raison s'i acorde, De pecheur misericorde. (Mach., P. Alex., p.1369, 238)

Innocent, pape, VIIIe (...) Oye la detention de nostre chier filz en Jhesucrist, Maximilian, illustre roy des Romains... (Molinet, Chron. D.J., t.1, 1474-1506, 642)

4.Au figuré.

a)Fils de l'Eglise. Fidèle, membre de l'Église, qui regarde celle-ci comme sa mère spirituelle (qualification quelquefois donnée au roi de France).

...ses prédécesseurs roys de France ont esté espéciauls et dévost fils de l'Esglise (Ch. VI, D., t.1, 1380, 4)

b)Élève, disciple.

Fils d'escole

...ces très glorieuses paroles que Aristote, le grant philosophe, escript au grant Alixandre, son filz d'escole (La Sale, Sale D., 1451, 41)

[En apostrophe, terme d'affection]

Ne plorez plus, mon filz, respond le maistre, et si me dictes qu'il vous fault (C.n.n., c.1456-1467, 93)

Le dit du Saige trop lui feiz [au mauvais enfant que j'étais, ou à ma jeunesse folle] Favourable, bien en puis mais ! Qui dist : «Esjoïs toy, mon filz, En ton adolessence» (Villon, Test. R.H., 1461-1462, 36)

c)Membre d'une communauté ethnique.

Les filz de vostre nacïon, En quel virtu font ilz miracle ! Ilz ont guarit maint demoniacles Par l'invocation de mon nom. (Pass. Auv., 1477, 165)

d)Fils de qqc. Celui qui a des liens pivilégiés avec qqc..

Tel frape les escus en coing Qui n'est pas filz de la monnoye [Éd. : 'C'est-à-dire sans doute : qui n'a pas reçu d'écus en héritage'] (Alecis, Faintes monde P.P., c.1460, 82)

Remarque : Cf. aussi, pour désigner l'Antéchrist, lefilde perdicion, DESCH., Oeuvres R., t.8, c.1370-1407, 130.

B. -Par extension. [P. oppos. à la jeune fille, à la femme] Enfant ou personne jeune du sexe masculin.

1.Enfant du sexe masculin.

...j'ay si ma chasté enfrainte, Que d'un fil ay esté ensainte. (Mir. abbeesse, 1340, 96)

Et trois jours devant la feste, par la grace du Saint Esperit, la royne accoucha d'un moult beau filz. (Arras, c.1392-1393, 140)

Duchesse, pensez de vous et de vostre fruit ; et, se Dieux donne par sa grace que ce soit un filz, si le faictes baptisier, et vueil qu'il soit nommez Bertran. (Arras, c.1392-1393, 174)

Il cognoistra ta fille, et d'eulx viendra ung filz (C.n.n., c.1456-1467, 98)

Oudit temps, et le samedi derrenier jour de juing mil IIIIcLXX, environ entre deux et trois heures de matin, la royne acoucha ou chasteau d'Amboise d'un beau filz, qui ilec fut baptisé et nommé Charles par monseigneur l'arcevesque de Lyon (Roye, Chron. scand., I, 1460-1483, 241)

Petit fils. Jeune enfant du sexe masculin.

...un petit filz appellé Jehannin, paige et varlet d'icelle geole, vint parler à elle en la prison où elle estoit oudit Chastellet (Reg. crim. Chât., II, 1389-1392, 342)

...il qui parle, ensamble un petit filz de l'aage de VIIJ ou IX ans, nommé Jehannin, demourant oudit hostel, estoient alez en l'estable aus chevaulx dudit hostel pour les appareillier (Reg. crim. Chât., II, 1389-1392, 378)

Au pluriel. Enfant.

Et toutesfoiz je vueil bien que vous sachiez qui je sui ne qui fu mon pere, afin que vous ne reprouvez pas a mes enfans qu'ilz soient filz de mauvaise mere, ne de serpente, ne de faee, car je suiz fille au roy Elinas d'Albanie et a la royne Presine, sa femme, et sommes IIJ. seurs qui avons esté durement predestinees et en griefz penitances. (Arras, c.1392-1393, 259)

Fils masle. Enfant du sexe masculin.

Après ce que la feste fu departie, Melusigne, qui estoit moult enceinte, porta son terme, et, au plaisir de Dieu, elle enfanta un filz masle (Arras, c.1392-1393, 47)

Et en Brabant semblablement une femme qui eut IIII filz masles en une ventrée. (Simon De Phares, Astrol., c.1494-1498, f° 116 r°)

Fils servant. Enfant de choeur.

Remarque : VILLON, Test. T., 1461-1462, 121.

2.Jeune homme.

Beau fils. Jeune homme (élégant).

...entre aultres ses serviteurs avoit ung clerc habile et diligent et bien escripvant, qui tresbeau filz estoit (C.n.n., c.1456-1467, 91)

...entre aultres ses clercs [le procureur] avoit ung tresbeau filz et gentil compaignon (C.n.n., c.1456-1467, 150)

Avoit aussi un nommé le seigneur de Cressol, dauphinois, qui avoit esté son mignon de par delà, un autre nommé le seigneur de Villers, breton, beau filz et net. (Chastell., Chron. K., t.3, c.1456-1471, 214)

De rechief donne a Perrenet, J'entens le bastart de la Barre, Pource qu'il est beau filz et net, En son escu, en lieu de barre, Trois dez plombez de bonne quarre Et ung beau joly jeu de cartes. (Villon, Test. R.H., 1461-1462, 93)

...et y avoit dans lesdictes fleurs en une chacune un beau filz habillé en habit royal (Entrées roy. G.L., p.1490, 303)

[Terme d'interpellation]

Ogier, beau filz, il convient que je toy pende, car Gaufroit ton peire l'at deservit a moy (JEAN D'OUTREM., Myr. histors G., a.1400, 25)

...la mere Jhesu Crist vint en sa chambre, sy blanche reluisante que cent ciergez fuissent alumeiz ; et dist : 'Ogier, beau filz, je t'ay attendu, deispuis que...' (JEAN D'OUTREM., Myr. histors G., a.1400, 66)

L'ABBE. De tous pechez Jhesus pardon vous face, Beau filz Martin ! (La Vigne, S.M., 1496, 359)

Bon fils

JEUNE AFFRICQUEE. Jouhan, comme un bon filz et sage, Regardez qu'il n'y ait deffault Dessus mon corps, ne bas ne hault... (P. Jouh. D.R., a.1488, 18)

Jeune fils

...sa requeste est raisonnable et honneste, si le ferons tres voluntiers, car je sçay que Monseigneur l'ayme bien, et si est tres gracieux josne filz. (La Sale, J.S., 1456, 66)

En la dicte conté nagueres avoit ung jeune filz orphenin (C.n.n., c.1456-1467, 131)

Et, ce mesmes jour, furent prinses pour le roy, et par vertu de sa commission adreçant à ung jeune filz de Paris nommé Henry Perdriel, en ladicte ville de Paris, toutes les pyes, jays, chouetes estans en cage (Roye, Chron. scand., I, 1460-1483, 220)

Et, quant le riche homme apperceut que le jeune filz le fuioit, il ymagina... (Macho, Esope R., c.1480, 231)

Jadis ung petit jeune filz interrogua ung ancien homme, disant : ... (Colart Mans., Dial. créat. R., 1482, 243)

Beau jeune fils

Ganimedes, ung beau jeune filz, aprés qu'il eut chassé et qu'il fut eschauffé... (Rob. Herl., Déb. fauc. lévr. H., c.1470-1500, 32)

Ma mere, j'ay trouvé ung beau jeune filz lequel m'a mys le sens dedans mon corps (Macho, Esope R., c.1480, 73)

3.Homme.

Sans espargner fieux ne femelles, Boutons, montons sus les cresteaux (Molinet, Myst. st Quentin C., c.1482, 25)